Kulturë

​Angelina Jolie fajëson gjykatësin pasiqë Brad Pitt fiton në gjykatë

Published

on

Brad Pittit iu dha kujdestaria e përbashkët e fëmijëve të tij me Angelina Jolie pas një beteje të gjatë në gjykatë.

Pas muajsh dëshmie nga dëshmitarë dhe ekspertë të shërbimeve të fëmijëve të cilët folën me fëmijët e tyre, gjykatësi John Oderkirk thuhet se bëri të qarta pikëpamjet e tij mbi vendimin.

Pitt ka luftuar për gati pesë vite për të marrë të drejta të barabarta për gjashtë fëmijët që ndan me ish-gruan e tij.

“Ai u lehtësua shumë. Qëllimi i tij i vetëm është të kalojë më shumë kohë me fëmijët”, cituan burime mediat e huaja.

Jolie dhe Pete janë prindër të gjashtë fëmijëve, pesë prej të cilëve janë të mitur.

“Ka pasur një ndryshim të rëndësishëm në marrëveshjet e kujdestarisë bazuar në vendimin jashtëzakonisht të hollësishëm të gjyqtari”, thanë burimet.

“Brad thjesht po përpiqej të ndante më shumë kohë me fëmijët e tij. Është e qartë për të, se ish-gruaja e tij bëri gjithçka që ishte e mundur për ta parandaluar këtë. Ky gjyq zgjati disa muaj dhe kishte shumë dëshmitarë, ekspertë, terapistë dhe njerëz të tjerë që ishin me dhe rreth fëmijëve, dhe vendimi bazohet në këtë “.

Aktorja (45) thuhet se do të vazhdojë betejën e saj ligjore dhe tha se vendimi i gjyqtarit ishte më shumë një “vendim gjykimi”, shkruan Fox News.

“Kujdesi i përbashkët nuk është një çështje që Angelina kundërshton, kishte çështje të tjera shqetësuese, por gjyqi është mbyllur dhe vulosur”, tha burimi.

Angelina u përpoq të pushonte nga detyra një gjykatës privat që ata morën për të vendosur çështjen në një dokument të paraqitur të hënën në Gjykatën e Dytë të Apelit në Kaliforni, e cila lejon të miturit e moshës 14 deri në 17 vjeç të dëshmojnë, shkruan Page Six./UBTNews

Magazinë

‘Mallkimi i Drake’ godet edhe Jannik Sinner: 300 mijë dollarë të humbura

Published

on

“Mallkimi i Drake” ka rënë sërish mbi botën e sportit, këtë herë me ‘viktimë’ Jannik Sinner. Tenisti italian, i cili synonte triumfin në US Open 2025, nuk ia doli të shpallej kampion, duke “djegur” edhe bastin gjigant të reperit kanadez.

Drake kishte vënë 300 mijë dollarë mbi fitoren e Sinner, por basti u kthye në një tjetër humbje të bujshme. Fansat e italianit ishin frikësuar që në momentin kur u bë publik lajmi, pasi historia ka treguar që artisti mbështet financiarisht një sportist, gjërat nuk shkojnë mirë.

Precedenti më i afërt ishte pikërisht një vit më parë, kur në finalen e US Open 2024 mes Sinner dhe Taylor Fritz, Drake kishte vendosur bast mbi tenistin amerikan. Atëherë ndodhi e kundërta: Sinner fitoi bindshëm dhe reperi humbi shifrën e majme të bastit.

Lista e humbjeve të Drake në botën e sportit është e gjatë. Ai ka humbur 355 mijë dollarë duke besuar se Mike Tyson do të mposhtte Jake Paul, ndërsa një tjetër parashikim i gabuar ndodhi më 2022, kur kombinoi fitore të Arsenalit dhe Barcelonës.

Në fund, triumfi i Real Madridit 3-1 i shkatërroi biletën e bastit. Kështu, “mallkimi i Drake” vazhdon të bëjë jehonë në botën e sportit, me Sinner-in si ‘viktimën’ më të fundit të tij.

Continue Reading

Magazinë

Kendall Jenner dhe Gigi Hadid, fytyrat e Vogue për tetorin

Published

on

Supermodelja Kendall Jenner ka ndarë emocionet e saj për setin e fundit fotografik të realizuar për prestigjozen Vogue, i cili është realizuar nga fotografi i njohur Lachlan Bailey. Në një postim në rrjet social Kendall theksoi se ky fotosesion ka qenë një ëndërr që ka pasur që nga fëmijëria e saj në Jackson Hole, dhe shprehu mirënjohjen për mundësinë që iu dha nga kryeredaktorja e Vogue, Anna Wintour.

“Ky ka qenë një moment i veçantë për mua. Që nga fëmijëria, kam ëndërruar të punoj për Vogue, dhe tani që jam këtu, është një përvojë e pabesueshme,” shkroi Kendall.

Ajo theksoi se ky fotosesion ka marrë dimension më të veçantë, pasi ka realizuar shoot-in krah Gigi Hadid. Dy modelet, që janë shoqe të ngushta, kanë sjellë një bashkëpunim të mrekullueshëm që do të mbetet në historinë e modës.

Ky fotosesion është pjesë e edicionit të tetorit të Vogue, një numër që pritet të tërheqë vëmendjen e adhuruesve të modës dhe jo vetëm.

Kendall dhe Gigi shfaqen në kopertinën e këtij numri, duke reflektuar një imazh të fuqishëm dhe bashkëkohor të modës moderne.

Ky bashkëpunim theksoi forcën e influencën e dy modeleve, që vazhdojnë të dominojnë industrinë e modës e të frymëzojnë një brez të tërë.

Përgatiti: A.Z. /UBT News/

Continue Reading

Magazinë

Ed Sheeran zhvendoset në SHBA me familjen për një kohë të pacaktuar

Published

on

Këngëtari i njohur britanik, Ed Sheeran, ka zbuluar planet për t’u shpërngulur në Shtetet e Bashkuara së bashku me familjen e tij. 34-vjeçari, i cili ka udhëtuar për shkak të koncerteve, këtë herë ka vendosur të qëndrojë më gjatë në Amerikë si pjesë e turneut të ardhshëm.

Në një intervistë në podcast-in “2 Johnnies”, ai tha: “Po përgatitem të zhvendosem në Amerikë. Po shkoj për turne e nuk mund të vij e të shkoj vazhdimisht. Do të vendosemi atje si familje.”

Përveç karrierës, Sheeran ka bërë edhe investime në pasuri të paluajtshme në SHBA. Ai zotëron një apartament luksoz në Nju Jork me vlerë 9 milionë paund, ndërsa në Angli ka pronën e njohur “Sheeranville” në Suffolk, ku ka jetuar me bashkëshorten Cherry Seaborn dhe dy vajzat e tyre, Lyra dhe Jupiter.

Një tjetër arsye e zhvendosjes është dëshira e këngëtarit për të eksploruar muzikën country, një zhanër që e lidh ngushtë me qytetin e Nashville, të cilin e ka cilësuar shpesh si të preferuarin e tij në SHBA.

Ky vendim vjen pas disa polemikave të mëparshme që artisti ka shkaktuar me deklarata për identitetin kulturor irlandez, pavarësisht origjinës së tij angleze.

Continue Reading

Magazinë

Zayn Malik dhe Louis Tomlinson ribashkohen pas një dekade

Published

on

Zayn Malik dhe Louis Tomlinson, dy ish-yjet e “One Direction”, kanë çmendur rrjetin të hënën pas u fotografuan së bashku për herë të parë pas një dekade. Dyshja, që kishin pasur mosmarrëveshje gjatë kësaj periudhe, tani duket se kanë hedhur pas krahëve dallimet dhe kanë rifilluar miqësinë.

Sipas burimeve, takimi i parë pas shumë vitesh ndodhi në funeralin e Liam Payne, ish-anëtarit të grupit të tyre, në nëntor të vitit të kaluar, pas këtij momenti ata janë takuar sërish gjatë një koncerti më herët këtë vit. Zayn dhe Louis janë fotografuar në Nju Jork, një ngjarje që ka gëzuar fansat e tyre, të cilët kanë shprehur emocionet nëpër komentet e tyre.

Një faqe fansash shkruajti: “Zemra ime ZOUIS është shpëtuar! E di që janë takuar edhe pas koncertit të Zayn në Hollywood, por kjo e bën vitin 2025 edhe më të mirë.”

Louis mori pjesë në koncertin e Zayn në Los Angeles gjatë muajit shkurt, ku përmendi “mikun e vjetër” gjatë performancës së tij solo.

Marrëdhënia e Zayn me ish-anëtarët e grupit ka pasur luhatje që nga largimi nga One Direction në mars 2015. Zayn ka deklaruar më parë se grupi ishte “lodhur nga njëri-tjetri” dhe që ai nuk ka mbajtur shumë kontakt me ta që nga atëherë.

Ribashkimi i Zayn dhe Louis është ngjarje që ka gëzuar fansat e grupit e ka ringjallur shpresat për rikthim të mundshëm të “One Direction”.

Continue Reading

Të kërkuara