

Lajmet
Ish-ministri i Energjisë: Po të rehabilitohej “Kosova A” do të eliminohej importi i shtrenjtë i energjisë elektrike
Çeku u shpreh se Kosova ka mbetur vendi i vetëm i cili pas çlirimit nuk ka ndërtuar asnjë kapacitet të ri në fushën e linjitit.
Published
3 years agoon
By
Betim GashiPër më shumë se dy orë anëtarët e Komisionit në lidhje me menaxhimin e krizës energjetike nga Qeveria e Republikës së Kosovës intervistuan pjesëtarët e Bordit të KEK-ut për periudhën 2006-2008.
Ish-ministri i Energjisë dhe Minierave, Ethem Çeku gjatë raportimit tha se atë kohë ka ekzistuar projekti për ndërtimin e termocentralit “Kosova C”, por që siç tha ai, me zgjedhjet e parakohshme të vitit 2007, dhe ndryshimet rreth mundësive të prodhimit ky projekt nuk u jetësua.
Para anëtarëve të këtij komisioni, Çeku tha se përkundër ideve që edhe “Kosova A” të mbyllet, kishin insistuar në rehabilitimin e këtij termocentrali pasi po të ishte bërë tani Kosova nuk do të ishte nevojë të blinte energji elektrike me çmim të shtrenjtë.
Ish-ministri i Energjisë, Ethem Çeku u shpreh se Kosova ka mbetur vendi i vetëm i cili pas çlirimit nuk ka ndërtuar asnjë kapacitet të ri në fushën e linjitit. Tutje ai foli edhe për projektin e “Kosovës C” për çka tha se ky projekt u kundërshtua nga shoqëria civile me arsyetim se ndotet tutje ambienti.
“Në sektorin e energjisë ka pasur zhvillime dramatike, dhe kemi mbetur i vetmi vend i cili që pas çlirimit e këndej nuk kemi ndërtuar asnjë kapacitet të ri në fushën e linjitit, ka zhvillimet të tjera por që pas çlirimit kemi stagnuar… Gjithçka ka qenë kompetencë e AKM dhe ne kemi bërë shumë përpjekje që ato kompetenca të barten, ardhja e konsulentëve të huaj në KEK nuk ka solli kurrfarë zhvillimi kushedi sa pozitivë në shumë fusha. Në fushën e energjisë si ministër flas me kompetencë se nuk pasur ndonjë progres në inkasim dhe zhvillime të caktuara e lëre në fusha të tjera. Është e mirë e asaj kohe, u ndërtua koncepti i termocentralit të ri, ‘Kosova e Re’ ishte dizajnuar, u aprovua në Parlamentin e Kosovës, u aprovua në Bruksel dhe Washington… Projekti kaloi nëpër të gjitha sfidat dhe u dizajnua për të ndërtuar një termocentral në dy faza, faza e parë ishte 1 mijë mgW, faza e dytë më vonë… U dizajnua projekti, u krye strategjia, dhe u aprovua në Parlamentin e Kosovës. Ka filluar një fushatë e tmerrshme e paimagjinuar por t’i shihni atë pjesë të asaj fushate kundër termocentralit, kundër linjitit të Kosovës duke thënë se është me bërje të hekurit, sjell vdekshmëri të madhe, dhe u hartuan tekste e libra të veçantë dhe termocentrali pësoi dhe realisht ishte shumë e vështirë me shty si proces”, tha ai.
Deputeti i Lëvizjes Vetëvendosje, Mefail Bajqinovci ka pyetur ish-ministrin e energjetikës, Ethem Çeku se përse dështoi Kosova C.
“E përmendët që ka filluar një fushatë e madhe kundër kësaj, pse ka dështuar zotëri Çeku”, pyeti deputeti.
Çeku tha se kjo ndodhi për shkak të zgjedhjeve të vitit 2007, dhe ndryshimeve në kapacitetet të prodhimit me të cilat nuk u pajtuan konsorciumet që ishin të interesuara për ndërtim.
“Fatkeqësisht në vitin 2007 u mbajtën zgjedhjet, në 2007 u ndërrua i gjithë raporti i forcave dhe u ndërrua edhe koncepti pastaj, shkoi një kohë e gjatë derisa u ndërrua emri dhe u bë ‘Kosova e Re’, pas kësaj u ndërruan edhe kapacitetet patëm 4 konsorciumet më të mëdha botërore që ishin në garë në finale arritën kur u bë përzgjedhja… U ndërtuan kapacitetet u hoq ideja e 1 mijë mgW u kthye ideja në 500 mgW dhe ato konsorciume pastaj u larguan një nga një nga Kosova nuk qëndruan pas ndryshimeve që u bënë në projekt”, tha ai.
Përkundër ideve pwr mbylljen e termocentralit “Kosova A”, Çeku tha se kishin plan për rehabilitimin e blloqeve të këtij termocentrali, i cili, sipas tij, po të ishte rehabilituar ashtu siç ishte paraparë tani Kosova nuk do të kishte nevojë të blinte energji elektrike. Sipas tij, edhe ky projekt nuk ishte prioritet i qeverive në vazhdim.
“Ishte një ide që njerëzit që merreshin me probleme mjedisore thoshin që ‘për Kosovën A duhet me marr një bager të madh dhe duhet ta bëjmë rrafsh se po na e ndot mjedisin, duhet ta mbyllim Kosovën A’… Ne nuk e kemi mbështetur atë dhe sot nuk e mbështes dhe sot është shumë gabim që nuk është rehabilituar blloqet e Kosovës A atëherë kur e ka thënë agjencioni evropian që me 50 milionë mund të bëheshin rehabilitimi i plotë i blloqeve të Kosovës A dhe që ne mos të varemi nga importi i energjisë elektrike ne e kemi mbështet është bërë studimi nga ekspertët e agjencionit evropian dhe e kemi shtyrë të filloj procesi i rehabilitimit bllok pas blloku por në 2007 erdhën zgjedhjet dhe u ndërpre në 2007 normalisht i krijuar koalicion tjetër u ndryshua koncepti dhe qëndrimet… Mendoj se është gabuar që nuk është bërë rehabilitimi i thellë i Kosovës A… Në kontinuitet nuk është shtyrë më rehabilitimi, janë mbajtur nga pak në atë që unë besoj se po të ishte bërë rehabilitimi i blloqeve të Kosovës A mund të eliminonin importet e shtrenjta të energjisë elektrike”, theksoi Çeku.
E deputeti i LDK-së, Armend Zemaj pyeti ish-ministrin Çeku për kompetencat e tij gjatë mandatit të vet.
“Cila ka qenë kompetenca juaj si përfaqësues vendor duke marr parasysh se në atë kohë nuk ka qenë pavarësia e Kosovës dhe pavarësia e institucioneve”, tha Zemaj.
E ish-ministri i Energjisë në periudhën 2004-2007 tha se kompetencat e tij më shumë kanë qenë morale, pasi të gjitha vendimet merreshin për sektorin e energjisë nga përfaqësuesi special i Kombeve të Bashkuara dhe AKM-ja.
“Ne kemi udhëhequr një udhëheqje më shumë morale, ka qenë më shumë sesa një udhëheqje faktike sepse të gjitha dokumentet duhet të nënshkruante ose PSSP-ja-Përfaqësuesi Special i Kombeve të Bashkuara të asaj kohe në Kosovë dhe duhet të kalonte në AKM. Të gjitha dokumentet është dashur të kaloin në strukturat e këtyre institucioneve”, theksoi ai.
Si problematikë energjetike në periudhën 2006-2008 sipas ish-ministrit, Ethem Çeku ishte edhe mosinkasimi i shpenzimeve të energjisë elektrike.
“Edhe inkasimet kanë qenë problem, njerëzit nuk paguanin energji, ishin raste të vështira, familje të djegura edhe ky ka qenë që për këtë kohë të shkurt që së bashku me kolegët dhe institucionet tjera jemi munduar në çdo rrethanë me mbështet KEK-un dhe sektorin e energjisë, që ne të kemi në zhvillim. Më vjen tepër keq ku ka mbetur Kosova, është gjëja më e dhimbshme një vend me 11 miliardë tonë linjit, ne mos me pas mundësi të ndërtojmë një bllok qe sa vite dhe kemi shpenzuar gjithë ato para për blerje të energjisë”, tha ai.
Ndërsa, kur u pyet nga deputeti i Lëvizjes Vetëvendosje, Halil Thaçi se a kishte rezistencë nga banorët e zonës së Obiliqit ndërtimi i termocentralit të ri, ish-ministri i Energjisë tha se nuk ka pas rezistencë pasi ka ekzistuar propozimi për zhvendosjen e tyre, për çka u shpreh se pakoja e ofruar për këta banorë për tu zhvendosur ka qenë shumë e mirë.
Thaçi u interesua të di edhe për riorganizimin e njësive të KEK-ut, ndërsa anëtarët e bordit të asaj periudhe thanë se kjo ka ndodhur me kërkesë të traktatit të energjisë, i nënshkruar në Vjenë dhe me vendim të Qeverisë të asaj kohe.
Ndërsa anëtari i Bordit të KEK-ut për periudhën 2006-2008, Fatmir Rexhepi tha se nëse Ethem Çeku nuk ka ndërtuar termocentral në Kosovë, këtë nuk do të mund ta bëjë askush.
“Përndryshe ka qenë shumë afër në vitin 2008 ka mund me u përgatit komplet si me u bë ajo forma e tenderimit dhe pjesëmarrjes dikur 2009 dhe me fillua ka qenë 4-5 vite deri n vitin 2015 me përfunduar 1 mijë mgW, ndërsa pas 2018 me u ndërtua edhe 1000 mgW të tjerë krejt kjo është bërë në funksion të asaj politike që Kosova me u bë një eksportues i energjisë… Kundërshtimi që e kemi parë e që edhe vetë e kam përjetuar shumë keq kanë qenë këto shoqëritë që i ka financuar Sorosi me sa mbaj me sa duket nuk kanë guri e dru pa i ra nëpër Kosovës e konferenca e nëpër debate nga ky pozicion e deri në fund të Prishtinës gur e dru kundër termocentraleve duke u thirr se kinse po ndotet ambienti… Nëse Ethem Çeku me ekipin më të mirë në Kosovë nuk kanë ndërtuar termocentral në Kosovë askush nuk ka me ndërtua”, tha ai.
Ish-anëtari i bordit të KEK-ut po ashtu tha se në vitin 2006 janë investuar 75 milionë euro, kurse në vitin 2007, 81 milionë euro.
Edhe anëtari tjetër i bordit të KEK-ut gjatë vitit 2006-2008, Agron Dida deklaroi se projekti për termocentralin Kosova C kishte përkrahjen edhe të ndërkombëtarëve.
Gjatë intervistimit ish-ministri i Energjisë, Ethem Çeku foli edhe për aspektin e minierave të cilat tha se u trashëguan në gjendje shumë të rëndë qoftë për nga mënyra e gërmimit, por edhe pajisjet.
Nga anëtarët e Komisionit Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator sot do të intervistohen edhe anëtaret e bordit të KOSTT-it, për periudhën 2006-2008.
Lajmet
Aktori Christian Bale duket thuajse i panjohur rrugëve të Atlantas, teksa po xhiron filmin e ri
Published
19 hours agoon
June 5, 2025
Një nga yjet më të mëdhenj të Hollywood-it është shfaqur i paidentifikueshëm në xhirimet e filmit të ri biografik me temë sportive por a mund ta dalloni kush është?
Aktori 51-vjeçar është parë i veshur me një xhaketë të zezë prej lëkure, me flokë të lëmuar pas dhe duke mbajtur tre unaza të Super Bowl-it në xhirimet e filmit të tij më të ri, shkruan The Sun.
Ky fitues i çmimit Oscar kishte një pamje ndryshe nga ajo me të cilën jemi mësuar ta shohim si zemërthyes klasik, teksa po xhironte të mërkurën në Atlanta.
Ylli i njohur është fotografuar duke shëtitur në setin e filmit me një shprehje goje të hapur në fytyrë.
Por, a e zbuluat se për cilin aktor bëhet fjalë? As më pak e as më shumë, është ylli i filmit Batman, Christian Bale.
Aktori i famshëm është duke xhiruar skena për filmin e tij të ri të titulluar Madden, ku luan përkrah yllit tjetër amerikan, Nicolas Cage, në një projekt shumë të përfolur të regjisorit David O. Russell. Në rolin e tij, Christian Bale i ngjan shumë personazhit real që portretizon – të ndjerit Al Davis, pronari dhe menaxheri legjendar i ekipit Oakland Raiders. Bale shihej me një pamje të zbehtë dhe me fytyrë të skuqur, karakteristike për Davis.
Ndërkohë, Nicolas Cage është parë në set i veshur me një kostum special që e bënte të dukej më i shëndoshë, me flokë të gjatë, duke interpretuar trajnerin e famshëm të Raiders dhe më pas transmetuesin legjendar të NFL-it, John Madden.
Në film marrin pjesë edhe komediani John Mulaney në rolin e Trip Hawkins, themeluesit të Electronic Arts, si dhe aktorja britanike Sienna Miller, e cila luan Carol Davis, bashkëshorten e Al Davis.
Sipas një deklarate nga Amazon, “Filmi ndjek rrugëtimin e jashtëzakonshëm të Madden – nga partneriteti i suksesshëm në Super Bowl me Al Davis dhe ekipin Raiders, te krijimi i lojës së famshme Madden NFL, e deri tek shndërrimi në një nga zërat më ikonë në historinë e futbollit amerikan”.
Fansat e NFL-it kanë reaguar me habi ndaj transformimit të Christian Bale dhe Nicolas Cage për rolet e tyre.
“Prisni pak, a është kjo e vërtetë?”, shkroi një përdorues. “Ata s’duken aspak si vetja e tyre e vërtetë”, komentoi një tjetër. “Jo, nuk ka mundësi që ky të jetë John Madden!”, shtoi dikush tjetër i habitur.
Filmi Madden është i drejtuar nga David O. Russell, i cili ka qenë i nominuar për çmimin Oscar me filmat si The Fighter dhe Silver Linings Playbook.
Ai gjithashtu ka shkruar skenarin e këtij filmi, i cili është i bazuar në jetën e vërtetë të John Madden – nga koha si trajner i NFL-it, tek karriera si komentator dhe më pas fytyra ikonë e lojërave video Madden NFL të EA Sports.
Madden ndërroi jetë në dhjetor të vitit 2021, në moshën 85-vjeçare. Në film përfshihet edhe jeta e Al Davis – pronarit karizmatik të Raiders, i njohur për moton e tij të famshme: “Fitoni, thjesht fitoni, baby.” Davis ndërroi jetë në tetor të vitit 2011, në moshën 82-vjeçare për shkak të dështimit të zemrës.
Në prill të kaluar, u bë e ditur se roli i Madden do t’i besohej Nicolas Cage, ndërsa më vonë u konfirmua se Christian Bale do të portretizonte Al Davis. /

Myftiu i Kosovës, Naim Tërnava, ka uruar besimtarët për Festën e Kurban Bajramit, duke u bërë thirrje për më shumë mirësi mes tyre.
Në urimin e tij tradicional në prag të Festës së Bajramit të Vogël, Tërnava tha se kjo festë është përkujtim i sakrificës të profetit Ibrahim, “i cili ishte i gatshëm të flijonte më të dashurin e tij për hir të Zotit të madhërishëm, e i cili na mësoi se besimi i vërtetë nuk njeh kufi e as frikë nga sprovat, por gjen kuptimin e lartë pikërisht në dorëzimin ndaj vullnetit hyjnor të Zotit”.
“Në këtë ditë, zemrat e besimtarëve mbushen me mirënjohje dhe përkushtim, ndërsa duart e tyre shtrihen në ndihmë dhe bujari, ngase kjo festë është një akt që mishëron në frymën e afërsisë me Zotin dhe përgjegjësisë ndaj shoqërisë”, tha ai.
Myftiu Tërnava tha se Kurban Bajrami është festë fetare, por bart edhe mesazhe të thella shoqërore dhe atdhetare.
“Festa e Bajramit nuk kufizohet vetëm me adhurim, por ajo kontribuon në forcimin e vlerave që ndërtojnë shoqërinë dhe forcojnë atdheun”, u shpreh ai.
Festa e Kurban Bajramit karakterizohet me therjen e kubanit dhe kryerjen e haxhillëkut.
“Sot, kur miliona besimtarë janë në tokën e shenjtë të Mekës dhe ku do ta kalojnë këtë ditë në rrafshnaltën e Arafatit dhe në mesin e tyre gjenden edhe haxhilerët nga Kosova, të cilët janë duke e përjetuar haxhillëkun – udhëtimin e jetës – me lutjet e tyre drejtuar krijuesit për falje gabimesh, shëndet dhe mirëqenie për familjet e tyre, për popullin tonë dhe siguri për vatanin tonë”, tha Tërnava.
Haxhillëku ka nisur më 4 qershor dhe besimtarët myslimanë do të kryejnë rite fetare në Mekë deri më 8 qershor. Këtë vit, më shumë se 1.5 milion pelegrinë po marrin pjesë në ritualin më të rëndësishëm të Islamit./REL/
Lajmet
Bajrami: Nuk kemi nevojë që ta përsërisim një proces zgjedhor
Published
21 hours agoon
June 5, 2025By
UBTnews
Deputetja e Lidhjes Demokratike të Kosovës, Hykmete Bajrami deklaroi se nuk ka nevojë që të përsëritet sërish një proces zgjedhor. Sipas tij, qëndrimi i LDK-së është që ketë konstituim të institucioneve pas zgjedhjeve të 9 shkurtit, teksa shtoi se bashkimi i dy palë zgjedhjeve do të shkaktonte probleme të mëdha.
Kështu u shpreh deputetetja Bajrami, pas dështimit për herë të 27-të për konstituim të legjislaturës së nëntë të Kuvendit të Kosovës.
“Unë mendoj që ne veç sa e kemi kaluar një proces të zgjedhjeve nacionale, në fakt edhe si parti e kemi të njëjtin qëndrim dhe duhet të bëhet konstituimi i institucioneve të dala nga zgjedhjet e 9 shkurtit. Nuk kemi nevojë që ta përsërisim një proces zgjedhor, sepse nuk mund të priten as edhe ndryshime të mëdha. Në ndërkohë ne e dimë të gjithë procesin tejet të ndërlikuar dhe kohën që e ka marrë për numërim të votave nga ana e KQZ-së. Bashkimi i dy palë zgjedhjeve në një periudhë të caktuara do të shkaktonte probleme të mëdha dhe ka shumë mundësi që zgjedhje të tilla mandej edhe të mos pranohen nga ndonjë subjekt”, u shpreh Bajrami.
Deputetja e Lidhjes Demokratike të Kosovës tha se degët e LDK-së në komuna janë në procesin konsulatativ për paraqitjen e kandidaturave për kryetar komunash.
“Nuk janë përcaktuar emrat, janë mbajtur takime të përbashkëta me kryesinë dhe kryetarët e degëve, gjithashtu me kryetarin dhe kryetarët e degëve, e kemi ndarë procesin në tri faza. Dhe tani janë komunat, degët e LDK-së në gjitha komunat në Kosovë të cilat janë në fazën e procesit konsultativ, disa prej tyre veç i kanë paraqitur kandidaturat, disa të tjera janë në proces”, shtoi Bajrami.
Lajmet
Kryeziu-Hyseni: Qëllimi i partive opozitare nuk është zgjidhja por vazhdimi i bllokadës
Published
21 hours agoon
June 5, 2025By
UBTnews
Deputetja e Lëvizjes Vetëvendosje, Arbëreshë Kryeziu-Hyseni ka thënë se qëllimi i partive që deri tani ishin në opozitë nuk është formimi i institucioneve të reja pas zgjedhjeve të 9 shkurtit, mirëpo vazhdimi i bllokadës dhe krizës politike.
Pas dështimit të sotëm të seancës konstituive të Kuvendit për herë të 27-të, ajo tha se këto parti parlamentare qëllimshëm nuk po marrin pjesë në votim për formimin e komisionit verifikues për zgjedhjen në mënyrë të fshehur të kryeparlamentarit.
“Qëllimi i partive opozitare nuk është zgjidhja por vazhdimi i bllokadës që ata vet e kanë krijuar qysh në fillim të sagës së këtyre seancave të vazhdueshme. Fillmimisht kanë refuzuar komisionin për verifikimin e mandateve dhe më pastaj duke refuzuar të marrin pjesë në votim për komisionin verifikues për votim të fshehtë të kryeparlamentarit”, tha ajo.
Madje, Kryeziu-Hyseni para gazetarëve tha se në procesin e zgjedhjes së nënkryetarëve ata nuk do të votojnë për asnjë deputetë të LDK-së, kurse për ata të PDK-së tha se votojnë vetëm Nait Hasanin dhe Sala Jasharin.
“Është qëndrim i joni që nuk do të votojmë asnjë emër tjetër nga radhët e PDK-së përveç Nait Hasanit dhe Sala Jasharit. Ndërkohë që edhe ne kemi vendosur reciprocitet ndaj LDK-së dhe nuk pranojmë asnjë propozim nga ana e tyre. Nëse duam që të hyjmë në ciklin e dëshirave dhe të shndërrojmë Kuvendin në vend të dëshirave, e jo në vend të numrave atëherë le të vendosim këso lloj kriteresh”, tha ajo./KosovaPress/

Metabolizëm i ngadaltë, si t’i dalloni simptomat

Profesorët e UBT-së kontribuojnë në ndërtimin e paqës së qëndrueshme

Zyrtare: Ferizaj përforcohet në qendër të mbrojtjes, prezantojnë Ardit Iljazin

Mbyllet me sukses Java e Dizajnit në UBT – prezantohen koleksione me vlera artistike dhe kulturore

Aktori Christian Bale duket thuajse i panjohur rrugëve të Atlantas, teksa po xhiron filmin e ri

Jackie Chan: Mësova anglisht përmes muzikës ‘country’ pasi u zhvendos në SHBA!

Bill Gates do të dhurojë 99% të pasurisë së tij për Afrikën

FSHF: Vijon procesi i shpërndarjes së biletave përmes shortit elektronik për ndeshjen Shqipëri – Serbi

Ardian Ismajli mund t’i bashkohet Rashicës te Besiktasi?
Të kërkuara
-
Lajmet nga UBT1 month ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT2 days ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati