Kronikë e zezë

​Kapen me para fals, shtatë të arrestuar në Gjakovë

Rasti ka ndodhur mbrëmë në rrugën “Ferid Domi”.

Published

4 years ago

on

Policia e Kosovës ka arrestuar shtatë persona në Gjakovë, katër prej tyre të mitur, te të cilët janë gjetur para të falsifikuara.

Rasti ka ndodhur mbrëmë në rrugën “Ferid Domi”, kur policia ka ndaluar vozitësin e një automjeti, ku së bashku më të njëjtin ishte dhe një person tjetër.

Gjatë kontrollit për siguri të automjetit dhe personave, në portofolin e njërit, tani të dyshuarit është gjetur një kartëmonedhë në apoen prej 100 euro, e dyshuar si e falsifikuar.

Zyrtarët policorë në vazhdën e punës operative kanë identifikuar një grup të dyshuar, ka lokalizuar vendndodhjen e tyre dhe ka shoqëruar në stacionin policor edhe pesë persona, ku gjatë kontrollit te një i dyshuari janë gjetur edhe gjashtë bankënotë në apoen nga 100 euro, të cilat dyshohet se janë të falsifikuara.

Paratë e gjetura dhe të dyshuara për falsifikim janë konfiskuar. Me konsultim me prokurorin kujdestar pas intervistimit katër të dyshuar të mitur B.P. (17), A.P. (17), F.G. (17) dhe A.S. (17), iu është caktuar masa ndalim prej 24 orësh, ndërsa tre të tjerëve të dyshuar E.R. (18), K.N. (19) dhe A.B. (23) masa ndalim për 48 orë.

Hetimet në zbardhjen dhe identifikimin, kapjen e personave të tjerë të dyshuar janë në vijimësi.

Related Topics:
Continue Reading

Kronikë e zezë

Vdekje e dyshimt në Kamenicë, një punëtor humb jetën gjatë punës

Published

2 days ago

on

May 29, 2026

By

Në raportin 24-orësh të Policisë se Kosovës është raportuar një rast i vdekjes së dyshuar në Kamenicë, ku një person ka ndërruar jetë derisa ishte duke punuar.

Sipas njoftimit, viktima burrë ka humbur ndjenjat dhe ka rënë në tokë gjatë kryerjes së punës. Ai është dërguar menjëherë në Qendrën Kryesore të Mjekësisë Familjare (QKMF), ku mjeku kujdestar ka konstatuar vdekjen e tij.

Me vendim të prokurorit, trupi i pajetë është dërguar në Institutin e Mjekësisë Ligjore (IML) për obduksion, me qëllim të përcaktimit të shkaqeve të vdekjes.

Hetimet lidhur me rastin janë duke vazhduar.

Continue Reading

Lajmet

Disa raste të dhunës në familje brenda një dite

Published

2 days ago

on

May 29, 2026

By

Në raportin 24-orësh të Policisë se Kosovës janë evidentuar katër raste të dhunës në familje në rajone të ndryshme të vendit, si dhe një rast i posedimit të substancave narkotike.

Në Fushë Kosovë, është raportuar se një burrë i dyshuar, pas një mosmarrëveshjeje verbale, dyshohet se ka ushtruar dhunë ndaj viktimës grua, shtetase e huaj, me të cilën kishte bashkëjetuar. Pas intervistimit, me vendim të prokurorit, i dyshuari është liruar në procedurë të rregullt.

Në Podujevë, një tjetër rast i dhunës në familje ka rezultuar me arrestimin e një të dyshuari, i cili dyshohet se ka ushtruar dhunë ndaj një viktime grua. I dyshuari ka marrë edhe tretman mjekësor për probleme shëndetësore të mëhershme, ndërsa pas intervistimit është dërguar në mbajtje me vendim të prokurorit.

Në Malishevë, policia ka arrestuar një të dyshuar për dhunë në familje, dhe pas intervistimit me vendim të prokurorit është dërguar në mbajtje.

Ndërkohë, në Rahovec, gjatë një kontrolli të realizuar nga njësitet policore me urdhër të prokurorit, lidhur me një rast të dhunës në familje, janë gjetur dhe konfiskuar 4.56 gramë substancë e dyshuar narkotike e llojit marihuanë. I dyshuari është arrestuar dhe për këtë rast, pas procedurave ligjore, është dërguar në mbajtje.

Continue Reading

Lajmet

Sulm me thikë në stacionin e trenit në Winterthur, tre të plagosur

Published

2 days ago

on

May 28, 2026

By

Tre persona kanë mbetur të plagosur pasi një burrë i ka sulmuar me thikë në një stacion treni në qytetin Winterthur, pranë Cyrihut, ka bërë të ditur policia lokale të enjten.

Sipas policisë, sulmi ka ndodhur rreth orës 06:30, ndërsa i dyshuari, një shtetas zviceran 31-vjeçar, është arrestuar në vendin e ngjarjes. Tre viktimat janë dërguar për trajtim mjekësor në spital dhe ndodhen nën kujdes mjekësor.

Mediat zvicerane raportojnë se një video e publikuar nga gazeta “Blick” tregon një burrë duke dalë me vrap nga stacioni, duke bërtitur një frazë arabe që do të thotë “Zoti është i madh”. Po ashtu, një dëshmitar okular ka thënë se autori mbante thikë dhe se njerëzit përreth janë larguar me panik.

Policia ka njoftuar se motivi i sulmit ende nuk është i qartë dhe po hetohet nga autoritetet kompetente.

Continue Reading

Lajmet

Aksident trafiku në Prizren, një person lëndohet rëndë

Published

3 days ago

on

May 28, 2026

By

Në Prizren është raportuar një aksident trafiku me lëndime, ku një këmbësor ka mbetur i lënduar rëndë.

Ngjarja ka ndodhur më 27.05.2026 rreth orës 15:20, kur një femër kosovare, drejtuese e automjetit, ka goditur një mashkull kosovar.

Si pasojë e aksidentit, viktima ka pësuar lëndime të rënda trupore dhe është dërguar për trajtim mjekësor në Qendrën Klinike Universitare të Kosovës (QKUK) në Prishtinë.

Rasti është duke u hetuar nga organet kompetente.

Continue Reading

Të kërkuara