Lajmet

Gërvalla: Masat e BE-së të panevojshme dhe mesazh i rrezikshëm

Sipas saj, nuk bëhet fjalë për bllokim të fondeve të BE-së, por për suspendim të përkohshëm.

Published

2 years ago

June 30, 2023

UBT news

Zëvendëskryeministrja e Kosovës, Donika Gërvalla masat e paralajmëruara nga Bashkimi Evropian karshi Kosovës i ka quajtur të panevojshme. Sipas saj, nuk bëhet fjalë për bllokim të fondeve të BE-së, por për suspendim të përkohshëm.

E para e diplomacisë kosovare u shpreh se mesazhet e tilla janë të rrezikshme dhe mund t’i krijojnë përshtypjen presidentit serb, Aleksandër Vuçiq se mund të vazhdojë destabilizimin jo vetëm në Kosovë, por edhe në rajon.

Këto komente Gërvalla i bëri pas ceremonisë së hapjes së fushatës “Festo me zemër e jo me armë”, të organizuara nga Ministria e Punëve të Brendshme.

“Masat që janë ndërmarrë në kuadër të përpjekjeve të Bashkimit Evropian për deeskalim të gjendjes në veri të Kosovës, janë masa të cilat BE i sheh si të arsyeshme. Ne mendojmë se masat e tilla janë të panevojshme për shkak se është e rëndësishme që në një situatë të tillë në të cilën ndodhemi mesazhi t’i dërgohet qartë dhe pa asnjë mundësi për keqkuptim atyre që i kanë krijuar trazirat në pjesën veriore të Kosovës. Personalisht mendoj se mesazhet e tilla janë të rrezikshme sepse mund të krijojnë përshtypjen tek presidenti serb, Vuçiq se mund të vazhdojë me të njëjtën mënyrë të destabilizojë jo vetëm Kosovën, por dhe të gjithë fqinjët që ka rreth e rrotull”, theksoi ajo.

Ministrja e Punëve të Jashtme dhe Diasporës, Donika Gërvalla konsideron se këto masa nënkuptojnë suspendim të përkohshëm të fondeve të BE-së e jo bllokim.

“Nuk ka bllokim të fondeve, ka suspendim të përkohshëm të fondeve dhe BE e ka bërë të qartë që këto janë masa të cilat janë për momentin dhe të cilat janë natyrisht të rikthyeshme”, tha ajo.

E pyetur se a ka pasur koordin me SHBA-të për shpalljen e“Mbrojtjes Civile” dhe “Brigada e Veriut” si organizata terroriste, ajo nuk deshi të flas në këtë aspekt, por tha se organizatat që ushtrojnë terror mbi qytetarët dhe institucionet nuk kanë vend në Kosovë.

“Baza ligjore është aty edhe ne mendojmë se asnjë organizatë terroriste e çfarëdo prejardhje etnike apo çfarëdolloj përbërje kriminale të ketë nuk duhet të lejohet të veprojë në Republikën e Kosovës. Ne jemi zotuar për sundim të ligjit në çdo cep të vendit dhe aty organizatat që ushtrojnë terror ndaj qytetarëve dhe institucioneve të Republikës nuk kanë vend”, u shpreh ministrja Gërvalla.

E gjatë ditës së djeshme Qeveria e Kosovës, “Mbrojtjes Civile” dhe “Brigadës së Veriut” janë shpallur organizata terroriste. Për këtë vendim kanë votuar pro i gjithë kabineti qeveritar, në përjashtim të ministrit për Kthim dhe Komunitete, Nenad Rashiq.

Ndërsa, karshi këtij vendimi ka reaguar Departamenti i Shtetit Amerika të cilët thanë se ky vendim është ndërmarrë nga ekzekutivi kosovar pa koordinim me ta.

E Komisioni Evropian ka paralajmëruar një numër masash kundër Kosovës dhe ato do të përfshijnë pezullimin e programit të fondeve për Kosovën, pezullimin e mbështetjes së vazhdueshme për prokurimin dhe nënshkrimin e kontratave, pezullimin e pjesëmarrjes në ngjarjet e nivelit të lartë, pezullimin e vizitave dypalëshe, si dhe propozimin e dorëzuar nga Kosova për kornizën investuese për Ballkanin Perëndimor që nuk do të procedohet në këtë moment.

Ndërsa, dy ditë pasi Komisioni Evropian i prezantoi Parlamentit Evropian masat ndëshkuese për Kosovën, kryeministri Albin Kurti paraqiti në Prishtinë një plan 8-pikësh për “shtensionimin e situatës në veri të vendit”.

Aktualitet

Bislimi: Dështimet në dialog ndodhin me fajin e Serbisë

Published

3 minutes ago

September 12, 2025

UBT News

Zëvendëskryeministri në detyrë i Kosovës Besnik Bislimi ka komentuar procesin e dialogut, pasi Serbia vazhdimisht po tregohet dekonstruktive ndaj marrëveshjeve të arritura deri më tash.

Ai në konferencën për media tha se Serbia pas takimit të djeshëm në Bruksel dëshmoi edhe formalisht se po e braktis marrëveshjen e Ohrit dhe se me këtë po konfirmohet se është Beogradi zyrtar ai që po e bllokon procesin.

“Me rëndësi është që më qartë se asnjëherë më parë, Serbia i ekspozoi qëndrimet e veta edhe karshi Marrëveshjes Bazike, por edhe karshi Komisionit të Përbashkët për personat e pagjetur, gjithnjë në ombrellën e konstruktivitetit të tyre dhe “ndershmërisë”, do të thotë konstruktiviteti dhe ndershmëria e Serbisë përkthehet në moslejim të themelimit të Komisionit të Përbashkët dhe në vendosje të parakushteve dhe të linjave të kuqe për zbatimin e Marrëveshjes Bazike. Mendoj që është shumë me rëndësi që ky mesazh, në mënyrë korrekte të transmetohet dhe te vendet anëtare në mënyrë që ato ta kuptojnë se kush ka qenë në fakt bllokues i progresit në dialog që nga momenti i 18 marsit 2023”, ka thënë Bislimi.

Kujtojmë, raundi i ri i dialogut Kosovë-Serbisë në Bruksel përfundoi pa përparim të dukshëm./S.K/KP/

Bota

Finalja e Ligës së Kampionëve do të zhvillohet në Madrid

Published

7 minutes ago

September 12, 2025

UBT News

Komiteti Ekzekutiv i UEFA-s votoi në Tiranë stadiumin “Metropolitano” të Madridit vendin mikpritës të finales së Ligës së Kampionëve 2027.

Stadiumi kombëtar i Varshavës do të presë finalen e Ligës së Kampioneve për vajza 2027, ndërsa finalja e Superkupës do të luhet në Salzburg të Austrisë.

Finalja e Ligës së Kampionëve në futsall 2026 do të luhet në Pesaro të Italisë, finalja e EURO U-19 në futsall në Astana (Kazakistan), ndërsa finalja e Evropianit të futsallit për vajza 2027 në Osjek të Kroacisë.

Komiteti Ekzekutiv miratoi një ndryshim në rregulloret e kompeticioneve të klubeve të UEFA-s për djem 2025-2026, për të lejuar zëvendësimin e përkohshëm të maksimumi një lojtari në fushë që pëson dëmtim ose sëmundje afatgjatë, gjatë fazës së ligës, deri në javën e gjashtë të ndeshjeve (e përfshirë).

Arsyeja e këtij ndryshimi është të garantohet që listat e skuadrave të mos reduktohen në mënyrë të padrejtë dhe që lojtarët të mbrohen nga ngarkesa shtesë.

Bonuse për finalet e Ligës së Kombeve të UEFA-s për vajza 2025.

Komiteti miratoi një shumë totale prej 1.000.000 euro për shpërndarje, bazuar në renditjen e ekipeve në Finalet e Ligës së Kombeve të UEFA-s për vajza, si më poshtë:

Vendi i katërt: 150.000 euro (15% rritje)

Vendi i tretë: 200.000 (20% rritje)

Vendi i dytë: 250.000 euro (25% rritje)

Vendi i parë: 400.000 euro (40% rritje)

Kërkesë për autorizimin e zhvillimit të ndeshjeve të kampionatit kombëtar jashtë territorit të UEFA-s.

Komiteti Ekzekutiv diskutoi kërkesat nga RFEF (Federata Spanjolle e Futbollit) dhe FIGC (Federata Italiane e Futbollit) për të miratuar zhvillimin e një ndeshjeje të kampionatit kombëtar secila jashtë vendit të tyre, në veçanti jashtë territorit të UEFA-s, raporton ATSH./S.K/KP/

Bota

FBI publikon fotografi të personit të dyshimtë në vrasjen e Charlie Kirk

Published

9 minutes ago

September 12, 2025

UBT News

FBI në Salt Lake City ka publikuar fotografi të një personi me “interes” në vrasjen e Charlie Kirk në Universitetin Valley Utah ditën e mërkurë.

Ata po kërkojnë ndihmën e publikut për identifikimin e personit.

Ato ishinimazhet e para që forcat e ligjit kanë publikuar të një individi që ata besojnë se mund të jetë i përfshirë në vdekjen e Kirk.

Nënsekretari i Shtetit Christopher Landau, thotë se do të merren masa të përshtatshme kundër të huajve që lavdërojnë dhunën.

Në një postim në X, Landau thotë se është i neveritur kur ka parë komente në mediat sociale që lavdërojnë, racionalizojnë ose e bëjnë të lehtë vrasjen e Charlie Kirk dhe ata që lavdërojnë dhunën dhe urrejtjen nuk janë vizitorë të mirëpritur në vend.

Ai thotë se u ka udhëzuar zyrtarëve konsullorë të ndërmarrin veprime të përshtatshme dhe u thotë ndjekësve të tij të sjellin në vëmendjen time komente të tilla nga të huajt në mënyrë që Departamenti i Shtetit të mund të mbrojë popullin amerikan.

Ndërsa një kërkim për të gjetur vrasësin e Charlie Kirk është ende duke vazhduar, hetuesit kanë ndarë disa detaje rreth të dyshuarit.

Në një konferencë për shtyp më herët zyrtarët thanë se i dyshuari duket të jetë në moshë kolegji i cili mbërriti në kampus në orën 11:52 me kohë lokale.

Pas të shtënave, besohet se ai është larguar nga çatia e një ndërtese në kampus, duke ikur në një lagje, thanë zyrtarët, raporton BBC./S.K/KP/BBC/