Shëndet

​IKSHPK sqaron çështjen e testimit të futbollistëve të Prishtinës që dolën me COVID-19

Published

on

Një pjesë e futbollistëve të Prishtinës dolën negativë në testet për koronavirus në Kosovë, por ky rezultat nuk doli i njëjtë edhe në Gjibraltar.Për shkak të kësaj, klubi i futbollit nga kryeqyteti nuk u lejua të luajë ndeshjen me skuadrën nga Gjibraltari.

E IKSHPK-ja thotë se në bazë të kronologjisë së testeve të futbollistëve të Prishtinës ‘vërehet se infeksioni me COVID-19 ka qarkulluar në mesin e anëtarëve te KF Prishtina në javët e fundit’.“Është shumë e mundur që rastet të cilat nuk janë detektuar më datën 15.08.2020 në IKSHPK kanë qenë në fazën e hershme të infeksionit dhe për këtë arsye potencialisht kanë rezultuar pozitive me datën 17.08.2020 gjatë mostrimit në Gjibraltar.

Duhet theksuar se rreziku për paraqitje të rasteve të reja ne mesin e anëtarëve të klubit gjatë ditëve pas testimeve të kryera ka qenë dhe është i pranishëm duke marrë në konsiderim faktin që inkubimi gjatë infeksionit është 2-14 ditë dhe të gjithë anëtarët kanë qenë në kontakte të afërta të rasteve të konfirmuara”, thuhet në sqarim.

IKSHPK me kërkesë të KF Prishtina sot, më datën 20.08.2020, ka kryer testimin për prani të SARS-CoV-2 tek anëtarët e ekipit të dytë të Prishtinës dhe nga 27 të testuar një ka rezultuar pozitiv dhe për këto rezultate është informuar menaxhmenti i KF të Prishtinës.

Ndeshja e Europa League midis Lincoln Red Imps dhe Prishtina u anulua pasi shtatë anëtarë të ekipit mysafir dolën me COVID-19.Vendimi për anulimin e ndeshjes nga një zyrtar i UEFA në stadiumin ‘Victoria’, pas kontaktit me autoritetet e Gjibraltarit.Skuadra kosovare mbërriti në Gjibraltar me aeroplan Charter dhe u testua menjëherë në aeroport.

Protokolli thotë që lojtarët e ekipit duhet të testohen për virus tre ditë para një ndeshje, dhe pastaj përsëri një ditë më parë.Në përputhje me rregullat e UEFA-s, certifikatat që tregojnë se lojtarët janë “negativë” kërkohen para se lojtarët të lejohen të marrin pjesë në ndonjë garë.Sidoqoftë, ndërsa të gjithë lojtarët e Lincoln FC dolën negativë, shtatë lojtarë prishtinas dolën pozitivë.

Kjo është hera e dytë në një javë brenda një jave një ekip kosovar i është dashur të heqë dorë nga ndeshja para fillimit të saj.

Shëndet

Çaji natyral që lehtëson fryrjen e barkut

Published

on

Një ndër arsyet më të shpeshta pse ndiheni të fryrë, të rënduar apo të shqetësuar nga gazrat, lidhet ngushtë me mënyrën e të ushqyerit.

Pirja e tepërt i alkoolit, ushqimeve të shpejta dhe ëmbëlsirave industriale ngadalëson tretjen dhe krijon një mjedis të ngarkuar në zorrë.

Si pasojë, organizmi jo vetëm që humb energjinë, por edhe ndikon në gjendjen e mirëqenies suaj. Shumë mendojnë se pastrimi i zorrëve është një proces i komplikuar, që kërkon trajtime të shtrenjta ose barna me efekte të padëshiruara anësore.

Por në të vërtetë, ka një mënyrë të natyrshme, të thjeshtë dhe ekonomike për të rifituar lehtësinë në stomak dhe për të përmirësuar funksionimin e sistemit tretës: përgatitja e një çaji detox në kushte shtëpie.

Ky çaj i posaçëm përfshin përbërës krejtësisht natyralë, të cilët njihen prej kohësh për vetitë e tyre anti-inflamatore dhe tretëse:

Gjysmë luge shafran i Indisë (kurkumë) – ndihmon në reduktimin e inflamacionit dhe stimulon pastrimin e mëlçisë.

Një majë piper i zi – aktivizon përthithjen e kurkumës dhe përmirëson tretjen.

Pluhur xhenxhefili – qetëson stomakun, lehtëson gazrat dhe nxit qarkullimin e mirë të ushqimit në zorrë.

Një lugë mjaltë natyral – jo vetëm që i jep ëmbëlsi natyrale çajit, por ka edhe veti antibakteriale e qetësuese për sistemin tretës.

Përgatitja është e lehtë: Shtoni këta përbërës në filxhan ujë, përzieni mirë dhe konsumojeni ngadalë, veçanërisht pas vakteve kryesore.

Me përdorim, ky çaj jo vetëm që eleminojë ndjesinë e fryrjes, por dhe ndihmon në rivendosjen e funksionimit normal të zorrëve. Si rezultat, do të ndiheni më të lehtë, më energjikë dhe do të përjetoni një përmirësim të përgjithshëm të tretjes suaj. /A.Z/UBT News/

Continue Reading

Shëndet

Studimi: Personat me më shumë tatuazhe kanë rrezik më të ulët për melanomë!

Published

on

Një studim i fundit nga Huntsman Cancer Institute në Universitetin e Utah sugjeron se personat që kanë bërë dy ose më shumë seanca tatuazhesh mund të kenë rrezik më të ulët për të zhvilluar melanomë, një lloj i rrezikshëm i kancerit të lëkurës.

Ekipi i udhëhequr nga doktoresha Jennifer Doherty analizoi të dhënat e 7 mijë banorëve dhe gjeti se personat me një seancë tatuazhi kishin rrezik më të lartë, veçanërisht për melanomën “in situ”, ndërsa ata me disa tatuazhe dukeshin më të mbrojtur.

Shkencëtarët nuk e kuptojnë ende pse ndodh kjo, por një shpjegim i mundshëm është se personat me më shumë tatuazhe tregohen më të kujdesshëm ndaj diellit dhe përdorin krem mbrojtës, ose që tatuazhet mund të nxisin një reagim imunitar të dobishëm.

Doktoresha Rachel McCarty thekson se kjo nuk do të thotë që të bësh më shumë tatuazhe ul automatikisht rrezikun.

Hulumtimet e mëparshme sugjerojnë se tatuazhet mund të lidhen me lloje të tjera kanceri, si disa forma të leukemisë.

Studimi u publikua në Journal of the National Cancer Institute, dhe ekspertët theksojnë rëndësinë e kuptimit të faktorëve të rrezikut për të përmirësuar strategjitë parandaluese dhe shpëtuar jetë. /A.Z/UBT News/

Continue Reading

Shëndet

Çka duhet të dini për ulcerën: shkaqet, rreziqet dhe trajtimin

Published

on

Ulcera peptike është një plagë që formohet në mukozën e aparatit tretës, më së shpeshti në stomak, dymbëdhjetëgishtore ose më rrallë në ezofag.

Ajo lind kur prishet ekuilibri midis faktorëve mbrojtës të mukozës dhe atyre agresivë, si acidi gastrik dhe pepsina.

Dy faktorët më të shpeshtë që çojnë në ulçerë janë:

Infeksioni me bakterin Helicobacter pylori (H. pylori) – një nga infeksionet bakteriale më të përhapura në botë dhe faktor i rëndësishëm rreziku edhe për kancerin gastrik.

Përdorimi i gjatë i barnave anti-inflamatore jo-steroide (NSAID), si ibuprofeni, aspirina, naprokseni apo diklofenaku, të cilat dëmtojnë mukozën dhe e bëjnë stomakun më të ndjeshëm ndaj acidit.

Si zhvillohet ulcera?

Mukoza e stomakut mbrohet nga një shtresë mukoze e cila pengon acidin të dëmtojë indet. Kur kjo shtresë dobësohet ose dëmtohet, acidi fiton përparësi dhe krijon plagën.

Simptomat më të zakonshme:

Dhimbje në pjesën e sipërme të barkut

Tek ulçera e stomakut: dhimbja shfaqet menjëherë pas ngrënies

Tek ulçera e dymbëdhjetëgishtores: dhimbja shfaqet disa orë pas ngrënies ose gjatë natës

Simptoma të tjera: nauze, të vjella, fryrje, ndjesi ngopjeje të hershme

Në disa raste, ulçera mund të mos japë shenja deri sa të shfaqen komplikime.

Komplikimet më të rrezikshme:

Gjakderdhja – mund të jetë e fshehur (duke shkaktuar anemi) ose e dukshme (jashtëqitje e zezë, gjak në të vjella).

Perforimi (shpimi i murit të stomakut/duodenumit) – gjendje urgjente që çon në dalje të përmbajtjes së stomakut në zgavrën abdominale dhe kërkon ndërhyrje kirurgjikale të menjëhershme.

Diagnostikimi:

Metoda më e saktë është endoskopia e sipërme (EGDS), e cila mundëson:

identifikimin e ulcerës,

marrjen e mostrave për biopsi,

ndalimin e gjakderdhjes përmes teknikave të ndryshme terapeutike.

Trajtimi:

Inhibitorë të pompës protonike (PPI) – për uljen e aciditetit.

Terapia eradikuese kundër H. pylori – kombinim antibiotikësh me PPI.

Barnat mbrojtëse të mukozës si sukralfati.

Metoda endoskopike – në rastet me gjakderdhje aktive.

Me trajtim adekuat, shumica e ulcerave shërohen brenda disa javësh. Nëse faktorët shkaktarë nuk eliminohen, ulçera mund të rikthehet.

Përfundim:

Ulçera është një sëmundje e zakonshme, por e trajtueshme. Zbulimi i hershëm i simptomave dhe trajtimi i duhur janë thelbësorë për të shmangur komplikimet serioze. Konsultimi me mjekun mbetet hapi më i sigurt drejt shërimit. /A.Z/UBT News/

Continue Reading

Shëndet

Vaji i ullirit, përfitime dhe rreziqe për lëkurën

Published

on

Vaji i ullirit është më i yndyrshëm se shumë vajra tjerë e prej kohësh njihet për efektet e tij pozitive në shëndet dhe kujdesin e lëkurës. Ai ndihmon në hidratimin e lëkurës së thatë, zbut thembrat e plasaritura dhe rigjeneron buzët e çara.

Megjithatë, si çdo produkt natyral, edhe ky vaj ka anët e tij negative që duhen marrë parasysh.

Vajrat që gjejmë në treg përmbajnë përbërës kimikë të panjohur, përdorimi i tyre duhet të bëhet me kujdes.

Përveç përfitimeve, vaji i ullirit mund të sjellë edhe disa efekte anësore:

Shkaktimi i akneve

Nuk përthithet lehtë nga lëkura e formon shtresë sipërfaqësore që bllokon poret. Kjo favorizon grumbullimin e papastërtive dhe shfaqjen e akneve.

Skuqje dhe irritim

Për personat me lëkurë të yndyrshme, vaji përkeqëson gjendjen. Përzierja me sebumin natyral të lëkurës çon në skuqje, kruarje dhe irritim.

Reaksione alergjike

Tek individët e ndjeshëm, përdorimi i vajit shkakton alergji. Nëse keni përjetuar më parë skuqje apo irritim pas aplikimit, është e këshillueshme të shmanget dhe të konsultoheni me mjekun.

Përdorimi tek të porsalindurit

Nuk rekomandohet përdorimi në lëkurën e foshnjave, pasi nuk dihet nëse mund të shkaktojë reaksione alergjike. Për siguri, shmangeni përdorimin e tij për masazhe tek bebet.

Formimi i pikave të zeza

Për shkak të natyrës së tij yndyrore, ulliri mund të bllokojë poret e nxit shfaqjen e pikave të zeza, duke grumbulluar qeliza të vdekura dhe papastërti në sipërfaqen e lëkurës.

Përndryshe, vaji i ullirit është i dobishëm, por jo i përshtatshëm për çdo tip lëkure. Përpara përdorimit të rregullt, është mirë të bëni një test të vogël dhe të vëzhgoni reagimin e lëkurës suaj. /A.Z/UBT News/

Continue Reading

Të kërkuara