

Lajmet
Deri më tani në sallën “1 Tetori” janë vaksinuar 103 persona
Published
4 years agoon
By
Betim GashiNë Qendrën e Vaksinimit në sallën “1 Tetori” në Prishtinë, nga mëngjesi e deri më tani janë vaksinuar rreth 93 profesionistë shëndetësorë, ndërsa në total 103 persona janë vaksinuar në këtë qendër me Astra Zeneca, vaksinë kjo e cila ka arritur të dielën në Kosovë.
Koordinatori i kësaj qendre, Niman Bardhi ka deklaruar se po vazhdon imunizimi i profesionistëve shëndetësorë të kujdesit primar. Vetëm gjatë ditës së sotme është paraparë të vaksinohen në sallën “1 Tetori rreth 700 persona”. Ai tha se këto lista i kanë pranuar nga Instituti Kombëtar i Shëndetit Publik dhe Qendrat e Mjekësive Familjare.
“Deri më tani aktualisht janë të vaksinuar 103 persona, (10 kanë qenë dje) dhe 93 deri në këtë moment që po flasim dhe për nga numri. Ne kemi listat e ndërtuara që kanë ardhur nga Instituti i Shëndetit Publik dhe Qendrës Kryesore të Mjekësisë Familjare, në varësi të numrit që i kemi të paraparë aty dhe ardhjes së tyre. Ne aq sa vijnë do i realizojmë gjatë ditës së sotit sepse ashtu kanë qenë të parapara. Por nuk do të mund të thirremi në numra të saktë sepse janë në orare të punës dhe si do të mbulohen ato ngelet çështje e vetë menaxhmentit. Me numrin e paraparë nga fillimi pritet të jenë rreth 700”, theksoi Bardhi.
Bardhi po ashtu tha se deri në këto momente në këtë qendër të vaksinimit gjithçka ka shkuar sipas planit pa asnjë parregullsi. Ai tha se ekipet e imunizimit punojnë me dy turne, duke nisur me orarin nga 08:00 deri në orën 19:30.
“Aktualisht i kemi katër ekipe mjekësore që janë të gatshme për aplikimin e vaksinimit dhe deri më tani ka vijuar shumë mirë dhe nuk kemi pasur ndonjë parregullsi apo ndonjë gjë që ka qenë për t’u shqetësuar apo diskutuar. Orari zyrtar që e kemi ne çdo ditë nga sot e tutje deri kur të përmbyllet kjo pjesa e parë të vaksinimit me këto dozat e ardhura, është nga ora 08:00 deri në 19:30. Ne i kemi ekipet e ndara në dy grupe, që është turni i paradites dhe turni i pasdites. Turni i paradites edhe pak kohë iu ngelet dhe e përmbyllin dhe pastaj vjen turni i pasdites deri në orën 19:30”, deklaroi ai.
Koordinatori i qendrës “1 Tetori” në Prishtinë, Niman Bardhi po ashtu tha se nga të gjithë personat që kanë marr dozën e parë të vaksinës AstraZeneca, asnjëri nuk ka pasur ndonjë reaksion shqetësues.
“ Deri më tani sipas asaj që kemi përcjellë dhe keni parë edhe ju, që 15 minutëshin e parë gjithmonë i përcjellim nuk kemi pasur reaksione të tillë. E kanë numrin kontaktues tonë dhe gjatë plotësimit të formularit që e bëjnë”, u shpreh koordinatori i qendrës së vaksinimit “1 Tetori”.
Krahas profesionistëve shëndetësorë, me 24 mijë vaksinat e dhuruara nga COVAX do të vaksinohen edhe personat e moshës mbi 80 vjeç.
Lajmet
Policia arreston një të dyshuar pasi gjen një punishte armësh në veri
Published
22 minutes agoon
May 7, 2025By
UBTnews
Autoritetet kosovare kanë sekuestruar armë dhe kanë arrestuar një të dyshuar për importin dhe eksportimin e armëve, gjatë një bastisjeje në disa lokacione në veri të Kosovës, njoftoi të mërkurën Sistemi Prokurorial i Kosovës.
Policia ka gjetur një punishte të armëve në Mitrovicën e Veriut, e banuar me shumicë serbe, ku sekuestroi “sasi armatimi, pjesë të ndryshme të armëve, makina që janë përdorur në ndërhyrje në armë”, thuhet në njoftim.
Bastisjet u kryen nga Policia e Kosovës, Prokuroria Themelore në Mitrovicë dhe Drejtoria kundër Krimit të Organizuar në Prishtinë, me urdhër të gjykatës.
I dyshuari, identiteti i të cilit nuk është bërë i ditur, është dërguar në mbajtje dhe akuzohet për disa vepra penale, përfshirë importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve, apo materieve plasëse, si dhe për armëmbajtje pa leje.
Autoritetet e sigurisë nuk dhanë më shumë hollësi në lidhje me atë se nga cilat vende apo se në cilat vendet mund të ketë importuar dhe eksportuar armë i dyshuari.
Në të kaluarën, Policia e Kosovës ka gjetur dhe konfiskuar armatim kohë pas kohe, veçanërisht në veri të vendit.
Më mars, autoritetet i arrestuan 16 të dyshuar, përfshirë një zyrtar policor, për kontrabandë me armë gjatë një operacioni të gjerë policor në jug dhe veri të Kosovës.
Asokohe zëvendësdrejtori i Policisë së Kosovës për veriun, Veton Elshani, tha për Radion Evropa e Lirë (REL) se në mesin e të arrestuarve ishte dhe një zyrtar policor, i cili ishte pezulluar gjatë arrestimit.
REL-i mësoi nga burimet e saj se polici i arrestuar ishte nga radhët e komunitetit serb./REL/
Lajmet
Krasniqi: Letra e Abdixhikut nuk është në frymën multietnike të Kosovës
Published
3 hours agoon
May 7, 2025By
UBTnews
Partitë e komuniteteve jo-shumicë në Kosovë kanë kritikuar propozimin e kreut të LDK-së, Lumir Abdixhiku për qeveri tranzicionale. Deputeti Elbert Krasniqi tha se ai i ka ftuar vetëm subjektet politike shqiptare, duke i përjashtuar përfaqësuesit e komuniteteve jo shumicë në Kosovë. Sipas tij, kjo është qasje përjashtuese dhe jo në frymën multietnike të Kosovës.
“Ne përfaqësuesit e subjekteve politike të komuniteteve jo-shumicë në Kosovë, jemi si zakonisht për formimin e institucioneve sa më parë dhe sa më shpejt, në mënyrë që të ketë stabilitet dhe qëndrueshmëri përfaqësimi edhe në Kuvendin e Kosovës por edhe në Qeverinë e Kosovës. Po i përcjellim me vëmendje krejt këto zhvillimet e fundit edhe na duhet t’i themi dy gjëra që ne si parti politike të bashkuar në një grup politik kemi një vërejtje të madhe në deklaratën për media të zotëri Lumir Abdixhiku i cili i bën thirrje vetëm subjekteve politike shqiptare edhe përjashton përfaqësuesit e komuniteteve jo shumicë në Kuvendin e Kosovës. Jo nga fakti që po presim një ftesë për të ju përgjigj, mirëpo kjo qasje përjashtuese nuk është në frymën e Republikës së Kosovës, nuk është frymën multietnike të Kosovës dhe për këtë duhet të kemi një vërejtjeje të drejtpërdrejt”, tha ai.
Ai kritikoi edhe stagnimin që e ka përmendur Abdixhiku në këtë letër, për çka tha se për herë të parë ka gjithëpërfshirje të komuniteteve në qeveri.
Lidhja Demokratike e Kosovës (LDK) ka refuzuar koalicionin qeverisës me Lëvizjen Vetëvendosje, derisa ka kërkuar një qeveri tranzicionale deri në zgjedhjen e presidentit të vendit në vitin 2026.
Lajmet
Limaj: Ka lëvizje, të shohim se si po shkojnë zhvillimet në seancë
Published
3 hours agoon
May 7, 2025By
UBTnews
Kryetari i Nismës Socialdemokrate, Fatmir Limaj tha se fillimisht do të shohin se si po shkon seanca marr parasysh lëvizjet e fundit që kanë ndodhur.
Deputetët e Kuvendit të Kosovës janë mbledhur sot në përpjekjen e dymbëdhjetë për konstituimin e institucionit ligjvënës.
Derisa partitë politike nuk po arrijnë marrëveshje, procesi ka ngecur për shkak të mospajtimeve mes partisë që doli e para në zgjedhje (koalicioni Lëvizja Vetëvendosje, Guxo dhe Alternativa) dhe të tjerave (PDK, LDK dhe AAK), lidhur me emrin e kryetarit të Kuvendit. Kjo situatë ka bërë që 11 seanca të mëparshme të dështojnë.
Për të zhbllokuar situatën, kryetari i Vetëvendosjes, Albin Kurti, i ka dërguar një letër kryetarit të LDK-së, Lumir Abdixhiku, duke i ‘shtrirë dorën’ për bashkëpunim dhe duke propozuar hyrjen në një koalicion qeverisës.
Ndërkaq, Abdixhiku i është përgjigjur Kurtit gjatë ditës së djeshme përmes një letre, në të cilën propozon formimin e një qeverie tranzicionale me pjesëmarrjen e të gjitha partive politike në vend.
Limaj i pyetur nëse do t’i përgjigjet pozitivisht kërkesës së kreut të LDK-së, Lumir Abdixhiku tha shkurt se prej fillimit janë deklaruar pro takimeve.
“Të shohim se si po shkojnë zhvillimet në seancë, a ka lëvizje, të shohim çfarë lëvizje. Nuk do të thotë se të gjitha lëvizjet shkojnë në drejtim të duhur por megjithatë ka një lëvizje… Ka pasur letra prej pardje, ka pasur komunikime me letra… E kemi thënë prej fillimit, jemi për takime”, tha ai para fillimit të seancës konstituive.
Kreu i Nismës, Fatmir Limaj theksoi se do ta jap një deklarim më të gjatë për medie pas përfundimit të seancës.
Lajmet
Ambasada amerikane në Tiranë mesazh për zgjedhjet e 11 majit
Published
3 hours agoon
May 7, 2025By
UBTnews
Ambasada amerikane në Tiranë ka shpërndarë një mesazh vetëm 4 ditë para zgjedhjeve të 11 majit në Shqipëri, duke inkurajuar zgjedhësit që të votojnë pa frikë.
“Mos lejo të tjerët të flasin për ty. Vota jote është vetëm e jotja. Voto pa frikë”, thuhet në mesazhin e ambasadës amerikane.
Më 11 maj Shqipëria voton për zgjedhjet e përgjithshme nga do të dalë Parlamenti dhe qeveria e re.

Policia arreston një të dyshuar pasi gjen një punishte armësh në veri

Pse Taylor Swift dhe Travis Kelce munguan në Met Gala 2025?

Ra në tokë dhe humbi ndjenjat, Oltion Bilalli po vazhdon nën kujdes intensiv në QKUK

Vitaminat e nevojshme për verën

Krasniqi: Letra e Abdixhikut nuk është në frymën multietnike të Kosovës

Limaj: Ka lëvizje, të shohim se si po shkojnë zhvillimet në seancë

Ambasada amerikane në Tiranë mesazh për zgjedhjet e 11 majit

Kuvendi nuk konstituohet as në përpjekjen e 12-të

Kancelari i ri paralajmëron SHBA-në kundër ndërhyrjes në politikën e brendshme të Gjermanisë
Të kërkuara
-
Lajmet nga UBT3 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet4 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT1 week ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT2 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim