Kronikë e zezë

Kërkohet paraburgim ndaj pesë kamarierëve që shpërndanin para të falsifikuara

Published

4 years ago

November 4, 2021

Betim Gashi

Prokuroria Themelore në Prizren ka kërkuar nga Gjykata Themelore në Prizren, caktimin e masës së paraburgimit ndaj të pandehurve B.B., T.P., V.Z., L.E., dhe A.P., për shkak të dyshimit të bazuar mirë se kanë kryer veprën penale “Falsifikimi i parasë”.

Sipas kërkesës, i pandehuri B.B., gjatë muajit tetor deri në fillim të muajit nëntor të vitit 2021, në kohë të pavërtetuar në Prizren është vërtetuar se i njëjti me dashje posedon para të falsifikuara me qëllim të vënies në qarkullim të tyre si të vërteta, në atë mënyrë që përgjatë periudhës së lartpërmendur i shet të pandehurit T.P., 1,250 euro të gjitha në monedha metalike nga 2 euro, me qëllim që ky i fundit t’i vë të njëjtat në qarkullim si të vërteta, me ç’rast i pandehuri T.P., pajtohet që t’i blejë të njëjtat për shumën e parave prej 900.00 euro duke i paguar në mënyra periodike.

“Herën e parë për 300 euro falso paguan 200 euro origjinale, ndërsa herën e dytë për 400 euro) falso paguan 300 origjinale, derisa në herën e tretë për 550 euro falso paguan 400 euro origjinal, ashtu që në total i pandehuri B.B., arrin t’i shes 1,250 euro falso. Në këtë mënyrë B.B., ka kryer veprën penale “Falsifikimi i parasë”. Ndërsa, të pandehurit: T.P., V.Z., L.E., dhe A.P., gjatë periudhës së muajit tetor deri në fillim të muajit nëntor të vitit 2021, në intervale të ndryshme kohore, me dashje dhe në bashkëkryerje është vërtetuar se kanë vënë në qarkullim paratë e falsifikuara si të vërteta, në atë mënyrë që në cilësinë e punëtorëve si kamarierë në njërin prej lokaleve të gastronomisë në Prizren, paratë e falsifikuara të cilat i pandehuri T.P., i kishte siguruar nga i pandehuri B.B., në intervale të ndryshme kohore i pandehuri T.P., ia dorëzon kolegëve të tij – këtu të pandehurve: V.Z., L.E., dhe A.P., me qëllim që të njëjtit t’i vënë në qarkullim paratë e falsifikuara si të vërteta, ashtu që i pandehuri T.P., mban paratë e falsifikuara në veturën e tij të markës ‘’VË Polo’’, e parkuar në bodrumin e njërës prej Qendrave Tregtare në Prizren, nga e cila veturë i njëjti së bashku me kolegët e tij – të pandehurit: V.Z., L.E., dhe A.P., në mënyra periodike marrin nga 100 euro të falsifikuara – të gjitha në monedha metalike nga 2 euro dhe të njëjtat i vënë në qarkullim si të vërteta në drejtim të klientëve të ndryshëm të cilët kanë vizituar lokalin në fjalë, ku secili prej të pandehurve si shpërblim kanë ndarë nga 25 euro origjinale në pjesë të barabarta, me ç’rast policia e Kosovës pas zbatimit të urdhër-kontrollit arrijnë t’i gjejnë 195 monedha metalike nga 2 euro në veturën ‘’VË Polo’’, në pronësi të të pandehurit T.P., dhe një shumë tjetër të konsiderueshme parash të falsifikuara nga 2 euro nëpër kuletat e pazarit ditor të të pandehurve, me ç’rast në total, policia arrin të sekuestrojë nga të pandehurit 390 euro falso. Në këtë mënyrë, të pandehurit T.P., V.Z., L.E., dhe A.P., në bashkëkryerje kanë kryer veprën penale “Falsifikimi i parasë” nga neni 296 paragrafi 2 lidhur me paragrafin 1 dhe nenin 31 të Kodit Penal”, thuhet në njoftim.

Të pandehurit e lartëcekur, me vendim të prokurorit të shtetit gjenden nën masën e ndalimit 48 orësh, dhe për të njëjtit Prokuroria Themelore në Prizren, do të vazhdoj me veprime të tjera hetimore.

Kronikë e zezë

Arrestohet një person në Ferizaj, policia i sekuestron armë dhe fishekë

Published

9 hours ago

April 17, 2026

UBTNews

Policia e Kosovës ka arrestuar një person në rrugën “Rexhep Bislimi” në Ferizaj, nën dyshimin për armëmbajtje pa leje.

Gjatë një kontrolli rutinë të ushtruar rreth orës 17:05, zyrtarët policorë kanë gjetur dhe sekuestruar tek i dyshuari një armë zjarri të llojit revole dhe 15 fishekë.

Pas arrestimit, i dyshuari është shoqëruar në stacionin policor për intervistim.

Me vendim të prokurorit të shtetit, ndaj tij është caktuar masa e ndalimit dhe ai është dërguar në qendrën e mbajtjes për procedime të mëtejshme ligjore.

Lajmet

Leposaviq: Dy punëtorë lëndohen rëndë në vendin e punës, arrestohet një person

Published

10 hours ago

April 17, 2026

UBTNews

Një aksident i rëndë ka ndodhur pasditen e djeshme në fshatin Ceraj të Leposaviqit, ku dy punëtorë të një kompanie private kanë pësuar lëndime të rënda trupore.

Sipas raportit të Policisë, viktimat janë rrëzuar nga mjeti i punës derisa ishin duke kryer detyrat e tyre profesionale.

Të lënduarit janë dërguar me urgjencë për tretman mjekësor në spitalin rajonal, për shkak të natyrës së rëndë të lëndimeve të pësuara.

Lidhur me rastin, policia ka arrestuar një person të dyshuar, i cili me vendim të prokurorit është dërguar në mbajtje. Rasti po hetohet nën dyshimin për “rrezikim të sigurisë në vendin e punës”.

Lajmet

Raporti 24-orësh i Policisë: Arrestime për dhunë në familje në Podujevë dhe Rahovec

Published

10 hours ago

April 17, 2026

UBTNews

Gjatë 24 orëve të fundit, Policia e Kosovës ka ndërhyrë në tri raste të ndara të dhunës në familje, të cilat kanë rezultuar me arrestimin e disa personave në Podujevë dhe Rahovec.

Në Podujevë janë raportuar dy raste. Në orët e hershme të mëngjesit të djeshëm, dy vëllezër janë arrestuar pasi janë përleshur fizikisht pas një mosmarrëveshjeje.

Të dy kanë marrë trajtim mjekësor, ndërsa me vendim të prokurorit, njëri është dërguar në mbajtje dhe tjetri është liruar në procedurë të rregullt.

Po në këtë qytet, rreth orës 10:30, një person është arrestuar pasi ka dëbuar bashkëshorten nga shtëpia. Pas intervistimit, i dyshuari është liruar, ndërsa rasti po trajtohet në procedurë të rregullt.

Ndërkohë, një incident më i rëndë ka ndodhur në Rahovec pak para mesnatës.

Një person, nën ndikimin e alkoolit, ka ushtruar dhunë fizike ndaj bashkëshortes dhe vajzës së tij, duke u shkaktuar lëndime trupore. Viktimat kanë pranuar ndihmë mjekësorë në QKMF-në e Rahovecit, ndërsa i dyshuari, me urdhër të prokurorit, është dërguar në qendrën e mbajtjes.

Lajmet

Arrestohet pas arratisë i dyshuari për vrasje të rëndë, i gjenden armë e dokumente të falsifikuara

Published

1 day ago

April 16, 2026

UBTNews

Prokuroria Themelore në Prishtinë ka njoftuar se pas një pune intensive në bashkëpunim me Policinë e Kosovës, është bërë i mundur lokalizimi dhe arrestimi i të pandehurit me iniciale M.G., i cili ishte në kërkim për veprën penale “Vrasje e Rëndë”.

Gjatë operacionit të arrestimit, policia ka sekuestruar dy armë, një sasi të narkotikëve si dhe dokumente të falsifikuara, të cilat i dyshuari i kishte përdorur gjatë kohës sa ishte në arrati për t’iu shmangur identifikimit. Me urdhër të prokurorit, M.G. është dërguar në mbajtje për 48 orë.

Përveç të dyshuarit kryesor, në këtë aksion është arrestuar edhe një person i dytë, i cili dyshohet për veprën penale “Dhënia e ndihmës kryerësit pas kryerjes së veprës penale”.

“Prokurori i shtetit me kohë do të vazhdojë ndërmarrjen e veprimeve hetimore të nevojshme, si dhe do të shqyrtojë mundësinë e paraqitjes së kërkesës për masën e sigurisë së të pandehurit në procedurë penale,” thuhet në njoftimin e Prokurorisë.

Institucioni i akuzës ka rikonfirmuar përkushtimin për t’i vendosur para drejtësisë të gjithë kryerësit e veprave penale, duke siguruar se hetimet për këtë rast do të vazhdojnë deri në zbardhjen e plotë të rrethanave.