Lille, ia ka vendosur çmimin Edon Zhegrovës. Sipas mediave italiane, ata që janë të interesuar për Zhegrovëm duhet t’i japin 40 milionë euro.

Ditë më parë, 25 vjeçari ka konfirmuar se nuk do ta vazhdojë kontratën e klubin aktual, duke i rritur gjasat për të ndërruar ambient gjatë verës.

Për shërbimet e anësorit “Dardan”, interesim të madh ka shprehur edhe ekipi italian Napoli, por që transferi dështoi në janar.

Edon Zhegrova së fundmi u kthye nga një lëndim.

Ai i ka zhvilluar 21 ndeshje në të gjitha garat me Lillen duke i shënuar 8 gola, ndërsa i ka bërë edhe 2 asistime. Kontrata e tij me Lille-in skadon pas një viti.

Pas fitores bindëse ndaj Maqedonisë së Veriut (4:0), Dardanet janë të motivuara për të vazhduar me rezultate pozitive dhe për një paraqitje tjetër të të njëjtit nivel. Gjatë seancës së sotme, ekipi ka punuar në përmirësimin e disa aspekteve taktike, me fokus në eliminimin e gabimeve të evidentuara në ndeshjen e kaluar.

Përzgjedhësi Sami Sermaxhaj u shpreh optimist për paraqitjen e ekipit, duke theksuar se skuadra ka bërë përgatitjet e duhura për këtë sfidë, por se tha se rezultati është i paparashikueshëm, andaj edhe do të hyjnë në lojë me seriozitetin më të madh.

Futbollistet e Kosovës po ashtu shprehën besimin e tyre për këtë përballje, duke nënvizuar se e kanë analizuar mirë kundërshtarin dhe se me mbështetjen e tifozëve dardanë besojnë të realizojnë fitoren e radhës.

Kosova renditet e para në Grupin 6, me 3 pikë dhe synon të vazhdojë ecurinë pozitive në këtë kompeticion, me qëllim të realizimit të objektivit për rikthim në Ligën B.

Arbitri Mervan Bejtullahu të hënën gjatë një postimi në rrjetet sociale i ka kërkuar falje skuadrës së Gjilanit për mos akordimin e dy penalltive në ndeshjen ndaj Dukagjinit. 

Gjilani barazoi pa gola në udhëtim me Dukagjinin në ndeshjen që i takoi javës së 21-të të Superligës së Kosovës në futboll.

Gjatë ndeshjes ishin dy raste të kontestueshme për penallti në minutën e 15-të dhe krejt në fund të ndeshjes. Por, Bejtullahu gjatë postimit ka theksuar se nuk është ftuar nga VAR-i për rishikim të rasteve.

Ai e pranoi se nëse ishte ftuar nga VAR-i ai do t’i akordonte dy penalltitë.

“Analiza e thellë e videos nga ndeshja Dukagjini – Gjilani, , ku unë isha arbitri kryesor, kam zbuluar dy gabime të rënda. Në minutën e 15-të dhe në minutat shtesë, kam neglizhuar dy penallti të qarta dhe të padiskutueshme në favor të Gjilanit. Pavarësisht pamjeve të qarta dhe teknologjisë VAR, nuk jam thirrur për rishikim në asnjë prej këtyre rasteve. Jam plotësisht i bindur se, nëse do të më ishte dhënë mundësia të rishikoja pamjet, do të kisha akorduar të dyja penalltitë. Kërkoj ndjesë të sinqertë ndaj klubit të Gjilanit, tifozëve-SKIFTERAVE dhe gjithë qytetit për këto gabime të paqëllimshme”, ka shkruar Bejtullahu.

Sulmuesi Vedat Muriqi të hënën do ta luajë ndeshjen e 100-të në La Liga me fanellën e Mallorcas. Mallorca nga ora 21:00 luan në stadiumin “Ramon Sanchez Pizjuan” ndaj Sevillas, në kuadër të xhiros së 25-të të kampionatit spanjoll.

Muriqi në edicionin aktual ka pasur formë të luhatshme me skuadrën spanjolle, por së fundmi e ka gjetur ritmin e duhur. Ai ka realizuar tri gola në dy ndeshjet e fundit, ndërsa gjashtë i ka në total në 19 ndeshje të zhvilluara në elitën spanjolle. Lojtari kryesor i Kosovës ka kontribuuar edhe me dy asistime.

Sulmuesi shtatlartë është titullar i padiskutueshëm te Mallorca dhe shumë i dashur nga tifozët e skuadrës për përkushtimin dhe ndihmën e madhe që jep në fazën e mbrojtjes. “Pirati” ka prezencë të dukshme edhe në fazën sulmuese. 30-vjeçari iu bashkua Mallorcas në fillim të vitit 2022.

Që nga ajo kohë ai është bërë prej sulmuesve me më së shumti gola në elitën spanjolle për Mallorcan. Vetëm Samuel Eto’o, Juan Arango dhe Victor Casadesus kanë më shumë gola se Muriqi në elitë. Sulmuesi i Kosovës ka shënuar 33 gola në 99 paraqitje kampionale për Mallorcan. Është shumë afër që ta kalojë në renditje Casadesusin, i cili kishte realizuar 37 gola. Kamerunasi Eto’o i prin listës me 54 gola, ndërsa venezuelasi Arango i ka 46 gola.

Nëse merren për bazë statistikat e tjera, Muriqi është vetëm prapa Eto’os. Eto’o, 54 gola i realizoi në 133 ndeshje, Arango 46 gola i pati në 183 ndeshje, ndërsa 37 gola Casadesus i shënoi për 197 ballafaqime. Muriqi në gjysmën e dytë të edicionit 2021/22 i kishte pesë gola ndërsa e bëri diferencën falë lojës së fortë në ajër.

Ai kishte arritur në ishull nga skuadra e Lazios në formë huazimi, ndërsa transferimi ishte kompletuar në verën e vitit 2022. Mallorca i shpenzoi mbi 9 milionë euro për sulmuesin kosovar, duke e bërë blerjen më të shtrenjtë në histori të klubit. Edicionin 2022/23 e pati më të mirin kur i shënoi 15 gola.

Në edicionin e kaluar i pati shtatë gola. Muriqi me Mallorcan ishte afër që të fitonte trofe, por u mposht në finale në edicionin e kaluar të Kupës së Mbretit.

Synim i tij dhe skuadrës është që ta përfundojnë kampionatin në njërin prej vendeve që dërgojnë në kupat evropiane.

Mallorca pas 24 ndeshjeve të luajtura ka grumbulluar 34 pikë.

“Jam i vetëdijshëm se pesëshja e parë në tabelë është tregim tjetër. Por nga pozita e gjashtë deri në pozitën e 14-të, nuk ka diferencë të madhe të pikëve. Ajo që duhet të bëjmë ne është t’i përsërisim gjërat që i bëmë në dy ndeshjet e fundit. Për të qëndruar sipër në tabelë duhet të punojmë fort, për të qenë të gatshëm për ndeshjet si ajo e së hënës”, ka deklaruar të dielën në konferencën për shtyp trajneri Jagoba Arrasate.

Muriqi kishte oferta në verë, por vendosi të vazhdojë me Mallorcan.