Sport

​Eroll Salihu tregon të ardhmen e Bernard Challandes, flet edhe për largimin e Paqaradës

Published

5 years ago

on

Dy humbjet e Kosovës nga Suedia dhe Spanja në kualifikimet për në Kampionatin Botëror “Katar 2022”, pastaj mos ftesa e disa lojtarëve të Superligës së Kosovës si dhe atmosfera jo e mirë brenda grupit, të gjitha këto i janë faturuar trajnerit zviceran, Bernard Challandes.

Madje kritikat e opinionit sportiv kanë shkuar aq larg sa edhe është kërkuar shkarkimi i tij nga Federata e Futbollit të Kosovës.

Mirëpo shkarkimi i Bernard Challandes nuk është në planet e kësaj federate. Kështu ka konfirmuar në një intervistë për KosovaPress, sekretari i FFK-së Eroll Salihu. Ai ka thënë se kontrata e trajnerit zviceran skadon vitin e ardhshëm, por se nuk mund të merren vendime të ngutshme pas një ose dy lojërave jo të mira.

“Trajneri Challandes kontrata i ka skaduar në maj (të vitit të kaluar) dhe është dashur të vazhdohet kontrata dhe cili njeri nuk do ta vazhdonte kontratën me një person që ka pasur 15 ndeshje që e ka bërë këtë popull krenar. Më tregoni një person serioz. Nuk dua t’i dëgjoj palaçot që dalin çdo ditë dhe i shesin mend të gjithë popullit dhe nuk kanë kurrë fare as dije e as kompetenca. Pra duhet të jemi real, e ka merituar një kontratë të re. Pra kontrata vitin e ardhshëm i skadon. Kështu që puna e tij gjithsesi vlerësohet, por po them edhe njëherë nuk mundesh me një lojë apo dy të nxjerrësh vendime të cilat do të ishin të ngutshme.”, tha Salihu.

Madje Salihu duke folur për KosovaPress deklaroi se shqyrtimi i punës së Bernard Challandes mund të bëhet pasi të përfundojë cikli kualifikues i ndeshjeve për në Kampionatin Botëror dhe se puna e tij do të shqyrtohet vetëm pasi të mbyllen këto ndeshje.

“Unë besoj që po. Nuk është kompetencë e imja, është e Komitetit Ekzekutiv, por unë besoj që duhet të vazhdojë dhe pastaj kur të përfundojë ky cikël pastaj mund të bëhet një rishqyrtim besoj por duhet të jemi real që për Kampionat Botëror është shumë, shumë vështirë që të kualifikohemi sepse është një numër shumë i vogël nga Evropa që shkon, por ne mendoj se duhet të përgatitemi për fazën e Uefa Nation League, aty ku e kemi treguar forcën, ku e kemi pasur vendin e parë dhe të përgatitemi së paku të kemi një ekip solid. Prandaj edhe njëherë po them kjo mbetet çështje e Komitetit Ekzekutiv por unë besoj personalisht që ky ciklus duhet të kryhet me atë.”, deklaroi Salihu.

Por a është paga e lartë e Challandes njëri nga faktorët që FFK-ja po heziton ta shkarkojë atë?

“Është njëri, por nga ana tjetër nuk mendojmë që trajneri është shkaku kryesor që nuk kemi qenë të suksesshëm si më parë, do të thotë unë nuk e kam atë bindje. Është pak i ngutshëm, një konstatim jo serioz”, tha ai.

Para pak ditësh mbrojtësi i Kombëtares së Kosovës, Leart Paqarada bëri të ditur se tërhiqet nga Përfaqësuesja e Kosovës dhe se nuk kthehet deri sa në krye të skuadrës është trajneri Bernard Challandes. Duke e komentuar këtë vendim të Paqaradës, Salihu tha se lojtari në fjalë ka bërë një veprim të ngutshëm por se në fund secili merr përgjegjësinë për veprimet e veta.

“Nuk mendoj se ka vendosur mirë për arsye se ka pasur rastin, ka luajtur edhe nganjëherë edhe nuk shkon, nuk je në formë. Mendoj që ndoshta është dashur më shumë të luajë, por vendos trajneri në fund të fundit. Prandaj unë mendoj që Learti ka bërë një hap të ngutshëm, por në fund të fundit secili përgjigjet për veprimet e veta”, u shpreh Salihu.

Krejt në fund, Eroll Salihu duke folur për KosovaPress nuk e ka përjashtuar mundësinë që trajneri që do ta pasojë Challandes në stolin e Kombëtares së Kosovës të jetë nga skena vendore.

“Asgjë nuk përjashtohet. Dorën në zemër shumë pak trajnerë kemi që kanë përvojë ndërkombëtare. Prandaj aty duhet të jemi shumë të kujdesshëm. Unë e di që kemi një Besnik Hasi për shembull, për mua është jo vetëm trajner i mirë por është karakter, e ka dëshmuar veten, është djalë i mirë, është burrë i mirë, por nuk varet po them gjithmonë nga njëra palë por nga të dy palët. Unë nuk kam ndonjë preferencë sinqerisht po iu them si ish-futbollist, por i mbetet prapë Komitetit Ekzekutiv që të vendosë”, tha në fund Salihu.

Ndeshjet e radhës sa i përket kualifikimeve për Kampionatin Botëror, Kosova i zhvillon në muajin shtator ku do të ballafaqohet me Gjeorgjinë, Greqinë dhe ndeshjen kthyese me Spanjën.

Related Topics:
Continue Reading

Lajmet

​PSG fiton Kupën Ndërkontinentale 2025, Safonov pret katër penallti

Published

21 hours ago

on

December 18, 2025

By

PSG dhe Flamengo zhvilluan mbrëmë ndeshjen finale të Kupës Ndërkontinentale në stadiumin “Ahmad bin Ali” në Doha të Katarit.

Kampioni evropian u kualifikua direkt në finale, ndërsa kampioni i Amerikës së Jugut mposhti ekipin meksikan Cruz Azul (2:1) dhe ekipin egjiptian Pyramids të udhëhequr nga Kruno Jurçiq (2:0) në rrugën drejt finales.

Ekipi francez erdhi në epërsi në takim me golin e Kvaratskhelia në minutën e 38-të, pas harkimit nga Desire Doue.

Skuadra e Flamengo-s barazoi shifrat në pjesën e dytë me golin e Jorginho nga penalltia në minutën e 62-të, pasi Marquinos ndali në mënyrë të palejuar Arrascaeto brenda zonës së rreptësisë.

Ndeshja në kohën e rregullt përfundoi pa fitues 1:11 dhe nuk pati ndryshim në rezultat as pas vazhdimeve dy herë nga 15 minuta, kështu që fati i fituesit u vulos përmes ekzekutimit të penalltive.

De La Cruz shënoi sigurt në goditjen e parë të penalltisë për Flamengon, ndërsa për PSG-në barazoi Vitinha.

Në goditjen e radhës Saul i Flamengos dështoi të shënojë, pasi portieri i PSG-së lexoi gjuajtjen e tij. Kur pritej që ekipi francez të arrijë epërsinë e parë nga penalltitë prej 2:1, njëri ndër lojtarët më të mirë botërorë Dembele dështoi të shënojë gol.

Pedro mori të realizojë penalltinë e tretë për Flamengon, por sërish portieri Safonov mbrojti goditjen e tij në këndin e djathtë të portës. Nuno Mendez pasoi me epërsinë për PSG-në prej 2:1.

Leo Pereira goditi penalltinë e katërt të Flamengos, duke e dërguar topin në mes të portës, ku Safonov bëri një tjetër pritje.

Barcola shënoi golin e katërt të PSG-së në këndin e djathtë dhe ekipi francez kështu fitoi titullin e parë të këtij edicioni pas penalltive me rezultatin 4:1 – 5:2 rezultati i përgjithshëm i takimit.

Kujtojmë, turneu i Kupës Ndërkontinentale u luajt për herë të parë në vitin 2024 dhe titulli u fitua nga Real Madridi, pasi mposhti ekipin meksikan Pachuca 3:0 në finalen e zhvilluar në stadiumin “Lusail” në Katar.

Kupa Ndërkontinentale e FIFA-s është një garë vjetore për klube e organizuar nga FIFA.

Ajo përfshin kampionët aktualë të të gjashtë konfederatave UEFA, CONMEBOL, CONCACAF, AFC, CAF, OFC, me kampionin evropian që kualifikohet direkt për në finale, ndërsa të tjerët avancojnë përmes play-off-it për të përcaktuar sfiduesin për në finale.

Continue Reading

Lajmet

Juventusit i rritet vlera, pas ofertës mbi 1 miliardëshe të “Tetherit”

Published

3 days ago

on

December 16, 2025

By

Juventus pa vlerën e tij në bursë të rritej ndjeshëm të hënën në mëngjes, si pasojë e ofertës prej 1.1 miliardë eurosh nga “Tether” për të marrë kontrollin e klubit nga familja Agnelli.

Të premten në mbrëmje, “Tether” njoftoi se kishte dorëzuar zyrtarisht një ofertë me vlerë rreth 1.1 miliardë euro për të blerë 65.4% të aksioneve të klubit, të cilat aktualisht zotërohen nga “Exor”, kompania holding në pronësi dhe nën menaxhimin e familjes Agnelli.

“Tether”, që tashmë zotëron pak më shumë se 10% të aksioneve të Juventusit, njoftoi gjithashtu se synon të bëjë një ofertë publike për të blerë edhe aksionet e mbetura të klubit me të njëjtin çmim, çka do t’i jepte kontroll të plotë dhe ekskluziv mbi klubin.

Familja Agnelli, megjithatë, ka këmbëngulur që prej mbrëmjes të së premtes se Juventusi nuk është në shitje.

“Juventusi ynë, historia jonë, vlerat tona, nuk janë në shitje,” deklaroi John Elkann në një video të publikuar publikisht të shtunën.

Si pasojë e ofertës për marrje kontrolli, vlera e Juventusit në bursë u rrit ndjeshëm të hënën në mëngjes.

Kur tregu u mbyll të premten në mbrëmje, përpara njoftimit të “Tether”, një aksion i vetëm i klubit vlente 2.34 euro, krahasuar me 2.47 euro të hënën në mëngjes. Kjo përfaqëson një rritje prej 12.7%.

Oferta e “Tether” ishte për të blerë aksionet e mbetura të Juventusit me një çmim prej 2.66 euro për aksion, që barazohej me një kosto totale rreth 1.1 miliardë euro.

Ky çmim përfaqësonte një premium prej 20.47% krahasuar me vlerën zyrtare të aksioneve përpara fundjavës./S.K/KP/

Continue Reading

Lajmet

Granit Xhaka me postim emocionues pas fitores ndaj Newcastle

Published

3 days ago

on

December 16, 2025

By

Sunderlandi mbrëmë e mposhti Newcastlen në derbin e qytetit, ku “Macet e Zeza” fituan 1-0 ndaj “Laraskave”, me shifrat prej 1-0, me autogolin e shënuar nga Nick Woltemade.

Në fushë, për Sunderlandin ishte edhe futbollisti me prejardhje shqiptare, Granit Xhaka, i cili është edhe kapiten i klubit.

Xhaka ishte një nga më të mirët në fushën e lojës, me Sunderlandin që i ka habitur të gjithë me rezultatet e arritura në pjesën e parë të sezonit.

Pas fitores së madhe në derbi, Xhaka ka reaguar me një postim të veçantë në rrjetin social “Instagram”.

“Kjo nuk është thjesht një fitore. Kjo është qyteti, stema, njerëzit, netët pa gjumë, besimi. Ne luftuam për çdo tifoz, çdo rrugë, çdo rrahje zemre. Derbi i fituar. Historia u ndje. Jeta u jetua”, shkruajti ai në “Instagram”./S.K/KP/

Continue Reading

Lajmet

Ish-futbollisti i Realit bëhet bashkëlojtar me Messin në Amerikë

Published

3 days ago

on

December 16, 2025

By

Zyrtarisht, Sergio Reguilon është lojtari më i ri i Inter Miami.

Marrëveshja u nënshkrua me Kampionët e MLS – ndërsa mbrojtësi i majtë spanjoll bashkohet si lojtar i lirë pas transferimit në Tottenham.

Reguilon kishte disa oferta konkrete, por dëshira e tij ishte që t’i bashkohet Inter Miamit./S.K/KP/

Continue Reading

Të kërkuara