Lajmet

​BE me marrëveshje për ndalimin e shitjeve të automjeteve me lëndë djegëse fosile

Marrëveshja është pjesë e përpjekjeve të BE-së drejt lëvizshmërisë me emetim zero.

Published

3 years ago

on

Asnjë automjet i ri me motor me djegie nuk do të shitet në Bashkimin Evropian duke nisur nga viti 2035, pasi negociatorët në Parlamentin Evropian dhe 27 vendet anëtare të BE-së arritën një marrëveshje, njoftoi presidenca çeke e BE-së. Marrëveshja është pjesë e përpjekjeve të BE-së drejt lëvizshmërisë me emetim zero, që mund t’i japë fund përdorimit të makinave dhe furgonëve me motor me djegie në bllok. Vendimi do të rishikohet sërish në vitin 2026.

Ndalimi i shitjeve të automjeteve të reja me motorë me djegie është pjesë e paketës së BE-së për ndryshimet klimatike të quajtur Fit for 55, që synon të reduktojë emetimet që dëmtojnë klimën me 55% deri në vitin 2030, krahasuar me nivelet e vitit 1990, dhe të arrijë neutralitetin klimatik deri në vitin 2050. Çështja nëse shitja e makinave të reja me djegie duhet të ndalohet nga viti 2035 ka qenë objekt i mosmarrëveshjeve të zgjatura brenda qeverisë gjermane.

Sipas marrëveshjes, BE-ja mbeshtet vendimin për të mos lejuar shitjen e makinave të reja me motorë me djegie të brendshme në bllok nga viti 2035 e tutje. “Kjo marrëveshje do të hapë rrugën për industrinë moderne dhe konkurruese të automobilave në BE. Bota po ndryshon dhe ne duhet të qëndrojmë në krye të inovacionit”, tha në një deklaratë të BE, ministri çek i Industrisë dhe Tregtisë, Jozef Síkela.

Ndalimi de-facto ishte një çështje veçanërisht e delikate për Berlinin, për shkak të industrisë së madhe të makinave në Gjermani, ku një nga partitë në koalicionin e qeverisë së saj trepalëshe, Demokratët e Lirë liberalë (FDP) kishte kundërshtuar planin e BE-së. Ministrat e Mjedisit të BE-së ranë dakord që të gjitha makinat e reja të shitura në Bashkimin Evropian duhet të jenë neutrale ndaj karbonit që nga viti 2035.

Qëllimi ishte të lihej një derë e hapur për të shitur potencialisht automjete të reja me motor me djegie që funksionojnë me lëndë djegëse sintetike neutrale ndaj CO2 edhe pas vitit 2035. Kjo mund të zbatohet gjithashtu për makinat e pasagjerëve dhe automjetet e lehta komerciale. Vendet anëtare të BE-së tani duhet ta miratojnë rregulloren në ligjin kombëtar.

Aktualisht nuk ka plane për ndalimin e automjeteve me motor me djegie. Një ndalim i shitjeve është krijuar për t’i bërë automjetet me benzinë dhe naftë më të rralla dhe për t’u zëvendësuar me automjete elektrike./atsh

Related Topics:
Continue Reading

Vendi

Pjesëmarrja në zgjedhjet lokale në Kosovë deri në orën 15:00 arrin në 25.30 për qind

Published

29 minutes ago

on

October 12, 2025

By

Zgjedhjet lokale që po mbahen sot në gjithë territorin e Kosovës po zhvillohen me një pjesëmarrje mesatare prej 25.30% deri në orën 15:00, sipas të dhënave të Komisionit Qendror të Zgjedhjeve (KQZ).

Sipas raportimeve zyrtare, nga gjithsej 2,025,105 qytetarë të regjistruar në listën e votuesve, deri në këtë orë kanë votuar 512,331 qytetarë. Deri tani janë përpunuar 94.32% të vendvotimeve, respektivisht 2,425 nga 2,571 gjithsej.

Komunat me pjesëmarrjen më të lartë janë:

  • Mamushë me 54.60%,
  • Zveçan me 49.69%,
  • Zubin Potok me 49.61%,
  • Ranillug me 48.38%,
  • Novobërdë me 44.04%.

Komunat me pjesëmarrjen më të ulët deri në orën 15:00 janë:

  • Rahovec me 18.05%,
  • Skënderaj me 18.95%,
  • Prizren me 19.17%,
  • Dragash me 19.64%,
  • Gjakovë me 20.75%.

Në kryeqytet, Prishtina ka regjistruar një pjesëmarrje prej 29.52%, ndërsa në qytetet e mëdha si Ferizaj (23.18%), Pejë (22.37%), Gjakovë (20.75%) dhe Prizren (19.17%), pjesëmarrja mbetet nën mesataren kombëtare.

KQZ thekson se këto të dhëna përfshijnë vetëm votimet në vendvotimet e rregullta, duke mos përfshirë votimet me kusht, votimin e personave me nevoja të veçanta dhe votimin me postë.

Continue Reading

Vendi

Deri në orën 13:00 votuan 16.53 për qind e qytetarëve

Published

1 hour ago

on

October 12, 2025

By

Deri në këto momente në Kosovë kanë votuar 334 mijë 677 qytetarë, më saktë 16.53 për qind prej 2,025,105 sa është numri total i votuesve në të gjithë Kosovën.

Sipas Komisioni Qendror Zgjedhor, në qytetet ku ka pasur më shumë fluks të qytetarëve që kanë dal për të votuar prin kryeqyteti me 40,190 votues deri në këto orë.

Me Prizrenin, të dytin me 20,799 votues deri më tani.

Poashtu, fluks i madh i votuesve është edhe në Ferizaj, atje ku deri më tani kanë votuar 19,235.

Në Gjilan deri më tash kanë votuar 17,128, në Pejë 17,830 votues, në Podujevë 14,625 votues, Mitrovicë e Jugut 14,379 votues, dhe Fushë Kosovë 9,254 votues.

Në Zveçan nga 6,872 votues, deri në këtë orë kanë votuar 2,623 prej tyre. Në Zubin Potok kanë votuar 2,406 nga gjithsej 6,486.

Continue Reading

Lajmet

Përfundon seanca fillestare për caktimin e paraburgimit ndaj Fatmir Shehollit

Published

2 days ago

on

October 10, 2025

By

Përfundon seanca fillestare për caktimin e paraburgimit ndaj Fatmir Shehollit

Sot u mbajt seanca fillestare në Gjykatën Themelore në Prishtinë ndaj Fatmir Shehollit, ku pritet të caktohet masa e paraburgimit.

Sheholli u arrestua më 9 tetor 2025 nga Policia e Kosovës në bashkëpunim të ngushtë me AKI-në dhe prokurorinë nën dyshimet se ishte i përfshirë në spiunazh.

Gjykata Themelore në Prishtinë do të lëshojë vendimin.

Sheholli është arrestuar në rajonin e Prishtinës nga hetuesit policorë të Drejtorisë për hetimin e krimit të organizuar dhe krimeve të rënda në Policinë e Kosovës. Ai fillimisht u ndalua për 48 orë dhe autoritetet kryen bastisje në vendbanimin e tij “me qëllim të sigurimit të provave të tjera materiale”.

Për arrestimin e Shehollit shkroi të enjten ministri në detyrë i Brendshëm, Xhelal Sveçla.

“Pres trajtim institucional me seriozitet të lartë të këtij rasti, i cili përbën një nga aktet më të rënda ndaj sigurisë dhe rendit kushtetues të Republikës së Kosovës”, tha ai.

Fatmir Sheholli, zyrtarisht përfaqësues i shoqërisë civile nga Instituti për Avancimin e Marrëdhënieve Ndëretnike, është përfolur në media për lidhje me Serbinë. Në vitet ’90, gjatë regjimit të Sllobodan Millosheviqit, ai ka punuar në Sigurimin Shtetëror të Serbisë (UDB)./D.B/KP

Continue Reading

Lajmet

Pas konstituimit të Kuvendit, pritet formimi i Qeverisë së re

Published

2 days ago

on

October 10, 2025

By

Pas tetë muajsh bllokadë institucionale, Kuvendi i Kosovës u konstituua më 10 tetor, duke i hapur rrugë fazës së radhës, formimit të Qeverisë së re.

Presidentja e Kosovës, Vjosa Osmani pritet të mandatojë koalicionin fitues të udhëhequr nga Lëvizja Vetëvendosje, bashkë me Lëvizjen Guxo dhe Alternativën, për krijimin e kabinetit qeveritar. Sipas Kushtetutës, kandidati për kryeministër ka 15 ditë kohë për të paraqitur përbërjen e Qeverisë dhe për të kërkuar miratimin në Kuvend.

Megjithatë, Vetëvendosje, me 48 ulëse në Kuvendin prej 120 deputetësh, nuk e ka shumicën e nevojshme për të qeverisur pa partner koalicioni. Nënkryetarja e Kuvendit të Kosovës, Albulena Haxhiu tha se partia është e hapur për bashkëpunim me subjektet e tjera, përveç Listës Serbe.

Nëse brenda afateve ligjore nuk arrihet të formohet Qeveria, Presidentja Osmani ka detyrimin të ftojë partitë për konsultime. Në rast se dështon edhe përpjekja e dytë, vendi shkon në zgjedhje të reja brenda 40 ditësh.

Konstituimi i Kuvendit ndodh vetëm dy ditë para zgjedhjeve lokale të 12 tetorit./D.B/UBTNews

Continue Reading

Të kërkuara