Lajmet

Çmimet e derivateve rriten pas ndalimit të eksportit nga Rusia

Rusia eksporton gati 900,000 fuçi në ditë (bpd) naftë dhe 100,000 bpd benzinë.

Published

2 years ago

September 22, 2023

Betim Gashi

Vendimi i Rusisë për të ndaluar eksportin e benzinës dhe naftës mund të përkeqësojë shqetësimet për furnizimin, duke çuar në një rritje të çmimeve globale të naftës.

Rusia, një nga prodhuesit më të mëdhenj të naftës në botë, eksporton gati 900,000 fuçi në ditë (bpd) naftë dhe 100,000 bpd benzinë. Vitin e kaluar, eksportet e naftës së vendit arritën në 35 milionë tonë, dhe eksportet e benzinës arritën në 4.8 milionë tonë.

Si benzina, ashtu edhe nafta përbëjnë një pjesë të konsiderueshme të transportit të Rusisë dhe përdoren shumë në sektorët bujqësorë dhe industrialë.

Megjithëse, Rusia dërgon më pak benzinë dhe naftë sesa naftë bruto, embargoja e eksportit para dimrit dhe shqetësimet e vazhdueshme të furnizimit kanë rritur shqetësimet e tregut.

Nafta ‘Brent’ po tregtohej me 92.70 dollarë për fuçi të enjten përpara se Rusia të njoftonte vendimin e saj për të kufizuar eksportin e benzinës dhe naftës për të balancuar tregun vendas. Pas publikimit të lajmeve në lidhje me ndalimin e eksporteve ruse, ‘Brent’ u rrit me 1.9% në 94.50 dollarë për fuçi.

Megjithatë, në tregun rus, vendimi bëri që çmimet e benzinës dhe të naftës të bien me 5%.

Për shkak të faktit se praktikisht të gjitha korporatat e mëdha ruse të naftës, përfshirë Gazprom Neft, Tatneft dhe Surgutneftegaz, eksportojnë naftë dhe benzinë, vendimi i përkohshëm do të ketë një efekt të dëmshëm për këto biznese.

Agjencia Ndërkombëtare e Energjisë (IEA) tha në një raport më herët në shtator se rafineritë kishin vështirësi në përmbushjen e kërkesës në rritje, veçanërisht për distilimet.

Rusia është një eksportues neto, që do të thotë se prodhon më shumë benzinë dhe naftë sesa konsumon; megjithatë, parashikohet që kufizimet të çojnë shpejt në një suficit në tregun e brendshëm, duke bërë të nevojshme që vendimi të jetë i përkohshëm.

Zëvendësministri i Parë i Energjisë i Rusisë, Pavel Sorokin, tha se megjithëse kufizimi është aktualisht i pacaktuar, pritet të ketë një efekt të menjëhershëm në treg.

Sorokin argumentoi se duke ndërmarrë këto hapa, kombi do të jetë në gjendje të plotësojë plotësisht nevojat e fermerëve të tij, të cilët përfaqësojnë një nga konsumatorët më të mëdhenj të benzinës dhe naftës në vend. /AA/

Lajmet

Vazhdon sot seanca gjyqësore ndaj ish-kryeshefit të KEK-ut, Nagip Krasniqi

Published

36 minutes ago

October 16, 2025

UBTnews

Këtë të enjte, nga ora 9:30, pritet të mbahet seanca e radhës gjyqësore ndaj ish-kryeshefit të Korporatës Energjetike të Kosovës (KEK), Nagip Krasniqi, i akuzuar për keqpërdorim të detyrës zyrtare.

Krasniqi shkoi në Gjykatën e Prishtinës për t’u përballur me akuzat e Prokurorisë Speciale të Kosovës (PSRK), që sipas saj, ai i ka shkaktuar KEK-ut dëm prej 3 milionë eurosh për shkak të tregtimit të energjisë elektrike me kompaninë sllovene “Holding Slovenske Elektrane”, e cila nuk ka qenë e licensuar në Kosovë.

Dëshmitari i paraparë nga PSRK, Skender Muqolli, i cili duhej të dëshmonte më 14 tetor, nuk u paraqit fare në gjykatë për arsye shëndetësore.

Gjyqtari Arben Hoti njoftoi se nuk ishte paraqitur asnjë provë që të mbështeste këtë pretendim, por sipas tij, zyra e tij e kishte kontaktuar Muqollin, i cili kishte pohuar pretendimin përmes telefonit.

Për shkak të mungesës së dëshmitarit, seanca u shty dhe pritet të vazhdojë sot, më 16 tetor.

Në seancën e shqyrtimit fillestar të mbajtur më 8 tetor 2025, Krasniqi nuk e kishte pranuar fajësinë për akuzën e keqpërdorimit të detyrës zyrtare./EO

Lajmet

Bastiset një shtëpi në Leposaviq, gjenden emblema dhe jelek i ushtrisë serbe

Published

39 minutes ago

October 16, 2025

UBTnews

Një person është arrestuar pasi në shtëpinë e tij janë gjetur dhe konfiskuar armë, predha, këmisha me emblema të policisë serbe dhe një jelek i ushtrisë serbe.

Sipas raportit të Policisë së Kosovës në shtëpinë e të dyshuarit janë gjetur: një AK47,55 fishekë, një bajonetë, një predhë e fishekut, dy këmisha me emblema te policisë serbe, një jelek i ushtrisë serbe.

Pas intervistimit, me vendim të prokurorit i dyshuari është liruar në procedurë të rregullt.

“Fsh.Mikinic, Leposaviq 15.10.2025-14:30. Raportohet se gjatë bastisjes në shtëpinë e të dyshuarit mashkull kosovar, janë gjet dhe konfiskuar: një AK47,55 fishekë, një bajonetë, një predhë e fishekut, dy këmisha me emblema te policisë serbe, një jelek i ushtrisë serbe. I dyshuari është arrestuar dhe pas intervistimit me vendim të prokurorit lirohet në procedurë të rregullt”, thuhet në raportin e Policisë së Kosovës./KP

Lajmet

Dogana sekuestron telefona të rinj të padeklaruar në Prishtinë

Published

40 minutes ago

October 16, 2025

UBTnews

Dogana e Kosovës ka njoftuar se gjatë kontrollit në një subjekt ekonomik në Prishtinë, në një nga bodrumet e objektit është gjetur një kasafortë e mbuluar me pako, e cila pas hapjes ka rezultuar të përmbajë një sasi të konsiderueshme telefonash të rinj të padeklaruar.

Pala nuk ka ofruar asnjë dokumentacion për origjinën e mallit, transmeton KosovaPress.

Sasia e gjetur dhe sekuestruar është si vijon:

19 copë telefona mobil të mençur SAMSUNG GALAXY A26 5G
21 copë telefona mobil të mençur SAMSUNG GALAXY A16
1 copë tablet SAMSUNG GALAXY TAB A9+ 5G

Në total janë sekuestruar 41 pajisje të reja elektronike. Sekuestrimi është kryer në përputhje me procedurat ligjore, duke u plotësuar dokumentacioni përkatës.

Dogana e Kosovës thotë se do të vazhdojë me procedurat administrative dhe hetimore lidhur me këtë rast. Kontrolli i tregtisë ilegale dhe mbrojtja e tregut të brendshëm nga mallrat e padeklaruara mbeten ndër prioritetet kryesore të institucionit./D.B/KP