Sport

Joshua mund të tërhiqet nga kërkesa për revansh ndaj Usyk

Promotori i Joshuas, zbuloi se kampioni olimpik i vitit 2012 ka disa opsione për t’i menduar.

Published

4 years ago

January 24, 2022

UBT news

Anthony Joshua ka një numër propozimesh në dispozicion për t’u marrë në konsideratë mes raporteve se ai mund të tërhiqet nga revanshi me Oleksandr Usyk në mënyrë që Tyson Fury të luftojë me ukrainasin.

Usyk e mposhti Joshua-n në stadiumin e “White Herat Lane” në Londër shtatorin e kaluar për të fituar titujt e peshave të rënda WBA (Super), IBF, WBO dhe IBO.

Britaniku aktivizoi një klauzolë për të hyrë në ring me Usyk për herë të dytë, por “The Daily Telegraph” zbulon se ai mund të tërhiqej dhe të përfitojë 15 milionë funte për t’i hapur rrugën bashkatdhetarit të tij Fury për të luftuar me 35-vjeçarin.

Eddie Hearn, promotori i Joshuas, zbuloi se kampioni olimpik i vitit 2012 ka disa opsione për t’i menduar.

“Unë jam duke u takuar me Joshuan dhe menaxhmentin për të hartuar planet për luftën e tij të ardhshme”, tha ai për “Sky Sports”.

“Ne kemi një numër propozimesh dhe opsionesh për të diskutuar. Qëllimi mbetet i njëjtë sigurisht, të rimarrë kurorën botërore në peshën e rëndë”, shtoi ai.

Sport

Dilema e Vedat Muriqi para Real Madrid

Published

9 minutes ago

April 3, 2026

UBTNews

Mediumi spanjoll Última Hora ka raportuar për situatën e Vedat Muriqi përpara përballjes së RCD Mallorca ndaj Real Madrid, duke theksuar dilemat e mëdha që ekzistojnë në kampin e ekipit.

Sipas “Última Hora”, rikthimi i Muriqit nga angazhimet me Kosovën ka qenë i vështirë si fizikisht ashtu edhe emocionalisht:
“Sulmuesi kosovar kthehet në ishull pas dy ndeshjeve që kanë peshuar shumë në aspektin fizik dhe emocional, pikërisht në prag të një faze vendimtare për Mallorcën në garën për mbijetesë”.

Mediumi shton se sulmuesi “nuk ka pushuar aspak gjatë dritares së FIFA-s, përkundrazi, ka luajtur çdo minutë”, duke e bërë situatën edhe më delikate për stafin teknik.

Po ashtu, theksohet zhgënjimi i tij pas dështimit për t’u kualifikuar në Botëror:
“Pas humbjes ndaj Turqisë, Muriqi u pa i dëshpëruar, duke mos arritur të realizojë një ëndërr që ai vetë e përshkroi si një ‘pavarësi e dytë’ për Kosovën”.

Në këtë kontekst, sipas raportimit, trajneri Martín Demichelis përballet me një vendim të vështirë:
“Duke marrë parasysh të gjitha këto, si gjendjen emocionale ashtu edhe lodhjen fizike pas 180 minutash loje dhe duke parë kalendarin e ngjeshur që e pret Mallorca-n, lind një dilemë për trajnerin: a duhet të aktivizojë sulmuesin kryesor nga minuta e parë ndaj Real Madridit, apo të zgjedhë alternativa të tjera, si për shembull Mateo Joseph, dhe ta ruajë Muriqin për ndeshjet e ardhshme në shtëpi ndaj Rayo Vallecano dhe Valencia CF, ku Mallorca ka më shumë shanse për pikë”.

“Última Hora” nënvizon gjithashtu se jo vetëm Muriqi, por edhe disa lojtarë të tjerë janë të ngarkuar fizikisht dhe në rrezik pezullimi, duke e bërë edhe më kompleks planifikimin për këtë ndeshje.

Në përfundim, mediumi spanjoll vlerëson se:
“Ka shumë në lojë dhe ka ardhur momenti kur nuk lejohet gabimi”, duke e cilësuar këtë periudhë si vendimtare për mbijetesën e Mallorcës në elitën e futbollit spanjoll.

Sport

Nora Gjakova nis karrierën si trajnere në Belgjikë

Published

17 hours ago

April 2, 2026

UBT News

Një nga ikonat më të mëdha të sportit kosovar, Nora Gjakova, ka hapur një kapitull të ri në karrierën e saj, këtë herë jashtë tatamit si garuese. Kampionia olimpike e Tokios 2020 ka nisur zyrtarisht rrugëtimin si trajnere në Federatën e Xhudos së Valonisë në Belgjikë.

Pas tërheqjes nga sporti aktiv më herët gjatë këtij viti, Gjakova i është bashkuar stafit të trajnerëve, ku do të punojë krah për krah me Pedro Guedes, me synimin për të zhvilluar gjeneratat e reja të talentëve belgë. Dyshja njihen më parë, pasi Guedes kishte kaluar një periudhë të shkurtër si trajner në Kosovë.

Në një postim në rrjetin social Facebook, Judo Wallonie Bruxelles shkruan:
“Mirë se vini te Nora Gjakova në Xhudo Wallonie-Bruksel! Me krenari të madhe e mirëpresim Nora Gjakovën në ekipin tonë si trajnere. E mirëpresim në Belgjikë dhe i urojmë shumë suksese në aventurën e saj të re me JWB.”

Sport

Dorëhiqet Gabriele Gravina, Italia mbetet jashtë Botërorit për herë të tretë radhazi

Published

17 hours ago

April 2, 2026

UBT News

Gabriele Gravina ka dhënë dorëheqjen zyrtarisht nga posti i Presidentit të Federatës së Futbollit të Italisë, pas dështimit të kombëtares italiane për t’u kualifikuar në Kupën e Botës për herë të tretë radhazi.

Dorëheqja e tij u paraqit gjatë një mbledhjeje urgjente të këshillit të përgjithshëm, pas humbjes së Italisë në finalen e play-off-it të Kupës së Botës kundër Bosnjë dhe Hercegovinës, të martën në mbrëmje.

Gravina kishte mbajtur postin më të lartë në futbollin italian që nga tetori i vitit 2018. Gjatë mandatit të tij, Italia fitoi Kampionatin Evropian Euro 2020, por gjithashtu dështoi të kualifikohej në Kupat e Botës 2022 dhe 2026.

Sport

Infantino garanton: Irani do të luajë në Botërorin 2026 në SHBA

Published

22 hours ago

April 2, 2026

UBT News

Me konfliktin në Lindjen e Mesme ende të pazgjidhur, ekzistonin dyshime mbi pjesëmarrjen e Iranit në Botërorin “FIFA 2026”. Presidenti i FIFA-s, Gianni Infantino, i dha fund këtyre dyshimeve gjatë një ndeshjeje miqësore ndërmjet Iranit dhe Costa Rica-s në Antali, Turqi.

“Irani do të jetë në Botëror, kjo është arsyeja pse ndodhem këtu. Madje ju siguroj se do të luajë në SHBA”, deklaroi Infantino.

Kjo vjen pas kërkesës së Federatës së Futbollit të Iranit për garanci mbi sigurinë dhe pjesëmarrjen e tyre në turne. Megjithatë, mbetet për t’u parë reagimi i Iranit ndaj deklaratës së presidentit të FIFA-s.