Lajmet

​Dorëheqja e Zaevit rrezikon paktin me Sofjen, Osmani: Nëse bie qeveria, dështimi është i sigurt

Edhe nëse Qeveria bie dhe komisioni i përbashkët i historisë vazhdon punën, mes vendeve nevojitet edhe marrëveshje politike.

Published

on

Qeveria kishte paralajmëruar intensifikim të negociatave me Bullgarinë pas përfundimit të zgjedhjeve në të dy vendet, por dorëheqja e paralajmëruar e kryeministrit Zoran Zaev komplikon situatën.

Autoritetet kishin shpresa për epilog pozitiv në një afat prej dy javësh pas zgjedhjeve të 14 nëntorit në Bullgari, me qëllim që vendi të mund të merrte datë nga BE-ja në Samitin e dhjetorit. Nëse Qeveria e Zaevit bie, të gjitha shpresat për datën gjatë Presidencës sllovene shuhen.

“Askush nuk mund të jetë i sigurt se do të ketë një zgjidhje në dhjetor, por se nuk do të ketë zgjidhje nëse do të destabilizohet Qeveria, pa një alternativë të sigurt, kjo është e sigurt. Ne kemi një dritare mundësie në dhjetor. Mendojmë, ka sinjale dhe ka parakushte se mund të gjejmë një zgjidhje për të mbajtur mbledhjen e parë ndërqeveritare atëherë dhe ne duhet ta shfrytëzojmë këtë moment”, tha Bujar Osmani, ministër i Jashtëm.

Edhe nëse Qeveria bie dhe komisioni i përbashkët i historisë vazhdon punën, mes vendeve nevojitet edhe marrëveshje politike.

Kërkesa kryesore e partisë së ish-kryeministrit Bojko Borisov, e cila është përsëri favorite për të formuan Qeverinë në Sofje, ishte përfshirja e bullgarëve në Kushtetutën e Maqedonisë Veriore. Për këtë nevojitet 2/3 e votave në Kuvend, por qeveria shpresonte për të paktën një marrëveshje parimore, e cila do t’i hapte rrugën evropiane Maqedonisë Veriore.

Gazeta gjermane Frankurter Allgemeine Zeitung (FAZ) shkruan se disfata e Zaevit është edhe disfatë e BE-së, e cila nuk arriti të jep datë për vendin, edhe pas rreziqeve që ai ndërmori./AlsatM

Lajmet

Muzeu “Reporting House” anëtarësohet në rrjetin evropian të muzeve

Published

on

Muzeu “Reporting House” është anëtarësuar në Network of European Museum Organisations, një arritje e rëndësishme për promovimin e kulturës dhe kujtesës kolektive të Kosovës në arenën ndërkombëtare.

 

 

 

 

Continue Reading

Vendi

KQZ propozon 7 qershorin si datën më të përshtatshme për zgjedhjet e jashtëzakonshme

Published

on

By

Kryesuesi i Komisionit Qendror të Zgjedhjeve, Kreshnik Radoniqi, ka bërë të ditur se pas takimit me ushtruesen e detyrës së presidentes, Albulena Haxhiu, kanë kërkuar që 7 qershori të jetë data për organizimin e zgjedhjeve të jashtëzakonshme parlamentare.

Radoniqi sqaroi se kjo kërkesë vjen me qëllim që institucioni të ketë mjaftueshëm kohë për të bërë përgatitjet e duhura teknike, duke pasur parasysh kompleksitetin e procesit.

Ai vuri në dukje se ndonëse Gjykata Kushtetuese ka lënë si opsione 31 majin ose 7 qershorin, ky i fundit mbetet afati i fundit i mundshëm dhe më i favorizuari nga KQZ-ja.

“Sa i përket datës, kemi kërkuar që të kemi sa më shumë kohë, na duhen përgatitje sepse nuk është proces i lehtë. I mbetet presidentes. Gjykata Kushtetuese e ka caktu, 31 maji ose 7 qershori. Për ne është 7 qershori, tash i mbetet presidentes me vendos”, tha Radoniqi.

Sa i përket kostos së zgjedhjeve, ndonëse buxheti ende nuk është diskutuar zyrtarisht, besohet se shifra do të jetë e përafërt me proceset e kaluara, duke kapur vlerën e rreth 10 milionë eurove. Tashmë vendimi final për dekretimin e datës i mbetet presidencës.

Zgjedhjet e parakohshme, Haxhiu pret në takim kryetarin e KQZ-së

Pas skadimit të afatit kushtetues për zgjedhjen e kreut të shtetit, Kosova po përgatitet zyrtarisht për zgjedhje të parakohshme. Ushtruesja e detyrës së presidentes, Albulena Haxhiu, ka nisur sot konsultimet me kryetarin e KQZ-së, Kreshnik Radoniqin, për të koordinuar procesin elektoral që pritet të mbahet së shpejti.

Takimi ka nisur nën interesin e lartë të mediave, të cilat u lejuan të marrin pamje vetëm në nisje të bisedimeve. Ky zhvillim vjen menjëherë pas dështimit të djeshëm (28 prill) për të zgjedhur presidentin e ri, datë kjo që shënonte edhe afatin e fundit të përcaktuar nga Gjykata Kushtetuese.

Situata është rezultat i mungesës së një marrëveshjeje politike mes Lëvizjes Vetëvendosje të Albin Kurtit dhe partive opozitare.

Pa një konsensus për emrin e presidentit, vendi mbetet pa udhëheqës të rregullt, duke e çuar automatikisht popullin sërish drejt kutive të votimit. /Ekonomia online/

Continue Reading

Aktualitet

Pejë: Humb jetën një 43-vjeçar në vendin e punës

Published

on

By

Një ngjarje e rëndë ka ndodhur në fshatin Gllaviçicë të Pejës, ku një punëtor i moshës 43-vjeçare ka humbur jetën në vendin e tij të punës.

Rastin për UBTnews e ka konfirmuar zëdhënësi i Policisë për rajonin e Pejës, Fadil Gashi, i cili bëri të ditur se viktima ishte dërguar me lëndime në Emergjencën e Spitalit të Pejës, ku mjeku kujdestar ka konstatuar vdekjen e tij.

Sipas Policisë, në vendngjarje kanë dalë menjëherë të gjitha njësitë relevante për të nisur hetimet rreth rrethanave të këtij aksidenti fatal në punëtori. Për rastin është njoftuar edhe Prokurori i Shtetit, ndërsa po punohet intensivisht për zbardhjen e plotë të shkaqeve që çuan në këtë vdekje tragjike.

Continue Reading

lajme

Kosova dhe Japonia synojnë bashkëpunimin në mbrojtje dhe trajnime të përbashkëta

Published

on

By

Ministri i Mbrojtjes, Ejup Maqedonci, ka pritur në një takim zyrtar të Ngarkuarin me Punë në Ambasadën e Japonisë në Kosovë, Hiroyasu Tanigaki, me të cilin ka diskutuar për avancimin e raporteve dypalëshe në fushën e mbrojtjes.

Gjatë takimit u vu theksi te mbështetja e projekteve konkrete dhe zhvillimi i trajnimeve të përbashkëta në fusha me interes të ndërsjellë. Ministri Maqedonci dhe diplomati japonez nënvizuan se intensifikimi i vizitave të nivelit të lartë do të jetë një instrument kyç për forcimin e marrëdhënieve ndërmjet dy shteteve.

Maqedonci shprehu mirënjohjen e tij për mbështetjen e vazhdueshme të Japonisë për Kosovën ndër vite, duke konfirmuar përkushtimin për një partneritet të qëndrueshëm të bazuar në besim dhe vlera të përbashkëta.

Continue Reading

Të kërkuara