Lajmet

​Ismajli takon mësimdhënësit: Do ta fuqizojmë edhe më shumë sektorin e arsimit

Ismajli tha se arsimi është i fuqishëm në komunën që po udhëheq që katër mandate.

Published

on

Partia Demokratike e Kosovës po shprehet e bindur në fitore edhe për një mandat në komunën e Shtimes. Kandidati i cili ka udhëhequr për katër mandate me këtë komunë tha se gjatë kësaj kohe u kanë ofruar mundësi prodhuesve dhe është arritur cilësi në arsim. Ai gjatë pasdites së sotme është takuar me mësimdhënësit e Shtimes, ku ka premtuar edhe bursa për nxënës e studentë.

Kandidati për kryetar të Shtimes, Naim Ismajli ka thënë se 99 për qind e mësimdhënësve nga cikli i ulët deri më të lartë janë të kualifikuar. Ai tha se arsimi është i fuqishëm në komunën që po udhëheq që katër mandate.

“Ne i kemi dhënë institucioneve qendrore njerëz të artit, kulturës, të arsimit, politikës, të institucioneve më të larta. Ky është kualiteti sepse është produkt i arsimit. Njerëz nga Shtimja udhëheqin në Prishtinë. Komuna e Shtimes ka treguar nivelin e sakrificës edhe për pjesën e lirisë. Të gjitha këto nuk mund të demantohen nga njerëz te caktuar në fushatës, sepse faktet më të mëdha janë se gënjeshtrat e ditës”, u shpreh ai.

Ismajli shtoi se në Shtime mungojnë vetëm edhe dy shkolla, por që 80 për qind e tyre që janë ekzistuese janë të pajisura me kabinete.

Më tej, ai u zotua se komunën që ka udhëhequr ka pasur përfshirje të njëjtë të grave dhe burrave dhe se ka përkrahur prodhuesit.

“Komuna e Shtimes ka prodhuar dhe prodhon çdo vit ndërmarrës të fuqishëm, nga te cilët përfiton shoqëria. Bizneset tona janë të fuqishme përtej komunës së Shtimes… Ne jemi përpjek si institucione që të kenë mbështetjen tonë në infrastrukturë dhe mbështetjen tjetër se cilat janë potencialet. Ne deri sot qytetarëve tanë u kemi marrë 10 për qind të taksës në investimin e përgjithshëm. Nëse ne kemi marrë 400 mijë taksa në vit, investimet kanë ndodhë 4 milionë”, ka shtuar ai.

E, nënkryetarja e PDK-së, Vlora Çitaku para mësimdhënësve në Shtime ka kërkuar përkrahje për Ismajlin, duke theksuar se çdo projekt madhor në 20 vjetët e fundit ka vulën e PDK-së. Ajo u shpreh e bindur se kjo parti do të ketë rikthim në shumë komuna.

“Unë të dy prindërit i kam profesorë në universitet dhe dita më e lumtur e jetës sime pas shpalljen së pavarësisë ka qenë kur kam shkuar në shtëpi si ministre, kam pirë kafe me prindërit e mi edhe atë ditë si profesorë universiteti e kanë pasur rrogën më të madhe se unë. Falë vendimeve të guximshme që ka marrë PDK. Unë nuk kam ardh me ju bind me votua Naimin, se ju e njihni më mirë se unë. Unë kam ardhur të ju tregoj që unë krenohem me Naimin dhe me punën qe ka bërë në komunën e Shtimes. Është lehtë me shkëlqye në një komunë të madhe me shumë banorë, por shumë më problem dhe sfiduese me shkëlqye dhe me qenë kryetar në këtë komunë”, ka deklaruar ajo.

Në takimin me mësimdhënësit kanë qenë të pranishëm edhe anëtarët e kryesisë së PDK-së, Blerta Deliu-Kodra, Fehmi Mujota dhe anëtarë të degës në Shtime.

Lajmet

Osmani pranoi letrat kredenciale nga ambasadori i ri i Hungarisë në Kosovë

Published

on

By

Presidentja Vjosa Osmani ka pranuar sot letrat kredenciale nga ambasadori i ri i Hungarisë në Prishtinë Laszlo Istvan Dux.

Gjatë ceremonisë, presidentja Osmani i uroi mirëseardhje ambasadorit Dux, duke theksuar faktin se Hungaria ka qenë ndër vendet e para që e ka njohur pavarësinë e Kosovës.

Osmani vlerësoi marrëdhëniet ndërmjet dy shteteve dhe shprehu përkushtimin për zgjerimin e mëtejshëm të bashkëpunimit në fusha me interes të përbashkët, veçanërisht në arsim dhe ekonomi, raporton KosovaPress.

Continue Reading

Lajmet

Punëtorët e “Pastrimit” në ditën e nëntë të grevës

Published

on

By

Punëtorët e ndërmarrjes “Pastrimi” kanë hyrë në ditën e nëntë të grevës para Komunës së Prishtinës, duke kërkuar pagesën e borxhit prej 2.7 milionë euro që komuna i detyrohet ndërmarrjes.

Pavarësisht ndryshimeve klimatike, ata qëndrojnë në tenda ditë e natë dhe paralajmërojnë se nuk do të tërhiqen pa u realizuar kërkesat.

Nënkryetari i Sindikatës, Shpend Qosa, në një intervistë për Ekonomia Online tha se janë në pritje të një takimi vendimtar me zyrtarët komunalë, ndërsa theksoi se kërkesat kryesore janë sigurimi i naftës, pagave dhe stabilizimi i kompanisë.

Sot kemi hyrë në ditë e nëntë të grevës, ne e kemi pasur një takim me zyrtarët komunal jemi në shqyrtim të kërkesave tona edhe sot jemi në pritje të një takimi. Deri sa të gjejmë një zgjidhje për kërkesat tona. Diçka konkrete nuk kemi që do të arrijmë një zgjedhje ne vazhdojmë punën dhe dalim në punë. Ato kërkesa tona që i kemi në takim kemi folur, edhe komuna ka dhënë disa zgjidhje të saj të cilat i kemi shqyrtuar. Sot i presim në takim për të arrijmë një marrëveshje, realisht kërkesat tona janë me pasur naftë paga dhe me stabilizuar gjendja e kompanisë. Punëtorët pagat i kanë marr”, ka thënë Qosa.

Punëtori Blerim Hajdini, i cili punon prej 16 vitesh në këtë ndërmarrje, tha se greva nuk do të ndalet pa u plotësuar kërkesat.

Ai shprehu shqetësimin për pagat e ulëta dhe borxhet personale, duke theksuar se paga mujore prej 425 euro është e pamjaftueshme për të përballuar jetesën.

Jemi në grevë deri të na plotësohet kërkesat tona dhe kushtet tona nuk e kemi ndërmend ta ndalim grevën. Unë punoj që 16 vite këtu të gjithë kanë kredi të majme, unë i kam 15 euro kredi nuk mund t’ia dal assesi për arsye se paga është shumë vogël, e kemi 425 euro në kontratë. Kërkesa jonë është të na kthej borxhin 100 për qind dhe ta ndërpresin privatin menjëherë”, shtoi ai.

Continue Reading

Lajmet

Ministria e Shëndetësisë paralajmëron 100 inspektorë të rinj për luftën kundër duhanit

Published

on

By

Ministria e Shëndetësisë po planifikon t’i punësojë edhe 100 inspektorë me qëllim të rritjes së kontrollit të përdorimit të duhanit në Kosovë, kështu tha ministri në detyrë i Shëndetësisë, Arben Vitia gjatë një konference për media në prag të Ditës Botërore Kundër Duhanit.

Ministri i Shëndetësisë, Arben Vitia tha se është lajm i mirë që në Kosovë ka rënie të përdorimit të duhanit për shkak të politikave të ndërmarra, por shtoi se ende duhet punë.

Vitia theksoi se miratimi dhe zbatimi i udhëzimit administrativ për vërejtjet e kombinuara shëndetësore në pakot e duhanit ka dhënë rezultatet e tij.

Në Kosovë sipas STEPS përdorimi i duhanit është në rënie krahasuar me vitin 2011 apo hulumtimin paraprak, që natyrisht kjo është një lajm i mirë, ky është trend inkurajues që dëshmon efektivitetin e politikave të deritanishme, por një trend i pamjaftueshëm për qëllimet që ia kemi bërë vetes,” tha ai.

Ministri në detyrë i Shëndetësisë, Arben Vitia tha se me Ministrinë e Financave po shohin mundësinë t’i shtojnë kapacitetet inspektuese edhe për 100 inspektorë me qëllim të rritjes më të madhe të kontrollit të duhanit.

Rritja e akcizës në 65 euro për kilogram sipas vendimit të qeverisë së Kosovës është tjetër sinjal që politikat fiskale po japin efekt… Kemi fuqizuar edhe kapacitetin inspektues përmes rekrutimit të rreth 30 inspektorëve të rinj që kanë ndihmuar në zbatim të ligjit, por natyrisht kjo akoma nuk është e mjaftueshme dhe vazhdon të mbetet sfidë serioze, prandaj kohëve të fundit në bashkëpunim me ministrinë e Financave po përgatisim një plan për angazhimin e rreth 100 vetave shtesë që ky ligj të zbatohet në përpikëri në të gjitha vendet ku nuk duhet të pihet duhani,” theksoi Vitia.

 

Continue Reading

Lajmet

PDK-ja dorëzoi zyrtarisht në ZRRE kundërshtimin për daljen e bizneseve në tregun e lirë

Published

on

By

Partia Demokratike e Kosovës (PDK) ka dorëzuar sot në mënyrë zyrtare kundërshtimin e saj ndaj vendimit të Zyrës së Rregullatorit për Energji (ZRRE) për daljen e bizneseve në tregun e lirë, duke e cilësuar këtë vendim si të paligjshëm dhe të papërballueshëm për qytetarët.

Në një konferencë për media, deputeti i PDK-së, Abelard Tahiri, bëri të ditur se partia ka ndërmarrë hapa ligjorë për ta sfiduar këtë vendim brenda afateve të përcaktuara.

Ngritja e çmimit e ka bërë të pamundur përballimin e kësaj kostoje të lartë nga rritja e çmimeve që do të pasojë nga vendimet e paligjshme të ZRRE-së. Ne sot, duke ndjekur hapat ligjorë, e kemi dorëzuar kundërshtimin tonë administratës në ZRRE. Jemi të bindur që qëndrimet e tyre do të jenë të njëjta. Ne do të presim 15 ditë për ta anuluar këtë. Nëse brenda 15 ditëve ata nuk e anulojnë, ne do ta procedojmë në departament,” tha Tahiri.

Continue Reading

Të kërkuara