Lajmet

Kirurgët pediatrik nga Italia trajnojnë matelbardhët

Ky projekt është realizuar në kuadër të projektit të Klinikës së Kardiokirurgjisë Pediatrike “Italian Medical Group”.

Published

4 years ago

February 2, 2022

Betim Gashi

Kardiokirurgë të njohur pediatrik nga Italia sot kanë mbajtur një trajnim për mantelbardhët e Spitalit të Përgjithshëm të Pejës. Qëllimi i kësaj punëtorie ishte trajnimi i profesionistëve shëndetësor në identifikimin e hershëm të sëmundjeve të zemrës tek fëmijët.

Ky projekt është realizuar në kuadër të projektit të Klinikës së Kardiokirurgjisë Pediatrike “Italian Medical Group”, klinikë kjo e cila është në pritje të licencimit nga Ministria e Shëndetësisë.

Drejtori i Spitalit të Përgjithshëm të Pejës, Skender Dreshaj e ka mirëpritur këtë trajnim i cili tha se do ndihmonte në avancimin e mjekëve që veprojnë në këtë spital. Dreshaj tha se diagnostikimi hershëm i sëmundjeve të zemrës sidomos tek fëmijët është një përgjegjësi, prandaj edhe përmes këtij trajnimi profesionistët shëndetësor do kenë mundësi në edukimin për diagnostikim të hershëm të këtyre lloj sëmundjeve.

“Është e domosdoshme që faza e diagnostikimit të hershëm është esenciale për të pasur një sukses dhe pjesa jonë e përgjegjësisë dhe institucioneve të tjera sidomos të pediatreve dhe neonatologëve në këtë projekt është edukimi dhe trajnimi për diagnostikimin e hershëm të këtyre sëmundjeve nëpërmjet ultrazërit. Ju e dini qe ne me vite e kemi përsëritur nevojën për trajnimin e stafit në ketë aspekt përfshirë edhe stafin e gjinekologëve për ultrazërin e javës 18-22 dhe po ashtu edhe neonatologëve, por megjithatë për shkaqe të ndryshme dhe për shkak të vizave të pamundësisë për të marr viza për të shkuar jashtë dhe kjo është arsyeja kryesore në këtë drejtim ia vlen për të dëshiruar dhe e shohim si interes për të shfrytëzuar prezencën e këtyre kolegëve profesionistë për tu kyçur në një projekt që ka të bëjë me trajnimin”, tha ai.

Investitori i Spitalit Të Kardiokirurgjisë Pediatrike “Italian Medical Group”, Besnik Abazi i cili tha se po tentojnë që përmes këtij spitali tu ofrojnë shërbime mjekësore për trajtim të fëmijëve më anomali të lindura në zemër që të trajtohen në Kosovë.

Abazi theksoi se ky trajnim i sotëm synon edukimin e mjekëve nga Kosova në fushën e identifikimit të hershëm të këtyre lloj sëmundjeve.

“Kemi investuar në spitalin e Kardiokirurgjisë Pediatrike në Prishtinë kemi bërë renovim total dhe kushtet nanë ISO 5 standardet që të operojmë kemi pak ngecje administrative qe janë ende në procedurë derisa të fillojmë më punu por në listë janë 170 fëmijë që presin për operacion[…]ky ëorkshop i sotëm është që ju të trajnoheni sa më shumë që të diagnostikohen sa me herët dhe sa me shpejt defektet e lindura në zemër dhe pastaj të dërgohen në konsultime më tej dhe nëse është nevoja të operohen”, u shpreh ai.

Nadia Assanta kardiokirurge pediatrike sot u ka shpalosur disa nga përvojat e saj kirurgjike dhe mënyrën e identifikimit të hershëm të sëmundjeve të zemrës tek fëmijët.

“Kjo sëmundje prek më shumë se 8 nga 1000 foshnja të lindura. Disa prej tyre janë defekte të vogla që lejojnë̈ një jetë normale deri në moshë të re, por 25% të rasteve pak a shumë janë kritike. Çfarë do të thotë sëmundje kongjenitale kritike? Do të thotë se ky defekt nuk lejon një jetë normale dhe fëmija nuk mund të mbijetojë nëse nuk bëjmë diagnostifikimin e hershëm dhe trajtimin e hershëm në ditët e para të jetës. 50% e të gjitha sëmundjeve kongjenitale kanë nevojë për më shumë se një operacion, dhe të gjitha këto kanë nevojë për një diagnozë dhe të gjitha këto kanë nevojë për përcjellje të gjendjes. Pra, e rëndësishme është diagnoza, për të vlerësuar se cila sëmundje e lindur e zemrës është tek fëmija dhe cila është përgatitja, çfarë i duhet fëmijës, nëse ka nevojë për një operacion, trajtim mjekësor apo vetëm përcjellje të gjendjes”, tha ajo.

Gjatë këtij trajnimi janë bërë edhe disa ekzaminime të fëmijëve përmes aparaturës së ultrazërit.

Keahas kardiokiruges, Nadia Assanta përvojat e tyre me mjekët nga Spitali i Përgjithshëm i Pejës i ndan edhe profesori i kardiokirurgisë pediatrike, Giovanni Stellin dhe Bruno Murzi.

Related Topics:Italia Pediatria mantelbardhet

Up Next

Nesër Misioni i BE-së prezanton Raportin Final për zgjedhjet e 17 tetorit

Don't Miss

Kurti: Jemi të përkushtuar për avancimin e sistemit për menaxhimin e trafikut ajror

Lajmet

Lista Serbe i drejtohet sërish Gjykatës Kushtetuese

Published

12 minutes ago

October 16, 2025

UBTnews

Më 16 tetor, Lista Serbe sërish ka dorëzuar një ankesë në Gjykatën Kushtetuese të Kosovës lidhur me zgjedhjen e nënkryetarit të Kuvendit nga radhët e komunitetit serb, duke pretenduar se janë shkelur Kushtetuta, Rregullorja e punës së Kuvendit, si dhe një aktgjykimi i mëparshëm i Gjykatës Kushtetuese.

“Po ashtu, kemi kërkuar vendosjen e një mase të përkohshme për të ndaluar veprimet antikushtetuese që mund të shkaktojnë dëme të pakthyeshme”, thuhet në njoftimin e Listës Serbe, partisë kryesore të serbëve të Kosovës që gëzon mbështetjen e Beogradit.

Kuvendi i ri i Kosovës u konstituua më 10 tetor, me zgjedhjen e Nenad Rashiqit si nënkryetar nga radhët e komunitetit serb.

Zgjedhja e tij u bë pasi të nëntë deputetët e Listës Serbe, ndonëse u hodhën nga tri herë në votim, nuk morën votat e nevojshme.

Kushtetuesja kishte trajtuar ankesën e dorëzuar më herët nga Lista Serbe lidhur me çështjen e nënkryetarëve, pasi kreu i Kuvendit, Dimal Basha, e kishte shpallur të konstituuar Kuvendin pa zgjedhjen e nënkryetarit të pestë nga radhët e komunitetit serb.

Më pas, Gjykata konstatoi se Kuvendi nuk ishte i konstituuar, duke kërkuar që deputetët të zgjidhnin nënkryetarin nga radhët e komunitetit serb, me qëllim që të hapej rruga për formimin e Qeverisë.

Në vendimin e Kushtetueses u tha se propozimi për nënkryetarin nga radhët e komuniteteve joshumicë, në këtë rast të pakicës serbe, duhet të bëhet nga shumica apo numri më i madh i deputetëve nga radhët e deputetëve të komunitetit serb.

Pasi deputetët e Listës Serbe nuk morën numrin e mjaftueshëm të votave, kryetari i Kuvendit, Dimal Basha, kërkoi që zgjedhja e nënkryetarit serb të vazhdojë përmes shortit, duke i mundësuar deputetit tjetër serb, Nenad Rashiq nga partia Për Liri, Drejtësi dhe Mbijetesë të zgjidhet nënkryetar.

Rashiq ka qenë ministër në Qeverinë e Albin Kurtit, duke udhëhequr dikasterin për Komunitete dhe Kthim.

Lista Serbe thotë se zgjedhja e Rashiqit është “jolegjitime” dhe paralajmëron se zgjedhjet do të humbasin kuptimin, nëse shumica e deputetëve shqiptarë u imponon serbëve përfaqësues, duke legalizuar ashtu “dhunën e shumicës ndaj pakicës”.

Një ditë pas zgjedhjes së Rashiqit, presidentja e Kosovës, Vjosa Osmani, ka mandatuar udhëheqësin e Lëvizjes Vetëvendosje, Albin Kurti, për formimin e Qeverisë së re. Sipas Kushtetutës, Kurti ka 15 ditë afat për t’i prezantuar Kuvendit përbërjen dhe programin e qeverisë së re.

Për zgjedhjen e Qeverisë duhen 61 vota të deputetëve dhe Kurti ka thënë se në ditët në vijim do të zhvillojë diskutime me partitë për një koalicion qeverisës. LVV në zgjedhjet e 9 shkurtit ka fituar 48 ulëse në Parlamentin me 120 deputetë.

Nëse Kurti nuk arrin të sigurojë 61 votat e nevojshme deri më 26 tetor, atëherë Osmani, sipas ligjeve, është e obliguar që brenda 10 ditëve t’i ftojë në konsultim edhe një herë partitë politike, edhe të vendosë, sipas diskrecionit të saj, për mandataren e re, nëse ajo ia dëshmon se i ka numrat për të formuar Qeverinë.

Edhe mandatarja e ardhshme duhet t’i ketë 15 ditë kohë që t’ia paraqesë Kuvendit përbërjen e kabinetit qeveritar.

Nëse Qeveria nuk formohet as pas 40 ditësh, presidentja Osmani duhet të shpallë zgjedhjet e reja./EO

Lajmet

Vazhdon sot seanca gjyqësore ndaj ish-kryeshefit të KEK-ut, Nagip Krasniqi

Published

1 hour ago

October 16, 2025

UBTnews

Këtë të enjte, nga ora 9:30, pritet të mbahet seanca e radhës gjyqësore ndaj ish-kryeshefit të Korporatës Energjetike të Kosovës (KEK), Nagip Krasniqi, i akuzuar për keqpërdorim të detyrës zyrtare.

Krasniqi shkoi në Gjykatën e Prishtinës për t’u përballur me akuzat e Prokurorisë Speciale të Kosovës (PSRK), që sipas saj, ai i ka shkaktuar KEK-ut dëm prej 3 milionë eurosh për shkak të tregtimit të energjisë elektrike me kompaninë sllovene “Holding Slovenske Elektrane”, e cila nuk ka qenë e licensuar në Kosovë.

Dëshmitari i paraparë nga PSRK, Skender Muqolli, i cili duhej të dëshmonte më 14 tetor, nuk u paraqit fare në gjykatë për arsye shëndetësore.

Gjyqtari Arben Hoti njoftoi se nuk ishte paraqitur asnjë provë që të mbështeste këtë pretendim, por sipas tij, zyra e tij e kishte kontaktuar Muqollin, i cili kishte pohuar pretendimin përmes telefonit.

Për shkak të mungesës së dëshmitarit, seanca u shty dhe pritet të vazhdojë sot, më 16 tetor.

Në seancën e shqyrtimit fillestar të mbajtur më 8 tetor 2025, Krasniqi nuk e kishte pranuar fajësinë për akuzën e keqpërdorimit të detyrës zyrtare./EO

Lajmet

Bastiset një shtëpi në Leposaviq, gjenden emblema dhe jelek i ushtrisë serbe

Published

1 hour ago

October 16, 2025

UBTnews

Një person është arrestuar pasi në shtëpinë e tij janë gjetur dhe konfiskuar armë, predha, këmisha me emblema të policisë serbe dhe një jelek i ushtrisë serbe.

Sipas raportit të Policisë së Kosovës në shtëpinë e të dyshuarit janë gjetur: një AK47,55 fishekë, një bajonetë, një predhë e fishekut, dy këmisha me emblema te policisë serbe, një jelek i ushtrisë serbe.

Pas intervistimit, me vendim të prokurorit i dyshuari është liruar në procedurë të rregullt.

“Fsh.Mikinic, Leposaviq 15.10.2025-14:30. Raportohet se gjatë bastisjes në shtëpinë e të dyshuarit mashkull kosovar, janë gjet dhe konfiskuar: një AK47,55 fishekë, një bajonetë, një predhë e fishekut, dy këmisha me emblema te policisë serbe, një jelek i ushtrisë serbe. I dyshuari është arrestuar dhe pas intervistimit me vendim të prokurorit lirohet në procedurë të rregullt”, thuhet në raportin e Policisë së Kosovës./KP

Lajmet

Dogana sekuestron telefona të rinj të padeklaruar në Prishtinë

Published

1 hour ago

October 16, 2025

UBTnews

Dogana e Kosovës ka njoftuar se gjatë kontrollit në një subjekt ekonomik në Prishtinë, në një nga bodrumet e objektit është gjetur një kasafortë e mbuluar me pako, e cila pas hapjes ka rezultuar të përmbajë një sasi të konsiderueshme telefonash të rinj të padeklaruar.

Pala nuk ka ofruar asnjë dokumentacion për origjinën e mallit, transmeton KosovaPress.

Sasia e gjetur dhe sekuestruar është si vijon:

19 copë telefona mobil të mençur SAMSUNG GALAXY A26 5G
21 copë telefona mobil të mençur SAMSUNG GALAXY A16
1 copë tablet SAMSUNG GALAXY TAB A9+ 5G

Në total janë sekuestruar 41 pajisje të reja elektronike. Sekuestrimi është kryer në përputhje me procedurat ligjore, duke u plotësuar dokumentacioni përkatës.

Dogana e Kosovës thotë se do të vazhdojë me procedurat administrative dhe hetimore lidhur me këtë rast. Kontrolli i tregtisë ilegale dhe mbrojtja e tregut të brendshëm nga mallrat e padeklaruara mbeten ndër prioritetet kryesore të institucionit./D.B/KP