Lajmet

​Haradinaj e quan të pjesshëm vendimin e Qeverisë për kthimin e pronave nga komunat tek AKP

Kreu i AAK-së e ka konsideruar shqetësues hapjen e valës së re të privatizimit.

Published

on

Kryetari i Aleancës për Ardhmërinë e Kosovës, Ramush Haradinaj u shpreh se përmes procesit të brendshëm zgjedhor që është duke u zhvilluar kjo parti do të dëshmojë para qytetarëve seriozitetin e saj. Kreu i AAK-së e ka konsideruar shqetësues hapjen e valës së re të privatizimit, kurse vendimin për kthim të pronave tek AKP-ja nga komunat e quan të pjesshëm.

Haradinaj në një konferencë për medie ku foli për mbarëvajtjen e zgjedhjeve të brendshme të AAK-së u shpreh se deri tani janë mbajtur mbi 340 kuvende të nëndegëve, të strukturave të rinisë dhe të gruas.

“Tani demokracia në Kosovë vërtetë ka nevojë për demokraci të brendshme të partive edhe ka nevojë për parti të hapura dhe të afta me i marr përgjegjësitë në vend dhe Aleanca deri tash ka dëshmuar se është serioze në përgjegjësitë e veta edhe besoj me këtë proces zgjedhor dhe me Kuvendin e Përgjithshëm do t’jua vërtetojmë qytetarëve seriozitetin tonë me përgjegjësitë që marrim”, u shpreh Haradinaj.

Ndërsa, tregoi se risi e këtyre zgjedhjeve të brendshme është rikthimi i Aleancës së Gruas, ku tashmë kryetare është zgjedhur, Diellza Kukaj.

E vetë Kukaj u shpreh se Aleanca për Ardhmërinë e Kosovës është subjekt politik që rolin e gruas në politikë e ka trajtuar me kujdes.

“Aleanca ka qenë dhe mbetet një ndër subjektet që rolin e gruas në politikë e ka trajtuar me kujdes të veçantë. Duke e konsideruar gruan si shtyllë të fortë të proceseve politike dhe jo vetëm AAK ka rikthyer strukturwn e Aleancës së Gruas. Ditën e mërkurë më 25 maj është Kuvendi Qendror i Aleancës së Gruas në të cilin morën pjesë mbi 140 delegate… Procesi zgjedhor ka qenë mjaftë dinamik, AAK tashmë po shtrihet në tw gjithë Kosovën struktura e Aleancës së Gruas dhe me kënaqësi iu them se AAK në kuadër të Aleancës së Gruas ka gra të zonja e profesioniste që janë të gatshme të marrin përgjegjësi”, theksoi ajo.

Vendimin e rikthimit të pronave të disa komunave në menaxhim të AKP-së, kreu i Aleancës për Ardhmërinë e Kosovës, Ramush Haradinaj e ka quajtur si vendim të pjesshëm. Ai tha se e shqetëson edhe vala e re e privatizimi që tashmë është hapur, për çka tha se ndoshta njerëz të Vetëvendosjen po dëshirojnë me ble prona.

“Qeveria e ka marr një vendim të pjesshëm nuk e di se e ka arsyetuar atë qëndrim, mirëpo ajo që më shqetëson është një valë e re e privatizimeve edhe po duket se këto janë të ndërlidhura, pra qeveria Kurti ka nxjerr në privatizim rreth 55 prona shoqërore dhe nuk e ka deklaruar më herë ndonjë vizion pse i nxjerr në privatizim çka dëshiron me arrit apo ndoshta vetëm Vetëvendosja dëshiron me i ble disa prona ose njerëzit e tyre, pra është pak e habitshme kjo zinxhiri i këtyre temave… Çdo qeveri e ka një vizion nëse dëshirojmë të bëjmë zhvillim ekonomik rritje të vendeve të punës, aftësim të komunave atëherë iu jep mundësi. Tani vendimi i Kurtit i pjesshëm është i habitshëm pra i ka prekur disa komuna e jo disa të tjera në këtë rast ju po i veçoni disa serbe që nuk i ka prekur. Është me rëndësi që ai ta sqaroj pse nëse është vetë baza ligjore, nëse është një ndëshkim për disa komuna për disa komuna kuptohet ne kemi thënë disa herë se krejt logjika qeverisëse dhe krejt logjika është jo rritje ekonomike, jo vlerë e shtuar, jo rritjes së vendeve të punës kjo Qeveri lavdërohet me disiplinim fiskal me transparencë dhe me evidencë të të punësuarave por po shihet që do të kemi vështirësi në ekonomi me këtë qasje”, u shpreh ai.

Më 5 qershor Aleanca për Ardhmërinë e Kosovës do të mbajë Kuvendin Zgjedhor për të zgjedhur struktura udhëheqëse të kësaj partie.

Lajmet

Dy persona kapen me mbi 2 kg kokainë dhe mbi 13 mijë euro, sulmohet policia

Published

on

Një shtetas i Kosovës dhe një me shtetësi të huaj janë arrestuar gjatë një kontrolli rutinor në Prishtinë, pasi tek të dyshuarit u gjetën mbi 2 kilogram kokainë dhe mbi 13 mijë euro para të gatshme.

Policia ka njoftuar se i dyshuari ka rezistuar dhe ka sulmuar policët.

“Policia e Kosovës, më saktë Njësia për Reagim të Shpejtë- Prishtinë me datën 21.10.2025 gjatë një pike të rregullt kontrolli në Prishtinë ka ndaluar një automjet me targa të huaja me drejtues të dyshuarin mashkull kosovar dhe pasagjerin mashkull shtetas i huaj. Njësia e lartcekur policore gjatë zbatimit të autorizimeve të saj, pasi ka kërkuar realizimin e një kontrolli rutinor, i dyshuar mashkull shtetas i huaj ka tentuar të largohet nga vendi i ngjarjes, mirëpo si rezultat i reagimit profesional policor i njëjti është ndaluar nga njësia policore. I dyshuari gjatë tërë kohës ka rezistuar në mënyrë agresive duke i sulmuar zyrtarët policorë dhe tek i njëjti gjatë arrestimit janë gjetur dy paketime të mbështjella të mbushura me pluhur ngjyrë të bardhë të dyshuar si substancë narkotike e llojit kokainë pesha e përgjithshme e së cilës arrin rreth 2270.6 gramë (2 kilogramë e 270.6 gramë)” , njofton policia.

Gjithashtu, Policia ka njoftuar se përveç substancës së dyshuar narkotike pas kontrollit tek të dyshuarit në vendngjarje janë gjetur edhe: para të gatshme 12550 euro, para të gatshme 1000 euro, një telefon mobil.

“Përveç substancës së dyshuar narkotike pas kontrollit tek të dyshuarit në vendngjarje janë gjetur edhe: para të gatshme 12550 euro, para të gatshme 1000 euro, një telefon mobil. Lidhur me rastin në vendngjarje ka dalë edhe Drejtoria për Hetimin e Trafikimit me Narkotikë si dhe është njoftuar edhe prokurori kompetent, me urdhër të të cilit është kryer kontroll edhe tek shtëpia e të dyshuarit shtetas kosovar mirëpo nuk është gjetur diçka e  dyshuar. Të dyshuarit pas intervistimit me urdhër të prokurorit janë dërguar në mbajtje për 48 orë”, thuhet në njoftim.

Continue Reading

Lajmet

Ia vodhi babait mbi 24 mijë euro, arrestohet 34-vjeçari në Shtime

Published

on

Një person është arrestuar të martën për vjedhjen e 24 mijë e 800 eurove në banesën e babait të tij, në rrugën “14 Dhjetori” në Shtime, gjatë periudhës kohore nga 22 gushti deri më 18 tetor të këtij viti.

Sipas njoftimit të Policisë, arrestimi u bë pasi ankuesi, një shtetas i Kosovës që jeton dhe punon jashtë vendit, më 19 tetor kishte vërejtur mungesën e parave.

Gjatë ekzaminimit të vendngjarjes, policia nuk ka konstatuar shenja thyerjeje apo dëmtime që do të tregonin hyrje me forcë në banesë.

“Si rezultat i hetimeve intensive, më 21.10.2025, policia ka identifikuar dhe arrestuar të dyshuarin B.N. (34 vjeç) – djalin e ankuesit, i cili është intervistuar në prani të avokatit mbrojtës dhe ka pranuar kryerjen e veprës penale”, thuhet në njoftim.

Me urdhër të prokurorit të shtetit, i dyshuari është dërguar në ndalim policor për 48 orë. Hetimet lidhur me rastin janë duke vazhduar./S.K/EO/PK/

Continue Reading

Lajmet

Rekord i ri, 43 gola në një natë në Champions League

Published

on

Gjithsej, 43 gola janë shënuar në 9 ndeshjet e para të javës së tretë në Champions League, ku aktualisht shihet një dominim i frikshëm nga ekipet e mëdha.

14 skuadra zbritën në fushë në orën 21:00, pas dy ndeshjeve të pasdites, ku takimi që spikati më shumë ishte Arsenal-Atletico Madrid.

Pjesa e parë u mbyll pa gola, por në të dytën “Topçinjtë” dominuan frikshëm, duke shënuar plot 4 herë, me ekipin e Simeones që ishte i pafuqishëm për t’u kundërpërgjigjur.

PSG shkaktoi një tërmet, duke marrë fitoren e tretë në po kaq ndeshje, kësaj radhe duke mundur Leverkuesenin në Gjermani me rezultatin e thellë 2-7.

Të dyja ekipet ngelën me 10 lojtarë, ndërsa në listën e golashënuesve i pranishëm ishte edhe Dembele, i cili sapo u kthye nga një dëmtim.

Interi gjithashtu tregoi forcën në Belgjikë, duke mundur 0-4 debutuesit e Royal Union.

Haaland dhe Bernardo Silva i dhanë fitoren 0-2 Manchester Cityt kundër Villarrealit.

Surpriza më e madhe erdhi nga Holanda, ku Napoli u mposht me rezultatin e thellë 6-2 nga PSV-ja.

Në sfidat e tjera, Dortmund mundi 2-4 Copenhagen, ndërsa Newcastle triumfoi 3-0 me Benficën.

Sa i përket sfidave të orës 18:45, Barcelona mundi 6-1 Olympiacosin, ndërsa Kairat Almaty-Pafos u mbyll pa gola./S.K/Tch/

Continue Reading

Lajmet

Dy të vrarë me armë zjarri në Durrës

Published

on

Dy persona kanë vdekur pasi janë qëlluar për vdekje nga armë zjarri pranë një karburanti në Manëz të Durrësit. Ngjarja e rëndë ka ndodhur në orët e para të mëngjesit të sotëm, ku sipas informacioneve të para, bëhet me dije se si pasojë e një konflikti janë qëlluar A. K (23-vjeçar) dhe F. P (33-vjeçar).

Policia e shtetit ka njoftuar se ka shpallur në kërkim autorin e veprës D.P.

Durrës- Informacion paraprak:

“Rreth orës 01:45 të datës 22.10.2025, në Manëz, pranë një karburanti, pas një konflikti dyshohet për motive të dobta, kanë mbetur të vrarë me armë zjarri shtetasit A. K., 23 vjeç, dhe F. P., 33 vjeç, të dy banues në Manëz.

Nga veprimet e para hetimore të kryera nga grupi i posaçëm hetimor, dyshohet se shtetasi F. P. është vrarë me armë zjarri nga shtetasi D. P., 21 vjeç, banues në Manëz, ndërsa shtetasi A. K. dyshohet se është vrarë nga shtetasi F. P.

Shërbimet e Policisë po vijojnë kontrollet intensive për kapjen e shtetasit D. P. Ndërkohë, një grup i posaçëm hetimor, nën drejtimin e Prokurorit, po vijon punën në vendngjarje për zbardhjen e rrethanave, identifikimin e personave të tjerë të përfshirë në këtë ngjarje dhe administrimin e çdo prove, me qëllim dokumentimin e plotë ligjor të rastit.”, thuhet në njoftim./S.K/TopChannel/

Continue Reading

Të kërkuara