Lajmet

​Austria i dhuron ShSKUK-së pajisje mjekësore e material shpenzues

Latifi falënderoi shtetin austriak për këtë donacion.

Published

3 years ago

on

Ambasada e Austrisë në Prishtinë i ka dhuruar Shërbimit Spitalor Klinik Universitar të Kosovës donacion me pajisje mjekësore dhe material shpenzues.

Ambasadori Botschafter Christoph Weidinger tha se pajisjet janë dhuruar nga spitali i Landit Shtajrmark me iniciativë të Shoqatës miqësore austriako-kosovare. Ai foli edhe për mbështetjen e shtetit të tij për Kosovën në mbrojtje nga pandemia COVID-19.

“Kemi mundësinë që t’i dorëzojmë ministrit Latifi donacionin me pajisje medicinale, të cilat janë dhuruar nga spitali i Landit Shtajermark e cila është bartëse e spitaleve publike të këtij landi… Donacioni është një iniciativë e Shoqatës miqësore austriako-kosovare në bashkëpunim me autoritetet austriake dhe KFOR-in austriak bëhet fjalë për pajisje medicinale, ndër to janë edhe shtretërit për trajtim intensiv, defibrilatorë, monitorë për mbikëqyrjen e gjendjes së pacientëve etj., që të arrijnë sigurt në Kosovë. Këtë e ka mundësuar Armata austriake me mbështetjen e kontingjentit austriak të KFOR-it”, tha ai.

Arbër Marku, sekretar i Shoqatës së miqësisë austriako-kosovare uroi që ky projekt të jetë vetëm fillimi i shumë projekteve në interes të popullit të Kosovës.

“Shoqëria jonë e miqësisë, të cilën e themelova së bashku me eurodeputetin austriak Lukas Mandl dhe Magister Fehlinger, të cilët tani e drejtojnë së bashku me sipërmarrësin austriak Manfred Brandner, mund vetëm të ndërmjetësojë dhe të koordinojë. Duhen njerëz me vullnet të mirë dhe institucione të forta që një projekt i tillë të realizohet realisht….qoftë ky projekt vetëm fillimi i shumë projekteve të përbashkëta në interes të popullit të Kosovës dhe në frymën e miqësisë sonë së përbashkët”, tha ai.

Ndërsa, ministri i Shëndetësisë, Rifat Latifi falënderoi shtetin austriak për këtë donacion.

“Truri që e ka lëshuar Kosovën, por edhe ka lëshuar tokat shqiptare kudo që janë, mund të bëhen pjesë e zhvillimit tonë në mënyra të ndryshme… Përparimi akademik, shkollor, përparimi në bizneset e fuqishme dhe në Austri dhe kudo që botë e bën të mundshme të krijohet miqësi edhe përparimet politike në shumë shtete që ne po i shohim sot e mundësojnë edhe më shumë këtë miqësinë tonë globale me njerëzit. Falënderoj dhe siguroj të gjithë ata që e kanë bërë të mundshme këtë e që ato pengesat burokratike nëse ka pasur përpara, nuk ka më pas më”, tha ai.

Drejtori i Shërbimit Spitalor Klinik Universitar të Kosovës, Valbon Krasniqi u shpreh se donacioni i sotëm përmirëson shërbimet mjekësore për pacientët kosovarë dhe se pajisjet do të shfrytëzon në mënyrë racionale.

“Ndihem i privilegjuar që pranoj një donacion me pajisje mjekësore dhe material shpenzues që shkon direkt në përmirësimin e shërbimeve për pacientët kosovarë, jam shumë i sigurt se sikurse nuk është takimi jonë i parë dhe donacioni i parë që populli i Austrisë bëri për popullin e Kosovës, sepse në këtë kohë sidomos kemi pasur shumë takime dhe donacione nga shteti juaj dhe jam i bindur se nuk do të jetë as donacioni i fundit për popullin dhe pacientët kosovarë”, tha Krasniqi.

Në ceremoninë e dhurimit të donacionit ishin të pranishëm edhe pjesëtarë të kontingjentit austriak të KFOR-it.

Related Topics:
Continue Reading

Lajmet

Sveçla: Aksioni në Kaçanik po vazhdon, ka arrestime të reja

Published

15 hours ago

on

April 25, 2025

By

Ministri në detyrë i Punëve të Brendshme, Xhelal Sveçla deklaroi se ka arrestime të reja që lidhen me vrasjen e rreshterit, Muhamed Lika.

Ai theksoi se operacioni i Policisë së Kosovës në Kaçanik po vazhdon dhe numri i të arrestuarve nuk dihet.

“Tashmë është publike që ka arrestime të reja. Numri përfundimtar ende nuk dihet, për shkak se aksioni është duke vazhduar. Gjitha institucionet ligj-zbatuese janë të vendosura që të luftohet çfarëdo lloj ekstremizmi apo dhune, e cila dëmton institucionet dhe pjesëtarët e saj por po ashtu vetë popullin e saj”, ka thënë Sveçla.

Ai tha se Inspektorati Policor i Kosovës është duke zhvilluar hetime, derisa u pyet se personat e arrestuar kanë qenë në liri ani pse me vepra penale.

“Inspektorati Policor i Kosovës është duke zhvilluar hetime sa i përket kësaj informate, kur t’i kemi të dalurat nga këto hetime pastaj do të marrim masat e nevojshme”, shtoi ai.

Sot, në orët e hershme të mëngjesit, Policia e Kosovës me njësitë e saja relevante ka filluar një operacion policor, në komunën e Kaçanikut.

Ky informacion është konfirmuar për KosovaPress nga zëdhënësi i Policisë së Kosovës, Baki Kelani.

“Edhe në këtë rast pas përfundimit të operacionit policor, i cili po realizohet në bashkëpunim dhe koordinim me organet e drejtësisë, do të bëhen publike informacione shtesë”, tha Kelani.

Më 1 prill, Muhamed Lika ishte gjetur i plagosur rëndë në hyrje të ndërtesës së tij, në rrugën ‘Idriz Seferi’, në Kaçanik rreth orës 23:00. Ai u transportua në Qendrën e Mjekësisë në Kaçanik, por nuk arriti t’u mbijetojë plagëve.

Continue Reading

Lajmet

KEK-u njofton se ka përfunduar me sukses riparimin e njësisë B1: Gjendja është stabile

Published

15 hours ago

on

April 25, 2025

By

Korporata Energjetike e Kosovës tha se kanë përfunduar me sukses punimet për remontin e njësisë B1, të cilat kanë nisur më 23 mars dhe tha se kanë përfunduar përpara afatit të parashikuar.

“Korporata Energjetike e Kosovës njofton opinionin se, falë angazhimit të jashtëzakonshëm të stafit të TCB, punëtorëve, inxhinierëve dhe menaxhmentit, kemi përfunduar me sukses të gjitha punimet e planifikuara për remontin e njësisë B1, i cili kishte nisur më dt: 23.03.2025 dhe ka përfunduar përpara afatit të parashikuar”, njoftoi KEK.

Ai tha se gjatë kësaj periudhe, janë realizuar riparime dhe përmirësime të ndryshme, duke përfshirë ndërrimin e pjesëve të dëmtuara, rinovimin e sistemeve të ndryshme dhe realizimin e procedurave të domosdoshme për stabilitetin dhe efikasitetin e njësisë.

“Falë përgatitjes dhe kontrollit të kujdesshëm, si dhe angazhimit të palodhshëm të ekipit të ekspertëve të TC-B-së, njësia B1 është sinkronizuar me rrjetin elektrik në orën 22:32 të dt: 24.04.2025 dhe aktualisht gjendja e saj është stabile. Kjo arritje është një dëshmi e punës së shkëlqyer të të gjithë të përfshirëve dhe vlerësimit të lartë të performancës gjatë periudhës së remontit”, tha KEK.

Continue Reading

Lajmet

Vazhdojnë regjistrimet në UBT International Smart Schools – Shkollat më inovative të mesme në vend

Published

16 hours ago

on

April 25, 2025

By

Në UBT International Smart Schools po vazhdojnë regjistrimet për vitin e ri shkollor, në institucionin që tashmë njihet si një ndër platformat më të avancuara arsimore në Kosovë dhe rajon. Këto shkolla të mesme ofrojnë një model të veçantë të arsimit, duke kombinuar pjesën teorike me atë praktike, teknologjinë me kreativitetin, dhe edukimin me zhvillimin e lidershipit.

UBT International Smart Schools janë të parat në Kosovë dhe rajon që kanë zbatuar edukimin 4.0 – një model që përfshin përdorimin e teknologjive të avancuara, si dhe metodave moderne të mësimdhënies. Kjo qasje inovative mundëson që nxënësit të përgatiten për sfidat reale të së ardhmes dhe të dalin në tregun e punës apo arsimit të lartë me njohuri të thelluara dhe përvoja konkrete.

Përmes kurrikulave të harmonizuara me ato evropiane dhe amerikane, nxënësit zhvillojnë aftësi të avancuara akademike, teknike dhe shoqërore. Mësimi zhvillohet në ambiente moderne, të pajisura me laboratorë, pajisje teknologjike dhe hapësira të dizajnuara për të nxitur të menduarit kritik dhe bashkëpunimin.
Zgjedh programin që i përshtatet pasioneve dhe ambicieve të tua:

•     Gjimnazi TIK – Për të rinjtë që duan të jenë pjesë e botës së teknologjisë dhe inovacionit.
•     Gjimnazi Natyror – Për ata që kanë pasion për shkencat natyrore dhe kërkimin shkencor.
•     Gjimnazi Gjuhësor – Për nxënësit që duan të përparojnë në gjuhë të huaja dhe komunikim ndërkombëtar.
•     Asistent Dentar
•     Bashkëpunëtor Profesional i Infermierisë
•     Teknik i Farmacisë
•     Teknik i Laboratorit Mjekësor
•     Teknik i Optikës – Opticient

Formimi i liderëve të së nesërmes nis në UBT International Smart Schools

UBT International Smart Schools janë shkollat me synimin në zhvillimin e liderëve, inovatorëve dhe profesionistëve të së ardhmes. Me mentorim nga profesorë të kualifikuar, me praktika dhe projekte reale, si dhe me mundësi të shumta për pjesëmarrje në gara, konferenca dhe bashkëpunime ndërkombëtare, këto shkolla ofrojnë më shumë se një arsim – ofrojnë një përvojë jetësore.
Regjistrohu tani dhe bëhu pjesë e një udhëtimi edukativ që formëson të ardhmen tënde!

Për më shumë informata dhe aplikim: https://ubt.school/
046 332 233

Continue Reading

Lajmet

Duda Balje: Nuk ndryshojmë qëndrim për koalicion me Vetëvendosjen

Published

17 hours ago

on

April 25, 2025

By

Deputetja nga radhët e komunitetit boshnjak dhe kryetare e Unionit Socialdemokrat, Duda Balje, ka deklaruar se partia e saj nuk ka ndryshuar qëndrim sa i përket bashkëpunimit me Lëvizjen Vetëvendosje. Deklarata e saj erdhi si përgjigje ndaj deputetit të VV-së, Arbër Rexhaj, i cili kishte përmendur një ofertë për pozitë ministrore ndaj Unionit Socialdemokrat.

“Unë jam mbrapa qëndrimit, të cilin e kemi marrë si parti. Ne nuk e ndryshojmë qëndrimin,” u shpreh Balje.

Ajo gjithashtu reagoi ndaj komenteve të Rexhajt lidhur me deputetët me pak vota, duke rikujtuar se ajo dhe partia e saj kanë mbështetur Vetëvendosjen në të kaluarën.

“Arbër Rexhaj ka pasur një pikëpyetje se çka është duke ndodhur me deputetët që i kanë pasur 500 vota. Unë e kam një përgjigje për Arbërin se ku ishte Arbëri kur ne kemi votuar për qeverisjen lokale të VV-së dhe për kryeministrin Kurti. Unë i them se kjo nuk ka logjikë prej Arbërit,” tha Balje

Continue Reading

Të kërkuara