Kronikë e zezë

​Dënohen 11 të akuzuarit nga Gjykata Themelore e Prishtinës

Published

3 years ago

on

Gjykata Themelore në Prishtinë, ka shpallur aktgjykimin kundër të akuzuarve I.J, A.I, F.I, B.U, N.J, XH.J, M.J, N.B, B.M, J.M dhe S.I për veprën penale në bashkëkryerje dhe në vazhdimësi “Kontrabandimi i mallrave”, ndërsa të akuzuarit N.J dhe F.I kanë kryer edhe veprën penale “Mbajtja në pronësi, kontroll ose posedim të paautorizuar të armëve”.

Siç njofton Gjykata, “I akuzuari F.I është shpallur fajtor dhe është dënuar me dënim unik me gjobë në shumën prej tremijë e katërqind (3, 400.00) €uro të cilën shumë i akuzuari është i obliguar që ta paguaj nga dita e plotfuqishmërisë së këtij aktgjykimi., koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 18.07.2019 në kohëzgjatje prej 49 ditë i llogaritet në dënimin e shqiptuar me gjobë.

I akuzuari I.J është shpallur fajtor dhe është dënuar me dënim me burg në kohëzgjatje 13 (trembëdhjetë) muaj, koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 06.04.2020 në kohëzgjatje prej 10 muaj e 7 ditëve i llogaritet në dënimin e shqiptuar me burgim.

I akuzuari J.M është shpallur fajtor dhe është dënuar me dënim me burg në kohëzgjatje 11 (njëmbëdhjetë) muaj, koha e kaluar nën masën e arrestit shtëpiak prej datës 31.05.2019 e deri me datë 17.04.2020 në kohëzgjatje prej 10 muaj e 18 ditë i llogaritet në dënimin e shqiptuar me burgim.

I akuzuari N.B është shpallur fajtor dhe është dënuar me dënim me burg në kohëzgjatje 10 (dhjetë) muaj, koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 23.03.2020 në kohëzgjatje prej 9 muaj 24 ditë i llogaritet në dënimin e shqiptuar me burgim.

I akuzuari N.J është shpallur fajtor dhe është dënuar me dënim me burg në kohëzgjatje 11 (njëmbëdhjetë) muaj dhe me dënim me gjobë në shumën prej 400 (katërqind ) euro, koha e kaluar nën masën e paraburgimit prej datës 31.05.2019 e deri më datë 17.04.2020, në kohëzgjatje prej 10 muaj e 18 ditë i llogaritet në dënimin e shqiptuar me burg.

I akuzuari S.I është shpallur fajtor dhe është dënuar me dënim me burg në kohëzgjatje 8 (tetë) muaj, koha e kaluar nën masën e paraburgimit dhe arrestit shtëpiak prej datës 31.05.2019 e deri me dt:08.01.2020 në kohëzgjatje prej 7 muaj e 9 ditë i llogaritet në dënimin e shqiptuar me burgim.

I akuzuari XH.J është shpallur fajtor dhe është dënuar me dënim me burg në kohëzgjatje 6 (gjashtë) muaj, konform nenit 47 të KPRK-së, e me pëlqimin e të dënuarit dënimi me burgim i zëvendësohet në dënim me gjobë në shumën prej tremijë (3,000.00) €uro, të cilin të cilën shumë i akuzuari është i obliguar që ta paguaj në afat prej 15 ditësh nga dita e plotfuqishmërisë së këtij aktgjykimi. Koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 18.07.2019 në kohëzgjatje prej 49 ditë i llogaritet në dënimin e shqiptuar me gjobë.

I akuzuari A.I është shpallur fajtor dhe është dënuar me dënim me burg në kohëzgjatje 8 (tetë) muaj, koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 08.01.2020 në kohëzgjatje prej 7 muaj e 9 ditë i llogaritet në dënimin e shqiptuar me burgim.

I akuzuari B.U është shpallur fajtor dhe është dënuar me dënim me burg në kohëzgjatje 6 (gjashtë) muaj, konform nenit 47 të KPRK-së, e me pëlqimin e të dënuarit dënimi me burgim i zëvendësohet në dënim me gjobë në shumën prej tremijë(3,000.00)€uro, të cilin të cilën shumë i akuzuari është i obliguar që ta paguaj në afat prej 15 ditësh nga dita e plotfuqishmërisë së këtij aktgjykimi. Koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 18.07.2019 në kohëzgjatje prej 49 ditë i llogaritet në dënimin e shqiptuar me gjobë.

I akuzuari B.M është shpallur fajtor dhe është dënuar me dënim me burg në kohëzgjatje 6 (gjashtë) muaj, konform nenit 47 të KPRK-së, e me pëlqimin e të dënuarit dënimi me burgim i zëvendësohet në dënim me gjobë në shumën prej dymijë e pesëqind (2,500.00) €uro, të cilën shumë i akuzuari është i obliguar që ta paguaj në afat prej 15 ditësh nga dita e plotfuqishmërisë së këtij aktgjykimi.

I akuzuari M.J është shpallur fajtor dhe është dënuar me dënim me gjobë në shumë prej tremijë e katërqind (3, 400.00) €uro të cilën shumë i akuzuari është i obliguar që ta paguaj në afat prej 15 ditësh nga dita e plotfuqishmërisë së këtij aktgjykimi. Koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 09.10.2019 në kohëzgjatje prej 132 ditë i llogaritet në dënimin e shqiptuar me gjobë.

Të gjithë këta janë akuzuar nga Prokuroria, pasi që nga viti 2017 e deri në muajin maj të vitit 2019, në vazhdimësi dhe në bashkëkryerje edhe me të pandehurit D.I dhe B.R të cilët gjenden në arrati, me qëllim të përfitimit material të kundërligjshëm kanë kontrabanduar kafshë nga Republika e Serbisë për në Republikën e Kosovës duke iu shmangur kontrollit doganor dhe tarifave doganore”, thuhet në njoftim.

Related Topics:
Continue Reading

Kronikë e zezë

​E trishtë: Vdes djaloshi që dyshohet se kishte rënë në lumin e Gadimes

Published

1 day ago

on

January 28, 2026

By

Nxënësi 13-vjeçar Zejn Zejnullahu, i cili më herët ishte raportuar si i zhdukur dhe më pas u gjet në lumin e Gadimes, fatkeqësisht ka ndërruar jetë, mbrëmjen e së martës. 

Drejtor i Klinikës Emergjente në QKUK ka bërë të ditur për media se përkundër masave të marra, është konstatuar vdekja.

Ndërkaq, më parë, rastin e gjetjes së fëmijës e kishte konfirmuar komandanti i Stacionit Policor në Lipjan, Brahim Shatrolli.

Familjarë të fëmijës kishin alarmuar për zhdukjen e fëmijës, i cili nuk ishte kthyer në shtëpi pasi kishte përfunduar mësimin në shkollë.

Continue Reading

Kronikë e zezë

Dyshohet se djali vrau nënën në Restelicë të Dragashit

Published

1 week ago

on

January 21, 2026

By

Një vraje e rëndë ka ndodhur në Restelicë të Dragashit, aty ku dyshohet se djali vrau nënën e tij.

Prokuroria Themelore në Prizren – Departamenti për Krime të Rënda, ka njoftuar se “Bazuar në të dhënat fillestare të hetimit, dyshohet se rasti ka ndodhur brenda familjes. I dyshuari, F.B., dyshohet se ka privuar nga jeta nënën e tij, T.B., duke ushtruar dhunë fizike në shtëpinë e tyre në fshatin Restelicë. Pas pranimit të informatës në orët e hershme të mëngjesit, në vendin e ngjarjes ka dalë prokurorja kujdestare nga Departamenti për Krime të Rënda, së bashku me njësitet relevante të Policisë së Kosovës, krim-teknikën dhe zyrtarët e Institutit të Mjekësisë Ligjore (IML), me qëllim të zhvillimit dhe përfundimit të procedurave hetimore në vendin e ngjarjes. Me urdhër të prokurorit viktima është dërguar për obduksion në IML”.

Nga të dhënat zyrtare të prokurorisë, rezulton se i dyshuari ka pasur çrregullime mendore, si dhe ka qenë më herët i përfshirë në tri (3) raste penale të dhunës në familje, të trajtuara nga Prokuroria e Prizrenit. Një (1) rast është trajtuar gjatë vitit 2024, ndërsa dy (2) raste gjatë vitit 2021. Për këto raste, Prokuroria ka ndërmarrë veprimet ligjore përkatëse, ka ngritur aktakuza dhe për të njëjtat raste janë nxjerrë aktgjykime dënuese.

Prokuroria Themelore në Prizren është duke ndërmarrë të gjitha veprimet e nevojshme hetimore për zbardhjen e plotë të rrethanave dhe shkakut të vdekjes.

Continue Reading

Kronikë e zezë

​Digjet një shtëpi në Malishevë, vdes një grua mbi 50 vjeç

Published

1 week ago

on

January 21, 2026

By

Në fshatin Goriq të Malishevës është djegur mbrëmë një shtëpi dhe si pasojë ka mbetur e vdekur një grua mbi të 50-at.

Lajmin e ka konfirmuar drejtori rajonal i Policisë në Gjakovë, Lumni Graishta i cili theksoi se shkaqet e zjarrit ende nuk dihen.

“Rasti i zjarrit është raportuar të ketë ndodhur në fshatin Goriq, Malishevë. Viktima rreth 53-54 vjeçare. Shkaku i zjarrit nuk dihet”, ka thënë Graishta.

Continue Reading

Kronikë e zezë

Ishte shpallur i zhdukur të dielën, gjendet pa shenja jete 39-vjeçari nga Malisheva

Published

1 week ago

on

January 20, 2026

By

Është gjetur pa shenja jete Avdyl Begaj, 39-vjeçari nga fshati Banjë e Malishevës. Ai ishte shpallur i zhdukur që nga 18 janari i këtij viti.

Vullnetari në Shoqatën e Kërkim-Shpëtimit, Ridvan Tahiri ka bërë të ditur se 39-vjeçari u gjet pa shenja jete në një fushë afër fshatit Siqevë mëngjesin e së martës.

Rastin e ka konfirmuar zëdhënësi i policisë në rajonin e Pejës, Fadil Gashi.

Ai ka bërë të ditur se përveç njësive kompetente policore, në vend të ngjarjes ka dal edhe mjeku kujdestar i cili ka konstatuar vdekjen e viktimës.

“Sot rreth orës 10:00 të mëngjesit, një fshatar nga fshati Siqevë, komuna e Klinës, ka njoftuar policinë se në fushat e fshatit ka hasur në një trup të shtrirë, i cili sipas tij dyshohet të jetë pa shenja jete. Policia menjëherë iu është përgjigjur vendit të ngjarjes, gjithashtu në vend të ngjarjes ka dal edhe mjeku kujdestar, i cili e ka konstatuar vdekjen e viktimës. Në vend të ngjarjes janë të gjitha njësitë kompetente policore, është duke u punuar në mënyrë intensive për të kuptuar për rrethanat për ndriçimin e rastit”, tha Gashi.

Continue Reading

Të kërkuara