Sport

​Ëndrra e Shqipërisë për në Kampionatin Botëror kalon përmes këtyre tri ndeshjeve

Published

6 years ago

on

Për dallim nga Kosova, Kombëtarja e Shqipërisë e ka nisur shumë më mirë kampanjën kualifikuese për në Kampionatin Botëror “Katar 2022”.

Kuqezinjtë kanë zhvilluar tri ndeshjet e para në këtë kompeticion dhe kanë shënuar dy fitore dhe një barazim.

Shqipëria me në krye trajnerin Edi Reja ka mposhtur Andorran dhe San Marinon, ndërsa janë mposhtur nga Anglia me rezultat 2-0 në “Air Albania” në Tiranë.

Me stabilitetin dhe formën e mirë të treguar në këto tri ndeshjet e para, Shqipëria shihet si njëra ndër skuadrat pretendente për t’u kualifikuar për në Kampionatin Botëror që zhvillohet vitin e ardhshëm në Katar.

Me gjashtë pikë të mbledhura, momentalisht ata renditen në vendin e tretë në grupin I, prapa Anglisë që mban vendin e parë me nëntë pikë dhe Hungarisë së vendit të dytë me shtatë pikë.

Nga ana tjetër, kalendari i tri ndeshjeve të radhës duket se është favorizues për kuqezinjtë. Në muajin shtator ata do të ballafaqohen me Poloninë si mysafir dhe pastaj i presin në Tiranë Hungarinë dhe San Marinon.

Por para këtyre ndeshjeve, Shqipëria do t’i zhvillojë edhe dy ndeshje miqësore në muajin qershor kundër Uellsit dhe Çekisë.

Related Topics:
Continue Reading

Vendi

Akil Gjakova mbyll garën pa medalje në Abu Dhabi

Published

2 days ago

on

October 30, 2026

By

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Continue Reading

Vendi

Laura Fazliu fiton të bronztën në Grand Slam

Published

2 days ago

on

October 30, 2026

By

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Continue Reading

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 days ago

on

October 30, 2026

By

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/

Continue Reading

Lajmet

Akil Gjakova mposht nënkampionin e botës

Published

2 days ago

on

October 30, 2026

By

Akil Gjakova ka shënuar fitore në Grand Slamin në Abu Dabi.

Ai në xhiron e tretë e mposhti bartësin e parë dhe nënkampionin në fuqi të botës, Makhmadbek Makhmadbekovin.

Ndaj tij dominoi prej fillimit, ndërsa fitoi me “Ippon” të bukur në kohën shtesë.

Është kjo fitorja më e madhe e Akilit në vitin e fundit. Ai po garon në kategorinë deri 73 kilogramë, dhe po duket në ditë të mirë. /D.L/

Continue Reading

Të kërkuara