Sport

​“Final Four” i Ligës Unike zhvillohet në Pejë, zbulohet çmimi i biletave dhe detaje të tjera

FBK ka vendosur që ky turne të zhvillohet në Pejë.

Published

3 years ago

on

Për herë të parë Federata e Basketbollit të Kosovës do të organizojë turneun “Final Four” në kuadër të Ligës Unike ku marrin pjesë skuadra nga Kosova dhe Shqipëria.

FBK ka vendosur që ky turne të zhvillohet në Pejë, përkatësisht në palestrën “Karagaçi” nën organizimin e Klubit të Basketbollit Peja.

Në një konferencë për media me rastin e nënshkrimit të kontratës ndërmjet FBK-së dhe KB Peja, Sekretarja e kësaj federate Elvira Dushku tha se KB Peja i ka plotësuar të gjitha kushtet për organizimin e këtij turneu dhe se së bashku janë duke punuar në mënyrë intensive që tifozët ta shijojnë një spektakël të vërtetë në palestrën sportive “Karagaçi”.

“Për herë të parë do të organizohet “Final Four” i Ligës Unike, këtë herë do të jetë në Pejë, pra edicioni i parë do të jetë në Pejë. Klubi i Basketbollit Peja i ka plotësua të gjitha kriteret konform konkursit që është shpallur dhe së bashku me Ligën Unike tashmë prej momentin kur është votuar nga bordi i Ligës Unike pardje kemi filluar përgatitjet intensive në mënyrë që të mërkurën dhe të enjten e ardhshme të jemi ta gatshëm për spektaklin që t’iu servohet të gjithë adhuruesve të basketbollit ne palestrën ‘Karagaçi’ në Pejë”, tha Dushku.

Ndërsa drejtori sportiv i Klubit të Basketbollit Peja, Arbër Elashani deklaroi se ata kanë bërë të gjitha përgatitjet që ky organizim të shkojë në mënyrën më të mirë të mundshme, derisa ka deklaruar për këtë klub është nder i madh organizimi i një ngjarje kaq të madhe.

“Është vërtetë një nder shumë i madh për klubin e basketbollit Peja që për herë të parë ta organizojmë një event me një rëndësi kaq të madhe të ligës mbarëshqiptare siç është “Final Four” i Ligës Unike. Ne në mbledhjen e fundit që e kemi pasur te Klubi i Basketbollit Peja nga presidenti dhe secili anëtar i klubit tonë kemi marr zotimin që ta organizojmë Ligën Unike bashkarisht me Federatën e Basketbollit të Kosovës dhe Federatën e Basketbollit të Shqipërisë, pra bëhet fjalë për një trekëndësh dhe kemi bashkëpunim të ndërsjellë dhe normalisht që e sigurojë këtu sekretaren që organizimi do të jetë spektakolar dhe i një niveli shumë të lartë”, tha Elshani.

Ai më pas zbuloi edhe detaje mbi çmimin e biletave për të cilat ka bërë të ditur se do të shiten në dy forma. Njëra mund të blihet si pako përmes së cilës mund të ndiqen të gjitha ndeshjet, dhe tjetra është mënyrë vetjake, ose për secilën ndeshje veçmas.

“Do ta lansojmë një biletë e cila do të jetë për të gjithë eventin e vlefshme dhe çmimi i saj është 10 euro. Pra me 10 euro një tifozë mund të vijë ta shikojë komplet eventin e Ligës Unike, Final Four, gjysmëfinalet, vendi i tretë dhe finalen. Për tifozët të cilët refuzojnë ta blejnë biletën për të gjithë eventin do ta kenë biletën e cila quhet vetjake për një ndeshje e cila do ta ketë çmimin 5 euro”, theksoi Elshani.

Në fund sekretarja e FBK-së bëri të ditur se në total, shpërblimi për të gjitha ekipet pjesëmarrëse në këtë turne do të jetë 25 mijë euro.

Ndeshjet do të zhvillohen më 20 dhe 21 prill ku në gjysmëfinale ballafaqohen Golden Eagle Ylli-Teuta dhe Peja-Prizreni 16.

Finalja si dhe ndeshja për vendin e tretë zhvillohen më 21 prill.

Related Topics:
Continue Reading

Sport

Granit Xhaka përplaset me tifozët e Leverkusenit pas eliminimit nga skuadra e Bundesliga 3

Published

2 hours ago

on

April 2, 2025

By

Mesfushori i Bayer Leverkusenit, Granit Xhaka, ka pasur një përplasje me tifozët e ekipit të tij pas eliminimit nga gjysmëfinalja e Kupës së Gjermanisë nga klubi i Bundesliga 3, Arminia Bielefeld.

Kalimi i Arminia Bielefeldit në finale ishte një befasi e madhe, ashtu siç ishte edhe eliminimi i Leverkusenit, që shihej si favorit absolut. Ekipi i Xhakës u mposht me rezultatin 2-1 në “Schuco Arena”, duke shkaktuar një tronditje te tifozët.

Ky eliminim ka shpërthyer zemërimin e tifozëve të Leverkusenit, të cilët kishin udhëtuar deri atje për të mbështetur ekipin e tyre dhe kërkuan llogari nga lojtarët pas humbjes. Xhaka, si një nga liderët e skuadrës, ka shkuar te tribuna e tifozëve për të kërkuar falje dhe për të diskutuar me ta.

Por, situata nuk ka kaluar pa tensione. Mesfushori është filmuar duke debatuar me tone të ashpra me disa tifozë, dhe momenti ka bërë xhiron e rrjeteve sociale. Kjo përplasje mes lojtarit dhe tifozëve ka shtuar edhe më shumë tensionin pas një humbjeje të papritur dhe të rëndë për Leverkusenin./UBTNews/

Continue Reading

Sport

Federata e Basketbollit të Kosovës njofton për selektorët e rinj te grupmoshat e reja

Published

2 hours ago

on

April 2, 2025

By

Janë emëruar përzgjedhësit e grupmoshave të reja të Përfaqësueses së Kosovës në basketboll për meshkuj.

Bordi i FBK-së, pas shqyrtimit të propozimit të paraqitur nga Drejtori i Përfaqësueseve të Kosovës për emërimin e trajnerëve të Përfaqësueseve të Reja (Meshkujt), ka marrë vendime.

Përzgjedhës i Kosovës U20 është emëruar Andin Rashica, ndërsa ndihmës trajnerë do të jenë Endrit Elshani dhe Egzon Uka.

Dion Pllana është caktuar përzgjedhës i Kosovës U18, me Defrim Hashanin si ndihmës trajner.

Përzgjedhës i Kosovës U16 është emëruar Gyltekin Selimi, ndërsa ndihmës trajnerë do të jenë Laurant Ibrahimi dhe Vigan Radoni.

Vendimi për emërimin e përzgjedhësve të rinj do të hyjë në fuqi nga data e miratimit nga Bordi i FBK-së.

Gjithashtu, shumë shpejt, Bordi i Federatës së Basketbollit të Kosovës pritet të emërojë edhe shtabet teknike të Përfaqësueses U16 dhe U18 për femra.

Continue Reading

Sport

Golden State ‘fluturon’ me 52 pikët e Stephen Curry

Published

3 hours ago

on

April 2, 2025

By

Golden State Warriors arritën fitoren e tretë radhazi me një paraqitje mbresëlënëse nga Stephen Curry, i cili shënoi 52 pikë dhe mori 10 rebound, duke udhëhoqur skuadrën në fitoren 134-125 ndaj Memphis Grizzlies. Ky sukses e konsolidon ekipin e Golden State në vendin e pestë në Konferencën Perëndimore, duke u afruar më shumë me pozitat më të larta të renditjes.

Në ndeshjet e tjera, Milwaukee Bucks mundën Phoenix Suns 133-123, me Giannis Antetokounmpo duke realizuar 37 pikë dhe duke dhënë 11 asistime, duke e bërë të pavlefshme performancën fantastike të Devin Booker, i cili shënoi 39 pikë për Phoenix.

Minnesota Timberwolves arritën një fitore dramatike ndaj Denver Nuggets, duke mundur 140-139 në një ndeshje të zhvilluar në kohë shtesë. Anthony Edwards udhëhoqi Minnesota me 34 pikë, ndërsa Nikola Jokić shënoi 61 pikë, 10 rebound dhe 10 asist, por kjo nuk mjaftoi për të siguruar fitoren për Denver.

Rezultatet e tjera të ndeshjeve:

Atlanta Hawks – Portland Trail Blazers: 113-127

Milwaukee Bucks – Phoenix Suns: 133-123

New York Knicks – Philadelphia 76ers: 105-91

Chicago Bulls – Toronto Raptors: 137-116

Memphis Grizzlies – Golden State Warriors: 125-134

San Antonio Spurs – Orlando Magic: 105-116

Denver Nuggets – Minnesota Timberwolves: 139-140

Continue Reading

Sport

Humbjet që sollën “lëkundje” te Prishtina në fazën vendimtare

Published

19 hours ago

on

April 1, 2025

By

Pas serisë prej nëntë fitoreve, Sigal Prishtina hyri fuqishëm në garë për vendin e parë në Superligën e Kosovës në basketboll.

Seria nisi në xhiron e 15-të me fitoren në udhëtim ndaj Proton Cable Prizrenit, më 9 janar, më pas skuadra prishtinase mposhti Borën, Golden Eagle Yllin, Trepçën, Pejën, Bashkimin, Vëllaznimin dhe sërish Prizrenin e Borën.

Në kuadër të xhiros së 24-t, më 16 mars, Prishtina humbi nga Golden Eagle Ylli.

Nuk është kjo humbja që solli ndarjen me trajnerin turk, Murat Bilge.

Pas humbjes nga Ylli, Prishtina reagoi me fitore kampionale ndaj Prishtinës. Ndërkohë mori organizimin e turneut final të Ligës Unike, me synim për ta fituar trofeun. Por në finale u befasua nga Vëllaznimi, që fitoi në Prishtinë me rezultat 91:88. Të dielën Prishtina vazhdoi garën kampionale dhe humbi shumë thellë, 100:70 në “Karagaçi” nga Peja.

Të martën klubi i kaltër njoftoi se Bilge nuk është më kryetrajner.

“Ju njoftojmë se ndihmëstrajneri i deritashëm, Albert Sylejmani, merr detyrat dhe përgjegjësitë si trajner i klubit”, ka njoftuar Prishtina.

Nuk është sqaruar nëse Bilge ka dhënë dorëheqje a është shkarkuar, ai nuk është trajner i skuadrës. Ndryshimi në krye të shtabit teknik ndodhi dy xhiro para fundit të stinorit të rregullt. Në mesjavë Prishtina takohet në shtëpi me Bashkimin, në fundjavë luan në udhëtim ndaj Vëllaznimit. Pas xhiros së 26-të, Prishtina renditet e treta me 42 pikë. 43 pikë në pozitën e dytë i ka Trepça, Bashkimi udhëheq me 44 pikë.

Dy pozitat e para në fund dërgojnë në gjysmëfinale të plejofit. Prej vendit të tretë sigurohet çerekfinalja. Natyrisht rruga për te titulli është shumë më sfiduese prej vendit të tretë. Te Prishtina nuk ka pasur formë konstante prej fillimit të edicionit. Kampionatin e nisi duke u bazuar në të rinj, por u mbush me të huaj dhe rriti pretendimet. Në vjeshtë nuk shfaqi shumë, ndërsa seria e dy muajve të parë të këtij viti e ktheu në garë. Shumë prej atyre fitoreve u arritën në fund e me mund. Por telashet në lojën e Prishtinës u ekspozuan në dy takimet e fundit.

Sidomos në pjesën e dytë të ndeshjes në Pejë, Prishtina kishte shfaqje të papranueshme për këtë pjesë të kampionatit. Ndonëse ishte në epërsi pas pjesës së parë, skuadra prishtinase humbi në fund me plot 30 pikë dallim.

Kjo solli ndryshimin në krye të shtabit teknik, ndonëse ndryshimi u bë në momentin më të papërshtatshëm të mundshëm. Mbetet të shihet se si do të reagojë Prishtina në ndeshjet e mbetura dhe më pas në plejof. Sylejmani ishte ndihmës i Bilges, ndërsa edhe më herët e kishte përgjegjësinë për ta drejtuar skuadrën si kryetrajner. Ai është gjatë në basketboll e po ashtu në Prishtinë.

Continue Reading

Të kërkuara