Sport

​Guardiola beson se do të kualifikohen në gjysmëfinale

Published

4 years ago

on

Trajneri i Manchester Cityt, Pep Guardiola ka premtuar fansat e klubit të tij që në ndeshjen e kthimit kundër Borussia Dortmundit, skuadra e tij nuk do të qëndroj duarkryq por do të vazhdojë drejt gjysmëfinales.

City ka një avantazh të vogël në ndeshjen e kthimit kundër Dortmundit, pas golit të mbrëmshëm të Phil Foden në minutën e 90’-të, gol ky i cili ia siguroi fitoren Cityt me rezultat 2:1.

Në tre sezonet e fundit, Manchester City është diskualifikuar tre herë, ku është eliminuar nga Liverpooli, Tottenham dhe Lyoni, por Guardiola ka insistuar që lideri i Premier Ligës do të vazhdojë që të sulmojë në ndeshjen e kthimit kundër skuadrës gjermane.

“E dimë që ne duhet të shënojmë gola sepse ata kanë kualitetin për të shënuar dhe gjithmonë shënojnë. Do të shikojmë që të punojmë rreth gjërave të cilat nuk mund t’i bënim sot. Do të reflektojmë në mënyrë të qetë, mënyra më e mirë e mundshme, dhe të shohim se çfarë mund të bëjmë më mirë, që kur të zhvillojmë ndeshjen si mysafirë, ta vazhdojmë siç kemi bërë në katër, pesë, gjashtë muajt e fundit, do të shkojmë aty për ta fituar ndeshjen”, tha Guardiola.

“Para ndeshjes, unë ju thash lojtarëve ‘vetëm fitoni në këtë ndeshje, nuk dua asgjë tjetër’, dhe e arritën atë gjë. Tani do të udhëtojmë për në Dortmund vetëm për të sulmuar, absolutisht jo për tu mbrojtur. Do të aplikojmë stilin tonë të lojës, me presion të lartë, të shikojmë skemat rreth formacionit, dhe të mbulojmë mirë pozitat e sulmuesve të tyre, dhe do të mundohemi që të luajmë për 90’ minuta, që të vazhdojmë drejt gjysmëfinales”, shtoi trajneri spanjoll.

Vetëm Real Madridi (26) dhe Barcelona (20) kanë fituar më shumë ndeshje se Manchester City (13) kundër skuadrave gjermane në Ligën e Kampionëve, ku City ka fituar 11-të ndeshjet e fundit nga 12-të të zhvilluara kundër gjermanëve. 

Related Topics:
Continue Reading

Sport

Fabrizio Romano e konfirmon, Arsenali transferon një yll të Chelseat

Published

5 hours ago

on

June 25, 2025

By

Arsenali ka finalizuar transferimin e portierit Kepa Arrizabalaga nga Chelsea, sipas raportimeve të Fabrizio Romano.

Portieri 30-vjeçar spanjoll i bashkohet ‘Topçinjve’ si zëvendësues i David Rayas, me marrëveshjen që thuhet se kap vlerën e 5 milionë funtesh.

Ky transferim u mundësua nga një klauzolë lirimi që Kepa e kishte përfshirë në kontratën e tij me Chelsean gjatë verës së kaluar.

Klauzola i jepte mundësinë të largohej për një tarifë të caktuar dhe Arsenali e ka aktivizuar atë për ta sjellë portierin në ‘Emirates’.

Ish-portieri i kombëtares spanjolle pritet të rivalizojë Rayën për vendin e titullarit, duke i dhënë Mikel Artetës më shumë alternativa në portë.

Përvoja dhe cilësia e Kepas konsiderohen si një aset i vlefshëm për skuadrën, ndërsa ai është përforcimi i radhës pas mbërritjes së Martin Zubimendit.

Transferimi i Kepas vjen pas një periudhe të përzier shtatëvjeçare te Chelsea, ku ai fitoi katër trofe të mëdhenj dhe regjistroi 163 paraqitje.

Continue Reading

Sport

Botërori i klubeve: Atletico Madrid “bie” në grupe edhe pas fitores, PSG dhe Botafogo vijojnë më tej

Published

1 day ago

on

June 24, 2025

By

Kupa e Botës për Klube ka hyrë në ndeshjet e fundit të fazës në grupe, teksa në Grupin B çdo gjë ka përfunduar.

Sfida me interesin më të madh ishte ajo mes Atletico Madrid dhe Botafogos, që pa spanjollët fitues me rezultatin 1-0, e cila nuk i mjaftoi skuadrës së Simeones për të vazhduar më tej, me ekipin brazilian që kalon në fazën e 1/16-ave.

Gjithsesi, fitorja e Atleticos shërbeu si një “asist” për PSG-në. Kampionët e Europës triumfuan me rezultatin 0-2 përballë amerikanëve të Seattle Sounders, duke marrë kështu kreun e Grupit B, pasi verdikti i ndeshjeve direkte ra, me të treja skuadrat që mundën njëra-tjetrën dhe golavarazhi ishte ajo që shërbeu për të vendosur fatet e grupit.

Kështu PSG do të përballet në fazën e 1/16-ave me vendin e dytë të Grupit A, ndërsa Botafogo me fituesin e këtij grupi.

REZULTATET:

ATL. MADRID 1-0 BOTAFOGO

Griezmann 87’

SEATTLE SOUNDERS 0-2 PSG

Kvaratskhelia 35’, Hakimi 67’

Continue Reading

Sport

Llapi “blindon” yllin e skuadrës

Published

2 days ago

on

June 23, 2025

By

Continue Reading

Sport

Darwin Nunez jep sinjale pozitive për kalimin te Napoli

Published

2 days ago

on

June 23, 2025

By

Napoli ka marrë sinjale inkurajuese nga sulmuesi i Liverpoolit, Darwin Núñez, për një transferim të mundshëm gjatë këtij afati kalimtar.

Sipas Fabrizio Romano, lojtari nga Uruguaji i ka dhënë “dritën e gjelbër fillestare” klubit italian, pasi është bindur nga projekti sportiv i prezantuar nga trajneri i ri, Antonio Conte.

Núñez është i hapur për këtë lëvizje, por marrëveshja tani varet nga aspektet financiare. Liverpool kërkon një shumë të konsiderueshme për kartonin e tij, ndërsa edhe paga e lojtarit është një faktor kyç që mund të ndikojë në realizimin ose jo të transferimit.

Sulmuesi 25-vjeçar ka pasur një sezon me ulje-ngritje te Liverpooli, por potenciali i tij mbetet i lartë dhe ai shihet si një profil i përshtatshëm për futbollin italian dhe stilin e Contes.

Negociatat pritet të vazhdojnë në ditët në vijim, me zhvillime që mund të jenë vendimtare për fatin e këtij transferimi të madh të verës.

 

Continue Reading

Të kërkuara