Sport

​Idrizi thotë se rinovimet në palestrën sportive në Vushtrri do të përfundojnë këtë vit

Idrizi tha se kjo do të jetë përmbushje e një prej premtimeve të tij.

Published

4 years ago

on

Kryetari i Komunës së Vushtrrisë, Ferit Idrizi ka vizituar palestrën sportive “Jeton Tërstena-Tota”, me ç’rast ka thënë se rinovimet në këtë palestër do të përfundojnë gjatë këtij viti.

Idrizi foli edhe për gjendjen aktuale të paslestrës, e cila ndodhet në gjendje jo të mirë për shfrytëzim nga të rinjtë e Vushtrrisë. Derisa tha se rinovimi i saj do bëhet me buxhetin e vitit 2022, si përmbushje e një prej premtimeve të fushatës zgjedhore.

“Kemi ardhur me bë incizimin e palestrës sportive me qëllim të renovimit të saj me buxhetin e vitit 2022. Është një premtim të cilin e kam dhënë gjatë fushatës zgjedhore dhe kjo palestër do tu shërbejë të rinjve. Tash do shikojmë bashkë edhe me arkitektin, ka nevojë të rregullohet ndriçimi, nxemja qendrore, zhveshtoret edhe çdo gjë që lidhet me palestrën sportive do të jetë e rinovuar gjatë këtij viti fiskal”, ka thënë ai.

Madje ai tha se rinovim do të bëjë edhe në Shtëpinë e Kulturës dhe në zhveshtoren e stadiumit “Ferki Aliu”.

“Gjithashtu kemi planifikuar meqë jemi tek planifikimi i buxhetit se në fund të këtij muaji kemi miratimin e buxhetit, kemi planifikuar edhe shumë projekte për të rinjtë kemi planifikuar renovimin e zhveshtores në stadiumin “Ferki Aliu”, mandej edhe me shtëpinë e kulturës domethënë kabinetin për kinematografi edhe disa projekte të tjera që lidhen drejtpërsëdrejti me rininë”, theksoi ai.

Drejtoresha e Drejtorisë për Kulturë, Rini dhe Sport, Medina Bunjaku tha se i presin edhe shumë punë të tjera gjatë kësaj qeverisjeje.

“Bashkë me kryetarin kemi qenë në fushatë dhe janë disa prej premtimeve që i kemi dhënë, duke filluar me rinovimin e palestrës, digjitalizimin e teatrit, kinematografia dhe aktivizimi i saj, gjithashtu na presin edhe punë të tjera në vazhdimësi së bashku më kryetarin gjatë këtyre katër viteve”, u shpreh ajo.

Arkitekt i këtij projekti, i cili pritet të përfundojë gjatë këtij viti është Ramiz Maliqi.

Related Topics:
Continue Reading

Sport

Final Four i Kupës së Kosovës në volejboll zhvillohet këtë fundjavë në Prishtinë

Published

51 minutes ago

on

April 3, 2026

By

Fundjava e parë e muajit prill sjell spektaklin e shumëpritur të volejbollit kosovar me organizimin e “Final Four” të Kupa e Kosovës në volejboll.

Katër ekipet më të mira në konkurrencën e meshkujve dhe katër të tjera në atë të femrave do të përballen për trofeun më të rëndësishëm në volejbollin vendor, në një vikend maratonik plot emocione dhe rivalitet.

Sipas programit, më 4 prill 2026 zhvillohen ndeshjet gjysmëfinale, ndërsa më 5 prill 2026 luhen finalet që do të përcaktojnë fituesit e këtij edicioni.

Të gjitha përballjet do të zhvillohen në palestrën Pallati i Rinisë dhe Sporteve “1 Tetori” në Prishtina, ku pritet një atmosferë festive dhe përkrahje e madhe nga tifozët.

Continue Reading

Sport

Dilema e Vedat Muriqi para Real Madrid

Published

1 hour ago

on

April 3, 2026

By

Mediumi spanjoll Última Hora ka raportuar për situatën e Vedat Muriqi përpara përballjes së RCD Mallorca ndaj Real Madrid, duke theksuar dilemat e mëdha që ekzistojnë në kampin e ekipit.

Sipas “Última Hora”, rikthimi i Muriqit nga angazhimet me Kosovën ka qenë i vështirë si fizikisht ashtu edhe emocionalisht:
“Sulmuesi kosovar kthehet në ishull pas dy ndeshjeve që kanë peshuar shumë në aspektin fizik dhe emocional, pikërisht në prag të një faze vendimtare për Mallorcën në garën për mbijetesë”.

Mediumi shton se sulmuesi “nuk ka pushuar aspak gjatë dritares së FIFA-s, përkundrazi, ka luajtur çdo minutë”, duke e bërë situatën edhe më delikate për stafin teknik.

Po ashtu, theksohet zhgënjimi i tij pas dështimit për t’u kualifikuar në Botëror:
“Pas humbjes ndaj Turqisë, Muriqi u pa i dëshpëruar, duke mos arritur të realizojë një ëndërr që ai vetë e përshkroi si një ‘pavarësi e dytë’ për Kosovën”.

Në këtë kontekst, sipas raportimit, trajneri Martín Demichelis përballet me një vendim të vështirë:
“Duke marrë parasysh të gjitha këto, si gjendjen emocionale ashtu edhe lodhjen fizike pas 180 minutash loje dhe duke parë kalendarin e ngjeshur që e pret Mallorca-n, lind një dilemë për trajnerin: a duhet të aktivizojë sulmuesin kryesor nga minuta e parë ndaj Real Madridit, apo të zgjedhë alternativa të tjera, si për shembull Mateo Joseph, dhe ta ruajë Muriqin për ndeshjet e ardhshme në shtëpi ndaj Rayo Vallecano dhe Valencia CF, ku Mallorca ka më shumë shanse për pikë”.

“Última Hora” nënvizon gjithashtu se jo vetëm Muriqi, por edhe disa lojtarë të tjerë janë të ngarkuar fizikisht dhe në rrezik pezullimi, duke e bërë edhe më kompleks planifikimin për këtë ndeshje.

Në përfundim, mediumi spanjoll vlerëson se:
“Ka shumë në lojë dhe ka ardhur momenti kur nuk lejohet gabimi”, duke e cilësuar këtë periudhë si vendimtare për mbijetesën e Mallorcës në elitën e futbollit spanjoll.

Continue Reading

Sport

Nora Gjakova nis karrierën si trajnere në Belgjikë

Published

18 hours ago

on

April 2, 2026

By

Një nga ikonat më të mëdha të sportit kosovar, Nora Gjakova, ka hapur një kapitull të ri në karrierën e saj, këtë herë jashtë tatamit si garuese. Kampionia olimpike e Tokios 2020 ka nisur zyrtarisht rrugëtimin si trajnere në Federatën e Xhudos së Valonisë në Belgjikë.

Pas tërheqjes nga sporti aktiv më herët gjatë këtij viti, Gjakova i është bashkuar stafit të trajnerëve, ku do të punojë krah për krah me Pedro Guedes, me synimin për të zhvilluar gjeneratat e reja të talentëve belgë. Dyshja njihen më parë, pasi Guedes kishte kaluar një periudhë të shkurtër si trajner në Kosovë.

Në një postim në rrjetin social Facebook, Judo Wallonie Bruxelles shkruan:
“Mirë se vini te Nora Gjakova në Xhudo Wallonie-Bruksel! Me krenari të madhe e mirëpresim Nora Gjakovën në ekipin tonë si trajnere. E mirëpresim në Belgjikë dhe i urojmë shumë suksese në aventurën e saj të re me JWB.”

Continue Reading

Sport

Dorëhiqet Gabriele Gravina, Italia mbetet jashtë Botërorit për herë të tretë radhazi

Published

18 hours ago

on

April 2, 2026

By

Gabriele Gravina ka dhënë dorëheqjen zyrtarisht nga posti i Presidentit të Federatës së Futbollit të Italisë, pas dështimit të kombëtares italiane për t’u kualifikuar në Kupën e Botës për herë të tretë radhazi.

Dorëheqja e tij u paraqit gjatë një mbledhjeje urgjente të këshillit të përgjithshëm, pas humbjes së Italisë në finalen e play-off-it të Kupës së Botës kundër Bosnjë dhe Hercegovinës, të martën në mbrëmje.

Gravina kishte mbajtur postin më të lartë në futbollin italian që nga tetori i vitit 2018. Gjatë mandatit të tij, Italia fitoi Kampionatin Evropian Euro 2020, por gjithashtu dështoi të kualifikohej në Kupat e Botës 2022 dhe 2026.

Continue Reading

Të kërkuara