Sport

​Interi i ofron rinovim të kontratës Calhanoglut

Klubi është i prirur ta lidhë atë me një kontratë të re, sugjerojnë raportet nga mediat italiane.

Published

on

Hakan Calhanoglu është një nga të paktët në skuadrën e Interit që ka pasur rënie të madhe në formë dhe klubi është i prirur ta lidhë atë me një kontratë të re, sugjerojnë raportet nga mediat italiane.

Mesfushori turk luajti një rol vendimtar në fitoren 1-0 të “Nerazzurrëve” në Ligën e Kampionëve ndaj Barcelonës të martën, duke shënuar golin e fitores në minutat e fundit të pjesës së parë. Calhanoglu ka pasur një fillim të mirë të sezonit pavarësisht fillimit të dobët të Interit dhe do të jetë i preferuari i Simone Inzaghit për repartin e mesfushës.

Siç raportohet nga “Calciomercato.com”, agjenti i Calhanoglu do të ulet për negociata mbi kontratën e re me Interin gjatë pushimit të Kupës së Botës, që fillon muajin e ardhshëm. Marrëveshja aktuale e mesfushorit skadon në vitin 2024, duke i dhënë kohë klubit, por qëllimi është të vendoset nënshkrimi në letër sezonit 2023-24.

28 vjeçari pati oferta nga Nottingham Forest, Everton dhe Neëcastle United gjatë verës, por ai nuk mori parasysh asnjë nga këto oferta pasi ai është i kënaqur me “Nerazzurrët”.

Do të duhet të arrihet një marrëveshje me Interin në lidhje me marrëveshjen e re, e cila ka të ngjarë të shohë që paga e tij të rritet krahasuar me 5 milionë euro neto që përfiton aktualisht në sezon.

Sport

Tragjedi në pistën e skive, vdes në moshën 18-vjeçare ylli i ri francez Margot Simond

Published

on

Një tjetër tragjedi ka goditur botën e skive, pas asaj të Matilde Lorenzi. Vdes gjatë një stërvitjeje ne Val d”lsere ylli i ri francez i skive, Margot Simond. Ajo po përgatitej të merrte pjesë ne eventin “Red Bull Alpine Park”.

18-vjecarja ra gjatë aktivitetit dhe ndërhyrja e shpejtë e ndihmës nuk arriti ta shpëtojë, përplasja ishte fatale.

Prokuroria e Alberville ka hapur një hetim për aksidentin.

Margot Simond, e lindur në Aillons Margériaz, në rajonin e Savojës dhe pjesë e klubit të skive “Ski Club Les Saisies”, ishte një nga talentet më të mëdha të skive franceze.

Kampione kombëtare në kategorinë nën 18 vjeç, këtë vit kishte debutuar në Kupën e Europës dhe kishte marrë pjesë në Kampionatin Botëror për të rinj në Tarvisio.

Continue Reading

Sport

Nga sfidat e një atleti e deri tek problemi shëndetësor që pati, intervistë ekskluzive me Tirron Mamusha

Published

on

n’Ritëm ka zhvilluar intervistë me atletin nga Gjakova, Tirron Mamusha me të cilin diskutuam për garat e fundit, sfidat por dhe sukseset e profesionit të tij.

Ai më tutje ndau me dëgjuesit e Campus Radio momente nga jeta private duke zbuluar se pati një lëndim dhe kaloi rreth 6 muaj të vështirë e madje nuk pati shpresë se do i’a arrijë që të vrapojë përsëri.

Duke qenë një ndër atletët që premton shumë, Tirroni pohon faktin se motivohet nga njerëzit që e rrethojnë dhe se kur ndodhet në garë ajo që e mendon është vetëm të jetë në Top 3.

Campus Radio-n mund ta dëgjoni në 100.7FM dhe në platformë online:

TUNE IN: https://www.ubt-uni.net/sq/media-dhe-evente/ubt-radio-kampusi/

/UBT News/

Continue Reading

Sport

​Prishtina 01 fituese e Kupës së Kosovës në futsall

Published

on

By

Finalja e Kupës së Kosovës në futsall dhuroi spektakël të vërtetë në Pallatin e Rinisë dhe Sporteve në kryeqytet, ku FC Prishtina 01 doli fituese ndaj FC Vjosa me rezultat 5:4, pas vazhdimeve. Në një atmosferë elektrizuese në një palestër po thuajse të stërmbushur me tifozë, të dyja skuadrat ofruan një prej ndeshjeve më emocionuese të këtij edicioni.

Pjesa e parë përfundoi në barazim, 2:2. Për Prishtinën 01 dy herë realizoi Drilon Maxharraj, ndërsa për Vjosën shënuan Jetmir Gashi dhe Jesus Rivas.

Në pjesën e dytë, Halim Selmanaj dhe Ramadan Alaj i dhanë epërsinë Prishtinës me rezultat 4:2, por Vjosa reagoi fuqishëm. Fillimisht, Jesus Vidal ngushtoi rezultatin në 4:3, ndërsa në sekondat e fundit një autogol i Melos Kelmendit barazoi gjithçka në 4:4, duke çuar ndeshjen në vazhdime.

Në vazhdimet dy herë nga 5 minuta, Fitim Krasniqi shënoi golin vendimtar për 5:4, duke i siguruar FC Prishtina 01 trofeun e çmuar të Kupës së Kosovës në futsall. Ky është trofeu i katërt për këtë skuadër në këtë garë dhe i treti radhazi.

Spektakli i mbrëmjes u zbeh kur kishin mbetur 25 sekonda deri në fund të vazhdimeve, kur skuadra e Vjosës refuzoi ta vazhdojë lojën në shenjë pakënaqësie ndaj një vendimi të gjyqtarëve. Kjo shkaktoi reagime edhe nga tifozët e shumtë të Vjosës, të cilët hodhën gjësende në parket. Gjyqtarët pritën për pesë minuta rikthimin e ekipit në fushë, por kjo nuk ndodhi, dhe më pas dhanë shenjë për përfundimin e ndeshjes.

 

Continue Reading

Sport

Akil Gjakova mbetet pa medalje në Evropianin e xhudos

Published

on

Akil Gjakova ka mbetur pa medalje në Kampionatin Evropian të xhudos, i cili po mbahet në Podgoricë të Malit të Zi.

Pasi u eliminua në çerekfinale, garuesi kosovar u mposht edhe në meçin e parë të repesazhit, përmes së cilit po e kërkonte medaljen e bronztë.

Akili humbi me Ippon nga hungarezi Daniel Szegedi në kategorinë deri në 73 kilogramë. Në çerekfinale Gjakova u mposht në çerekfinale nga gjeorgjiani Lasha Shavdatuashvili në një meç maratonik. Gjakova e kishte kaluar rrethin e parë pa luftë, ndërsa në atë të dytë e mposhti francezin Maxime Gobert.

Në xhiron e tretë, ai fitoi kundër moldavit Victor Sterpu, për t’u ndalur më pas në çerekfinale dhe në repesazh, dje garoi edhe xhudisti tjetër kosovar, Dardan Cena, i cili u ndal në të tetën e finales. Kosova e mbylli eksperiencën në Evropianin e xhudos me një medalje, atë të artë të fituar dje nga Distria Krasniqi.

Më herët dje, në rrethin e parë u eliminua garuesja tjetër kosovare, Laurine Gashi.

Continue Reading

Të kërkuara