Teknologji

​Cilat brende të veturave në Evropë gjenerojnë më shumë CO2?

Published

4 years ago

on

Prodhuesit e veturave janë nën presion të vazhdueshëm për zvogëlimin e emetimeve të dëmshme. Dhe sa ato arrijnë në vit është studiuar nga platforma online e krahasimit të çmimeve Uswitch me seli në Britani të Madhe.

Bazuar në të dhënat e Agjencisë Evropiane të Mjedisit për emetimet CO2 të veturave të reja të pasagjerëve dhe duke i kombinuar këto të dhëna me kilometrazhin mesatar vjetor (11.909 km), u morën të dhëna se sa prodhues të caktuar ndotin ajrin.

Në radhë të parë midis 54 prodhuesve, në përgjithësi, ishte Ford me 30.160 kg CO2 në atmosferë, pasuar nga Volkswagen dhe Mercedes.

Sigurisht, shifrat totale ndikohen nga numri i veturave të shitura, kështu që brenda një viti Ford pati 236.072 modele, ndërsa Volkswagen 201.786, të cilat ishin përgjegjëse për 24.549 kg CO2 në atmosferë.

Me 171.515 vetura të shitura, Mercedesi në vendin e tretë dërgoi në ajër 24.265 kg CO2. Emetimet vjetore të vlerësuara të CO2 për automjet për Ford janë 1514 kg, Volkswagen 1453 kg dhe Mercedes 1487 kg.

Ford, me një shkarkesë mesatare prej 0.13 kg/km për veturë, ndot sa një aeroplan që fluturon nga Londra në Athinë (2456 km), dhe nga një analogji e ngjashme Volkswagen konsumon CO2 sa një aeroplan që fluturon 1999 km, ndërsa për Mercedes ekuivalenti i fluturimit është 1976 km.

Në vendin e katërt, të pestë dhe të gjashtë renditen BMW, Opel dhe Audi, ndërsa lista e 10 ndotësve më të mëdhenj mbyllet nga Land Rover, Kia dhe Nissan.

Sigurisht, kur i shohim veturat individualisht, lista është krejtësisht e ndryshme, kështu që prijnë konsumatorët e mëdhenj, si: Bugatti (0.52 kg/km), Rolls-Royce (0.35), Lamborghini (0.34), Ferrari (0.30) dhe Chevrolet (0.27 kg/km).

Interesante, Jaguar, për shembull, mburret me vetëm 0.09 kg/km të emetimeve mesatare CO2 ose rreth 1120 kg për veturë në vit. 

Related Topics:
Continue Reading

Teknologji

Sukses i madh për Switch 2, Nintendo rrit pritshmëritë e shitjeve

Published

33 minutes ago

on

November 4, 2025

By

Nintendo të martën njoftoi se ka rritur parashikimin e saj për shitjet e konsolës së re Switch 2, duke e çuar në 19 milionë njësi për vitin financiar që përfundon në mars 2026, nga 15 milionë sa ishte më parë.

Kompania me seli në Kioto gjithashtu rriti pritshmëritë për fitimin operativ vjetor me 16%, duke arritur në 370 miliardë jen (rreth 2.45 miliardë dollarë).

Pasardhësi i pajisjes së suksesshme Switch doli në treg në një kohë të ndjeshme, gjatë luftës tregtare të nisur nga presidenti amerikan Donald Trump, çka testoi aftësinë e Nintendo-s për të menaxhuar zinxhirin e furnizimit.

Deri në fund të shtatorit, kompania shiti 10.3 milionë njësi Switch 2, të nxitura nga tituj të njohur si “Mario Kart World” dhe “Donkey Kong Bonanza”.

Raporti i fitimit operativ për gjysmën e parë të vitit ra në 13.2%, nga 23.2% në të njëjtën periudhë të vitit të kaluar.

Gjatë sezonit të rëndësishëm të blerjeve të fundvitit, pritet që kërkesa të mbështetet nga lojërat e reja si “Pokemon Legends: Z-A” dhe “Kirby Air Riders”.

Aksionet e Nintendo-s ranë me 0.8% para publikimit të rezultateve financiare, por mbeten 40% më të larta krahasuar me fillimin e vitit. /A.Z/UBT News/

 

Continue Reading

Teknologji

YouTube po ju thotë: “Mjaft me Shorts”, po vjen kohëmatësi i ri

Published

18 hours ago

on

November 3, 2025

By

YouTube po teston një veçori të re për të kufizuar kohën që përdoruesit kalojnë duke parë Shorts, raporton TechCrunch.

Platforma do të shtojë një kohëmatës ditor, i cili do të jetë i disponueshëm për të gjithë përdoruesit nëpërmjet cilësimeve.

Përdoruesit do të mund të vendosin një kufi kohor ditor për shikimin e videove Shorts. Pasi të arrihet ky kufi, në ekran do të shfaqet një njoftim që i kujton përdoruesit të bëjnë pushim.

Edhe pse njoftimi mund të mbyllet me një klikim, qëllimi i funksionit është të ndërgjegjësojë përdoruesit për kohën e tepërt që mund të kalojnë duke parë përmbajtje të shkurtër, shpesh orë të tëra në mënyrë pasive.

Në të ardhmen, YouTube planifikon ta integrojë këtë opsion edhe me kontrollin prindëror. Kështu, prindërit do të kenë mundësi të vendosin kufij për kohën që fëmijët mund të kalojnë në Shorts, dhe në këtë rast njoftimi nuk do të mund të hiqet nga fëmijët.

Kjo lëvizje vjen në një kohë kur shumë platforma sociale po përballen me kritika dhe padi për varësinë që shkaktojnë tek përdoruesit.

Sipas Bloomberg Law, mbi 2 mijë padi janë ngritur kundër kompanive të rrjeteve sociale, me akuza se platformat janë ndërtuar qëllimisht për të nxitur sjellje varësie dhe për të mbajtur përdoruesit të lidhur për periudha të gjata. /A.Z/UBT News/

Continue Reading

Teknologji

Ayaneo hyn në tregun e smartfonëve me pajisjen e parë për lojtarë

Published

1 day ago

on

November 3, 2025

By

Kompania Ayaneo, e njohur për konsolat portative dhe mini-PC-të e saj, po zgjerohet tani në tregun konkurrues të smartfonëve, duke synuar lojtarët mobilë.

Prodhuesi ka publikuar një “teaser” zyrtar për smartfonin e tij të parë, të cilin e përshkruan si “një telefon i vërtetë për lojtarët”.

Në videon promovuese shihet pjesa e pasme e pajisjes me dy kamera të integruara dhe pa dalje të dukshme, një dizajn që ngjan me modelet RedMagic.

Derisa detajet teknike ende nuk janë zbuluar, pritet që telefoni të përdorë sistemin Android.

Sipas Ayaneo, ky projekt lindi “nga dashuria e pastër për lojën dhe ndjekja e ëndrrave”.

Më shumë informacion pritet të publikohet në teaser-at e ardhshëm. /A.Z/UBT News/

Continue Reading

Teknologji

TikTok fshin mbi 189 milionë video

Published

4 days ago

on

October 31, 2025

By

Platforma e njohur e videove të shkurtra TikTok ka njoftuar se gjatë periudhës prill–qershor 2025 ka hequr më shumë se 189 milionë video në mbarë botën, për shkak të shkeljeve të udhëzimeve të komunitetit.

Sipas raportit zyrtar, mbi 99% e përmbajtjeve të fshira janë identifikuar nga sistemet automatike të platformës, ndërsa më shumë se 90% e videove janë hequr përpara se të shiheshin nga ndonjë përdorues.

Fshirje brenda pak orësh

TikTok thekson se 80.6% e videove të fshira janë hequr brenda një periudhe mesatare prej vetëm dy orësh nga momenti i publikimit.

Në Turqi, janë fshirë 4.4 milionë video, nga të cilat 99.4% janë identifikuar si përmbajtje që shkelin rregullat, dhe 97% janë larguar brenda 24 orëve.

Cilat ishin shkeljet më të zakonshme?

Sipas raportit, përmbajtjet më problematike i përkasin kategorive: Tema të ndjeshme dhe përmbajtje për të rritur – 30.6%. Mallra të rregulluara dhe aktivitete tregtare – 30.5% Siguria dhe mirëqenia e të rinjve, ku 99.4% e videove u hoqën përpara se të shiheshin.

Transmetimet dhe reklamat

Përveç videove të zakonshme, TikTok ka hequr edhe 36 milionë transmetime të drejtpërdrejta (live) gjatë tremujorit të dytë të vitit, rritje prej 100% krahasuar me periudhën e mëparshme. Gjithashtu, janë fshirë mbi 8 milionë reklama për shkelje të politikave të reklamimit.

Presioni në rritje ndaj rrjeteve sociale

Raporti publikohet në një periudhë kur platformat sociale përballen me presion në rritje nga autoritetet dhe organizatat ndërkombëtare për të kufizuar përmbajtjet e dëmshme – veçanërisht ato që prekin të miturit, dezinformimin dhe përmbajtjen e paligjshme.

Me mbi 1 miliard përdorues aktivë, TikTok vazhdon të përballet me kritika dhe hetime në lidhje me sigurinë e të rinjve dhe menaxhimin e të dhënave personale të përdoruesve. /A.Z/UBT News/

Continue Reading

Të kërkuara