Lajmet

​Kërkohet drejtësi për masakrën më të madhe në Mitrovicë

Published

on

Në 22-vjetorin e masakrës serbe në rrugën e Kovaçëve në Mitrovicë, autoritetet komunale kanë vendosur lule dhe kanë bërë homazhe te lapidari me emrat e viktimave që u vranë nga paramilitarët serbë gjatë luftës së fundit në Kosovë.

Të pranishëm ishin edhe familjarët e viktimave dhe një numër i qytetarëve, të cilët thanë se nuk ndihen të qetë derisa të vihet drejtësia në vend.

Kryetari i komunës së Mitrovicës, Agim Bahtiri, tha se sot është dhimbje e madhe për familjarët dhe qytetin e Mitrovicës në përgjithësi. Ai kërkoi nga niveli qendror që të punojë në drejtim të vënies së drejtësisë për këta martirë, në mënyrë që të kapen të gjithë ata që kryen krimin më 14 prill të vitit 1999.

“Sot jemi ardhur këtu për t’i nderuar ata që u vranë padrejtësisht dhe në mënyrën më barbare. Serbët i ndanë nga familjet e tyre njerëzit më të devotshëm të qytetit tona. Prandaj ne si institucione komunale, kërkojmë nga niveli qendror, qeveria e Kosovës, kryetarja, por edhe nga kryeministri Albin Kurti, që të kërkojë drejtësi për këta qytetarë”, ka thënë Bahtiri.

I dëshpëruar për shkak të mos vënies së drejtësisë në vend, Fisnik Sejdiu, i cili në këtë masakër kishte humbur babain, axhën dhe djalin e axhës, u shpreh i pakënaqur me drejtësinë. Sipas tij, që 22 vite kriminelët e kësaj masakre vazhdojnë të jenë të lirë.

“Në këtë lagje ka ndodhur masakra më e madhe në Mitrovicë. 31 dëshmorë janë ekzekutuar pa faj. Falangat serbe, së bashku me fqinjët kriminelë, kanë ardhur na kanë dëbuar nga shtëpitë tona pa asnjë faj, veç pse kemi folur shqip. Tash edhe pas 22 vitesh ata kriminelë qëndrojnë të lirë. Me drejtësinë nuk jemi të kënaqur, shpresoj që do të merren masa ndaj kriminelëve dhe të marrin dënimin për atë që kanë bërë ndaj popullit tonë të pafajshëm”, theksoi Sejdiu.

Ndërkaq, Bajram Çerkini, kryetar i Shoqatës së të pagjeturve në Mitrovicë, ka përshkruar me pak fjalë ngjarjen tronditëse të asaj dite.

“Forcat serbe çetnike kanë ardhur dhe i kanë nxjerrë prej shtëpive duke i masakruar dhe dërguar dy-tre kilometra larg nga këtu, ku më vonë janë gjetur”, tha Çerkini.

Ai ka apeluar tek institucionet komunale që të marrin vendim dhe të caktojnë 15 prillin si datë unifikuese për shënimin e të gjitha masakrave që kanë ndodhur në Mitrovicë.

Ndryshe, më 14 prill 1999 forcat serbe dëbuan me dhunë nga shtëpitë e tyre shumë qytetarë shqiptarë të lagjes ‘Bair’ në Mitrovicë, duke i ndarë meshkujt, dhe duke i ekzekutuar 31 prej tyre në rrugën e Kovaçëve, që njëherit njihet si masakra më e madhe në këtë qytet. 

Lajmet

Mbyllet afati për regjistrimin e votuesve jashtë Kosovës për Zgjedhjet Lokale të 12 tetorit 2025

Published

on

By

Të premtën në mesnatë, ka mbyllur afati për regjistrimin e votuesve jashtë Kosovës për votim me postë në Zgjedhjet Lokale të Kryetarëve të Komunave dhe për Kuvende Komunale, të cilat do të mbahen më 12 tetor 2025. Mijëra shtetas të Kosovës që jetojnë jashtë vendit janë bërë pjesë e procesit zgjedhor, duke u regjistruar për votim me postë.

Zëdhënësi i Komisionit Qendror të Zgjedhjeve (KQZ), Valmir Elezi, ka dhënë detaje për mënyrën se si do të zhvillohet votimi me postë për votuesit jashtë Kosovës. Ai ka sqaruar se periudha e votimit përmes postës do të fillojë më 17 shtator dhe do të përfundojë më 11 tetor. Sipas Ligjit për Zgjedhjet e Përgjithshme, në Zgjedhjet Lokale nuk do të ketë votim në përfaqësitë diplomatike, por vetëm përmes postës.

Elezi ka theksuar se procesi i regjistrimit ka përfshirë një periudhë nga 23 korriku deri më 29 gusht 2025. Votuesit jashtë Kosovës do të marrin fletëvotimet nga KQZ-ja në adresën që ata kanë deklaruar gjatë regjistrimit. Për Zgjedhjet Lokale, secili votues do të pranojë dy fletëvotime: një për Kryetarin e Komunës dhe një tjetër për Kuvendin Komunal.

Ai gjithashtu ka sqaruar se, për herë të parë, votuesit jashtë Kosovës nuk do të shkarkojnë fletëvotimet nga uebfaqja e KQZ-së, siç ka ndodhur në zgjedhjet e kaluara. Këto fletëvotime do të dërgohen në adresat e regjistruara të votuesve dhe, pas mbushjes, ata duhet t’i dërgojnë ato në kutitë postare të KQZ-së që do të hapen në shtetet e ndryshme dhe në Kosovë.

KQZ ka njoftuar se adresat e kutive postare do të publikohen së shpejti, duke siguruar që votuesit të kenë mundësinë të dërgojnë fletëvotimet në kohë.

Një tjetër detaj i rëndësishëm është se votuesit që janë regjistruar për të votuar nga jashtë Kosovës do të largohen nga Lista e Votuesve brenda Kosovës dhe nuk mund të votojnë në vendvotimet e Kosovës. Për ata që nuk janë regjistruar për votim jashtë Kosovës, emrat do të shfaqen në Listën e Votuesve brenda vendit, ku mund të ushtrojnë të drejtën e tyre të votës.

Continue Reading

Lajmet

Edhe sot vazhdon seanca konstituive e Kuvendit, zgjidhja e nënkryetarit serb në pritje

Published

on

By

Kuvendi i Kosovës mund të kalojë ditën e sotme një fazë të rëndësishme të procesit të konstituimit, duke votuar për nënkryetarin e tij nga radhët e komunitetit serb. Ky mund të jetë një hap i fundit në procedurën për zgjedhjen e nënkryetarëve të Kuvendit, pasi janë mbetur vetëm tri kandidatë për këtë pozicion. Dy nga ata janë nga Lista Serbe, Igor Simiq dhe Miljana Nikoliq, ndërsa i treti është Nenad Rashiq nga Partia e Pavarur Liberale.

Rashiqi ka fituar më së shumti vota si kandidat i komunitetit serb, por për të mund të ketë vetëm një mundësi tjetër votimi. Kuvendi mund të përmbyllë kështu të gjitha kandidaturat e mbetura dhe nëse nuk mbetet kandidat për votim, nuk do të ketë arsye për mbajtjen e seancave të tjera. Pika e vetme e rendit të ditës është zgjedhja e nënkryetarit serb.

Për të shmangur këtë situatë, Instituti i Kosovës për Drejtësi (IKD) ka sugjeruar që seanca e sotme të mbajë një votim në paketë për të dy nënkryetarët nga komunitetet pakicë. Melos Kolshi nga ky institut ka theksuar se ky veprim mund të ndihmojë në korrigjimin e shkeljeve kushtetuese të bëra nga kryetari i Kuvendit, Dimal Basha, i cili ndau procedurën e votimit për nënkryetarët. “IKD kërkon që procesi të zhvillohet në përputhje me Kushtetutën dhe aktgjykimin e Gjykatës Kushtetuese,” tha Kolshi.

Kërkesa për një përmbyllje të shpejtë të konstituimit të Kuvendit ka ardhur edhe nga presidentja Vjosa Osmani, e cila ka apeluar që deputetët të gjejnë një zgjidhje që do të respektojë Kushtetutën e Kosovës. “Çdo ditë e humbur është ditë e humbur për Kosovën,” theksoi Osmani, duke shtuar se urgjenca për të formuar qeverinë është e paevitueshme.

Në garë për pozicionin e nënkryetarit serb janë tre deputetë, dhe deri tani janë zhvilluar gjashtë runde votimi. Afati kushtetues për përmbylljen e konstituimit të Kuvendit është më 17 shtator. Sidoqoftë, Kolshi ka theksuar se zgjidhja për një konstituim të plotë nuk është e lidhur automatikisht me mbajtjen e zgjedhjeve, por me vullnetin politik për të respektuar rregullat kushtetuese.

Continue Reading

Aktualitet

Regjistrohu tani në Gjuha Angleze në UBT dhe përfito bursë 20%

Published

on

UBT njofton se kanë mbetur edhe pak vende të lira për regjistrim në programin Bachelor Gjuha Angleze, një drejtim studimor që hap mundësi të shumta karriere në arsim, përkthim, diplomaci, media dhe organizata ndërkombëtare.

Përmes këtij programi, studentët përgatiten jo vetëm në aspektin gjuhësor dhe kulturor, por edhe në atë profesional, duke u bërë të aftë të kontribuojnë në tregun vendor dhe global.

UBT ofron bursë prej 20% për të gjithë ata që regjistrohen në këtë program, duke i dhënë mundësinë studentëve të sigurojnë arsimim cilësor dhe të përballueshëm financiarisht.

Studentët e interesuar mund të aplikojnë online përmes platformës: APLIKO TANI ONLINE!

Continue Reading

Aktualitet

Në zyrën e Ivica Daçiqit mbërrin një zarf me tre plumba

Published

on

Në Qeverinë e Serbisë ka mbërritur një zarf i adresuar për ministrin e Brendshëm, Ivica Daçiq, brenda të cilit janë gjetur tre plumba, njoftoi më 29 gusht Ministria e Punëve të Brendshme (MUP).

Sipas njoftimit, zarfi është vërejtur të enjten gjatë procesit të rregullt të ndarjes së postës.

“Gjatë kontrollit të sigurisë me pajisje me rreze X, në zarf u gjetën tre plumba”, thuhet në komunikatën e MUP-it.

Autoritetet shtuan se policia ka identifikuar dhe gjetur personin që më 26 gusht kishte dorëzuar dërgesën në një degë të Postës së Serbisë në Pozharevc.

Nuk është bërë i ditur identiteti i të dyshuarit.

Continue Reading

Të kërkuara