

Lajmet
Arrestimi i Matteo Messinas tronditi mafian, por “Cosa Nostra” ende e fortë
Të martën ai u dërgua në një burg të sigurisë së lartë.
Published
2 years agoon
By
Betim GashiTë dhënat e shtrira në kohë që dëshmojnë vrasjet që ka kryer Matteo Messina Denaro janë të mjaftueshme për të mbushur një varrezë, duke e shndërruar atë në një nga bosët kryesorë të mafies siçiliane.
Pasi ia doli për 30 vite t’i shmangej kapjes, teksa vazhdonte të drejtonte shumë nga punët e mafies, ai u arrestua të hënën në një klinikë në Palermo, ku po trajtohej me kimioterapi. Të martën ai u dërgua në një burg të sigurisë së lartë, megjithatë kapja e tij nuk pritet të sjellë zhdukjen e Cosa Nostra-s, falë rrënjëve dhe rregullave më shumë se një shekullore të grupit kriminal.
“Çfarë do të ndodhë në detaje, ne nuk mund ta dimë”, tha Prokurori i Përgjithshëm i Palermos, Lia Sava, për radion shtetërore, lidhur me të ardhmen e mafies.
“Por një gjë është e sigurt. Cosa Nostra përbëhet nga rregulla. Ajo është mbështetur në këto rregulla për 150 vjet, ndaj sigurisht që do t’i vërë në lëvizje ato për të riparuar dëmet dhe për të krijuar kështu strukturën e re drejtuese, të nevojshme pas arrestimit”, Sava.
Edhe pse Messina Denaro kishte ndikim të madh tek mafia, për dekada të tëra, Cosa Nostras i mungonte një “udhëheqës suprem”, thanë hetuesit, raporton Zëri i Amerikës.
Figura praktikisht mitike e një “bosi mbi bosat” mori fund në vitin 1993, me arrestimin në Palermo, të Salvatore “Toto” Riina-s, i cili kishte qenë një nga personat më të kërkuar në Itali për 23 vjet.
Sipas dëshmive gjyqësore që çuan në dënimin e tij për shumë vrasje, përfshirë vendosjen e bombave në vitit 1992, ngjarje gjatë të cilave u vranë dy prokurorët kryesorë të antimafias italiane, Toto Riina ishte në krye të atij që njihej si “komisioni” i Cosa Nostra-s, i cili drejtonte biznese të paligjshme dhe kishte hartuar një strategji hakmarrjeje të përgjakshme kundër shtetit, si përgjigje ndaj goditjes që i ishte bërë grupit kriminal.
“Pas Riina-s nuk ka pasur kurrë një bos absolut”, tha kryeprokurori i Romës Francesco Lo Voi, i cili mori detyrën vitin e kaluar, pasi shërbeu si kryeprokuror i Palermos, duke ndihmuar në koordinimin e punës për kapjen e Messina Denaros.
Edhe nëse figura e “bosit mbi bosat” vazhdon të ekzistojë, Messina Denaro nuk do të ishte kualifikuar sepse ai vinte nga Castelvetrano, skaji perëndimor i Siçilisë dhe jo nga Palermo apo fshatrat përreth tij, vuri në dukje zoti Lo Voi, duke cituar rregullat e Cosa Nostra-s.
Megjithatë, Messina Denaro, djali i një bosi krimi, “ishte një nga bosët më të rëndësishëm dhe kishte lidhje me organizata të tjera kriminale në Itali dhe jashtë saj”, tha zoti Lo Voi.
“Kjo është arsyeja pse arrestimi i tij me siguri që përfaqëson një tërmet në këtë moment për Cosa Nostra-n”, tha Lo Voi.
Ajo çka ka rritur figurën e Messina Denaro-s brenda grupit kriminal ishin të dhënat e tij të forta si një shef i klanit e me një ndikim mbi një pjesë të madhe të Sicilisë perëndimore, tha Lo Voi.
Messina Denaro u transportua me një aeroplan ushtarak të martën në burgun e sigurisë së lartë në L’Aquila, ku rregullat strikte për bosët kryesorë të organizatave kriminale që nuk bashkëpunojnë me autoritetet, përfshijnë privilegje tejet të kufizuara për vizitorë.
Prokurori kombëtar i anti-mafies italiane Giovanni Melillo, tha se vendosja përfundimisht pas hekurave e Messina Denaro-s nuk do të ndryshojë strategjinë që Cosa Nostra ka ndjekur për më shumë se një dekadë.
Kjo strategji “nuk është më një strategji e dhunës” kundër shtetit, tha zoti Melillo në televizionin shtetëror të hënën në mbrëmje, duke iu referuar bombave të vitit 1992, që vranë prokurorët e Palermos, Giovanni Falcone dhe Paolo Borsellino, si dhe sulmet me bomba të vitit 1993 kundër kishave të Romës, pjesë e përpjekjes së mafias për të detyruar shtetin që të heqë dorë nga goditja e Cosa Nostra-s.
Në ndryshim, Cosa Nostra po ruan profil të ulët, duke zgjedhur të depërtojë në strukturat sociale dhe ekonomike të Italisë, tha Melillo.
Lajmet
Përplasje PDK-LVV në KQZ për buxhetin shtesë të zgjedhjeve lokale
Published
7 hours agoon
June 24, 2025By
UBTNews
Në mbledhjen e Komisionit Qendror të Zgjedhjeve pati përplasje mes anëtarëve të Partisë Demokratike të Kosovës dhe Lëvizjes Vetëvendosje lidhur me miratimin e buxhetit shtesë për zgjedhjet lokale.
Anëtari i KQZ-së nga Partia Demokratike e Kosovës, Ilir Gashi, tha se mungesa e miratimit të buxhetit nga Qeveria mund të ndikojë negativisht në organizimin e zgjedhjeve.
“E kam një pyetje për ju kryetar, po shkon koha dhe buxheti akoma nuk është i miratuar sa i përket zgjedhjeve nga ana e qeverisë dhe mendoj që ju do të duhej që jeni në komunikim direkt sepse mosmiratimi i shpejtë i buxhetit rrezikon disa operacione zgjedhore, kryesisht operacione të cilat tashmë janë të reja të futura në rregulloret zgjedhore të cilat janë në shërbim të procesit, sidomos sa i përket votimit të diasporës. Mos ndarja e buxhetit me kohë mund të rrezikoj realizmin e këtyre operacioneve”, tha Gashi.
Ndërkaq, anëtari i KQZ-së nga Lëvizja Vetëvendosje, Alban Krasniqi iu kundërpërgjigj Gashit duke thënë se nuk është e vërtetë që qeveria nuk e ka ndarë buxhetin. Sipas tij, çështja qëndron te kërkesat shtesë buxhetore.
“Nuk është e vërtetë që qeveria nuk ka ndarë buxhet. Për të gjitha kërkesat që kemi pasur qeveria i ka ndarë. Buxheti për këto zgjedhjeve është tashmë i ndarë. Çështja është për kërkesat shtesë buxhetore që i kemi pasur. Për kërkesat shtesë buxhetore ne e dimë kur e kemi bërë një kërkesë të tillë, nuk e di nëse i ka një javë apo 10 ditë. Duhet mbajtur institucioni jonë në komunikim për kërkesat shtesë buxhetore, të cilat ne vetë si institucion nuk i kemi planifikuar”, tha Krasniqi.
Pas kësaj, Gashi iu drejtua Krasniqit duke i thënë se “nuk je zëdhënës i qeverisë”.
“Dorën në zemër unë Hekuran Muratit si bëra pyetje këtu. Po e trajtoj si shqetësim në kuadër të këtij institucioni sepse ky buxhet. Ta kryej unë pastaj mund ta marrësh fjalën. Vetëm ta përfundoj. Shqetësimi është real…Nuk je zëdhënës i qeverisë”, tha Gashi.
Në anën tjetër, Krasniqi iu referua Gashit duke i thënë se po e dezinformon publikun.
“Thatë që nuk ka ndarë qeveria buxhet, nuk është e vërtetë. Pranoje dezinformimin që e bëre. Duhet të pranosh se dezinformove publikun. Nuk është e vërtetë çfarë the. Qeveria ka ndarë që vitin e kaluar këtë buxhet. Ne kemi të drejtë ta shpenzojmë…Me mediat të caktuara që i keni dezinformuar opinionin”, tha tutje Krasniqi.
Përveç kësaj, në mbledhjen e KQZ-së u vendim për emërimin e 216 anëtarëve të Komisioneve Komunale të Zgjedhjeve në 38 komunat e Republikës së Kosovës, të cilët përfaqësojnë subjektet e ndryshme politike.
Anëtari i KQZ-së Arianit Elshani, bëri të ditur se për këtë proces të gjithë anëtaret kanë kaluar procedurat ligjore.
“Këshilli për operacione zgjedhore ka shqyrtuar kërkesën për emërimet e anëtarëve të komisioneve komunale të zgjedhjeve që nga nominimet që kanë ardhur nga subjektet politike. Nga 222 vende të përcaktuara sipas formulës të miratuar nga KQZ-ja, 216 vende janë plotësuar nga këto nominime të ardhura nga subjektet politike. Personat të cilët i kanë kaluar të gjithë filtrat ligjor të KQZ-së dhe mekanizmave të jashtëm me të cilët KQZ-ja i dërgon për verifikim”, tha Elshani.
Në mbledhje u potencua se për zgjedhjet lokale të 12 tetorit janë deklaruar dy koalicione, ndërsa pesë parti janë tërhequr nga gara.
“Koalicija Vakat”, i përbërë nga partitë politike Demokratska Stranka Bošnjaka (DSB) dhe Demokratska Stranka Vatan (DSV) dhe Koaliconi “SDU-NASA (NASA SDU)”, i përbërë nga partitë politike Socijaldemokratska Unija dhe Nasa Inicijativa, i formuar vetëm për komunën e Prizrenit.
Ndërsa, partitë politike të cilat nuk do të garojnë në zgjedhjet e 12 tetorit janë Organizata Balli Kombëtar Demokrat, Partia Demokratike e Diasporës, Partia e Drejtësisë, Kosovaki Nevi Romani Partia, Partia Balliste.

Një tjetër tërmet sapo ka goditur Shqiërinë, pas lëkundjeve të mëngjesit.
Tërmeti ishte me magnitudë 3.3 ballë, me epiqendër 11 km në veri-perëndim të Tiranës, teksa thellësia fokale ishte 10 km.
Kujtojmë se mëngjesin e sotëm, Shqipëria u godit nga një tërmet me magnitudë 4.4 e shkallës Rihter, në orën 05:04 minuta. Tërmeti ka pasur epiqendrën e tij pranë Kamzës dhe Krujës me një thellësi prej 5 kilometrash.
Lajmet
Gjykata vendos masën e sigurimit ndaj vendimit të ZRrE-së
Published
8 hours agoon
June 24, 2025By
UBTNews
Për herë të parë në Kosovë, një biznes ka arritur të marrë masën e sigurimit ndaj njoftimit të Zyrës së Rregullatorit për Energji (ZRrE) lidhur me liberalizimin e tregut të energjisë elektrike.
Vendimi është marrë nga Gjykata Komerciale e Kosovës, Departamenti për Çështje Administrative më 19 qershor 2025.
Ankesa në Gjykatë ishte dorëzuar nga avokati Agron Selimaj nga Prishtina.
KosovaPress ka siguruar edhe aktvendimin e Gjykatës, në të cilën thuhet se sipas aktvendimit të datës 19 qershor 2025, Gjykata Komerciale, Departamenti për Çështje Administrative, ka miratuar kërkesën e paditësit, duke aprovuar masën e sigurisë për shtyrjen e ekzekutimit të njoftimit të ZRRE-së të datës 03.06.2025. Ky njoftim ndalonte paditësin të shfrytëzonte furnizimin nga shërbimi universal.
Gjykata, ka vendosur që ekzekutimi i këtij njoftimi të pezullohet deri në marrjen e vendimit përfundimtar gjyqësor.
Përveç këtij rasti, kundërshtime ndaj vendimit të ZRrE-së kanë bërë edhe Dhoma e Tregtisë dhe Industrisë e Kosovës (DhTIK), Oda Ekonomike e Kosovës, si dhe disa biznese të tjera.
Kujtojmë se Zyra e Rregullatorit për Energji kishte njoftuar përmes një komunikate se bordi ka caktuar subjektin juridik KEK – si Furnizues të Mundësisë së Fundit për periudhë gjashtë mujore, nga 31.08.2025 deri më 31.01.2026.
ZRrE ka shtyer afatin për lidhjen e kontratave pas protestave të bizneseve të Kosovës që kundërshtuan liberalizimin e tregut energjetik, transmeton KosovaPress.
Bizneset e Kosovës kishin organizuar protestë kundër vendimit të ZRrE, pasi sipas përfaqësuesve të bizneseve një veprim i tillë do të krijonte një ekonomi të rënduar në Kosovë.
Pjesë e shqyrtimit nga Bordi kanë qenë edhe ankesat e konsumatorëve dhe çështje të tjera që lidhen me funksionimin e Zyrës së Rregullatorit për Energji./kosovapress/
Lajmet
Presidentja Osmani pret të dërguarin norvegjez për Ballkanin Perëndimor
Published
8 hours agoon
June 24, 2025By
UBTNews
Presidentja e Republikës së Kosovës, Vjosa Osmani, zhvilloi sot një takim me të dërguarin e posaçëm të Mbretërisë së Norvegjisë për Ballkanin Perëndimor, z. Eirik Nestås Mathisen.
Në qendër të bisedës ishin zhvillimet e fundit në Kosovë dhe në rajon, marrëdhëniet bilaterale ndërmjet dy vendeve, si dhe roli i mbështetjes norvegjeze në rrugën e Kosovës drejt integrimeve euroatlantike.
Presidentja Osmani shprehu mirënjohje për ndihmën e vazhdueshme të Norvegjisë në procesin e shtetndërtimit të Kosovës, duke theksuar se kjo përkrahje ka qenë dhe mbetet thelbësore për avancimin e vendit drejt strukturave euroatlantike.
Ajo nënvizoi po ashtu rëndësinë që Kosova të anëtarësohet sa më shpejt në Këshillin e Evropës dhe të ecë me hapa të sigurt në rrugën e integrimit.
Gjatë takimit u trajtuan edhe çështje të tjera me interes të përbashkët, ndërsa të dy palët riafirmuan vullnetin për të forcuar më tej partneritetin mes Kosovës dhe Norvegjisë.

Efektet e sodës së bukës ndaj diabetit

Mesazhi i Rita Orës për botën: Respektoni njerëzit pasi s’e dini si mund të kthehen në jetën tuaj

iPhone 17 do të ketë një ekran 6.3 inç?

Brad Pitt pranoi se pas divorcit nga Angelina Jolie ka lënë edhe alkoolin

Global UBT Fest i UBT-së mbledh studiues nga e gjithë bota

Kremlini mirëpret armëpushimin Iran-Izrael: Shpresojmë që të jetë “i qëndrueshëm”

Mbi 600 persona të vrarë nga sulmet izraelite në Iran

Përplasje PDK-LVV në KQZ për buxhetin shtesë të zgjedhjeve lokale

Sërish tërmet në Shqipëri
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore