Shëndeti

Keni shpesh dhimbje barku? Këto mund të jenë arsyet

Mund të jetë edhe simptomë e një sëmundjeje të rëndë.

Published

3 years ago

April 8, 2022

Betim Gashi

Dhimbja e barkut shpesh është pasojë e ngrënies së tepërt ose zgjedhjes së gabuar të ushqimit, por mund të jetë edhe simptomë e një sëmundjeje të rëndë dhe është e nevojshme të flitet për këtë me një mjek.

Këtu janë pesë gjendje të rënda që mund të jenë arsyeja e dhimbjes së shpeshtë të barkut

1. Gastriti

Gastriti është një inflamacion i mukozës së stomakut që mund të ketë shumë shkaqe. Mund të jetë rezultat i Helicobacter pylori, stresit, dietës, rritjes së sekretimit të acidit të stomakut, drogës dhe alkoolit. Me gastrit ka dhimbje në pjesën e sipërme të stomakut, një ndjenjë e shpejtë ngopjeje dhe fryrje. Mund të shfaqen nauze dhe të vjella, si dhe jashtëqitje më të errëta.

Njerëzit me gastrit të shkaktuar nga bakteret (H. pylori) shpesh nuk kanë simptoma të tjera përveç dispepsisë së lehtë (probleme me tretjen). Zakonet e duhura të të ngrënit dhe një mënyrë jetese e rregullt janë të rëndësishme për parandalimin e gastritit.

Sot gastriti trajtohet me sukses në shumicën e rasteve sepse dihen shkaqet dhe dihet se si trajtohen.

2. Ulcera peptike

Ulcera peptike është një inflamacion i hapur ose dëmtim i shtresës mbrojtëse dhe mukozës në stomak, duodenum ose ezofag. Ulcera formohet nën veprimin e acidit klorhidrik të stomakut dhe enzimës pepsinë, kur ka dëmtim të shtresës mbrojtëse në mukozën e organeve të përmendura tretëse. Mund të shkaktohet nga duhani, alkooli, kafeina, por edhe stresi i madh.

Një nga simptomat më të zakonshme është një dhimbje, e cila herë pas here ndalon dhe rishfaqet pas një kohe. Më intensive është në fazën e fundit të tretjes, kur përqendrimi i acidit të stomakut është më i lartë, përkatësisht 2-3 orë pas ushqimit, por ndodh edhe në stomak bosh, nëse diçka stimulon sekretimin e acidit në stomak si për shembull uria. Simptoma të tjera përfshijnë kryesisht dispepsi: fryrje, marramendje, të vjella dhe gromësirë.

3. Virus gastrik

Emri “virus gastrik” sugjeron se është një inflamacion viral i mukozës së stomakut ekskluzivisht. Megjithatë, në thelb është një inflamacion i mukozës së stomakut dhe zorrëve të vogla të një shkaku viral.

Bëhet fjalë për gastroenteritin, i cili karakterizohet nga dhimbje dhe ngërçe në bark, të vjella dhe diarre ujore dhe temperaturë.

Viruset hyjnë në sistemin e tretjes drejtpërdrejt përmes ujit, ushqimit ose nëse njerëzit ndajnë të njëjtat takëme, dhe transmetimi është i mundur përmes kontaktit të ngushtë personal.

Në rastin e “virusit të stomakut”, është e rëndësishme të plotësoni elektrolitet e lëngjeve të humbura nga diarreja. Fëmijëve dhe të rriturve duhet t’u jepet ujë i thjeshtë, çaj pa sheqer, supë ose pije të pasura me elektrolite në sasi të vogla, rreth 2 dcl çdo 30-60 minuta dhe të moshuarve çdo 15 minuta. Probiotikët dhe kosi mund të shkurtojnë kohëzgjatjen e sëmundjes dhe të zvogëlojnë diarrenë.

4. Sindroma e zorrës së irrituar

Është një gjendje kronike në traktin tretës, e cila karakterizohet nga dhimbje barku dhe çrregullime të ritmit të jashtëqitjes, veçanërisht të theksuara në periudha stresi.

Sindroma e zorrës së irrituar shpesh shoqërohet me mos tolerancë ndaj disa ushqimeve, andaj alergjitë konsiderohen si një nga shkaqet e mundshme.

Krahas dhimbjes vërehet edhe ndryshimi i ritmit të jashtëqitjes (diarre, kapsllëk apo ndryshim i diarresë dhe kapsllëkut) janë disa nga simptomat kryesore.

Ushqimi i duhur me marrjen adekuate të lëngjeve dhe aktivitet fizik mund të parandalojë shfaqjen e sindromës së zorrës së irrituar.

Personat e ekspozuar ndaj stresit si pasojë kanë vështirësi në tretje, andaj duhet të fokusohen në një mënyrë jetese të shëndetshme dhe teknika që do të minimizonin intensitetin e stresit dhe pasojat e tij në shëndetin e sistemit tretës.

Terapia është individuale, zakonisht afatgjatë dhe komplekse: dietë, mbështetje psikologjike dhe mjekim.

5. Helmimi nga ushqimi

Bakteret, viruset dhe parazitët mund të shkaktojnë dhimbje stomaku. Mund të shfaqen diarre, marramendje dhe të vjella. Mund të ndodhë nëse ushqimi nuk trajtohet siç duhet.

Gjendja shpesh do të përmirësohet vetë, por vizitoni një mjek nëse jeni të dehidratuar ose nëse vëreni gjak në jashtëqitje ose nëse keni diarre të rëndë që zgjat më shumë se tri ditë.

Shëndeti

Turmerik apo shafran! Cila është diferenca mes tyre?

Published

2 hours ago

August 14, 2025

UBT News

Kur flasim për gatim, erëzat janë përbërësit që i japin shije çdo pjate. Kombinimi mund t’i falë ushqimit jo vetëm një shije fantastike, por edhe një sërë vlerash për shëndetin.

Sot, do të flasim për dy erëza ekzotike, që jo shumë veta arrijnë t’i përfshijnë siç duhet në gatim dhe jo shumë i njohin. Bëhet fjalë për turmerikun dhe shafranin, dy erëza plot vlera dhe që përdoren tradiconalisht në kultura të ndryshme.

Ja ndryshimet mes tyre dhe vlerat e përdorimet e të dyjave në kuzhinë.

Turmeriku

Është bimë shumëvjeçare që rritet nën tokë, vjen nga familja e xhenxhefilit. Origjina e tij është nga Indonezia dhe India Jugore. India është konsumatori dhe eksportuesi numër një në botë. Pas kultivimit, turmeriku thahet dhe grimcohet në formën e pluhurit që gjendet në ushqimoret në mbarë botën. Përveç gatimit, është përdorur edhe për qëllimë mjekësore, falë aftësisë për të luftuar inflamacionin dhe për të lehtësuar problemet e tretjes.

Ngjason në shije e karakteristika me xhenxherfilin duke qenë se janë të së njëjtës familje. Ngjyra e fortë e artë është ajo që e dallon ndër erëzat tjera, e bën të përshtatshëm për t’u përdorur si ngjyrues në ushqime. Ka 6 lloje turmeriku, ndarja është e veshtirë për shkak të ngjashmërive që kanë me njëri-tjetrin.

Përfitimet shëndetësore

I njohur ndryshe edhe si kurkumina, besohet se kjo erëz pëmban sasi të larta antioksidantësh dhe agjentë antinflamatorë. Disa studime tregojnë se përdorimi ka efekte pozitive në luftën kundër alzheimerit, apo kundër përparimit të qelizave kancerogjene.

Agjentët antinflamatorë lehtësojnë dhimbjet e artritit, dhimbjen nga ulçera në stomak apo të reduktojnë të simptomat e shqetësimeve të aparatit tretës.

Përdorimi në kuzhinë

Mund ta përdorni për të marinuar lloje të ndryshme mishi, ta përfshini në salca, ta spërkasni tek perimet e pjekura, për të bërë çaj apo pije të ndryshme.

Shafrani

Mblidhet nga një bimë me qepujkë, lulja që del nga qepujka përmban tre fije me ngjyrë të kuqe të ndezur, ato mblidhen për të prodhuar erëzën e bluar, e cila përdoret në ushqimet e detit e orizit. Vetëm një kile shafran kërkon deri në 75,000 lule. Shafrani ka ngjyrë të kuqe të dallueshme, aroma e tij është e krahasueshme me lulet dhe mjaltin. Ai përdoret në gatimet indiane dhe turke, dhe mund të përfshihet edhe në recetat e ëmbla, pije dhe akullore.

Përfitimet shëndetësore: I pasur në antioksidantë dhe vitamina, shafrani ndihmon kundër përparimit të kancerit, në largimin e helmeve nga trupi, dhe të japë lehtësim në sëmundjet e rrugëve të frymëmarrjes.

Përdorimi në kuzhinë: Shafranin mund ta përfshini në gjellë, supë, në gatimet me produkte deti, oriz, në çaj etj. Pavarësisht si e përdorni, mbani mend se duhet përdorur në sasi të vogla.

Cili është ndryshimi midis trumerikut dhe shafranit?

Edhe pse mund të jenë të ngjashme, vijnë nga bimë të ndryshme. Turmeriku është rrënjë, ndërsa shafrani vjen nga një lule, ka aromë më të lehtë.

Zgjedhja mund të varet nga preferancat e përdorimit në gatim dhe faktori ekonomik, pasi shafrani kushton më shtrenjtë. Kur bëhet fjalë për përfitimet e mundshme shëndetësore, turmeriku besohet se ka një kapacitet shumë më të madh, por shafrani ka antioksidantë që mund të kenë ndikim.

Shëndeti

Ky është fruti më i mirë për ta shtuar në ujë për një freskim në ditët e nxehta

Published

3 hours ago

August 14, 2025

UBT News

Kur temperaturat rriten, hidratimi bëhet çelësi për të ruajtur energjinë dhe për të qëndruar në humor të mirë.

Uji i thjeshtë është zgjedhja më e mirë, shumë njerëz kërkojnë mënyra për ta bërë atë më tërheqës dhe të shijshëm.

Ekspertët e të ushqyerit theksojnë se limoni është një nga shtesat më të mira të frutave, jo vetëm për shijen e freskët, por edhe për përfitimet shëndetësore.

Pse limon?

Janë të pasur me vitaminë C, një antioksidant i fuqishëm që forcon imunitetin, ndihmon në shërimin e indeve, mbron qelizat nga dëmtimi nga radikalet e lira. Limonët gjithashtu ndihmojnë tretjen dhe aciditeti i tyre i lehtë mund të jetë freskues dhe qetësues në një ditë të nxehtë.

Hidratim me përfitime shtesë

Shtimi i disa copëzave limoni në ujë jo vetëm që shton shije, agrumet lëshojnë sasi të vogla kaliumi, magnezi dhe vitaminash B në ujë. Ky kombinim mbështet ekuilibrin e elektroliteve, i cili është veçanërisht i rëndësishëm gjatë vapës së verës kur trupi humbet lëngje përmes djersitjes.

Kur dhe si të pini ujë me limon?

Është mirë ta pini gjatë ditës, por sidomos në mëngjes për të nxitur metabolizmin dhe tretjen. Ekspertët rekomandojnë përdorimin e limonit të freskët dhe të pashtrydhur dhe shtimin e fetave ose lëngut pak para konsumimit për të ruajtur vitaminat.

Ndihmë natyrale për lëkurën

Vitamina C në limon stimulon prodhimin e kolagjenit, i cili ndihmon në ruajtjen e lëkurës së shëndetshme dhe elastike. Hidratimi i rregullt me ujë limoni mund të ketë gjithashtu përfitime estetike, veçanërisht gjatë verës kur lëkura është e ekspozuar ndaj diellit. /UBT News/

Shëndeti

Mosha e duhur për ta lindur fëmijën e parë

Published

5 hours ago

August 14, 2025

UBT News

Të merrni vendimin se kur duhet ta lindni fëmijën e parë, nuk është asnjëherë një gjë e lehtë. Shtatzënia, pavarësisht moshës, i ka avantazhet dhe disavantazhet e veta.

Duhet të ndërmerret në konsideratë faktin se përgjatë moshës edhe gjinjtë ndryshojnë bashkë me pjesën tjetër të trupit.

Gjatë moshës 20-30 vjeçare, gjokset janë më të forta e kanë elasticitet më të mirë. Prandaj, nëse doni të mbeteni shtatzënë gjatë kësaj periudhe, koha bashkë me biologjinë do të jenë në anën tuaj.

Por, posa të hyni në moshën 30-40 vjeçare, hormonet si estrogjeni ndihmojnë t’i mbani gjokset e forta. Kjo dekadë, që është bërë e njohur më shumë për shtatzëni dhe dhënie të gjirit, i jep nënës mbrojtje afatgjatë kundër kancerit të gjirit.

Ndërsa, posa të hyni në moshën 40 vjeç e sipër, indet e gjokseve fillojnë të shënojnë rënie dhe përqindja e yndyrës në gjokse rritet, e gjithashtu do të ketë rreziqet tjera që ndërlidhen me shtatzëninë.

Disa studime tregojnë që aq më e vjetër që është një femër shtatzënë, aq më i lartë do të jetë rreziku për të fituar kancerin e gjirit. Thuhet se gratë më të vjetra se 30 vjet që lindin fëmijën e parë, kanë një rrezik më të lartë për kancer të gjirit sesa gratë që nuk kanë pasur asnjëherë fëmijë.

Shëndeti

Pse duhet të pish çaj jeshil çdo natë para gjumit?

Published

19 hours ago

August 13, 2025

UBT News

Çaji jeshil para se të flesh është një ndër pijet më të rekomanduara nga studimet për të bërë gjumë të qetë e të shëndetshëm. Por, duhet të bësh kujdes që të zgjedhësh çajin jeshil pa kafeinë.

Edhe përzgjedhja e këtij lloji çaji është e rëndësishme. Më poshtë janë renditur tri arsye që tregojnë pse duhet të pish çaj para gjumit.

Ndihmon në qetësim

Ky çaj ndihmon për të qetësuar nervat dhe për gjendje relaksi, të dyja të rëndësishme për të bërë një gjumë të qetë e për të qenë më energjike në mëngjes.

Përmirëson metabolizmin

Studimet kanë treguar se gjumi i qetë dhe i shëndetshëm ndikon në metabolizmin e trupit. Metabolizmi i shëndetshëm siguron një trup në formë të mirë e lëkurë të shkëlqyeshme. Gjumi i çrregullt ndikon në shtimin në peshë, ngadalëson metabolizmin. Çaj jeshil para se të flesh të siguron metabolizmin në gjendje pune optimale.

Pastron toksinat e trupit

Gjatë ditës, trupi grumbullon toksina, që bëhen të dëmshme nëse vijon të konsiderohen të parëndësishme apo të nënvlerësohen. Duke pirë çaj jeshil në mbrëmje, në një kohë kur të gjitha ushqimet janë depozituar, ndihmon trupin të pastrohet nga toksinat dhe të ndihet më i lehtë.