Sport

Daja para sfidës me Slavia Prague: Jemi bërë një kombëtare mbarëshqiptare

Trajneri Daja tregoi se çfarë mendon për kundërshtarin e nesërm.

Published

3 years ago

October 26, 2022

Betim Gashi

Të enjten Ballkani zhvillon ndeshjen e pestë të fazës së grupeve në Ligën e Konferencës kundër Slavia Pragues. Para takimit, trajneri i kampioni kosovar Ilir Daja e ka cilësuar këtë përballje si tejet të vështirë. Ai në konferencën e sotme foli për mediat së bashku me futbollistin Arbër Potokun, ku të dy e cilësuan Slavia Praguen si favorit të grupit.

Trajneri Daja tregoi se çfarë mendon për kundërshtarin e nesërm, për të cilin tha se është një prej skuadrave më të forta me të cilën është ndeshur Ballkani deri më tani.

“E dimë që nesër kemi një ndeshje shumë të vështirë, me ekipin më të fortë të grupit, për arsye se çfarë renditje ka në tabelën e klasifikimit, por që ka qenë që në start favorit për kalimin e turit dhe mendoj që është një nga ekipet më të forta që jemi ndeshur deri tani”, tha Daja.

Po ashtu, Daja tha se momentalisht Ballkani është bërë si një kombëtare e dytë apo një kombëtare mbarëshqiptare, pasi që është skuadra e vetme nga Kosova ose Shqipëria që po e vazhdon ende rrugëtimin në Evropë.

“Në çdo ndeshje ne kemi hyrë me maksimumin e motivimit sidomos në Prishtinë, sepse kemi përkrahjen e sportdashësve tonë, jo vetëm të atyre por të gjithë Kosovës sepse në këto momente jemi bërë si një kombëtare e dytë apo një kombëtare mbarëshqiptare, pasi është i vetmi ekip që vazhdon rrugëtimin në Evropë. Motivi nuk na ka munguar, por që duke e parë edhe gjendjen tonë momentale, sigurisht që nuk jemi në formën tonë më të mirë dhe kundërshtarin e kemi më të fortin e grupit, por kjo nuk do të thotë që ne do të hyjmë të dorëzuar por që ky është realiteti”, tha Daja.

Ndeshjen kundër Slavia Pragues të vështirë e cilësoi edhe futbollisti Arbër Potoku, i cili pavarësisht se ka përballë një kundërshtar favorit në grup, tha se do ta bëjnë maksimumin për të dalë faqebardhë.

“Sigurisht që nesër na pret një ndeshje mjaft e vështirë pasi që e dimë edhe kualitetin e kundërshtarit. Mendoj se janë favoritë që të kalojnë grupin, pasi që dihet se çfarë tradite dhe çfarë organizimi kanë si klub. Ne do të japim maksimumin dhe me ndihmën e tifozëve dhe opinionit, ne do të paraqitemi sa më mirë, të bëjmë një ndeshje siç na ka hije dhe të dalim faqebardhë”, tha Potoku.

Momentalisht, pas katër ndeshjeve të zhvilluara, Ballkani zë vendin e fundit në Grupin G në kuotën e katër pikëve, aq sa ka edhe Slavia Prague në pozitën e tretë.

Related Topics:Ballkani ndeshje Slavia Prague

Up Next

Laporta flet për situatën e krijuar te Barcelona

Don't Miss

Llapi mposhtet edhe nga Dukagjini

Sport

Kosova me gjashtë xhudistë në Grand Slam-in e Parisit

Published

10 hours ago

February 6, 2026

ubtnews

Gjashtë xhudistët e Kosovës do të marrin pjesë në Eventin e Madh të Parisit, që do të zhvillohet me datën 7 dhe 8 shkurt në Accor Arena të Parisit.

Kosova të garoj në pesë kategori.

Akil Gjakova (-73 kg), Laura Fazliu (-63 kg), Distria Krasniqi (-52 kg), Fatjona Kasapi (-52 kg), Flaka Loxha (-57 kg) dhe Erza Muminoviq (-48 kg), në krye me Driton Kukën dhe të artën Majlinda Kelmendin, do të synojnë që do të kthehen me medalje në Kosovë.

Ky event do të mbledhë 499 garues nga 80 shtete e 6 kontinente, garë e cila ndjeket nga mijëra shikues çdo vit. /KosovaPress/

Sport

Sot nisin Lojërat Olimpike Dimërore Milano–Kortina 2026

Published

11 hours ago

February 6, 2026

ubtnews

Sot kanë nisur zyrtarisht Lojërat Olimpike Dimërore Milano–Kortina 2026, të cilat do të zgjasin deri më 22 shkurt, duke rikthyer Olimpiadën Dimërore në Evropë me një program rekord dhe theks të veçantë te barazia gjinore dhe qëndrueshmëria.

Shqipëria përfaqësohet në këto Lojëra Olimpike nga katër sportistë: Lara Colturi, Denni Xhepa, Lisa Brunga dhe Semire Dauti. Në qendër të vëmendjes është skiatorja Lara Colturi, e renditur e pesta në botë, e cila konsiderohet si shpresa kryesore për një medalje olimpike për Shqipërinë. Garat kryesore të saj do të zhvillohen më 15 dhe 18 shkurt.

Olimpiada e 25-të Dimërore përfshin një rekord prej 116 eventesh medaljesh dhe shënon përparim të madh në barazinë gjinore, me gratë që garojnë në mbi 53 për qind të eventeve. Këto Lojëra shënojnë gjithashtu një moment historik për barazinë gjinore, pasi për herë të parë drejtohen nga një presidente grua e Komitetit Olimpik Ndërkombëtar, Kirsty Coventry.

Shqipëria shpreson që pjesëmarrja në Milano–Kortina 2026 të përfaqësojë një hap të rëndësishëm për zhvillimin e sporteve dimërore në vend dhe, pse jo, të sjellë një sukses historik në arenën olimpike.

Sport

FIBA ia beson përsëri Kosovës Evropianin e Femrave për Shtetet e Vogla

Published

1 day ago

February 5, 2026

Safet Zejnullahu

Është hedhur shorti për FIBA Kampionati Evropian të Femrave për Shtetet e Vogla dhe grup moshat e reja, ku Kosova ka mësuar kundërshtarët e saj.

Dardanet do të jenë në Grupin B, së bashku me Andorrën dhe Armeninë. Ndërkohë, në Grupin A janë Malta, Gjeorgjia dhe Shqipëria.

Kjo do të jetë hera e dytë që FIBA Kampionati Evropian i Femrave për Shtetet e Vogla organizohet në Kosovë, pasi më 2024 ishte organizuar në Prishtinë.

Gjatë kësaj vere, Kosova do të organizojë edhe FIBA U18 Eurobasketi i Femrave, Divizioni C, kampionat që po ashtu do të organizohet në Pejë nga 21 deri më 26 korrik, ku marrin pjesë shtatë shtete.

Kosova është në Grupin B, së bashku me Armeninë, Gjeorgjinë dhe Gjibraltarin, kurse në Grupin A janë: Malta, Shqipëria dhe Qipro.

Kjo verë do të jetë shumë e ngjeshur me aktivitete, pasi në përgjithësi, Kosova do të garojë me pesë Përfaqësuese në arenën evropiane, U20 meshkujt, U18 meshkujt dhe femrat dhe U16 meshkujt dhe femrat.

Kosova U16 femrat do të jenë në Grupin A, së bashku me Maltën dhe Gjeorgjinë, në Divizionin C, që mbahet në Maltë nga 7 deri më 12 korrik.

Kosova U16 meshkujt do të jenë në Grupi A, ku bëjnë pjesë edhe Shqipëria, San Marino dhe Moldavia. Divizioni C do të mbahet në Armeni nga 4 deri më 12 korrik.

Kosova U18 meshkujt janë në Grupi A, ku do të garojnë edhe Armenia, Andorra dhe Gjibraltari. Gara e Divizionit C do të mbahet në Shkodër nga 21 deri më 26 korrik.

Kosova U20 meshkujt do të garojë në Divizionin B, ku edicionin e kaluar kishte hyrë në Top 8, njëherë suksesi më i madh te gjeneratat e reja. Dardanët e rinj janë në Grupin C, ku marrin pjesë edhe Islanda, Portugalia, Armenia, Bosnja dhe Hercegovina dhe Qipro. Ky kampionat mbahet nga 10 deri më 19 korrik në Sllovaki. /Kosova Press/

Foto: KosovaPress

Sport

Agim Ademi në krye të FFK edhe për 4 vjet

Published

1 day ago

February 5, 2026

Safet Zejnullahu

Agim Ademi fiton edhe një mandat në krye të futbollit kosovar. Në Kuvendin Zgjedhor të Federatës së Futbollit të Kosovës (FFK), të mbajtur sot, Ademi mori besimin e 52 delegatëve edhe për një mandat katërvjeçar.

Ademi, pasi mori për të tretën herë mandatin për të udhëhequr me Federatën e Futbollit të Kosovës, ka thënë se do të jetë në shërbim 24/7 për çështjen e futbollit. Po ashtu, ai theksoi se vota e dhënë ndaj tij, është besim për të dhe ekipin e tij.

Gjatë kuvendit u miratua edhe buxheti i FFK-së për vitin 2026, rreth 25 milionë euro.

Kryetari Ademi ka prezantuar fanellën e Dardanëve, teksa ka thënë se të gjitha ekipet nacionale do të vishen me “Adidas”.

“Ekipet tona nacionale nga ky vit do të vishen nga Adidas. Kjo është fanella e Kosovës dhe shpresoj që do të prezantohemi me të në SHBA”, ka thënë Ademi.