

Lajmet
Fillimi i vitit shkollor i gjen shumicën e nxënësve pa libra
Nga MAShTI thonë se deri më tani kanë aplikuar rreth 92 mijë prindër për libra.
Published
2 years agoon
By
Betim GashiKur ka mbetur edhe një ditë të fillojë mësimi, gjysma e nxënësve ende nuk janë të pajisur me libra. Nga rreth 300 mijë familje sa pritet të aplikojnë për subvencionim për tekstet mësimore, deri më tani sipas Ministrisë së Arsimit, Shkencës dhe Teknologjisë, kanë aplikuar rreth 92 mijë prindër.
Vendimi i MAShT-it që të subvencionojë për tekste shkollore dhe pajisje tjera për klasat 1-5 me 80 euro dhe 30 euro për si mbështetje për materiale të tjera shkollore pë klasat 6-9, del të jetë llogaritur gabim. Nga disa fatura që ka arritur të sigurojë KosovaPress nga prindërit, shihet se vetëm blerja e teksteve shkollore për klasën e katërt ka arritur shifrën 73 euro.
Ky vendim nga MAShT-i vazhdon të kritikohet nga Sindikata e Bashkuar e Arsimit, Shkencës dhe Kulturës e Kosovës, shoqëria civile por edhe nga prindërit. Sipas SBAShK-ut, fëmijët dhe mësimdhënësit do të ballafaqohen me sfida në mbarëvajtjen e mësimit.
Ndërkaq, prindërit shprehen me mendime të ndara sa i përket kësaj çështje. Për disa është mjaft problematike sigurimi i teksteve shkollore në një librari, e për të tjerë ky vendim i arsyeshëm.
Qytetari Ymer Berisha, i cili ka regjistruar fëmijën në klasën e parë, thotë për KosovaPress se shuma e librave deri më tani ka shkuar në 57 euro, porse ende nuk i ka kompletuar.
“Djalin e kam regjistruar sivjet në klasën e parë, librat i kam blerë 57 euro, përveç gjuhës angleze. Nuk po e shoh ndonjë problem ose komplikim, sepse neve gjithmonë prindërit tanë na kanë blerë librat dhe materialin tjetër shkollor”, thotë Berisha.
Ndërsa, qytetarja Vjosa Berisha ka kritikuar Ministrinë e Arsimit për këtë vendim. Derisa thotë se është krijuar tollovi në blerjen e librave, sipas saj, ka qenë përgjegjësi e MAShT-it t’i sigurojë librat për nxënësit.
“Vajza është në klasën e dytë tash, gjysmën e librave i morëm në një librari 25 euro… Sepse gjysmën tjetër i ka ble bashkëshorti tek libraria tjetër… Por, aspak i arsyeshëm (vendimi i MAShTI-t), sepse është bërë një tollovi e madhe, s’ka pas nevojë, sepse ato para nëse veç i kishin dhënë për libra, kanë mundur t’i marrin në shkollë, kështu po duhet të bartemi herë në një librari e herë në tjetrën, katër librari i kemi shikuar derisa i kompletuam të gjitha librat”, thotë Berisha.
Se ky vendim është i gabuar, e thotë edhe kryetari i SBAShK-ut, Rrahman Jasharaj. Jasharaj thotë se shuma e ndarë për fëmijët në vlerë prej 80 euro, 50 euro për tekste shkollore dhe 30 euro për pajisje të tjera, për klasën e parë deri në të pestën, nuk del të jetë ashtu. Sipas tij, edhe po të bëhen dyja bashkë, në disa raste nuk e mbulojnë shifrën për blerjen e librave.
“Deklarata… për tekste shkollore dhe 30 euro ‘humaniteti’ i tyre për mjete mësimore, edhe në takimin që kishim me kryetarët, ata janë angazhuar dhe kanë pyetur libraritë ekzistuese, del se jo 50 euro por edhe të bashkohen dy shumat ka gjasa se nuk mjaftojnë vetëm për tekstet shkollore. Dhe ky ‘humanitet’ konsideroj se behet për popullaritet, për të ju treguar se ja gjoja ne i ndihmojmë prindërit, e vërteta do të na tregojë që në fillim të shtatorit prindërit do jenë të zhgënjyer, këto para nuk do ju mjaftojnë për tekste shkollore. Po ashtu pse nuk i ka pyetur njerëzit a ka nëpër të gjitha qytetet librari”, thotë Jasharaj.
Mes tjerash, Jasharaj shprehet i shqetësuar se nxënësit do humbasin javë të tëra derisa të kompletohen me tekste shkollore.
“Me të ardhur e hëna do të na dalin shumë sfida, ngase për herë të parë në mënyrë shumë të çuditshme e të gabuar, ministrja Nagavci ka sjell këtë vendim, i cili është shumë i gabuar dhe i ngarkon dhe komplikon jetën prindërve, ngase jo të gjithë prindërit dinë të gjinden në e-Kosova, dhe jo të gjithë prindërit kanë xhirollogari, madje u shqetësova kur dëgjova se ka raste kur prindërit tanë i kanë të bllokuara xhirollogaritë nga përmbaruesit për shkak se janë në gjendje të rëndë ekonomike, dhe po shkuan ato para, prindi nuk i merr dot. Pra, është krijuar një situatë e cila nuk është dashur të ndodhë… Kështu kam frikë se tre javë do shkojnë me një pjesë me tekste e një pjesë pa tekste, dhe mësimdhënësit janë pastaj në stres, të fillojnë të shpjegojnë njësitë e reja apo çfarë të bëjnë, sepse nxënësit që nuk kanë tekste nuk janë në faj”, shton Jasharaj.
KosovaPress ka dërguar pyetje edhe në Ministrinë e Arsimit, Shkencës dhe Teknologjisë lidhur me përgatitjen me libra për vitin shkollor, mirëpo të njëjtit nuk janë përgjigjur deri në publikimin e kësaj teme.
Po ashtu, KosovaPress ka kontaktuar edhe me Këshillin e Prindërve, mirëpo as këta të fundit nuk kanë pranuar të përgjigjen.
Ndërkaq, gjatë ditës së djeshme (e mërkurë), Qeveria e Kosovës ka ndarë rreth 13 milionë euro për subvencionimin e prindërve për blerjen e teksteve shkollore dhe materialet mësimore.
Ekzekutivi në mbledhjen e saj elektronike ka ndarë 6,323,380 euro për subvencionimin e teksteve shkollore për klasat 1-5 dhe 6,617,340 euro për subvencionimin e materialeve mësimore për klasat 1-9.
Lajmet
Abdixhiku i fton partitë parlamentare për qeveri tranzicionale
Published
6 hours agoon
May 6, 2025By
UBTnews
Kryetari i Lidhjes Demokratike të Kosovës, Lumir Abdixhiku, njoftoi të martën se i ka ftuar të gjitha partitë parlamentare shqiptare të takohen së bashku për ta formuar një qeveri tranzicionale dhe “unifikuese”.
Propozimi i Abdixhikut vjen pas një letre që ai e mori nga partia fituese e zgjedhjeve të 9 shkurtit, Lëvizja Vetëvendosje, për koalicion qeverisës dhe pas dështimeve të njëpasnjëshme për formimin e institucioneve të reja rreth tre muaj pas zgjedhjeve.
“Propozojmë nisjen e një procesi të ri politik. Në përputhshmëri me këtë, LDK-ja propozon nisjen e këtij procesi me të gjitha partitë për nisjen e një qeverie nacionale të tranzicionit”, tha Abdixhiku në një konferencë për media në Prishtinë.
Abdixhiku e hodhi poshtë ofertën e liderit të Vetëvendosjes, Albin Kurti, për formimin e koalicionit qeverisës LVV-LDK, duke thënë se qëndrimet e partisë së tij nuk kanë ndryshuar.
“E kam vlerësuar të pamundur bashkëpunimin me Kurtin”, tha ai.
Ai i ktheu përgjigje Kurtit edhe përmes një letre pas marrjes së kërkesës për koalicion qeverisës, në të cilën, ndër të tjera, thuhet se Kosova ndodhet në “një krizë të thellë politike dhe institucionale për shkak të dështimit tuaj të krijoni partneritete politike që do ta garantonin shumicën”.
Abdixhiku tha se i ka ftuar liderët e partive parlamentare dhe se e fton edhe Kurtin, për takim konsultativ për ta nisur këtë proces.
Ai tha se qeveria e tranzicionit do të kishte një kryeministër “unifikues” dhe se do të zgjaste deri në kohën kur vendi duhet ta zgjedhë presidentin e ri, pra në prill të vitit 2026, kur presidentes së tanishme Vjosa Osmani i mbaron mandati.
“Po flasim për qeveri nacionale të tranzicionit, të unitetit të tanishëm, të domosdoshëm për Kosovën dhe me afat të shkurtër. Me kryeministër dhe kabinet unifikues deri në zgjedhjen e presidentit të Kosovës”, tha ai.
Kurti e përsëriti të martën gjatë një ngjarjeje në Gjilan se ai “unë do të jem kryeministër dhe vazhdojmë tutje”, pasi ishte pyetur rreth formimit të institucioneve të reja.
Abdixhiku tha se disa prej liderëve të partive parlamentare kanë shprehur gatishmëri për këtë dhe se Ramush Haradinaj i Aleancës për Ardhmërinë e Kosovës (AAK) e ka pranuar ftesën.
Vetëvendosje i fitoi zgjedhjet e 9 shkurtit, me rreth 42 për qind të votave, apo 48 ulëse, që është pamjaftueshëm për të qeverisur e vetme.
Pas LVV-së më së shumti vota fitoi Partia Demokratike e Kosovës, me 24 ulëse, e pastaj LDK-ja me 20 sosh.
AAK dhe Nisma i fituan tetë ulëse, prej të cilave tri i takojnë kësaj të fundit.
Gati tre muaj pas zgjedhjeve të 9 shkurtit, procesi ka ngecur për shkak të mospajtimeve mes disa prej partive më të mëdha parlamentare për postimin e kryetarit të Kuvendit.
Konstituimi i Kuvendit, i nisur më 15 prill, po dështon për shkak se Vetëvendosje nuk po arrin t’i sigurojë votat e nevojshme prej 61 për kandidaten e saj për kryetare, Albulena Haxhiu.
Haxhiu shihet nga PDK-ja dhe AAK-ja si “figurë përçarëse”, derisa LDK-ja nuk dëshiron ta votojë asnjë kandidat të partisë fituese.
Vetëvendosje ngul këmbë se Haxhiu është kandidate meritore dhe, përkundër se ka bërë thirrje për marrëveshje politike, ka hedhur poshtë mundësinë e propozimit të ndonjë kandidati tjetër pos saj./REL/

Prokuroria Speciale e Kosovës njoftoi se ka arrestuar sot një person me inicialet H.S., shtetas i Kosovës, i dyshuar për kryerjen e veprës penale “Spiunazhi”.
Atij i është caktuar ndalimi prej 48 orësh. Sipas Prokurorisë, aksioni për arrestimin e tij është zhvilluar në bashkëpunim me Policinë e Kosovës – Drejtorinë për Hetimin e Krimit të Organizuar dhe Krimeve të Rënda, si dhe asistencën e Agjencisë së Kosovës për Inteligjencë.
Po ashtu, thuhet se është kryer edhe bastisje në dy lokacione në Kosovë, ku janë sekuestruar prova materiale, përfshirë edhe disa telefona, që dyshohet se janë përdorur nga i dyshuari gjatë kryerjes së veprës penale.
Prokurori i shtetit ndaj të dyshuarit ka nxjerrë aktvendim për ndalim prej 48 orësh, dhe ndaj të njëjtit do të ndërmerren të gjitha veprimet e nevojshme hetimore për zhvillimin e suksesshëm të procedurës penale.
Spiunazhi është veprimtari e fshehtë e mbledhjes, transferimit ose shpërndarjes së informacioneve të ndjeshme te një shtet, organizatë apo grup tjetër.
Me Kodin Penal të Kosovës, spiunazhi konsiderohet krim i rëndë dhe dënohet me minimum pesë vjet burg, nëse konfirmohet fajësia./REL/
Lajmet
OEK kërkon pezullim të vendimit që shtrenjton energjinë elektrike për bizneset
Published
8 hours agoon
May 6, 2025By
UBTnews
Oda Ekonomike e Kosovës (OEK) ka kërkuar nga institucionet e vendit që të shtyjnë të paktën për një vit hyrjen në fuqi të vendimit për dalje në tregun e lirë të energjisë elektrike për bizneset.
Drejtuesi i Odës Ekonomike, Lulzim Rafuna, tha se bizneset kanë filluar të marrin ofertat e para dhe gjëja e parë që është vërejtur është çmimi shumë më i lartë se sa kanë paguar deri më tani.
“Ofertat e para që kanë ardhur tek të gjitha bizneset, tek të gjithë sektorët janë mbi 200 për qind më të shtrenjta sesa çmimi i energjisë elektrike që kanë marrë deri më sot”, tha Rafuna.
Zyra e Rregullatorit për Energji (ZRRE) ka marrë vendim që nga data 1 qershor të gjitha kompanitë e mëdha, konkretisht ato me mbi 50 të punësuar ose me qarkullim vjetor mbi 10 milionë euro të kalojnë në tregun e hapur të energjisë.
Sipas ZRRE-së, numri i tyre është mbi 1.000.
Aktualisht, këto biznese furnizohen nga Operatori për Furnizim me Energji (KESCO), si furnizuesi kryesor i licencuar për energji me çmime të rregulluara nga ZRRE-ja.
Ndërsa nga 1 qershori, kompanitë e mëdha duhet të zgjedhin vetë furnizuesin e tyre, me çmime të parregulluara, të cilat përcaktohen nga kërkesa dhe oferta në treg.
Rafuna tha se ky vendim duhet të shtyhet për të paktën një vit pasi sipas tij, kjo do të shuante shumë biznese.
“Kemi kërkuar që të shtyhet dalja në tregun e lirë dhe rritja prej 16.1 për qind të suspendohet për arsye se ka mundësi dhe ka mekanizma që qeveria ta subvencionojë ose edhe ta gjejë mënyra tjera se si ta ndihmojë biznesin se si ta kalojë sa më lehtë këtë periudhë kohore të mosdaljes në tregun e lirë”, deklaroi Rafuna.
Aktualisht, në tregun e lirë të Kosovës janë të licencuara 18 kompani që ofrojnë furnizim me energji elektrike, shumica prej të cilave janë nga Kosova, por ka edhe kompani nga rajoni.
Nga 1 maji kanë hyrë në fuqi tarifat e reja, me një rritje prej 16.1 për qind.
Këto tarifa do të vlejnë edhe për bizneset që kanë nën 50 punëtor apo nën 10 milionë euro qarkullim.
Përmes një konference për media edhe Partia Demokratike e Kosovës ka kritikuar rritjen e çmimeve të energjisë elektrike.
Deputeti i Partisë Demokratike të Kosovës Ferat Shala e quajti rritjen e çmimit selektive dhe tha se dëmton qytetarët.
“Sapo të konstituohet Kuvendi i ri, do të shfrytëzojmë të gjithë mekanizmat parlamentarë për të shqyrtuar çdo veprim dhe mosveprim në menaxhimin e sektorit energjetik”, theksoi Shala./REL/
Aktualitet
Përmbyset varka “Lamborghini” në Miami, shpëtojnë mbi 30 persona
Published
12 hours agoon
May 6, 2025
Mbi 30 persona janë shpëtuar pas një incidenti me një varkë luksoze, afër një ishulli, në afërsi të Miami Beach në Shtetet e Bashkuara të Amerikës.
Siç raportohet, në bord kanë qenë disa influencerë, ndërsa varka u përshkrua si një “Lamborghini”.
Roja Bregdetare e SHBA-së ndërhyri menjëherë pas njoftimit se mjeti lundrues 20 metra i gjatë kishte filluar të marrë ujë.
Aksioni i forcave speciale përfundoi me shpëtimin e 32 personave.

UBT organizon Akademi Përkujtimore në nder të Prof. Dr. Mufail Salihaj

Merz zgjidhet kancelar

Britania dhe India arrijnë marrëveshje historike tregtare pas tre vitesh negociatash

Merz reagon për herë të parë pasi dështoi të zgjidhet kancelar i Gjermanisë

BE planifikon tarifa 100 miliardë € për mallrat nga SHBA nëse negociatat dështojnë

Sulmet paraushtarake të Sudanit sjellin në qytet ndërprerje të energjisë elektrike

Abdixhiku i fton partitë parlamentare për qeveri tranzicionale

Inteligjenca Artificiale në fokus: UBT sjell ekspertizën në Qendrën DIG-4K

Rusia konfirmon sërish armëpushimin tre-ditor, paralajmëron hakmarrje nëse shkelet
Të kërkuara
-
Lajmet nga UBT3 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet4 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT1 week ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT2 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim