Lajmet

​Anëtarët e Komisionit për Buxhet nuk e dinë kur do të ndodhë rishikimi i buxhetit

Në këtë mbledhje ishte paraparë të shqyrtohej edhe kërkesa për financim të Radio Televizionit të Kosovës.

Published

3 years ago

on

Komisioni për Buxhet, Punë dhe Transfere ka proceduar për lexim të dytë plotësim-ndryshimin e ligjit për themelimin e Fondit për Garanci Kreditore, si dhe ka miratuar raportin me amandamente për projektligjin për Regjistrimin e Popullsisë, Ekonomive Familjare dhe Banesave.

Në këtë mbledhje ishte paraparë të shqyrtohej edhe kërkesa për financim të Radio Televizionit të Kosovës, e cila së bashku me raportin e shpenzimeve është shtyrë për të mërkurën.

Kërkesa për shtyrje u bë nga deputeti i PDK-së, Mërgim Lushtaku, i cili kërkoi që fillimisht të diskutohet raporti i shpenzimeve pastaj projeksionet për financim për muajt e ardhshëm.

“Si rregull ka qenë gjithmonë që të vjen së pari raporti i shpenzimeve pastaj edhe ne të diskutojmë për projeksionet, meqenëse nuk e kemi raportin besoj që kjo pikë e rendit të ditës kjo pikë të shtyrë pas raportit apo bashkarisht të vendoset edhe tek pjesa e projeksioneve… ne nuk i kemi marr materialet nuk i kemi shqyrtuar materialin dhe sigurisht që gjithmonë e kemi cek që kjo formë e raportimit dhe miratimit të buxhetit është në kundërshtim edhe me pavarësinë e RTK-së, e keni bërë ju këtë rregull si parti politike, tash e kemi para vetës si rregull dhe sigurisht në këtë drejtim ne duhet të ndjekim hapat që së paku të ketë raportim pas raportimit, pastaj projeksionet për muajt e ardhshëm”, tha Lushtaku.

Lidhur me akuzën e Lushtakut se kanë sjell rregulla për raportim të RTK-së, Armend Muja, kryetari i këtij komisioni, tha se si Lëvizje Vetëvendosje nuk e kanë bërë këtë rregull por e kanë vazhduar atë që kanë gjetur.

“Këtë lloj të raportimi nuk e kemi bërë ne si parti politike, por e kemi gjetur si mekanizëm i raportimit, unë pajtohem që është pak i shpeshtë për këtë i takon bordit të RTK-së me tejkalua, në fakt e kanë për mandat ata me ardhur me një propozim se si mund të sigurojnë pavarësi operacionale”, u shpreh Muja.

Kurse, deputeti i AAK-së, Pal Lekaj kërkoi që anëtarët e Komisionit për Buxhet të nisin me vizitat në terren të kompanive prodhuese që eksportojnë.

“Ne si komision ende nuk kemi mundur që të dalim në terren dhe t’i vizitojmë prodhuesit tani, sidomos ata që kanë eksport më së shumti në Kosovë dhe ata presin që ne t’i vizitojmë. Ne kemi shqyrtuar në planin e veprimit të këtij komisioni që do të kemi vizita të kohë pakohshme por deri më tani nuk e kemi realizuar këtë, a mendoni që tani është koha apo pas pushimeve”, tha ai.

E anëtari i Komisionit për Buxhet nga radhët e PDK-së, Mërgim Lushtaku kërkoi të di se pse para se Kuvendit i Kosovës të shkoj në pushim nuk ka ardhur për shqyrtim rishikimi i buxhetit.

“Po e ngris një shqetësim timin lidhur me rishikimin e buxhetit, kam kërkuar edhe nga ju si kryetar të kërkoni informacione se para shkuarjes në pushim të Kuvendit, a do të kemi një rishikim të buxhetit duke ditur se po hasim në vështirësi të mëdha dhe inflacioni është gjithmonë në rritje dhe sfidat e shtrenjtimit të produkteve dhe çdo problem por ndërlidhet edhe me buxhetin e Kosovës në formë direkte apo indirekt. Unë e kam parë të arsyeshme që të ngirsim shqetësimin tonë se përse nuk ka ardhur në rishikim buxheti i Kosovës para se të shkojmë në pushim Kuvendi”, tha ai.

E kryetari i Komisionit për Buxhet, Punë dhe Transfere, Armend Muja tha se është në pritje të kësaj përgjigje.

Related Topics:
Continue Reading

Bota

Dronët rus godasin Kharkivin, 4 viktima dhe dhjetëra të plagosur

Published

15 hours ago

on

August 18, 2025

By

Katër persona humbën jetën dhe 17 të tjerë u plagosën nga sulmet ruse me dron në qytetin lindor të Ukrainës, në Kharkiv edhe pas takimit Trump-Putin.

Sulmi vjen disa orë para takimit të paralajmëruar mes presidentit të SHBA Donald Trump dhe presidentit Ukrainas Volodymir Zelenksy në Uashington.

Edhe më herët Kharkiv ishte goditur me raketa balistike duke lënë të plagosur 11 persona.

Continue Reading

Aktualitet

Komuna e Prishtinës refuzon kërkesën ndaj autobusëve të Podujevës

Published

15 hours ago

on

August 18, 2025

By

Komuna e Prishtinës, në bashkëpunim me Policinë e Kosovës, ka ndaluar kthimin e autobusëve të Podujevës nga Xhamia e Llapit, duke theksuar se kjo nuk do të lejohet si pikë kthimi. Drejtori i Mobilitetit në Komunën e Prishtinës, Donat Lushaku, tha se kërkesa e Shoqatës së autobusëve të Podujevës për ta bërë kthimin në këtë lokacion është e papranueshme për komunën.

Lushaku tha se Shoqata e autobusëve e kishte paralajmëruar grevën para dhjetë ditësh dhe se për këtë kishte pasur një takim të premten me policinë. Ai tha se policia e kishte konfirmuar se greva mund të mbahej si e drejtë ligjore dhe kushtetuese, por pa penguar qarkullimin.

“Shoqata e autobusëve të Podujevës e pat paralajmëruar para 10 ditësh këtë grevë. Ne kemi pasur një takim ditën e premte në polici bashkë me të njëjtit dhe ju kemi dhënë disa propozime për ta zgjidhur situatën. Ndërkohë, policia ju ka konfirmuar atyre madje edhe me vendim me shkrim, siç kemi marrë informacion sot se greva mund të zhvillohet, sepse është e drejtë kushtetuese dhe ligjore. Mirëpo, nuk mund të ketë pengesë në qarkullim të komunikacionit, që nënkupton se sikurse herën e kaluar autobusët nuk mund të qëndrojnë për ta bllokuar ndonjërin nga shiritët, siç ka qenë rasti i mëhershëm te Komuna apo edhe tash siç është bërë bllokimi tek lagja Top Hane”, tha ai.

Ai bëri të ditur se masat e marra nga komuna bashkë me policinë kanë qenë largimi i tabelave të autobusëve dhe shqiptimi i gjobave.

“Masat që i kemi marrë si komunë bashkë me policinë ka qenë largimi i tabelave të atyre autobusëve, pastaj shqiptimi i gjobave nga ana e policisë. Ne e kemi arritur një marrëveshje paraprake me ta që ata të hyjnë në qytet nga Kodra e Trimave, të vazhdojnë tek shkolla Model, tek rruga Zagrebi, të vazhdojnë tek stacioni i autobusëve, të kthehen në këtë rrugëtim, e të njëjtin ta përfundojnë duke shkuar në Podujevë. Por të njëjtit në disa raste nuk e kanë respektuar, madje edhe disa hyrje-dalje në Stacionin e autobusëve nuk i kanë bërë ashtu siç është paraparë, por ka më pak hyrje-dalje se sa që duhej të ishin. Andaj ne shpresojmë dhe jemi edhe për dialog, kuptohet në mirëkuptim me ta me idenë që të vazhdohet kjo formë e marrëveshjes e jo të hyhet në qytet dhe të ketë kthim nga i ashtuquajtura stacioni tek Xhamia e Llapit”, tha ai.

Lushaku tha se komuna është e hapur për dialog me Shoqatën e autobusëve, por vetëm në kuadër të marrëveshjes ekzistuese.

Ai shtoi se një tjetër kërkesë e Shoqatës ka qenë që dy nga linjat e kontraktuara të komunës të mos shkelin në territorin e Podujevës, çështje që duhet të diskutohet mes dy komunave.

 

Continue Reading

Aktualitet

​Publikohet aktgjykimi i plotë i Gjykatës Kushtetuese për Kuvendin

Published

15 hours ago

on

August 18, 2025

By

Gjykata Kushtuese e Kosovës ka publikuar aktgjykimin e plotë lidhur me bllokadën në Kuvend. Masa e përkohshme është mbajtur në fuqi deri në publikimin e aktgjykimit dhe publikimit të tij në Gazetën Zyrtare.

Aktgjykimi i plotë:

“Gjykata vendosi: TË URDHËROJË, me 6 [gjashtë] vota për dhe 1 [një] kundër, Kryesuesin e Seancës Konstituive të Kuvendit të Republikës së Kosovës të vazhdojë me pikën 3 të rendit të ditës së Seancës Konstituive, të miratuar më 8 prill 2025, dhe në pajtim me paragrafin 2 të nenit 67 [Zgjedhja e Kryetarit dhe Nënkryetarëve] të Kushtetutë së Republikës së Kosovës, të ftojë përfaqësuesin e grupit më të madh parlamentar për të propozuar kandidatin/en për Kryetar/e të Kuvendit të Republikës së Kosovës, i/e cili/cila zgjedhet përmes votimit të hapur, votimi i cili mund të realizohet vetëm deri në 3 (tre) herë për kandidatin/en e njëjtë”, thuhet në aktgjykimin e Kushtetueses të publikuar sot.

Gjykata Kushtetuese tha se deputetët e zgjedhur të Kuvendit të Kosovës nuk e kanë zbatuar Aktgjykimin e 26 qershorit 2025 dhe rrjedhimisht të gjitha seancat e mbajtura nga data 27 qershor deri më 26 korrik 2025 shpallen të pavlefshme.

Gjithashtu, gjykata tha se Kryesuesi i Seancës Konstituive të Kuvendit të Republikës së Kosovës, nuk ka vepruar në pajtueshmëri me Aktgjykimin e Gjykatës Kushtetuese të Republikës së Kosovës në rastin KO124/25, të 26 qershorit 2025 dhe rrjedhimisht veprimet e tij janë në papajtueshmëri me paragrafin 1 të nenit 116 [Efekti Juridik i Vendimeve] të Kushtetutës së Republikës së Kosovës.

Continue Reading

Aktualitet

Krasniqi: PDK do ta dërgojë në Kushtetuese vendimin e ZRRE-së për të mbrojtur bizneset

Published

16 hours ago

on

August 18, 2025

By

Partia e Demokratike e Kosovës (PDK) paralajmëron se gjatë kësaj jave do të dërgon në Gjykatën Kushtetuese vendimin e Zyrës së Rregullatorit për Energji, vendim ky i cili detyron mbi rreth 1 mijë e 400 biznese të dalin në të ashtuquajturin treg të lirë të energjisë.

Kryetari i PDK-së, Memli Krasniqi ka shkruar në Facebook se në konsultim me avokatin Faton Fetahu dhe ekipin e juristëve të PDK-së, kemi konstatuar se tashmë janë përmbushur të gjitha kushtet ligjore që ky vendim i ZRRE-së të ankimohet në Gjykatën Kushtetuese, gjë që do ta bëjmë gjatë kësaj jave.

“Ne do të kërkojmë masë të përkohshme, në mënyrë që ky vendim i dëmshëm të mos zbatohet deri në shqyrtimin përfundimtar të çështjes”, ka shkruar Krasniqi.

Ai ka thënë se që nga fillimi PDK është angazhuar me vendosmëri për ta ndalur ZRRE-në nga zbatimi i vendimit të saj të padrejtë, i cili i detyron mbi 1,300 biznese të dalin në të ashtuquajturin “treg të lirë” të energjisë – në kohën kur vetë ZRRE-ja nuk ka krijuar as kushtet minimale për një gjë të tillë.

“Këtë betejë e nisëm në gjykatat e rregullta, duke përdorur çdo mjet juridik në dispozicion. Por, edhe pse provat ishin të qarta dhe pasojat për ekonominë e vendit evidente, Gjykata Themelore e refuzoi kërkesën tonë, ndërsa Gjykata e Apelit e legjitimoi këtë refuzim, duke i hapur rrugë zbatimit të vendimit të ZRRE-së”, shkruan ai.

Sipas tij, ky nuk është vetëm një proces gjyqësor, por si një betejë për të mbrojtur biznesete e vendit.

“Është një betejë për të mbrojtur bizneset tona, ekonominë e vendit, punëtorët tanë dhe familjet e tyre nga një abuzim i pashembullt i pushtetit, i cili i ka detyruar qytetarët dhe ndërmarrjet të blejnë energji me çmime 280% më të larta – vetëm për të mbushur xhepat e kompanive të licencuara nga qeveria”.

Ai po ashtu ka thënë se PDK do të jetë deri në fund në krah të ndërmarrësve dhe qytetarëve të Kosovës, për ta ndalur këtë padrejtësi të madhe dhe për të mbrojtur interesin publik.

Ndryshe, nëntëdhjetë për qind e bizneseve janë shkyçur më 16 gusht nga furnizimi me energji elektrike, ndërsa pjesa tjetër e mbetur do të shkyçen gjatë ditëve të ardhshme.

Dhoma e Tregtisë dhe Industrisë Kosovë përmes një reagimi ka thënë se procesi ka një mori shkeljesh ligjore dhe procedural, derisa ka apeluar Qeverinë e Kosovës dhe ZRRE-në që të pezullojnë menjëherë zbatimin e vendimit dhe të hapin një proces të rishqyrtimit transparent.

 

Continue Reading

Të kërkuara