Federata e Basketbollit e Kosovës ka organizuar eventin shumë të rëndësishëm “Laureatët 2024”, me një mbrëmje gala, ku janë nderuar më të mirët e vitit 2024.

Çmimet kryesore i kanë rrëmbyer basketbollisti i Trepçës, Mikaile Tmusic dhe basketbollistja e Bashkimit, Aulona Muhadri.

Çmimet te meshkujt i ka ndarë Kryetari i Federatës së Basketbollit të Kosovës, Arben Fetahu, derisa te femrat, Sekretarja e Përgjithshme e FBK-së, Elvira Dushku dhe zëvendësministrja e Ministrisë së Kulturës, Rinisë dhe Sportit, Daulina Osmani.

Tmusic fitoi katër trofe me Trepçën gjatë vitit 2024, derisa Muhadri tre trofetë me Bashkimin.

Ata kanë falënderuar bashkëlojtarët/et për ndihmën e dhënë, si dhe klubet përkatëse dhe tifozët për mbështetjen e vazhdueshme.

Në top 5 te femrat kanë hyrë: Arbnore Përquku (KBF Bashkimi), Jeta Zeka (KBF Bashkimi/KBF Penza), Malvina Haziri (KBF Prishtina), Sara Vraniqi (KBF Penza/KBF Peja 03) dhe Aulona Muhadri.

Ndërkohë te meshkujt në Top 5 kanë hyrë: Dardan Kapiti (KB Trepça), Gëzim Morina (KB Golden Eagle Ylli), Muhamedali Janjeva (KB Sigal Prishtina), Valon Bunjaku (KB Golden Eagle Ylli/ KB Bashkimi) dhe Mikaile Tmusiq (Trepca).

Skuadra më e mirë në konkurrencën e meshkujve është shpallur KB Trepça, derisa skuadra më e mirë në konkurrencën e femrave: KBF Bashkimi.

Trajneri i vitit është shpallur Lorik Kllokoqi, pasi fitoi Divizionin C me femra U18.

Shpresa e vitit te djemtë dhe vajzat ishin Yll Kastrati (KB Bora/KB Kerasan) dhe Flutra Mehmeti (KBF Prishtina).

Ngadhnjim Shabani është shpallur Gjyqtari i Vitit, i cili është edhe gjyqtar ndërkombëtar.

Punëtori Sportiv i Vitit është shpallur Vullnet Sefaja, i cili është president i Trepçës, duke fituar katër trofe brenda një viti dhe duke garuar në arenën ndërkombëtare.

Ambasadorja e basketbollit të Kosovës jashtë vendit është shpallur Astera Tuhina (Ëashington State Cougars).

Gjithashtu ka pasur çmim të veçantë për Veteran/e: Mithat Belegu te meshkujt dhe Xhevahire Mustafa te femrat.

Çmim i veçantë për Kontribuues i basketbollit, ku është nderuar Mexhit Sogojeva.

Gianluigi Donnarumma ka pësuar një “traumë në fytyrë” me “plagë të shumta”, sipas diagnozës fillestare të stafit mjekësor të Paris Saint-Germain, pasi u godit në mënyrë të dhunshme nga Wilfried Singo gjatë ndeshjes së luajtur të mërkurën kundër Monakos. Portieri i PSG-së ka marrë 10 qepje në fytyrë dhe një prerje shumë të rëndë. Imazhet e incidentit janë përhapur shpejt nëpër botë dhe kanë tërhequr vëmendjen e tifozëve dhe mediave.

Për momentin, nuk ka një datë të saktë për rikthimin e Donnarumma-s në fushë. PSG ka lëshuar një komunikatë në të cilën njofton se portieri i Kombëtares italiane është kthyer në Paris me pjesën tjetër të grupit dhe do t’i nënshtrohet disa ekzaminimeve të mëtejshme për të vlerësuar shkallën e dëmtimit dhe për të përcaktuar nëse ka ndonjë dëmtim të mundshëm të kockave të fytyrës. Klubin francez ka konfirmuar gjithashtu se Donnarumma do të duhet të qëndrojë pa aktivitet për disa ditë dhe do të mungojë në ndeshjen kundër Lens, e cila do të luhet të dielën e ardhshme.

Kërkesa për falje ka ardhur nga vetë Wilfried Singo, i cili ka shprehur keqardhjen e tij për incidentin. Në një postim në Instagram, ai shkruan: “Dua të kërkoj falje nga Gianluigi Donnarumma. Gjesti im nuk ishte natyrisht i qëllimshëm, vetëm më vonë pata mundësinë të shihja se ai kishte një plagë të rëndë në fytyrë. Të uroj shërim të shpejtë”. Singo ka luajtur te Torino nga 2019 deri në 2023, dhe ka theksuar se nuk kishte pasur asnjë qëllim të keq në veprimin e tij./UBTNews/

Real Madrid fitoi Kupën Interkontinentale, pasi mposhti në finale meksikanët e Panchuca, me rezultatin 3-0. Ky trofe ishte i rëndësishëm edhe për Carlo Ancelotti-n, pasi e bëri atë trajnerin më të suksesshëm në historinë e Real Madrid.

Italiani ka arritur tashmë të fitojë 15 trofe me klubin spanjoll, duke thyer çdo rekord të mëparshëm dhe duke vendosur emrin e tij në librin e artë të futbollit.

Ancelotti ka dëshmuar se është një mjeshtër në menaxhimin e skuadrave të mëdha dhe një strateg i shkëlqyer në ndeshje të rëndësishme.