Lajmet

​Aliu: Linja hekurudhore Durrës-Prishtinë do të plotësojë një ëndërr të shqiptarëve

Aliu theksoi se edhe në aspektin teknik kjo linjë është e favorshme për të dyja vendet.

Publikuar

3 vjet më parë

më

Marrëveshja për linjën hekurudhore Durrës-Prishtinë po konsiderohet si një mundësi e mirë për zhvillim ekonomik edhe për Shqipërinë, por edhe për Kosovën dhe qasje në korridoret evropiane.

Ministri i Mjedisit, Planifikimit Hapësinor dhe Infrastrukturës së Kosovës, Liburn Aliu u shpreh se linja hekurudhore Durrës-Prishtinë do të ketë impakt të rëndësishëm në zhvillimin ekonomik të të dyja vendeve.

Derisa tha se me këtë linjë hekurudhore plotësohet një ëndërr historike e shqiptarëve, Aliu theksoi se edhe në aspektin teknik kjo linjë është e favorshme për të dyja vendet.

“Përpos që kjo linjë hekurudhore do të plotësojë të themi një ëndërr në kuptimin historik të shqiptarëve, kjo do të bëjë një punë të rëndësishme drejt bashkimit ekonomik të të dyja vendeve dhe zhvillimit ekonomik në të dyja vendet për shkak se do të lidh portin e Durrësit, i cili synon të zhvillohet në një port të transportit të mallrave me Prishtinë e përmes kësaj linje ky port do të ketë komunikimin e drejtpërdrejt në korridorin 10 përmes linjave që lidhin Prishtinën me Nishin, që lidhin pastaj Sofjen dhe Stambollin tutje drejt Azisë dhe në veri përmes Leshakut me Beogradin e Budapestin, Vjenën[…] Pra, porti i Durrësit do ketë mundësi të lidhet drejtpërdrejt me një port tjetër të thatë atë të Prishtinës, i cili do të lidhet me korridoret që këtij porti do ia shtojnë vlerën e po ashtu do e rrisë mundësinë e zhvillimit ekonomik edhe tek ne në Kosovë. Një rëndësi tjetër e veçantë e cila shton mundësinë e zhvillimit të të dyjave vendeve është që edhe porti i Tivarit do të ketë mundësi shumë më të mira të komunikimit me këto korridoret evropiane përmes kësaj linje hekurudhore”, tha ai.

Ministrja e Infrastrukturës dhe Energjisë, Belinda Balluku tha se projekti për hekurudhën Durrës-Prishtinë nxit dhe shkëmbimin dhe rrit volumin e tregtisë që do të ketë midis dy vendeve. Ajo u zotua se sa më shpejt do të kryejnë fazat e prokurimit të përbashkët për këtë projekt.

“Nënshkrimi i këtij memorandum është një nga hapat më konkret që ne do të hedhim në mbledhje duke qenë se që të dyja qeverisë janë angazhuar konkretisht dhe financiarisht në buxhetin e tyre 2022 për të alookuar fonde për sa i përket këtij studimi të këtij fizibiliteti për ngritjen në të ardhmen e hekurudhës nga Durrësi në Prishtinë[…]Ne synojmë sot që të bëhemi pjesë e korridoreve të lëvizjes brenda Ballkanit por edhe pjesë e korridoreve që na lidhin me Evropën dhe sigurisht që hekurudhat janë mënyra e transportit më efecientë dhe më miqësore ndaj ambientit. Ajo çka është më e rëndësishme në këtë projekt është nxitja dhe shkëmbimi dhe rritja e volumeve të tregtisë që do ketë midis dy vendeve tona”, tha ai.

Në mbledhjen e shtatë të dy qeverive asaj të Shqipërisë dhe Kosovës e cila po zhvillohet në Elbasan, janë nënshkruar 13 marrëveshje. 

Etiketa
Vazhdo të lexosh

Lajmet

UNRWA ka fonde deri në fund të gushtit

Publikuar

13 orë më parë

më

25 Qershor, 2024

nga

Kreu i agjencisë së Kombeve të Bashkuara që mbështet refugjatët palestinezë tha të martën se ka siguruar fonde deri në fund të muajit gusht.

“Ne kemi të ardhura deri në fund të gushtit”, tha Philippe Lazzarini, kreu i UNRWA-së, i cila koordinon pothuajse të gjithë ndihmën në Gaza, porse është përballur me një krizë të ardhurash që nga muaji janar, kur shumë vende pezulluan fondet pasi Izraeli akuzoi diku 13 mijë punonjës të Gazës për përfshirje në sulmin e 7 tetorit nga Hamasi./UBTNews/

Vazhdo të lexosh

Lajmet

Policia apel mërgimtarëve: Respektoni rregullat e trafikut!

Publikuar

14 orë më parë

më

25 Qershor, 2024

nga

Policia e Kosovës u ka dëshiruar mirëseardhje të gjithë bashkatdhetarëve që do të kalojnë pushimet verore në Kosovë.

Bashkë me urimin e mirëseardhjes, Policia ka lëshuar edhe një apel për ta, duke u kërkuar që të respektojnë rregullat e trafikut për sigurinë e tyre dhe të familjeve.

Në apel, Policia ka bashkëngjitur edhe gjobat për secilën shkelje të rregullave të trafikut, siç parashikohen me Ligjin e ri të trafikut.

Vazhdo të lexosh

Lajmet

Konfirmohet nga Apeli, shtyhet ekzekutimi i Regullores për organizimin e brendshëm dhe Sistematizimin e Vendeve të Punës së SHSKUK-së

Publikuar

14 orë më parë

më

25 Qershor, 2024

nga

Konfirmohet nga Apeli, shtyhet ekzekutimi i Regullores për organizimin e  brendshëm dhe Sistematizimin e Vendeve të Punës së SHSKUK-së

Avokati Ardian Bajraktari, ka deklaruar se Gjykata e Apelit ka konfirmuar ligjshmërinë e vendimit të Gjykatës së Shkallës së parë, e cila e ka refuzuar si të pa bazuar ankesën e Shërbimit Spitalor dhe Klinik Universitar të Kosovës, lidhur me shtyrjen e ekzekutimit të Regullores për Organizimin e Brendshëm dhe Sistematizimin e Vendeve të Punës së SHSKUK-së.

Bajraktari ka shprehur bindjen se epilogu përfundimtar i këtij procesi gjyqësor do të jetë në favor të tyre.

“Sot pranova Aktvendimin e Gjykatës së Apelit, ku kjo e fundit e ka refuzuar si të pa bazuar ankesën e Shërbimit Spitalor dhe Klinik Universitar të Kosovës, lidhur me shtyrjen e ekzekutimit të Regullores me numer 1024 dates 08.04.2024 për Organizimin e Brendshëm dhe Sistematizimin e Vendeve të Punës së SHSKUK-së, si dhe e ka vërtetuar Aktvendimin e Gjykatës Themelore në Prishtinë  – Departmenti për Çështje Administrative A. nr. 1795/2024, të datës 13.5.2024. I bindur dhe shpresëplotë se i tillë do të jetë edhe epilogu përfundimtar i këtij procesi gjyqësor. Besimi në drejtësi rritet me vendime të drejta”, ka shkruar ai.

Vazhdo të lexosh

Lajmet

OBSH kërkon hapjen e pikëkalimit në Rafah për evakuime mjekësore

Publikuar

15 orë më parë

më

25 Qershor, 2024

nga

Mbyllja e pikëkalimit në Rafah mes Egjiptit dhe Gazës ka pamundësuar evakuimet mjekësore të së paku 2.000 pacientëve, tha një zyrtar i Organizatës Botërore të Shëndetësisë (OBSH), duke bërë thirrje që Rafahu dhe rrugë të tjera të rihapen.

Para mbylljes, “afër 50 pacientë kritikë janë larguar nga Gaza çdo ditë… Do të thotë, që nga 7 maji të paktën 2.000 persona nuk kanë mundur të largohen nga Gaza për të marrë trajtim mjekësor”, tha Rik Peeperkorn, përfaqësues i OBSH-së për Gazën dhe Bregun e pushtuar Perëndimor.

Pikëkalimi në Rafah ishte rruga kryesore për evakuime, por edhe për kalimin e ndihmës humanitare, në fillim të luftës mes Izraelit dhe Hamasit, grupit palestinez të shpallur organizatë terroriste nga Shtetet e Bashkuara dhe Bashkimi Evropian.

Megjithatë, ky pikëkalim u mbyll pasi Izraeli nisi një operacion në Rafah në maj.

Javën e kaluar, SHBA-ja, Egjipti dhe Katari zhvilluan bisedime me synim që të rihapet ky pikëkalim dhe të rriten dërgesat me ndihmë humanitare. Por Rafahu, ku Egjipti dëshiron që trupat izraelite të tërhiqen dhe të rivendoset prania palestineze, vazhdon të jetë i mbyllur.

Ndërkaq, ka lëvizje në pikëkalimin e afërt të Kerem Shalomit që kontrollohet nga Izraeli, por sipas Peeperkorn ky pikëkalim është i pasigurt.

Të paktën 10.000 persona kanë nevojë të evakuohen nga Gaza, tha Peeperkorn.

“Na duhen më shumë rrugë për evakuime emergjente mjekësore. Ne duam që Karem Shalom dhe rrugë të tjera të hapen po ashtu për evakuime mjekësore dhe pacientët të mund të dërgohen në spitale në Jerusalemin Lindor dhe Bregun Perëndimor”, tha ai.

Lufta në Gazë nisi pas sulmit të paprecedent të Hamasit në jug të Izraelit më 7 tetor, kur u vranë afër 1.200 persona dhe u rrëmbyen 250 të tjerë. Ndërkaq, si pasojë e ofensivës izraelite, në Gazë deri më tani janë vrarë më shumë se 37.000 persona./REL

Vazhdo të lexosh

Të kërkuara