Kronikë e zezë

​Dënohen 11 të akuzuarit nga Gjykata Themelore e Prishtinës

Published

4 years ago

on

Gjykata Themelore në Prishtinë, ka shpallur aktgjykimin kundër të akuzuarve I.J, A.I, F.I, B.U, N.J, XH.J, M.J, N.B, B.M, J.M dhe S.I për veprën penale në bashkëkryerje dhe në vazhdimësi “Kontrabandimi i mallrave”, ndërsa të akuzuarit N.J dhe F.I kanë kryer edhe veprën penale “Mbajtja në pronësi, kontroll ose posedim të paautorizuar të armëve”.

Siç njofton Gjykata, “I akuzuari F.I është shpallur fajtor dhe është dënuar me dënim unik me gjobë në shumën prej tremijë e katërqind (3, 400.00) €uro të cilën shumë i akuzuari është i obliguar që ta paguaj nga dita e plotfuqishmërisë së këtij aktgjykimi., koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 18.07.2019 në kohëzgjatje prej 49 ditë i llogaritet në dënimin e shqiptuar me gjobë.

I akuzuari I.J është shpallur fajtor dhe është dënuar me dënim me burg në kohëzgjatje 13 (trembëdhjetë) muaj, koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 06.04.2020 në kohëzgjatje prej 10 muaj e 7 ditëve i llogaritet në dënimin e shqiptuar me burgim.

I akuzuari J.M është shpallur fajtor dhe është dënuar me dënim me burg në kohëzgjatje 11 (njëmbëdhjetë) muaj, koha e kaluar nën masën e arrestit shtëpiak prej datës 31.05.2019 e deri me datë 17.04.2020 në kohëzgjatje prej 10 muaj e 18 ditë i llogaritet në dënimin e shqiptuar me burgim.

I akuzuari N.B është shpallur fajtor dhe është dënuar me dënim me burg në kohëzgjatje 10 (dhjetë) muaj, koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 23.03.2020 në kohëzgjatje prej 9 muaj 24 ditë i llogaritet në dënimin e shqiptuar me burgim.

I akuzuari N.J është shpallur fajtor dhe është dënuar me dënim me burg në kohëzgjatje 11 (njëmbëdhjetë) muaj dhe me dënim me gjobë në shumën prej 400 (katërqind ) euro, koha e kaluar nën masën e paraburgimit prej datës 31.05.2019 e deri më datë 17.04.2020, në kohëzgjatje prej 10 muaj e 18 ditë i llogaritet në dënimin e shqiptuar me burg.

I akuzuari S.I është shpallur fajtor dhe është dënuar me dënim me burg në kohëzgjatje 8 (tetë) muaj, koha e kaluar nën masën e paraburgimit dhe arrestit shtëpiak prej datës 31.05.2019 e deri me dt:08.01.2020 në kohëzgjatje prej 7 muaj e 9 ditë i llogaritet në dënimin e shqiptuar me burgim.

I akuzuari XH.J është shpallur fajtor dhe është dënuar me dënim me burg në kohëzgjatje 6 (gjashtë) muaj, konform nenit 47 të KPRK-së, e me pëlqimin e të dënuarit dënimi me burgim i zëvendësohet në dënim me gjobë në shumën prej tremijë (3,000.00) €uro, të cilin të cilën shumë i akuzuari është i obliguar që ta paguaj në afat prej 15 ditësh nga dita e plotfuqishmërisë së këtij aktgjykimi. Koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 18.07.2019 në kohëzgjatje prej 49 ditë i llogaritet në dënimin e shqiptuar me gjobë.

I akuzuari A.I është shpallur fajtor dhe është dënuar me dënim me burg në kohëzgjatje 8 (tetë) muaj, koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 08.01.2020 në kohëzgjatje prej 7 muaj e 9 ditë i llogaritet në dënimin e shqiptuar me burgim.

I akuzuari B.U është shpallur fajtor dhe është dënuar me dënim me burg në kohëzgjatje 6 (gjashtë) muaj, konform nenit 47 të KPRK-së, e me pëlqimin e të dënuarit dënimi me burgim i zëvendësohet në dënim me gjobë në shumën prej tremijë(3,000.00)€uro, të cilin të cilën shumë i akuzuari është i obliguar që ta paguaj në afat prej 15 ditësh nga dita e plotfuqishmërisë së këtij aktgjykimi. Koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 18.07.2019 në kohëzgjatje prej 49 ditë i llogaritet në dënimin e shqiptuar me gjobë.

I akuzuari B.M është shpallur fajtor dhe është dënuar me dënim me burg në kohëzgjatje 6 (gjashtë) muaj, konform nenit 47 të KPRK-së, e me pëlqimin e të dënuarit dënimi me burgim i zëvendësohet në dënim me gjobë në shumën prej dymijë e pesëqind (2,500.00) €uro, të cilën shumë i akuzuari është i obliguar që ta paguaj në afat prej 15 ditësh nga dita e plotfuqishmërisë së këtij aktgjykimi.

I akuzuari M.J është shpallur fajtor dhe është dënuar me dënim me gjobë në shumë prej tremijë e katërqind (3, 400.00) €uro të cilën shumë i akuzuari është i obliguar që ta paguaj në afat prej 15 ditësh nga dita e plotfuqishmërisë së këtij aktgjykimi. Koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 09.10.2019 në kohëzgjatje prej 132 ditë i llogaritet në dënimin e shqiptuar me gjobë.

Të gjithë këta janë akuzuar nga Prokuroria, pasi që nga viti 2017 e deri në muajin maj të vitit 2019, në vazhdimësi dhe në bashkëkryerje edhe me të pandehurit D.I dhe B.R të cilët gjenden në arrati, me qëllim të përfitimit material të kundërligjshëm kanë kontrabanduar kafshë nga Republika e Serbisë për në Republikën e Kosovës duke iu shmangur kontrollit doganor dhe tarifave doganore”, thuhet në njoftim.

Related Topics:
Continue Reading

Lajmet

Sekuestrohen drogë dhe armë, arrestohen të dyshuar në Ferizaj e Mitrovicë

Published

1 hour ago

on

July 10, 2026

By

Policia e Kosovës ka zhvilluar disa aksione në Graçanicë, Ferizaj dhe rajonin e Mitrovicës, ku janë zbuluar raste të posedimit të substancave narkotike, armëmbajtjes pa leje dhe kontrabandimit me migrantë.

Në Graçanicë, në rrugën “Car Llazari”, zyrtarët policorë ndaluan një automjet gjatë patrullimit rutinë. Gjatë kontrollit ndaj drejtuesit të veturës, një mashkull kosovar, u gjetën dhe u sekuestruan rreth 10 deri në 15 gramë substancë e dyshuar narkotike e llojit marihuanë. Me urdhër të prokurorit, i dyshuari është liruar në procedurë të rregullt, ndërsa rasti vazhdon të hetohet.

Një tjetër aksion u zhvillua në Ferizaj, në rrugën “Hysen Tërpeza”, ku policia arrestoi një të dyshuar pas bastisjes së banesës së tij. Gjatë kontrollit u sekuestruan 249.1 gramë marihuanë, tri fara të bimës Cannabis sativa, një pistoletë me gaz, 200 euro dhe 250 lekë para të gatshme, si dhe një telefon mobil. Me vendim të prokurorit, i dyshuari është dërguar në mbajtje.

Ndërkohë, në kuadër të hetimeve për veprat penale “Kontrabandim me migrantë”, “Armëmbajtje pa leje” dhe “Posedim i substancave narkotike”, Sektori i Hetimeve i Departamentit të Policisë Kufitare ka realizuar kontrolle në tri lokacione të ndryshme në rajonin e Mitrovicës.

Operacioni u ndërmor pas analizimit të pajisjeve elektronike dhe provave të siguruara në një rast të hapur që nga shtatori i vitit 2025.

Gjatë bastisjes në shtëpinë e një të burgosuri u gjet dhe u sekuestrua një pushkë me tetë fishekë. I burgosuri u soll nga Qendra Korrektuese për të qenë i pranishëm gjatë kontrollit dhe për t’u intervistuar, ndërsa pas përfundimit të procedurave u rikthye në vuajtje të dënimit.

Po ashtu, në kuadër të të njëjtit operacion, policia ndaloi edhe një person tjetër të dyshuar. Ai u intervistua në prani të avokatit mbrojtës dhe, me vendim të prokurorit, u dërgua në mbajtje.

Policia e Kosovës ka bërë të ditur se hetimet lidhur me këto raste janë në vazhdim dhe se veprimet operative do të vazhdojnë për zbardhjen e plotë të tyre.

D.L

Continue Reading

Lajmet

Lëndohet rëndë një person në Dragashë, arrestohet i dyshuari

Published

1 hour ago

on

July 10, 2026

By

Një person ka pësuar lëndime të rënda trupore si pasojë e një sulmi fizik nga një burrë në Dragashë.

Policia e Kosovës, përmes raportit të saj 24-orësh, ka njoftuar se viktima është dërguar menjëherë për trajtim të nevojshëm mjekësor.

Ndërkaq, lidhur me rastin, forcat e rendit kanë prangosur të dyshuarin, i cili me vendim të prokurorit të shtetit është dërguar në mbajtje për procedime të mëtejshme ligjore. /E.A/

Continue Reading

Lajmet

Kanosje ndaj zyrtarit policor në Prizren, arrestohet një burrë

Published

1 hour ago

on

July 10, 2026

By

Një burrë është arrestuar në Prizren, pasi dyshohet se i ka dërguar një mesazh me përmbajtje kërcënuese një zyrtari policor.

Sipas Policisë së Kosovës, rasti ka ndodhur më 9 korrik 2026, rreth orës 20:11. Hetimet fillestare tregojnë se kanosja lidhet me një rast penal që ishte duke u hetuar nga zyrtari policor.

Me vendim të prokurorit, i dyshuari është dërguar në mbajtje./A.K/

Continue Reading

Lajmet

Dyshohet për mjet shpërthyes në Prishtinë, policia evakuon zonën

Published

18 hours ago

on

July 9, 2026

By

Policia e Kosovës ka pranuar sot, rreth orës 09:00, një informatë për një mjet të dyshuar shpërthyes në rrugën “Gucia” në Prishtinë.

Zëdhënësi i Policisë së Kosovës, Enis Pllana, bëri të ditur se menjëherë pas pranimit të informatës janë ndërmarrë të gjitha masat e nevojshme të sigurisë. Policia ka siguruar perimetrin dhe ka evakuuar qytetarët nga zona për të garantuar sigurinë e tyre.

Në vendin e ngjarjes janë angazhuar njësitë përkatëse të Policisë së Kosovës, ndërsa kanë dalë edhe ekipet e Forcës së Sigurisë së Kosovës (FSK), të cilat kanë ndërmarrë veprimet e nevojshme për trajtimin e rastit.

“Rreth orës 09:00, Policia ka pranuar një informatë për një mjet të dyshuar shpërthyes në rrugën ‘Gucia’ në Prishtinë. Menjëherë pas pranimit të informatës, policia ka ndërmarrë të gjitha masat e nevojshme të sigurisë, duke siguruar perimetrin dhe duke evakuuar qytetarët nga zona. Në vendin e ngjarjes janë angazhuar njësitet përkatëse policore, ndërsa kanë dalë edhe ekipet e Forcës së Sigurisë së Kosovës, të cilat kanë ndërmarrë veprimet e tyre”, deklaroi Pllana.

Policia nuk ka dhënë ende detaje shtesë për natyrën e mjetit të dyshuar, ndërsa veprimet në terren po vazhdojnë./A.K/

Continue Reading

Të kërkuara