Lajmet

​Interesim i vogël i mërgimtarëve për të vizituar Kuvendin

Kuvendi do të jetë i hapur edhe nesër deri në orën 16:00.

Published

on

Kuvendi i Republikës së Kosovës sot ka hapur dyert për vizitë nga bashkatdhetarët, megjithatë aty u pa një numër i vogël i tyre por të cilët u shprehen të zhgënjyer nga mungesa e një organizimi më të denjë.

Mërgimtari që jeton dhe vepron në Zvicër, Ahmet Bllaca tha se Kuvendi si objekt është i mirë po që shprehi mospajtime me udhëheqësit e shtetit.

“Kuvendi është shumë vend i mirë, më një fjalë në shtetet me demokraci të përparuar, kuvendi është tempull i demokracisë. Si objekt është fenomenal, ky kuvend na kujton edhe një të kaluar të hidhur, ish krahinat e autonomisë të Kosovës në ish-Jugosllavi. Kur e kanë bërë jashtë kuvendarët tonë, e kanë shpallur si të pavarur këtë shtet, po zotërinjtë sot që janë aty, më vjen shumë keq, një pjesë e madhe e tyre tentojnë ta shndërrojnë në cirk, në vend që të jenë një gjuhë, të arrijnë kompromise dhe të votojnë ligje, ata zotërit kurdo hynë e dalin, aspak nuk e marrin si përgjegjësi, e marrin si hobi”, ka thënë ai.

Një tjetër mërgimtar, Shahin Shahini, u shpreh i zhgënjyer pasi në objektet e Kuvendit nuk e ka pritur askush nga deputetët.

“E pash në portal që sot edhe nesër do të jenë hapur dyert e Kuvendit, neve nuk na priti askush, nuk më pëlqej hiq fare, për të bërë ankesa nuk kishe se ku. Jo mërgata duhet t’i ketë do të drejta, kurrfarë të drejta nuk kemi. Është dashur të këtë një kohë të caktuar. Kuvendi mirë po do punë tjera me na i kry pak më mirë, aty është problemi. Këtu mirë krejt, i lumi ai që është këtu, i mjeri ai që është jashtë”, deklaroi Shahini.

Ndërsa, të vetmit që u panë ishin deputetët Enver Dugolli dhe Fridon Lala. Dugolli deklaroi se është njoftuar me vonës për ardhjen e bashkatdhetarëve, derisa shtoi se LVV-ja ka pasur takim edhe të premten me mërgimtarët.

“Sot gjithashtu është ditë që do të jemi këtu prezent edhe nesër gjithashtu, bashkatdhetarët janë të mirëseardhur në Kuvendin e Republikës së Kosovës dhe të shohin nga afër edhe deputetët edhe ambientin ku punojmë. Pyetje, komente jemi të gatshëm si gjithmonë për bashkatdhetarët e qytetarët që na kanë votuar. Në orët në vijim do të vijnë edhe më shumë deputetë për shkak se unë me vonës u njoftova që sot është gjithashtu ditë për bashkatdhetarët, që do të vijnë ne Kuvendin e Republikës së Kosovës”, tha ai.

Kurse Fridon Lala ka bërë të ditur se dyert e Kuvendit janë të hapura për mërgimtaret sot edhe nesër. Ai theksoi se kontributi i mërgatës i dhënë në proceset shtetendërtuese të Kosovës është i madh.

“Kuvendi, si anëtarë i forumit për transparencë parlamentare mund të them që edhe këto ditë e kemi pasur si agjendë të punës tonë, mirëpo ka qenë i hapur gjatë vitit për të gjitha grupet shoqërore, por dukE marrë parasysh që mërgata këtë kohë vije në Kosovë dhe jeta dinamike që ata kanë atje nuk mund të përcjellin në baza ditore punën e kuvendit, kemi vendosur këto dy ditë t’ia kushtojmë mërgatës. Të gjitha ata pjesëtarë apo qytetarë të Kosovës që jetojnë në mërgime dhe janë të interesuar rreth punës së kuvendit sot po na vizitojnë. Ajo çfarë më së shumti kemi marrë rreth mërgatës, janë projektligjet të cilat i kemi programuar si kuvend që kemi kaluar dhe zakonisht ka pyetje shtesë, se çfarë do të ndikojë ai projektligj, si do të impelmentohet, a do të implementohet, duke marrë parasysh skepticizmin që e kanë nga e kaluara”, deklaroi ai.

Kuvendi do të jetë i hapur edhe nesër deri në orën 16:00.

Lajmet

​Paga minimale, Murati thërret në takim përfaqësuesit e bizneseve

Published

on

By

Ministri në detyrë i Financave Punës dhe Transfereve, Hekuran Murati ka ftuar përfaqësuesit e komunitetit të bizneseve për të diskutuar çështjen e rritjes së pagës minimale.

Takimi është paraparë të mbahet të enjten prej orës 10:00 në objektin e Qeverisë së Kosovës.

“Në emër tê Ministrit të Financave, Punës dhe Transfereve, z. Hekuran Murati, ju ftojmë tê merrni pjesë nẽ takimin ku do tẽ diskutohet çështja e rritjes së pagës minimale”, thuhet në ftesën e Ministrisë së Financave drejtuar Dhomave dhe Odave Ekonomike në Kosovë.

Aktualisht paga minimale në vendin tonë është 350 euro bruto. Kjo rritje u bë në gusht të vitit të kaluar, disa ditë pasi hyri në fuqi Ligji për pagën minimale, i cili parashihte një rritje të pagës minimale në 264 euro bruto. Deri në fuqizimin e Ligjit të ri, paga minimale në Kosovë ishte 130 euro për punëtorët nën 35 vjeç dhe 170 euro për punëtorët deri në 65 vjeç.

Ndërsa, më 26 tetor kryeministri në detyrë Albin Kurti në seancën e jashtëzakonshme ku dështoi formimi i qeverisë së re, përmendi edhe rritjen e pagës minimale në 500 euro. /KP

Continue Reading

Lajmet

Siria njeh Kosovën

Published

on

By

Siria është shteti numër 120 që njeh pavarësinë e Kosovës, ka bërë të ditur presidentja Vjosa Osmani.

Me mbështetjen e Lartësisë së tij Mbretërore, Princit të Kurorës së Arabisë Saudite, Muhammed bin Salman Al Saud, sot në Riad arritëm marrëveshjen nëpërmjet së cilës Republika Arabe e Sirisë njeh Republikën e Kosovës, shkruan Osmani në Facebook.

Osmani ka falënderuar presidentin Al Sharaa për vendimin për njohje të Kosovës si dhe për mbështetjen e tij për popullin tonë. Ajo ka falënderuar edhe Princin e Kurorës së Mbretërisë së Arabisë Saudite që e bëri të mundshëm këtë akt historik ndërmjet dy shteteve tona.

“Populli i Kosovës dhe ai i Sirisë kanë vuajtur e sakrifikuar shumë për ta arritur lirinë. Kjo njohje e ndërsjellë sot nuk është vetëm e sovranitetit shtetëror, por edhe njohje e sakrificës së shumë brezave për të jetuar të lirë. Tani Kosova njihet nga 120 shtete. Republika jonë po ecë përpara dhe s’ka asgjë që mund ta ndalë”/KP

Continue Reading

Lajmet

​Transporti ajror, Shqipëria shënon rritje të numrit të pasagjerëve

Published

on

By

Transporti ajror vijoi tendencën pozitive edhe gjatë tremujorit të tretë të vitit 2025, duke regjistruar rritje si në numrin e pasagjerëve ashtu edhe në volumin e mallrave të transportuara.

Sipas të dhënave zyrtare të INSTAT-it numri i pasagjerëve ka vijuar të rritet, duke arritur në 3.892.761 gjatë tremujorit të tretë të këtij viti, nga 3.534.751 që ishin në të njëjtën periudhë të vitit të kaluar, një rritje prej 10,1%, raporton ATSH.

Volumi i mallrave, përfshirë postën, që është trajtuar nëpërmjet transportit ajror, ka arritur në 714,3 tonë, prej të cilëve 78,5% janë mallra të hyrë dhe 21,5% mallra të dalë.

Ky tregues ka shënuar rritje 25,1% krahasuar me të njëjtin tremujor 2024, duke reflektuar zgjerimin e aktivitetit ekonomik dhe rritjen e kërkesës për transport ajror të mallrave. Në këtë periudhë kanë operuar gjithsej 31 shoqëri ajrore, nga të cilat 30 janë të huaja dhe vetëm një shqiptare.

Në hapësirën ajrore shqiptare janë realizuar gjithsej 139.923 fluturime, ku 83,6% e tyre përbëhen nga mbikalime./KP

Continue Reading

Lajmet

Kurti i ftuar i nderit në darkën e shtruar nga Qarku Diplomatik i Parisit

Published

on

By

Kryeministri në detyrë i Republikës së Kosovës, Albin Kurti, ishte mbrëmë i ftuar nderi në darkën e shtruar nga Qarku Diplomatik i Parisit, ku të pranishëm ishin personalitete të larta të hallkave diplomatike, politike dhe ekonomike të Francës, njoftojnë përmes komunikatës për media zyra e kryeministrisë.

Në adresimin e tij para të pranishmëve, Kurti thuhet të ketë folur për rëndësinë e solidaritetit dhe bashkëpunimit ndërmjet vendeve demokratike në avancimin e mëtejmë të shoqërive tona dhe në përballje me sfidat e përbashkëta. Ai theksoi nevojën, si dhe rëndësinë, që në rrugëtimin përpara të vendeve evropiane vlerat dhe interesat të ecin gjithmonë bashkë.

Gjithashtu foli për angazhimin dhe vlerën e shtuar të anëtarësimit të Kosovës dhe gjithë Ballkanit Perëndimor në Bashkimin Evropian dhe NATO. Ai tha se anëtarësimi i Ballkanit Perëndimor në Bashkimin Evropian është në vetë interesin ekonomik dhe të sigurisë të Bashkimit Evropian dhe shteteve anëtare të tij. Në këtë drejtim, ai shtoi se u përket atyre që besojnë se zgjerimi i jashtëm i Bashkimit Evropian dhe reformat e brendshme të tij shkojnë krah për krah. Vetëm një Evropë që dëshiron të reformohet nga brenda mund të zgjerohet nga jashtë, dhe vetëm një Evropë që dëshiron të zgjerohet nga jashtë mund të reformohet suksesshëm nga brenda; zgjerimi i jashtëm dhe reformat e brendshme janë njëkohësisht mundësi dhe kushte të njëra-tjetrës”, citohet të ketë thënë Kurti.

Kurti sot merr pjesë në edicionin e tetë të Forumit të Paqes në Paris, me ftesë të Presidentit të Republikës së Francës, Emmanuel Macron./EO

Continue Reading

Të kërkuara