Sport

​Challandes: Lojtarët të marrin shembull nga Sergio Ramos, Daku është ftuar në kombëtare

Published

on

Kombëtarja e Kosovës do ta zhvillojë ndeshjen e radhës miqësore më 1 qershor në stadiumin “Fadil Vokrri”, në Prishtinë nga ora 18:00, ku do të ballafaqohet me San Marinon.

Në prag të kësaj sfide, trajneri Bernard Challandes ka folur në një konferencë për media, ku ka folur për prurjet e reja në ekip për të cilët ka thënë se e kanë rastin shumë të mirë për të treguar veten për atë se çfarë mund t’i ofrojnë Kombëtares së Kosovës.

“Në këtë konferencë do të flasim për kampin e parë ose për dy ndeshjet e para, ndeshjen kundër San Marinos dhe kundër Maltës. Ne tashmë e kemi publikuar listën e futbollistëve për këto dy ndeshje dhe siç keni mund të shihni mungojnë disa lojtarë që janë pjesë standarde e ekipit kombëtar të cilët mungojnë për arsye nga më të ndryshmet, por edhe prej listës së publikuar kemi prapë disa mungesa të reja, janë mungesat e mbrojtësit Ibrahim Dresevic dhe portierit Aro Muric të cilët kanë probleme shëndetësore. Ibrahim Dresevic ka testuar dje pozitiv me Covid kurse Aro Muriç ka disa shqetësime të tjera shëndetësore dhe e ka ta pamundshme që t’i bashkohet ekipit në këtë kamp. Ne në total kemi grumbulluar 23 futbollistë të cilët mendoj se janë zgjedhja e duhur për këtë kamp dhe për këto dy takime.”, tha fillimisht Challandes.

Trajneri më tutje tha se këto dy ndeshje do të jenë rast shumë i mirë që të dëshmohen lojtarët e rinj që janë ftuar në Kombëtaren e Kosovës.

“Mendoj që nga kjo listë do të jetë rast i mirë që për disa lojtarë të dëshmohen, të tregojnë veten para meje dhe të tregojnë se çfarë janë të aftë të bëjnë për ekipin kombëtar. Kemi disa futbollistë të rinj të cilët mund të jenë interesant për të ardhmen, por po ashtu kemi disa lojtarë që kanë qenë edhe në të kaluarën pjesë e ekipit kombëtar dhe që për një kohë të gjatë pastaj për arsye nga më të ndryshme kanë munguar siç është rasti i Zymer Bytyçit që ka qenë më kombëtaren para disa vitesh në ndeshjen kundër Haitit dhe mendoj që këto dy takime dhe ky grumbullim do të jetë rast për këta pikërisht për këta lojtarë që të tregohen”, theksoi selektori i Kosovës.

Challandes tha se prurjet e reja janë bërë për t’iu treguar lojtarëve aktual se konkurrenca brenda ekipit është shumë e madhe.

“Ka qenë e rëndësishme për mua që të sjellin në ekip disa lojtarë të rinjë që mund ta rrisin ngadalë konkurrencën brenda ekipit, t’iu tregojmë edhe lojtarëve që i kemi aktualisht se ka konkurrencë për secilin pozicion he pikërisht ky ka qenë qëllimi që duke i marrë këta lojtarë të rinjë të rrisim konkurrencën brenda ekipit, të dëshmojmë që brenda ekipit që konkurencë dhe mendoj që ky ka qenë grumbullimi i duhur dhe koha e duhur që t’i sjellim këta lojtarë”, vazhdoi ai.

Në vazhdim Challandes zbuloi në konferencë se në kombëtare janë ftuar edhe Betim Halimi dhe Mirlind Daku.

“Meqë siç e them do të mungojnë Aro Muriç dhe Ibrahim Dresevic për arsye shëndetësore kemi marrë dy lojtarë të rinjë. Me ekipin që nga dita e parë e kampit do të jenë Betim Haliomi dhe Mirlind Daku. Dhe prapë në total kemi 23 lojtarë të grumbulluar për këto dy ndeshje kundër San Marinos dhe Maltës”, zbuloi Challandes.

Në këto dy ndeshje miqësore Challandes tha se ka për qëllim fitoren si dhe që t’iu jap rastin futbollistëve të rinj për t’u dëshmuar.

“Absolutishtë qëllimi i parë mbetet gjithmonë fitorja kurse qëllimi i dytë do të jete t’iu japim rastin disa prej futbollistëve siç e thamë edhe më herët që janë të rinjë në ekip që shpresojmë që do ta rrisin konkurencën brenda ekipit dhe do t’u tregojnë lojtarëve që kanë qenë pjesë e ekipt për kohë më të gjatë që ekziston konkurencë e fortë. Ku është qëllimi ynë, kurse sa i përket formacionit me të cilin do të startojmë do të shohim, do të bisedoj edhe me trajnerin fizik sepse kemi situata të ndryshme meqë jemi në muajin qershor, ka lojtarë që i kanë përfunduar garat me klubet e tyre që 10 ditë, që dy javë, qe një javë, brenda pak ditësh”, tha më tutje Challandes.

Challandes gjithashtu komentoi edhe pakënaqësitë që i kanë shprehur disa lojtarë të kombëtares ndaj tij duke e përmendur rastin e Sergio Ranmos te Spanja se shembullin që duhet ndjekur.

“Benzema ka pasur problem për një kohë të gjatë më Deschamps që nënkupton që kjo është mënyra se si funskionojnë ekipet sportive dhe ne mund të kemi probleme në ndonjë rast, me ndonjë prej futbollistëve po mendoj që duhet të adoptohemi dhe të funsksionojmë në këtë formë sepse kështu funskionojnë ekipet sportive, kështu është jeta e një ekipi sportiv. Po kemi pasur një problem me Paqaradën mirëpo nuk do të thotë që nuk duhet të vazhdojmë përpara. Nuk e kam shumë qartë se çfarë nënkuptohet me kontroll, në çfarë forme duhet të kemi kontroll mbi ekipin. Por, ajo që e thashë edhe më herët që brenda një ekipi sportiv mund të ketë probleme, ndonjëherë lojtarët janë të pakënaqur me mua, ndonjëherë unë jam i pakënaqur me lojtarët por duhet të shkojmë përpara dhe të funksionojmë në këtë formë…Mos të harrojmë rastin e Sergio Ramos, një lojtarë legjendar që tashmë nuk është pjesë e ekipit kombëtarë për kampionatin evropian. Një lojtarë që ka pranuar çdo rol te Spanja. Ka qenë në bankë në ndeshjen ndaj Gjeorgjisë dhe ka luajtur tetë minuta kundër Kosovës. Dhe nëse një lojtar i kalibrit të Sergio Ramos është në gjendje për të pranuar të gjitha vendimet dhe të jetë prapë i gatshëm për ekipin kombëtar, mendoj që të gjithë lojtarët tjerë në botë, përfshirë edhe ata të ekipit tonë duhet ta kenë të qartë që ai është roli i tyre”, theksoi Challandes.

Krejt në fund Challandes komentoi edhe largimin nga kombëtarja të Anel Rashkajt dhe të Atdhe Nuhiut për të cilit tha se ka një falenderim shumë të madh për punën që ata kanë bërë për Kombëtaren e Kosovës

“Absolutisht që po. Mund të them një falënderim për të dy lojtarët që kanë pranuar dhe kanë luajtur me zemër për ekipin kombëtarë por po ashtu kjo është një prej mënyrave se si rrugëton një ekip dhe kjo është mënyra se si duhet të mësohemi që me kohë disa lojtarë duhet të pensionohen dhe duhet të largohen nga ekipi kombëtar”, tha Challandes.

Sport

​Presidenti i FIBA Evropës: Nder i madh ta kemi Kosovën pjesë të familjes sonë

Published

on

By

Presidenti i FIBA Evropës, Jorge Garbajosa, po qëndron për vizitë në Kosovë, ku po zhvillon disa aktivitete dhe takime të rëndësishme që lidhen me zhvillimin e basketbollit.

Në një intervistë për KosovaPress, Garbajosa ka vlerësuar lart bashkëpunimin e Federatën e Basketbollit të Kosovës dhe zhvillimin e basketbollit në vendin tonë.

Kur vjen në një vend, siç është Kosova, ka shumë gjëra për të bërë. Për shembull, dy gjërat kryesore ishin takimi i Komisionit të Rinisë dhe Takimi i Under-14, i cili është një nga programet kryesore për ne, sepse natyrisht për ne Eurobasketi për meshkuj, femra, seniorë janë shumë të rëndësishëm, por si FIBA Europe, si një ekip në Mynih, ne vendosim më shumë kohë dhe përpjekje tek të rinjtë, tek programi i rinisë, dhe Under-14 është aty ku fillon gjithçka. Po ashtu kemi edhe disa takime këtu, përfshirë një takim këtë mëngjes me Ministrinë, Ministrin e Sportit dhe Kulturës dhe ekipin e tij. Ka shumë gjëra për të bërë këtu, por për mua kjo nuk është aspak një përpjekje, sepse po vij për të bërë atë që dua dhe në një vend që dua gjithashtu”, u shpreh fillimisht Garbajosa.

Ai vlerësoi lart bashkëpunimin e FIBA Evropës me Federatën e Basketbollit të Kosovës, duke theksuar se përfshirja e Kosovës në këtë familje është një nder i vërtetë.

Së pari, për mua, dhe mund të flas në emër të gjithë bordit të FIBA Europe, të kemi Kosovën si pjesë të ekosistemit tonë, si pjesë të familjes tonë, është një nder i vërtetë. Jo vetëm sepse kemi një marrëdhënie jashtëzakonisht të mirë me Presidentin Fetahu, që gjithashtu është anëtar i bordit të FIBA Europe, por niveli i bashkëpunimit, niveli i proaktivitetit. Kur je një federatë evropiane dhe dëshiron të bësh shumë gjëra, të duhen vende që bashkëpunojnë me ty. Dhe kur ke Kosovën gjithmonë të gatshme për të organizuar, në këtë rast Takimin Under-14 dhe komisionin e rinisë, por edhe shumë gjëra të tjera si Eurobasketi i rinisë dhe gjatë verës shumë aktivitete këtu, kjo është e mirë.”, shtoi ai.

Garbajosa tha se Evropa po kalon një periudhë të rëndësishme ristrukturimi në aspektin e garave, me qëllim që të krijohen më shumë mundësi zhvillimi për të gjitha klubet.

Në fakt, natën e kaluar patëm një takim shumë të frytshëm me Presidentin dhe Sekretarin e Përgjithshëm z. Novak dhe gjithashtu znj. Dushku për mënyrën se si mund të krijojmë një skenar ku kombëtaret, federatat kombëtare dhe klubet të zhvillohen. Jemi në një moment shumë interesant në Evropë për atë që e quajmë ‘riformësim’ i piramidës së konkurrencës, jo vetëm në Evropë, por po flas specifikisht për Evropën, ku duhet t’u japim mundësi klubeve, klubeve jo tradicionale, të marrin pjesë në konkurrencë. Kam disa ish-lojtarë që tani janë miq të mirë dhe janë përgjegjës ose pronarë të klubeve. Ata më kërkojnë të njëjtën gjë: kjo nuk është vetëm për klubet kryesore; edhe klubet e klasës së mesme, ata që nuk marrin pjesë tradicionalisht në konkurrencën kombëtare, duhet të kenë mundësinë të zhvillohen. Ne po punojmë për këtë; komisioni i konkurrencës po punon për këtë. Ne jemi të bekuar dhe të lumtur të dimë që çdo vit duhet të zgjerojmë konkurrencat, për meshkuj dhe femra, sepse shumë vende duan të marrin pjesë. Nuk mund të izolojmë vetëm një vend; kjo po ndodh në të gjithë Evropën dhe duhet të marrim masat e duhura në të ardhmen e afërt”, tha në fund ai.

Gjatë ditës, Presidenti i FIBA Evropës, Jorge Garbajosa, së bashku me Drejtorin Ekzekutiv të FIBA Evropës Kamil Novak, si dhe drejtuesit e FBK-së, Kryetari Arben Fetahu dhe Sekretarja e Përgjithshme, Elvira Dushku u pritën sot nga Ministri i Kulturës, Rinisë dhe Sportit, Hajrulla Çeku, zëvendësministrja Daulina Osmani, Sekretari i Përgjithshëm Bislim Bislimi dhe Fidan Shatri, Kryeshef i Agjencisë së Sportit të Kosovës./KP

Continue Reading

Sport

Trondit futbolli qipriot: Vritet kryetari i një klubi

Published

on

Futbolli në Qipro tronditet pas vrasjes së kryetarit të një klubi të kategorisë së dytë.

Stavros Demosthenous, 49 vjeç, kryetar i Karmiotissa-s, u qëllua për vdekje të premten në qytetin bregdetar të Limasolit, njoftoi policia.

Sipas raportimeve, persona të panjohur hapën zjarr ndaj tij jashtë shtëpisë, ai ndërroi jetë ndërsa i biri po e dërgonte me makinë në spital.

Karmiotissa, e themeluar në vitin 1979, ka kaluar pjesën më të madhe të historisë së saj në ligat e ulëta dhe kishte garuar në kategorinë e parë sezonin e kaluar, por këtë sezon është rrëzuar në kategorinë e dytë. /A.Z/UBT News/

Continue Reading

Sport

Franco Foda rinovon kontratën me Kosovën

Published

on

By

Federata e Futbollit e Kosovës (FFK) ka zyrtarizuar sot marrëveshjen e re me përzgjedhësin Franco Foda, duke konfirmuar vazhdimin e bashkëpunimit edhe për dy vite të tjera.

Kontrata e re e nënshkruar nga presidenti Agim Ademi dhe trajneri Foda më 6 tetor, gjatë ditës së parë të grumbullimit të ekipit kombëtar, formalizon marrëveshjen paraprakisht të arritur mes palëve.

“Federata e Futbollit e Kosovës ka kënaqësinë të njoftoi se ka zyrtarizuar edhe formalisht marrëveshjen e mëhershme me përzgjedhësin Franco Foda për të vazhduar bashkëpunimin edhe për 2 vite.

Kontrata që konfirmon qëndrimin e Fodas në krye të ekipit kombëtar është nënshkruar zyrtarisht nga Presidenti Agim Ademi dhe përzgjedhësi Franco Foda, ditën e parë të grumbullimit të ekipit kombëtar në muajin tetor, përkatësisht me datën 6-të, duke formalizuar edhe në mënyrë zyrtare marrëveshjen e arritur paraprakisht. Me marrëveshjen e re, Foda do t’ i prijë kombëtares së Kosovës deri në fund të vitit 2027, me mundësi vazhdimi automatikisht në rast të kualifikimit në Kampionatin Evropian të vitit 2028.
Franco Foda ka marrë drejtimin e ekipit kombëtar me 17.02.2024 dhe që nga ajo periudhë ka udhëhequr kombëtarën tonë në 17 ndeshje deri tani, duke arritur: 11 fitore, 2 barazime (përfshirë atë me Rumaninë 0:0) dhe ka pësuar 4 humbje”, thuhet në njoftim./EO

Continue Reading

Sport

​Presidenti i FIBA Evropës arrin në Kosovë

Published

on

By

Presidenti i FIBA Evropës, Jorge Garbajosa, Drejtori Ekzekutiv i FIBA Evropës, Kamil Novak, si dhe drejtuesit e FBK-së, Kryetari Arben Fetahu, Sekretarja e Përgjithshme, Elvira Dushku janë pritur nga ministri i Kulturës, Rinisë dhe Sportit (MKRS), Hajrulla Çeku, zëvendësministrja Daulina Osmani, Sekretari i Përgjithshëm Bislim Bislimi dhe Fidan Shatri, Kryeshef i Agjencisë së Sportit të Kosovës.

Gjatë takimit është biseduar për bashkëpunimin e ngushtë që ka MKRS dhe Federata e Basketbollit e Kosovës, ku Ministria e Sportit gjithmonë ka qenë përkrahëse e zhvillimit të basketbollit në vendin tonë.

Me theks të veçantë është biseduar për organizimin e Lojërave Mesdhetare në vitin 2030, që për herë të parë do të mbahen në vendin tonë. MKRS do të investojë në pjesën e infrastrukturës sportive që pritet të ndërtohet, e që është thelbësore për mbajtjen dhe zhvillimin e Lojërave Mesdhetare.

Garbajosa ka falënderuar ministrin Çeku për mbështetjen që jep për basketbollin e Kosovës, pasi është shumë e rëndësishme që FBK të ketë përkrahje institucionale për organizimin e garave vendore dhe ndërkombëtare.

Edhe drejtuesit e FBK-së kanë konfirmuar bashkëpunimin e thellë që kanë me MKRS, duke i falënderuar për përkrahjen e madhe që e jep për basketbollin e Kosovës.

Kujtojmë se kjo është hera e dytë që Jorge Garbajosa viziton Kosovën. Hera e parë ishte në dhjetor të vitit të kaluar.

Garbajosa është zgjidhur President i FIBA Evropës në maj të vitit 2023, ku Kryetari i FBK-së, Arben Fetahu është zgjidhur anëtar i Bordit të FIBA Evropës.

Ish-qendra spanjolle po qëndron në vendin tonë për takimin e Komisionit të të Rinjve të FIBA Evropës (FIBA Europe Youth Commission), që për herë të parë po mbahet në Kosovë, derisa Fetahu është nënkryetar i këtij Komisioni./KP

Continue Reading

Të kërkuara