

Lajmet
Çfarë shkakton mungesa e vitaminës D?
Si mund ta kuptojmë nëse vuajmë nga mungesa e vitaminës D?
Published
2 years agoon
By
Betim GashiMë poshtë keni tetë shenja që mund të tregojnë se është mirë të kontrolloheni, shkruan macrolibrarsi.it.
1. Shpesh sëmureni ose vuani nga infeksione të shpeshta
Një nga rolet kryesore të vitaminës D është të ndihmojë sistemin imunitar të qëndrojë i fortë dhe i përgjegjshëm, në mënyrë që të kryejë rolin e tij në mënyrën më të mirë të mundshme dhe të na ndihmojë të qëndrojmë të shëndetshëm për një afat të gjatë.
2. Jeni shpesh të lodhur
Një nga shkaqet e lodhjes mund të jetë niveli shumë i ulët i vitaminës D. Sipas disa hulumtimeve, kjo gjendje përveç lodhjes shkakton edhe përkeqësim të cilësisë së jetës, sepse kontribuon në rritjen e lodhjes kronike dhe favorizimin e shfaqjes së dhimbje koke.
3. Vuani nga dhimbjet e kockave dhe osteoporoza
Në një studim me 150 njerëz që vuanin nga dhimbje kockash, u zbulua se mbi 90% e tyre kishin nivele të ulëta ose të mangëta të vitaminës D.
4. Vuani nga gjendjet depresive
Depresioni ka aq shumë shkaktarë, saqë është e vështirë të identifikosh një shkak. Megjithatë, nuk ka dyshim se mungesa e ekspozimit ndaj diellit dhe rrjedhimisht asimilimi i vitaminës D nuk kontribuojnë në disponimin tonë.
5. Jeni në rrezik të sëmundjeve kardiovaskulare
Sëmundjet kardiovaskulare janë në rritje, falë jetës së parregullt që ne priremi të bëjmë në ditët e sotme. Sipas disa studimeve, mungesa e vitaminës D gjithashtu kontribuon në rritjen e problemeve që mund të prekin zemrën.
6. Ju vuani nga psoriasis
Psoriaza nuk shkaktohet drejtpërdrejt nga mungesa e vitaminës D, por sipas studimeve të kryera në klinikën Mayo, ata me mungesë e kanë më të vështirë të lehtësojnë këtë skuqje me luspa që shfaqet në lëkurën e kokës dhe në pjesë të tjera të trupit.
7. Keni dobësi të muskujve
Sipas një studimi, jo vetëm që mungesa e vitaminës D shkakton dobësi të muskujve, por është edhe baza e dhimbjeve kronike.
8. Ju vuani nga hipertensioni
Çfarë lidhje ka tensioni i lartë i gjakut me mungesën e vitaminës D? Sipas një studimi të Universitetit të Harvardit, njerëzit që vuajnë prej tij janë më të prirur për të zhvilluar lloje të ndryshme të çrregullimeve shëndetësore, duke përfshirë hipertensionin./ atsh
Lajmet
Eva Longoria pozon pranë yllit në Hollywood Walk of Fame, para premierës së filmit të ri
Published
3 hours agoon
March 29, 2025
Eva Longoria, 50 vjeçe, shkëlqeu teksa pozoi pranë yllit të saj në Hollywood Walk of Fame të mërkurën, pak para premierës së filmit të saj të ri “Alexander And The Terrible, Horrible, No Good, Very Bad Road Trip”, që transmetohet në Disney+ të premten.
Aktorja e “Desperate Housewives” u shfaq elegante me një fustan jeshil ulliri pa rripa, të kombinuar me taka të bardha.
Dukej natyrale me flokët e lëshuar me onde dhe një grim të butë kafe, shkruan DailyMail.
Më pas, Eva mori pjesë në premierën e filmit në Teatrin El Capitan, duke festuar komedinë e saj të re familjare.
Një ditë më parë, ajo u takua me shoqen e saj Lauren Sanchez, e cila pritet të martohet me miliarderin Jeff Bezos këtë verë.
Gjatë një interviste promovuese, Eva ndau kujtime nga fëmijëria e saj në një fermë në Teksas dhe rrëfeu se, si më e vogla e katër motrave, shpesh e konsideronte veten “rosën e shëmtuar”, ndaj vendosi të shquhej për humorin dhe zgjuarsinë e saj.
Në filmin e ri, Longoria luan Val Garcian, një nënë që niset në një udhëtim të çmendur familjar në Kaliforni, duke sjellë në ekran një histori të ngrohtë dhe plot aventura.
Lajmet
Presidenca kundërshton propozimin për shtrenjtim të rrymës
Published
20 hours agoon
March 28, 2025By
UBTNews
Presidenca e Kosovës ka kundërshtuar propozimin për rritjen e çmimit të energjisë elektrike.
Në komentin dërguar Zyrës së Rregullatorit të Energjisë në kuadër të procesit të shqyrtimit të tarifave, Presidenca ka propozuar disa rekomandime për të parandaluar shtrenjtimin e energjisë elektrike.
Propozimi i ZRRE-së ka qenë që rryma të shtrenjtohet për 15 për qind nga prilli.
Megjithatë, sipas komentit të Presidencës, një shtrenjtim i tillë do të sillte barrë të madhe për qytetarët. Presidenca ka thënë se “ky veprim do të mund të shkaktonte valë të re inflacioni në vend dhe të ndikonte drejtpërdrejt në rënien e fuqisë blerëse të qytetarëve”.
“Rritja e çmimit të energjisë ka një efekt të drejtpërdrejtë dhe shumë të rëndësishëm në ekonominë e një vendi. Çmimi i energjisë është i lidhur ngushtë me inflacionin, si dhe me koston e jetesës. Prandaj, shprehim shqetësimin tonë për faktin se një rritje e tillë e çmimit të energjisë do të kishte një ndikim të drejtpërdrejtë në jetën e përditshme të qytetarëve, duke rritur barrën e tyre financiare. Kjo do të përfshinte edhe rritjen e çmimeve të produkteve ushqimore dhe shërbimeve të tjera thelbësore”, thuhet në komentin e dërguar nga Presidenca.
Në komente, Presidenca ka propozuar që si masa të menjëhershme të jenë: Mirëmenaxhimi i shpenzimeve dhe humbjeve, subvencionimi i energjisë, identifikimi i masave shtesë për obligimin e pagesës së faturave mujore në veri, largimi i ose reduktimi i përkohshëm i TVSH-së për energjinë elektrike, dizajnimi dhe prezantimi i programit të shtyrjes së pagesave.
Si masa më afatmesme Presidenca ka rekomanduar: Menaxhimin efikas të KEK-ut dhe planifikimin e burimeve energjetike, rritje të efikasitetit të furnizimit me energji dhe vazhdim të programeve të efiçiencës.
Si masa afatgjata, Presidenca ka rekomanduar: Ndërtimin e kapaciteteve të reja gjeneruese të energjisë elektrike në vend dhe marrëveshje për tregtinë ndërkufitare me shtete aleate.
Pos Presidencës, në ditën e fundit të mundësisë për komentim, këtë e kanë bërë edhe INDEP-i, KEDS-i, KOSTT-i dhe KESCO.
Lajmet
Agjencisë së Menaxhimit Emergjent i shtohen edhe 51 zjarrfikës
Published
21 hours agoon
March 28, 2025By
UBTNews
Në Akademinë e Kosovës për Siguri Publike – Agjencia e Menaxhimit Emergjent u organizua sot ceremonia e përfundimit të trajnimit bazik për 51 zjarrfikës të rinj.
Trajnimi kishte për qëllim përgatitjen profesionale të pjesëtarëve të Njësive Profesionale të Zjarrfikjes dhe Shpëtimit, në mënyrë që ata të jenë të gatshëm të përballen me sfidat e këtij profesioni dhe të kontribuojnë në strukturat profesionale të zjarrfikjes dhe shpëtimit.
Gjatë trajnimit, pjesëtarët e zjarrfikjes dhe shpëtimit u njohën me teknikat e avancuara të shuarjes së zjarreve, procedurat operative dhe përdorimin e pajisjeve të specializuara.
Përveç aftësive teknike, ata mësuan rëndësinë e disiplinës, bashkëpunimit në ekip dhe elementeve kyçe për suksesin e një zjarrfikësi shpëtues.
Drejtori Ekzekutiv i AME-së, Genc Metaj, vlerësoi punën dhe përkushtimin e zjarrfikësve të rinj, të cilët tashmë janë të gatshëm të shërbejnë me përgjegjësi dhe guxim në mbrojtje të jetës dhe pronës së qytetarëve.
Ai theksoi se ky është një hap i rëndësishëm në ndërtimin e kapaciteteve të shërbimit zjarrfikës në vendin tonë.
Bota
Macron: Izraeli nuk ka asnjë arsye që të sulmojë Libanin
Published
21 hours agoon
March 28, 2025By
UBT NEWS
Presidenti i Francës, Emanuel Macron, ka deklaruar se sulmet izraelite në Liban janë të “papranueshme” dhe kanë shkelur marrëveshjen e armëpushimit mes dy shteteve. Ai ka theksuar se nuk ka asnjë arsye që Izraeli të vazhdojë sulmet dhe ka kërkuar respektimin e plotë të marrëveshjes së armëpushimit.
Macron e ka kritikuar ashpër veprimin izraelit, duke theksuar se nuk ka asnjë informacion që të mbështesë pretendimet se Hezbollah ka realizuar ndonjë aktivitet ushtarak në jug të Libanit. “Ne nuk kemi asnjë informacion që tregon ndonjë bombardim apo aktivitet ushtarak nga Hezbollah në jug. Është absolutisht e nevojshme të respektohet plotësisht kuadri armëpushimi që kemi vendosur, për të cilin ranë dakord Libani dhe Izraeli. Kjo nuk u respektua sot nga Izraeli me një veprim të njëanshëm dhe pa pasur asnjë informacion apo provë për ngjarjet që shkaktuan sulmet izraelite,” tha Macron.
Në një përpjekje për të de-eskaluar situatën, Macron ka paralajmëruar se do të diskutojë me presidentin amerikan, Donald Trump, dhe kryeministrin izraelit, Benjamin Netanyahu, me synimin për të gjetur një zgjidhje të mundshme dhe për të siguruar një respektim të plotë të armëpushimit.

Divorci i prindërve, flet vajza e “Mr. Bean”: Ditët më të errëta

Microsoft prezantoi ekranin Xbox-PC

Kundër shëndoshjes së fytyrës! Çfarë duhet të bëni?

Eva Longoria pozon pranë yllit në Hollywood Walk of Fame, para premierës së filmit të ri

Si të ruani funksionet mendore gjatë moshës së shtyrë?

Dani Alves shpallet i pafajshëm

Katër ushtrimet që duhet t’i bëni çdo mëngjes

Fundjavë me shi, ja parashikimi i motit për sot

Presidenca kundërshton propozimin për shtrenjtim të rrymës
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota2 months ago
Trump zbulon listën e zezë të Shtëpisë së Bardhë