Lajmet

​Ambasadori zviceran për marrëveshjen finale Kosovë-Serbi: Kërkohet guxim

Kolly tha se Zvicra është duke kontribuar maksimalisht që të gjendet një ujdi në dialog me njohje të ndërsjellë.

Published

on

Ambasadori zviceran në vendin tonë, Thomas Kolly, shpreson që dialogu mes Kosovës dhe Derbisë të ketë një “përfundim të mirë”. Ai tha se për të arritur deri të një përfundim i mirë kërkohet guxim dhe ambicie.

Kolly tha se Zvicra është duke kontribuar maksimalisht që të gjendet një ujdi në dialog me njohje të ndërsjellë mes dy vendeve.

“Sigurisht, ne kemi shumë shpresë se dialogu do të çojë në një rezultat pozitiv. Zvicra në kuadrin e përpjekjeve të BE-së, që BE-ja po i zhvillon, ne gjithashtu po ofrojmë ndihmën tonë. Ne jemi në kontakt të ngushtë me qeverinë këtu në Prishtinë, siç jemi edhe në kontakt të ngushtë me qeverinë e Beogradit, dhe sigurisht, shpresojmë që më në fund ky dialog të ketë një përfundim të mirë”, theksoi Kolly.

I pyetur nëse mund të ketë një marrëveshje përfundimtare mes të dy vendeve brenda këtij viti, ambasadori Kolly u shpreh se ka shpresë por kërkohet guxim dhe ambicie.

“Siç më tha një miku im i mirë, le të jemi të guximshëm. Pra, le të jemi ambicioz dhe të guximshëm. Pra, shpresojmë që po (të ketë një marrëveshje finale brenda vitit), ta përfundojmë dialogun në kushte shumë të mira”, tha Kolly.

Thomas Kolly është ambasador i një vendi mik të Kosovës dhe i cili kontribuon në vazhdimësi në fusha të ndryshme.

Zëvendësdrejtoresha e Agjencisë Zvicerane për zhvillim dhe bashkëpunim Ruth Huber, foli për investimet e Zvicrës gjatë 20 viteve të fundit në Kosovë.

Sipas Huber, Zvicra deri më tani ka investuar mbi 400 milionë euro në Kosovë në fusha të ndryshme zhvillimore përmes dy agjencive zvicerane duke përfshirë rritjen e vendeve të punës, përmirësimin e qasjes në ujë dhe duke forcuar sistemin shëndetësor.

“Në fakt, Zvicra dhe Agjencia Zvicerane për Zhvillim dhe Bashkëpunim (SDC), po kontribuojnë me rreth 20 milionë euro në vit, me SDC dhe SECO, në fakt janë dy agjenci të ndryshme, investohen rreth 20 milionë euro në vit në Kosovë, në fusha të ndryshme zhvillimore. Pra, nëse shikojmë prapa në gjithë angazhimin e Zvicrës këtu në 20 vitet e fundit, janë rreth 500 milionë euro që janë investuar këtu. Nëse i përfshijmë të gjitha fushat e ndryshme që Zvicra po punon, duke përfshirë në fakt edhe SëissCO”, u shpreh Huber.

E përfituesit e investimeve qindra milionëshe sipas Huber janë komunat dhe institucionet qeveritare, duke përfshirë projekte të ndryshme të cilat ndihmojnë në rritjen e kapaciteteve shtetërore.

“Ne kemi tre fusha kryesore ku fokusohet programi ynë, dhe në fakt kemi vazhdimësi në këto tre fusha. E para ka të bëjë me qeverisjen, institucionet demokratike dhe paqen, e dyta ka të bëjë me zhvillimin e qëndrueshëm ekonomik dhe krijimin e vendeve të punës, dhe e treta ka të bëjë me ujin, ndryshimet klimatike dhe çështjet shëndetësore. Pra, këto janë tre fushat, me disa projekte në secilën fushë, projekte të kryera së bashku me institucionet qeveritare, komunat, institucionet e shoqërisë civile dhe sektorin privat”, tha Huber.

Huber ka theksuar se edhe bashkëpunimi me qeverinë aktuale, organizatat joqeveritare, shoqërinë civile dhe komunat është duke shkuar shumë mirë dhe, sipas saj, bashkëpunimi i tillë do të vazhdojë edhe më tutje.

Lajmet

Përurohet rruga që lidh zonën e dytë ekonomike të Gllavicës me magjistralen mes Shtimes dhe Ferizajt

Published

on

By

Në komunën e Shtimes sot është përuruar rruga që lidh Zonën e dytë Ekonomike të Gllavicës me rrugën magjistrale mes Shtimes dhe Ferizajt, investim ky që pritet të ndikojë drejtpërdrejt në zhvillimin ekonomik të komunës dhe më gjerë.

Kryetari i Komunës së Shtimes, Qemajl Aliu, tha se kjo rrugë është një hap i rëndësishëm drejt funksionalizimit të zonës ekonomike.

Jemi në përurimin e rrugës që të dërgon te zona e dytë ekonomike në Gllavicë, rrugë e cila këtë zonë ekonomike e lidh me rrugën magjistrale mes Shtimës dhe Ferizajt. Është investim mbi 600 mijë euro, rrugë me gjerësi shtatë metra, me kanale kulluese, kanalizim atmosferik për ujëra të zeza, trotuar, me ndriçim, me të gjitha normat e një rruge që i lidhë magjistralen mes dy qyteteve”, tha Aliu.

Ai shtoi se rruga është në shërbim të funksionalizimit të zonës ekonomike, ndërsa përveç saj, komuna ka bërë edhe investime të tjera në këtë zonë.

Kjo rrugë është në shërbim të funksionalizimit të zonës ekonomike dhe përveç kësaj rruge, ne kemi bërë afro gjysmë milioni euro investime në zonën ekonomike dhe presim që pranverën e ardhshme, siç edhe jemi zotuar me fillu funksionalizimin dhe vendosjen e bizneseve në këtë zonë, e cila do të ndihmojë dhe shërbejë në zhvillimin ekonomik të gjithëmbarshëm në Komunën e Shtimes, por edhe përreth. Kjo zonë ekonomike ka diku 37 hektarë dhe pritet me qenë një nga zonat më të mëdha me biznese”, tha Aliu.

Ky investim i ka kushtuar Komunës së Shtimës mbi 600 mijë euro./D.B/KP

Continue Reading

Lajmet

Presidenti i FIFA-s, dekorohet nga Osmani

Published

on

By

Presidentja e Kosovës, Vjosa Osmani-Sadriu, në ceremoninë solemne të dekorimit të Presidentit të FIFA-s, Gianni Infantino, ka vlerësuar rolin e futbollit në historinë e vendit, duke e cilësuar atë si simbol të lirisë dhe qëndrueshmërisë së popullit të Kosovës edhe në periudhat më të vështira të okupimit.

Osmani tha se futbolli ishte streha e fëmijëve kosovarë në kohën e luftës dhe shprehja më e pastër e ëndrrës për liri.

Dhe një grup fëmijësh që ndiqnin jo vetëm një ëndërr, por edhe ndjenjën e lirisë. Në vitet më të errëta të okupimit, kur një luftë gjenocidale po zhvillohej kundër popullit tonë të pafajshëm, fëmijët e Kosovës gjetën lirinë në lojën e futbollit. Ata shikonin drejt idhujve të tyre për forcë dhe frymëzim. Dhe ata e mbanin topin duke u rrokullisur nëpër fusha të improvizuara, nëpër oborre me pluhur dhe rrugë të shkatërruara. Edhe në kampet e refugjatëve, larg nga shtëpia, futbolli u bë streha e tyre, veprimi i vetëm që nuk u hesht kurrë. Kur lufta përfundoi dhe liria u bë më në fund realitet, futbolli sërish u bë zemra që rrihte e popullit tonë. Dhe në ato vite të hershme të rindërtimit, një emër, një emër u bë përfaqësuesi i shpirtit të futbollit tonë dhe i shpirtit të vendit tonë Fadil Vokrri”, tha Osmani.

Duke kujtuar figurën e legjendës së futbollit, Fadil Vokrri, presidentja tha se ai ishte shumë më tepër se një lojtar, ishte simbol i qëndrueshmërisë dhe krenarisë kombëtare.

Ai ishte më shumë se një lojtar dhe më shumë se një udhëheqës. Ai ishte mishërimi i gjallë i qëndrueshmërisë dhe krenarisë së Kosovës. Ai mbante shpresat e vendit tonë shumë përpara se Kosova të kishte një vend në ndonjë tryezë ndërkombëtare. Dhe ai e përdori futbollin për t’i treguar botës se Kosova besonte dhe se Kosova ishte gati të qëndronte krah për krah me të tjerët. Vokrri frymëzoi një brez që refuzoi të dorëzohej. Ai dëshmoi se talenti, disiplina dhe besimi në vendin tënd mund të lëvizin male, edhe kur ato duken të palëvizshme. Trashëgimia e tij jeton në çdo lojtar të ri që ëndërron të veshë fanellën e Kosovës, në çdo fitore që bashkon popullin tonë dhe në çdo stadium ku tani luhet me krenari himni ynë. Ai jeton në çdo futbollist që shihni sot në këtë sallë, lojtarë që mbajnë të njëjtën krenari teksa shënojnë sukseset e tyre për vendin e tyre dhe për ekipet e tyre në mbarë botën”, theksoi ajo.

Presidentja Osmani përmendi edhe momentin historik kur Kosova u pranua në UEFA dhe më pas në FIFA, duke e cilësuar këtë si një akt drejtësie dhe njohjeje ndërkombëtare për sakrificat e popullit të Kosovës.

Dhe pastaj erdhi dita kur ajo ëndërr gjeti shtëpinë e saj të merituar, kur Kosova fillimisht u bë anëtare e UEFA-s dhe më pas anëtare e FIFA-s, duke iu bashkuar familjes së madhe të kombeve që flasin gjuhën universale të futbollit. Ky pranim shënoi një nga momentet më krenare në historinë tonë kombëtare — një moment kur më në fund mund të ndanim talentin tonë me botën. Mbi të gjitha, ishte një moment drejtësie — drejtësi dhe njohje për sakrificat, qëndrueshmërinë dhe ëndrrat e popullit tonë”, u shpreh ajo.

Ajo falënderoi Presidentin e FIFA-s, Gianni Infantino, për mbështetjen që i ka dhënë Kosovës në periudhën e pranimit në organizatat ndërkombëtare të futbollit.

“I dashur President Infantino, ne do ta kujtojmë gjithmonë që ju qëndruat pranë nesh gjatë këtyre momenteve historike dhe gjatë kësaj kohe vendimtare përmes anëtarësimit në UEFA si dhe në FIFA. Ju besuat në ne, besuat në potencialin e Kosovës dhe në fuqinë bashkuese të sportit, në një kohë kur të besoje kërkonte ende guxim. Ju e kuptuat se futbolli, në thelb, është për njerëzimin, për t’i dhënë çdo fëmije, pavarësisht nga vjen, mundësinë për të përkitur, për të përkitur”, tha Osmani.

Presidentja shtoi se nën udhëheqjen e Infantinos, FIFA është shndërruar në një familje të vërtetë kombesh që lidh popujt përmes sportit.

“Nëpërmjet udhëheqjes suaj, FIFA është bërë një familje e vërtetë kombesh, një familje ku secili ka vendin e vet. Ju keni punuar pa u lodhur për t’u siguruar që futbolli të ndërtojë ura mes njerëzve, kudo që ata mund të jenë. Dhe për Kosovën, kjo ka pasur një kuptim të jashtëzakonshëm. Ju ndihmuat lojtarët tanë të valëvitnin flamurin e një vendi të lirë e të pavarur, që sot garon me krenari dhe dinjitet në skenën ndërkombëtare”, u shpreh presidentja.

Duke përmbyllur fjalën e saj, Osmani tha se suksesi i Kosovës në futboll është ndërtuar mbi sakrificë dhe miqësi, duke falënderuar të gjithë ata që e kanë mbështetur vendin në këtë rrugëtim.

“Dhe sot, teksa shohim ekipin tonë kombëtar ulur këtu, si simbol i sa larg kemi arritur, na kujtohet se ky sukses nuk u ndërtua brenda natës. Ai u ndërtua përmes sakrificës, por edhe përmes miqësisë dhe mbështetjes. Dhe pikërisht kjo miqësi është ajo që na bashkon sot”, tha Osmani./D.B/EO

Continue Reading

Lajmet

Kurti takon komandantin e KFOR-it, Gjeneral Major Özkan Ulutash – flasin për sitauën e sigurisë

Published

on

By

Kryeministri në detyrë i Kosovës, Albin Kurti, priti në takim mirëseardhës Komandantin e ri të KFOR-it në Kosovë, Gjeneral Major Özkan Ulutash.

Siç njofton Zyra e Kryeministrit, gjatë këtij takimi është diskutuar për zhvillimet aktuale, me theks mbi situatën e sigurisë dhe për rëndësinë e bashkëveprimit dhe bashkëpunimit ndërmjet institucioneve të sigurisë të vendit dhe të misionit të NATO-s në Kosovë.

Duke i uruar mirëseardhje përsëri në Kosovë dhe duke i dëshiruar suksese në mandatin e dytë si komandant i KFOR-it, kryeministri Kurti theksoi gatishmërinë dhe angazhimin e tij dhe të Qeverisë për bashkëpunim të ngushtë me KFOR-in në ruajtjen e paqes dhe sigurisë në të gjithë territorin e vendit”, thuhet në komunikatë.

Komandanti i rikthyer në detyrë si udhëheqës i KFOR-it, Özkan Ulutas gjatë ceremonisë, katër ditë më parë tha se është i gatshëm për të përmbushur misionin e KFOR-it për paqe të qëndrueshme në Kosovë dhe për stabilitetin rajonal.

Continue Reading

Lajmet

Arrestohen dy persona të dyshuar për disa raste të vjedhjeve në Prishtinë

Published

on

By

Policia e Kosovës ka arrestuar dy persona të dyshuar për vjedhje në Prishtinë. Bëhet fjalë për 56 vjeçarin me inicialet B.J dhe M.C, 51 vjeç – të dy shtetas të Kosovës.

Arrestimi, sipas Policisë, ka ardhur pas një pune hetimore dhe operacionale të Sektorit të Hetimeve të Kryeqytetit.

Pas arrestimit, me vendim të Prokurorit të Shtetit, ata janë dërguar në mbajtje prej 48 orësh, përderisa hetuesit po kryejnë të gjitha veprimet e nevojshme hetimore e procedurale lidhur me së paku 15 raste të vjedhjeve, ku dyshohet se personat e arrestuar janë të përfshirë./D.B/KP

Continue Reading

Të kërkuara