Lajmet

​Inflacioni në Eurozonë në nivel rekord – 8.6%

Krahasuar me 8.1 për qind në maj.

Published

on

Inflacioni në Eurozonë arriti një rekord të ri në qershor, pak përpara rritjes së parë të normave të interesit nga Banka Qendrore Evropiane (BQE) në 11 vjet.

Norma e inflacionit në zonën e monedhës së përbashkët ishte 8.6 për qind me bazë vjetore muajin e kaluar, krahasuar me 8.1 për qind në maj, sipas vlerësimit paraprak të sotëm të zyrës evropiane të statistikave, Eurostat.

Sipas të dhënave paraprake nga tabela e Eurostat, Estonia është në krye të listës së rekordmenëve për rritjen e inflacionit me një normë madje 22 për qind, e ndjekur nga Lituania me 20.5 për qind dhe Letonia me 19 për qind. Në fund renditen Malta me një normë rritjeje të vlerësuar të çmimeve të konsumit në qershor prej 6.1 për qind nga viti në vit, Franca 6.5 dhe Finlanda me 8.1 për qind.

Gjermania befasoi si ekspertët ashtu edhe publikun e gjerë këtë javë, duke raportuar se në qershor regjistroi një rënie të inflacionit vjetor me 0.5 pikë përqindjeje në 8.2 për qind krahasuar me majin.

Ekspertët thonë se ky është rezultat i subvencioneve të reja të qeverisë për të zbutur ndikimin e rritjes së çmimit të energjisë tek familjet, por kjo nuk do të thotë se rritja e inflacionit në atë vend ka marrë fund.

Sipas të dhënave të Eurostat-it, norma e inflacionit nga viti në vit në Holandë gjithashtu ra me 0.3 pikë përqindjeje në krahasim me muajin e kaluar në 9.9 për qind, që është ende një nivel shumë i lartë.

BQE, e cila ka premtuar se do të përballet me rritjen e çmimeve, duhet të mblidhet në fund të korrikut dhe të marrë një vendim për shtrëngimin e kushteve të huamarrjes.

Banka qendrore e eurozonës ka njoftuar një tjetër rritje të normës për shtator, që do të thotë se normat e saj bazë të interesit mund të kthehen në territor pozitiv këtë vit. BQE ka pasur norma negative që nga viti 2014.

Lajmet

Osmani në Sofje, takoi presidentin bullgar dhe mbretin e Jordanisë

Published

on

By

Presidentja Vjosa Osmani, po qëndron në Bullgari, për ta përfaqësuar vendin krahas liderëve të tjerë në takimin e nivelit të lartë të Procesit Aqaba për Ballkanin III, i cili do të mbahet në Sofje.

Nga atje Osmani ka publikuar një fotografi nga takimit me Mbretin Abdullah II të Jordanisë dhe Presidentin e Bullgarisë, Rumen Radev.

‘’Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal.

Continue Reading

Lajmet

Rivarrosen mbetjet mortore të 10 viktimave të luftës

Published

on

Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.

Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.

Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.

Ky akt përkujton sakrificat e viktimave të luftës dhe mundëson nderimin dhe kujtimin e tyre.

Continue Reading

Bota

Shpërthejnë përleshjet në Sudanin e Jugut, 30 të vdekur

Published

on

Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.

Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.

Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.

Continue Reading

Bota

Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve

Published

on

Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.

Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.

Continue Reading

Të kërkuara