Lajmet

​Gazetarët dhe kameramanët tregojnë për sulmet në veri, kërkojnë siguri e kushte më të mira

Ata rrëfyen për sulmet dhe lëndimet që pësuan nga huliganët serbë gjatë së premtes në Leposaviq.

Published

on

Gazetarë e kameramanë që përkundër rrezikut, arritën të pasqyrojnë sulmet ndaj tyre në Leposaviq, po kërkojnë siguri dhe kushte më të mira. Ata rrëfyen për sulmet dhe lëndimet që pësuan nga huliganët serbë gjatë së premtes në Leposaviq. Para deputetëve në Komisionin për Administratë Publike, Pushtet Lokal, Media dhe Zhvillimin Rajonal, treguan për dhunën brutale, mos-mbështetjen e KFOR-it dhe ndihmën nga pjesëtarët e Policisë së Kosovës pas asaj çfarë përjetuan më 16 qeshor.

Gazetarja nga RTK, Venera Xhoxhaj tregoi për ditën e premte, kur ajo dhe kameramani u sulmuan nga protestuesit serbë.

Ajo shtoi se përjetimet nga ajo ditë, po shkaktojnë gjendje jo të mirë emocionale.

“Mendoj që kemi bërë punën tonë në gjendje të jashtëzakonshme atë ditë. Bardhin po e shihni, Pleuratin, Laura po ashtu është bukur shumë e lënduar. Të tjerët që sot nuk janë këtu, por përfshirë edhe mua që kemi pësuar lëndime nga ai rrebesh gurësh, super të mëdhenj, pa mëshirshëm janë gjuajtur në drejtim tonin dhe normalisht e gjithë situata ka ndodhë aq shpejt, por unë i përgëzoj kolegët, kemi marrë shumë lëvdata prej secilit, por me të vërtetë konsideroj që profesioni i gazetarit është mision, po aq sa i luftëtarit, po aq sa i mjekut dhe i secilit. Pavarësisht rekomandimeve, dua ta nënvizoj, sepse situata atë ditë prej mëngjesit ka qenë një tension”, tregoi Xhoxhaj.

Ajo foli edhe për sulmin, një natë para të premtes, ku u sulmua vetura e RTK-së dhe ekipi kishte mbetur në mes të shiut.

Përmes videos që e ka bërë vet, Venera ka shtuar se janë dëshmuar dhuna e ushtruar ndaj gazetarëve.

“Ne jemi të pozicionuar brenda rrezikut pa asnjë lloj mbrojtje. Keni parë atë ditë reagimin e KFOR-it, realisht ne jemi të vetëdijshëm sepse kemi kryer dhe kemi krijuar përvojë pune dhe i dimë legjislacionet, i dimë rregullat vendore dhe ndërkombëtare, kemi pasur parasysh që KFOR-i është reaguesi i fundit. Mirëpo, megjithatë në atë situatë ti mendon që e ke një zgjidhje. Dhe kolegu nga Dukagjini ka provuar të bëjë zgjidhje emergjente që të mbrohet disi, sepse kemi qenë të mbuluar me gurët që janë gjuajtur prej protestuesve… Të mendohet për mundësitë e krijimit të kushteve të gazetarëve, sepse ne po duam të përmbushim punën tonë për Kosovën tonë, për popullin e Kosovës, t’i informojmë ata. Ne kemi marrë jelekët anti-plumb dhe helmetat, por vendosja e tyre është provokim”, shtoi Xhoxhaj.

Kameramani Bardh Bekteshi nga RTK, shpreson që ekipet tjera që ditëve në vijim do të raportojnë nga veriu, nuk do të kenë fatin e tij që të goditën brutalisht nga serbët.

“Vet ndjenja që shkon atje dhe hyn mes tyre, e nuk përreth ndonjë siguri, nuk është ndjenjë e mirë, as për mu as për familjen. Atë si çdo ditë kemi shkuar me Venerën dhe Mentorin, pritëm se nuk na sulmojnë në atë mënyrë si na sulmuan, pritem se po e kalojnë me ministrin atë të keqen, kur kaloi ministri çfarë mundën u shfryn te ai, pastaj u kthyer tek ne”, u shpreh ai.

Pleurat Salihu, i cili është gazetar në Arbresh.info dhe ka marrë lëndime në krah, tregoi mes-lotëve për provokimin që i është bërë nga një huligan serb.

Ai tregoi para deputetëve se dëgjoi ish-deputetin serb, Slavko Simiq, duke dhënë urdhër për sulm ndaj gazetarëve.

“Atë ditë ne kemi qenë cak për tu ekzekutuar. Sot ne nuk do ishim këtu, sot ju na kishit sjell lule. Atë ditë ne kemi qenë cak pse jemi gazetarë shqiptarë për tu ekzekutuar një nga një. Unë kam pamje se si gazetarë serbë kanë qenë aty dhe nuk kanë qëndruar me neve… Pyetja e parë që më është drejtuar serbisht ka qenë- ‘A ka vdek gazetari në Ambasadën e Arabisë në Turqi’. A e shihni çfarë pyetje? Provokimi i parë aty ka qenë”, tha ai mes lotëve.

Në anën tjetër, deputeti i PDK-së, Isak Shabani ka pyetur gazetarët për kushtet që ofrohen nga mediumet për gazetarët.

Ndërsa, kryetari i Komisionit për Media, Valon Ramadani tha se ata që po krijojnë trazira në veri, po tentojnë t’i fshehin nëpërmjet dhunës ndaj gazetarëve.

“Ju urojmë shërim sa më të shpejt të gjithë ju gazetarë që keni kryer obligim tuaj në formën më të mirë të mundshme, por falënderim edhe për gjithë ata gazetarë e gazetare që fatmirësisht nuk janë lënduar por kanë arritur dhe po arrijnë që të raportojnë të gjithë ato ngjarje që sot po ndodhin në veri, ku ata po i krijojnë ato trazira atje po mundohen që ato që ju paraqisni në formën më të mirë të mundshme, t’i fshehin nëpërmjet dhunës ndaj juve si gazetarë po edhe ndaj atyre makinave apo mjeteve që i kemi parë”, tha Ramadani.

Pas vizitës së ministrit të Administrimit dhe Pushtetit Lokal, Elbert Krasniqi në Leposaviq, me 16 qershor, bandat kriminale kanë sulmuar gazetarët.

Kameramani Bardh Bekteshi dhe gazetarja Dorentina Thaqi, kanë pësuar lëndime në kokë dhe trup.

Kameramanët Albin Rrahmani dhe Ardijan Shala kanë pësuar lëndime në trup.

Në këmbë janë lënduar gazetaret, Laura Kerolli e Qendresa Sinani, ndërkaq në krah ka marrë lëndime gazetari Pleurat Salihu.

Continue Reading

Lajmet

Aktori Christian Bale duket thuajse i panjohur rrugëve të Atlantas, teksa po xhiron filmin e ri

Published

on

Një nga yjet më të mëdhenj të Hollywood-it është shfaqur i paidentifikueshëm në xhirimet e filmit të ri biografik me temë sportive por a mund ta dalloni kush është?

Aktori 51-vjeçar është parë i veshur me një xhaketë të zezë prej lëkure, me flokë të lëmuar pas dhe duke mbajtur tre unaza të Super Bowl-it në xhirimet e filmit të tij më të ri, shkruan The Sun.

Ky fitues i çmimit Oscar kishte një pamje ndryshe nga ajo me të cilën jemi mësuar ta shohim si zemërthyes klasik, teksa po xhironte të mërkurën në Atlanta.

Ylli i njohur është fotografuar duke shëtitur në setin e filmit me një shprehje goje të hapur në fytyrë.

Por, a e zbuluat se për cilin aktor bëhet fjalë? As më pak e as më shumë, është ylli i filmit Batman, Christian Bale.

Aktori i famshëm është duke xhiruar skena për filmin e tij të ri të titulluar Madden, ku luan përkrah yllit tjetër amerikan, Nicolas Cage, në një projekt shumë të përfolur të regjisorit David O. Russell. Në rolin e tij, Christian Bale i ngjan shumë personazhit real që portretizon – të ndjerit Al Davis, pronari dhe menaxheri legjendar i ekipit Oakland Raiders. Bale shihej me një pamje të zbehtë dhe me fytyrë të skuqur, karakteristike për Davis.

Ndërkohë, Nicolas Cage është parë në set i veshur me një kostum special që e bënte të dukej më i shëndoshë, me flokë të gjatë, duke interpretuar trajnerin e famshëm të Raiders dhe më pas transmetuesin legjendar të NFL-it, John Madden.

Në film marrin pjesë edhe komediani John Mulaney në rolin e Trip Hawkins, themeluesit të Electronic Arts, si dhe aktorja britanike Sienna Miller, e cila luan Carol Davis, bashkëshorten e Al Davis.

Sipas një deklarate nga Amazon, “Filmi ndjek rrugëtimin e jashtëzakonshëm të Madden – nga partneriteti i suksesshëm në Super Bowl me Al Davis dhe ekipin Raiders, te krijimi i lojës së famshme Madden NFL, e deri tek shndërrimi në një nga zërat më ikonë në historinë e futbollit amerikan”.

Fansat e NFL-it kanë reaguar me habi ndaj transformimit të Christian Bale dhe Nicolas Cage për rolet e tyre.

“Prisni pak, a është kjo e vërtetë?”, shkroi një përdorues. “Ata s’duken aspak si vetja e tyre e vërtetë”, komentoi një tjetër. “Jo, nuk ka mundësi që ky të jetë John Madden!”, shtoi dikush tjetër i habitur.

Filmi Madden është i drejtuar nga David O. Russell, i cili ka qenë i nominuar për çmimin Oscar me filmat si The Fighter dhe Silver Linings Playbook.

Ai gjithashtu ka shkruar skenarin e këtij filmi, i cili është i bazuar në jetën e vërtetë të John Madden – nga koha si trajner i NFL-it, tek karriera si komentator dhe më pas fytyra ikonë e lojërave video Madden NFL të EA Sports.

Madden ndërroi jetë në dhjetor të vitit 2021, në moshën 85-vjeçare. Në film përfshihet edhe jeta e Al Davis – pronarit karizmatik të Raiders, i njohur për moton e tij të famshme: “Fitoni, thjesht fitoni, baby.” Davis ndërroi jetë në tetor të vitit 2011, në moshën 82-vjeçare për shkak të dështimit të zemrës.

Në prill të kaluar, u bë e ditur se roli i Madden do t’i besohej Nicolas Cage, ndërsa më vonë u konfirmua se Christian Bale do të portretizonte Al Davis. /

Continue Reading

Lajmet

Tërnava u uron besimtarëve Kurban Bajramin

Published

on

By

Myftiu i Kosovës, Naim Tërnava, ka uruar besimtarët për Festën e Kurban Bajramit, duke u bërë thirrje për më shumë mirësi mes tyre.

Në urimin e tij tradicional në prag të Festës së Bajramit të Vogël, Tërnava tha se kjo festë është përkujtim i sakrificës të profetit Ibrahim, “i cili ishte i gatshëm të flijonte më të dashurin e tij për hir të Zotit të madhërishëm, e i cili na mësoi se besimi i vërtetë nuk njeh kufi e as frikë nga sprovat, por gjen kuptimin e lartë pikërisht në dorëzimin ndaj vullnetit hyjnor të Zotit”.

Në këtë ditë, zemrat e besimtarëve mbushen me mirënjohje dhe përkushtim, ndërsa duart e tyre shtrihen në ndihmë dhe bujari, ngase kjo festë është një akt që mishëron në frymën e afërsisë me Zotin dhe përgjegjësisë ndaj shoqërisë”, tha ai.

Myftiu Tërnava tha se Kurban Bajrami është festë fetare, por bart edhe mesazhe të thella shoqërore dhe atdhetare.

Festa e Bajramit nuk kufizohet vetëm me adhurim, por ajo kontribuon në forcimin e vlerave që ndërtojnë shoqërinë dhe forcojnë atdheun”, u shpreh ai.

Festa e Kurban Bajramit karakterizohet me therjen e kubanit dhe kryerjen e haxhillëkut.

Sot, kur miliona besimtarë janë në tokën e shenjtë të Mekës dhe ku do ta kalojnë këtë ditë në rrafshnaltën e Arafatit dhe në mesin e tyre gjenden edhe haxhilerët nga Kosova, të cilët janë duke e përjetuar haxhillëkun – udhëtimin e jetës – me lutjet e tyre drejtuar krijuesit për falje gabimesh, shëndet dhe mirëqenie për familjet e tyre, për popullin tonë dhe siguri për vatanin tonë”, tha Tërnava.

Haxhillëku ka nisur më 4 qershor dhe besimtarët myslimanë do të kryejnë rite fetare në Mekë deri më 8 qershor. Këtë vit, më shumë se 1.5 milion pelegrinë po marrin pjesë në ritualin më të rëndësishëm të Islamit./REL/

Continue Reading

Lajmet

​Bajrami: Nuk kemi nevojë që ta përsërisim një proces zgjedhor

Published

on

By

Deputetja e Lidhjes Demokratike të Kosovës, Hykmete Bajrami deklaroi se nuk ka nevojë që të përsëritet sërish një proces zgjedhor. Sipas tij, qëndrimi i LDK-së është që ketë konstituim të institucioneve pas zgjedhjeve të 9 shkurtit, teksa shtoi se bashkimi i dy palë zgjedhjeve do të shkaktonte probleme të mëdha.

Kështu u shpreh deputetetja Bajrami, pas dështimit për herë të 27-të për konstituim të legjislaturës së nëntë të Kuvendit të Kosovës.

Unë mendoj që ne veç sa e kemi kaluar një proces të zgjedhjeve nacionale, në fakt edhe si parti e kemi të njëjtin qëndrim dhe duhet të bëhet konstituimi i institucioneve të dala nga zgjedhjet e 9 shkurtit. Nuk kemi nevojë që ta përsërisim një proces zgjedhor, sepse nuk mund të priten as edhe ndryshime të mëdha. Në ndërkohë ne e dimë të gjithë procesin tejet të ndërlikuar dhe kohën që e ka marrë për numërim të votave nga ana e KQZ-së. Bashkimi i dy palë zgjedhjeve në një periudhë të caktuara do të shkaktonte probleme të mëdha dhe ka shumë mundësi që zgjedhje të tilla mandej edhe të mos pranohen nga ndonjë subjekt”, u shpreh Bajrami.

Deputetja e Lidhjes Demokratike të Kosovës tha se degët e LDK-së në komuna janë në procesin konsulatativ për paraqitjen e kandidaturave për kryetar komunash.

Nuk janë përcaktuar emrat, janë mbajtur takime të përbashkëta me kryesinë dhe kryetarët e degëve, gjithashtu me kryetarin dhe kryetarët e degëve, e kemi ndarë procesin në tri faza. Dhe tani janë komunat, degët e LDK-së në gjitha komunat në Kosovë të cilat janë në fazën e procesit konsultativ, disa prej tyre veç i kanë paraqitur kandidaturat, disa të tjera janë në proces”, shtoi Bajrami.

Continue Reading

Lajmet

Kryeziu-Hyseni: Qëllimi i partive opozitare nuk është zgjidhja por vazhdimi i bllokadës

Published

on

By

Deputetja e Lëvizjes Vetëvendosje, Arbëreshë Kryeziu-Hyseni ka thënë se qëllimi i partive që deri tani ishin në opozitë nuk është formimi i institucioneve të reja pas zgjedhjeve të 9 shkurtit, mirëpo vazhdimi i bllokadës dhe krizës politike.

Pas dështimit të sotëm të seancës konstituive të Kuvendit për herë të 27-të, ajo tha se këto parti parlamentare qëllimshëm nuk po marrin pjesë në votim për formimin e komisionit verifikues për zgjedhjen në mënyrë të fshehur të kryeparlamentarit.

Qëllimi i partive opozitare nuk është zgjidhja por vazhdimi i bllokadës që ata vet e kanë krijuar qysh në fillim të sagës së këtyre seancave të vazhdueshme. Fillmimisht kanë refuzuar komisionin për verifikimin e mandateve dhe më pastaj duke refuzuar të marrin pjesë në votim për komisionin verifikues për votim të fshehtë të kryeparlamentarit”, tha ajo.

Madje, Kryeziu-Hyseni para gazetarëve tha se në procesin e zgjedhjes së nënkryetarëve ata nuk do të votojnë për asnjë deputetë të LDK-së, kurse për ata të PDK-së tha se votojnë vetëm Nait Hasanin dhe Sala Jasharin.

Është qëndrim i joni që nuk do të votojmë asnjë emër tjetër nga radhët e PDK-së përveç Nait Hasanit dhe Sala Jasharit. Ndërkohë që edhe ne kemi vendosur reciprocitet ndaj LDK-së dhe nuk pranojmë asnjë propozim nga ana e tyre. Nëse duam që të hyjmë në ciklin e dëshirave dhe të shndërrojmë Kuvendin në vend të dëshirave, e jo në vend të numrave atëherë le të vendosim këso lloj kriteresh”, tha ajo./KosovaPress/

Continue Reading

Të kërkuara