Lajmet

Fauci: Koronavirusi mund të mos zhduket kurrë

Ai e bëri këtë vlerësim gjatë një konference për shtyp në Shtëpinë e Bardhë mbi pandeminë.

Published

4 years ago

October 14, 2021

Betim Gashi

Eksperti kryesor i sëmundjeve infektive në Shtetet e Bashkuara, Dr. Anthony Fauci pranoi të mërkurën se koronavirusi mund të mos eliminohet kurrë dhe se “pjesa më e madhe e botës” mbetet në fazën e pandemisë.

Dr. Fauci, këshilltar i presidentit amerikan, Joe Biden dhe Drejtori i Sëmundjeve Infektive në Institutet Kombëtare të Shëndetit, e bëri këtë vlerësim gjatë një konference për shtyp në Shtëpinë e Bardhë mbi pandeminë.

“Do të jetë shumë e vështirë, të paktën në të ardhmen e afërt dhe ndoshta përgjithmonë që të eliminohet ky virus shumë i transmetueshëm”, tha ai.

Duke dhënë një perspective historike dr. Fauci tha se “ka pasur vetëm një sëmundje njerëzore që është zhdukur dhe kjo është lija”.

Ai tha se “pjesa më e madhe e botës” është ende “në disa drejtime në fazën e pandemisë”, por “po sheh tani një rënie të ritmit” të rasteve të reja.

Dr. Fauci tha se ekspertët e kujdesit shëndetësor “po përpiqen për një shkallë të kontrollit të virusit që do të na lejonte të jemi në gjendje t’i kthehemi normalitetit që të gjithë e presim me padurim”.

Ai theksoi se një nivel i përshtatshëm kontrolli mund të arrihet përmes vaksinimeve për të cilat ai shpreson që përfundimisht të ulin rastet e reja ditore në “më pak se 10 mijë”.

Ai vuri në dukje se ShBA ende ka “rreth 66 milionë persona që kanë të drejtën të vaksinohen, që mbeten të pavaksinuar”.

“Kemi të bëjmë me një situatë ku kemi një virus shumë të transmetueshëm dhe me 80 deri në 90 mijë raste në ditë. Nuk jemi aty ku duhet”, tha ai.

ShBA vazhdon të ketë numrin më të madh të vdekjeve nga koronavirusi, më shumë se 717 mijë dhe të infeksioneve të reja me gati 44.6 milionë, sipas Universitetit Johns Hopkins.

Lajmet

Policia shqipton mbi 2 mijë e 300 gjoba trafiku brenda 24 orëve

Published

48 minutes ago

August 15, 2025

UBTnews

Policia e Kosovës ka shqiptuar 2361 gjoba për kundërvajtësit e trafikut brenda 24 orëve të fundit.

Në 24 orët e fundit janë raportuar 83 aksidente trafiku me dëme materiale kurse 39 aksidente trafiku kanë përfunduar me të lënduar.

Policia e Kosovës ka arrestuar 22 persona, 17 janë dërguar në mbajtje, kurse 3 persona janë në vuajtje të dënimit.

Lajmet

Vjedhje e rëndë në Klinë, hajnat vjedhin shumë të madhe parash

Published

49 minutes ago

August 15, 2025

UBTnews

Sipas raportit të Policisë së Kosovës, hajnat kanë hyrë në një shtëpi në Klinë ku kanë vjedhur para të gatshme 4000 Franga Zvicerane, 250 paund Britanik, 50 kruna Norvegjeze, si dhe stoli të ndryshme ari në vlerë rreth 19 mijë euro.

Rasti është nën hetim.

“Rr. Ali Berisha, Klinë / 14.08.2025 – NN. Është raportuar se personi/a të panjohur me përdorim force kishin depërtuar në shtëpinë e viktimës mashkull kosovar dhe kishin vjedhur: para të gatshme 4000 Franga Zvicerane, 250 paund Britanik, 50 kruna Norvegjeze, si dhe stoli të ndryshme ari në vlerë rreth 19.100 (nëntëmbëdhjetëmijë) euro. Njësitë relevante policore kanë dalë në vendin e ngjarjes dhe janë duke e hetuar rastin për të cilin është njoftuar edhe prokurori“, thuhet në raportin 24-orësh të Policisë së Kosovës.

Lajmet

Deri 1 orë e gjysmë pritje në pikat kufitare për dalje nga Kosova, përditësohen të dhënat e fundit

Published

1 hour ago

August 15, 2025

UBTnews

Janë përditësuar të dhënat mbi fluksin në kufi, nga Qendra Kombëtare për Menaxhim Kufitar.

Sipas të dhënave të publikuara në faqen zyrtare, aktualisht pritjet për të hyrë në Kosovë janë të shkurtra.

Pritjet në hyrje raportohen nga 3 deri në 5 minuta. Përderisa pritjet për të hyrë në Kosovë janë të shkurtra, pritjet për të dalë nga Kosova janë të gjata.

Raportohen pritje deri 1 orë e gjysmë te Dheu i Bardhë, kurse deri 20 minuta në Merdarë.

Përditësimi i fundit ishte në ora 07:03 të mëngjesit.