Lajmet

​Aliu: Brenda këtij viti do të jetë funksionale pista e re në Aeroportin “Adem Jashari”

Aliu ka vizituar sot Aeroportin Ndërkombëtar të Prishtinës “Adem Jashari”.

Published

4 years ago

on

Ministri i Mjedisit, Planifikimit Hapësinor dhe Infrastrukturës, Liburn Aliu, ka deklaruar se brenda këtij viti do të jetë funksionale pista e re e Aeroportit Ndërkombëtar të Prishtinës “Adem Jashari”.

Aliu që sot ka vizituar aeroportin, tha se me investimet që po bëhen do të mundësohet edhe normalizimi i hapësirës së ulët ajrore, gjë e cila tha se do të ndikojë që të ulen çmimet e biletave.

Ministri tha se me pistën e re do të mund të ketë aterime edhe në kushte të rënda klimatike, që sipas tij deri më tash nuk ka qenë e mundur.

“Çështja e projektit të zgjerimit të pistës si dhe pajisjeve që në kuadër të këtij projekti parashihen të realizohen për shërbime të rëndësishme për vendin tonë. Së pari temë e diskutimit ishte përfundimi i këtij projekti dhe vënia në funksion sa më herët e pistës së re të zgjatur e cila do të ndihmojë jashtëzakonisht shumë në çështjet e aterimeve edhe në kushte të rënda klimatike, gjë që ka qenë problematike në të kaluarën. Pra, tani pas realizimit të këtij projekti që besojmë që brenda këtij viti do të jetë funksionale pista e re, e që jemi dakorduar se si do të mund të arrijmë deri në këtë pikë me një punë të shtuar me intensitet më të lartë të realizimit të punëve, atëherë edhe mërgimtarëve tanë, si dhe udhëtarët të cilët vijnë nga jashtë dhe aterojnë në pistën tonë do të kenë mundësinë që të realizojnë këtë edhe në kushte të rënda klimatike gjë që në të shkuarën nuk ka qenë e mundur”, tha ai.

Aliu tha se realizimi i këtij projekti do të mundësojë normalizimin e hapësirës së ulët ajrore, e që sipas tij do të ketë ndikim që të bien çmimet e biletave të udhëtimit.

“Çka është e rëndësishme po ashtu, ky projekt dhe realizimi i këtyre pozicioneve të rëndësishme të këtij projekti do të mundësojë normalizimin e hapësirës së ulët ajrore të vendit tonë, gjë që është dëshirë e shumë viteve për ta realizuar e cila besoj që do të arrijmë ta realizojmë po ashtu në përfundim eventualisht në fillim të vitit të ardhshëm. Kjo do të krijoj kushte të mira që të bien edhe çmimet e biletave, pasi që do të mund të shkurtohen fluturimet dhe rrugët ajrore do të jenë më të shkurtra dhe rrjedhimisht do të kemi edhe shpenzime më të pakta gjatë aterimit”, u shpreh ai.

Ministri Aliu tha se për realizimin e këtij projekti nuk do të ketë nevojë për tender të ri, pasi tha se për të njëjtin projekt ekziston kontrata dhe vetëm do të përshpejtohen punët.

Related Topics:
Continue Reading

Aktualitet

FSK-ja realizon ushtrimin fushor “Ujku shigjetë” pesë ditë

Published

3 hours ago

on

August 29, 2025

By

Trupat e Forcës së Sigurisë së Kosovës do të realizojnë ushtrimin fushor “Ujku Shigjetë” për pesë ditë.

FSK-ja ka njoftuar se gjatë këtyre ditëve do të ketë lëvizje të konvojeve nga bazat në drejtim të rajonit të Gjakovës, ndërkohë ka kërkuar mirëkuptimin e qytetarëve.

“Njoftojmë gjithë qytetarët e Republikës së Kosovës, se nga data 31 gusht deri më 05 shtator 2025 Forca e Sigurisë së Kosovës do të realizojë ushtrimin fushorë ‘Ujku Shigjetë’, në kuadër të përgatitjeve për validimin e Regjimentit të tretë.

Gjatë kësaj periudhe do ketë lëvizje të konvojeve nga vendbanimet e Forcës së Sigurisë së Kosovës në drejtim të rajonit të Gjakovës, saktësisht Aeroportit të Gjakovës dhe Poligonit ushtarak në Babaj të Bokës”, thuhet në njoftimin e FSK-së

Continue Reading

Aktualitet

Hoti: Janë gjetur mbetjet mortore të nëntë personave të zhdukur, pesë lokacione pritën të hapen

Published

3 hours ago

on

August 29, 2025

By

Komisioni Qeveritar për Personat e Zhdukur, përmes një njoftimi ka bërë të ditur se sot nga ora 10:45, mbahen homazhe te Monumenti i Personave të Zhdukur. Kryesuesi i Komisionit Qeveritar për Personat e Zhdukur, Andin Hoti, ka bërë të ditur se deri më tani janë punuar 17 lokacione në Kosovë në kuadër të kërkimeve për personat e zhdukur.

Hoti tregoi se në 7 prej tyre janë zbuluar mbetje mortore.

“17 lokacione është punuar deri më tani në Kosovë, 7 prej tyre ka pasur gjetje të mbetjeve mortore (të cilat janë dërguar për analizë në Laborator të ICMP)”, u shpreh Hoti.

Sipas tij, aktualisht janë përfunduar disa gërmime, derisa pritën edhe 5 lokacione të gërmohet.

“Aktualisht i kemi përfunduar gërmimet në Vushtrri dhe Klinë në një lokacion. Janë edhe minimum 5 lokacione tjera që pritet të ndërmarrin veprim ekipet”, deklaroi Hoti.

Ai ka konfirmuar se mbetjet mortore të 9 individëve janë gjetur në lokacionet në Kosovë.

Në përpjekje për të ndriçuar fatin e të zhdukurve, lokacionet e gërmimeve mbeten pikë kyçe në procesin e kërkimit dhe identifikimit të mbetjeve mortore.

Continue Reading

Aktualitet

Një vdekje e dyshimtë në Skenderaj

Published

3 hours ago

on

August 29, 2025

By

Një person është gjetur pa shenja jete në Skenderaj ditën e sotme ku policia po e heton si vdekje të dyshimtë.

“Është raportuar për një viktimë mashkull kosovar pa shenja jete. Në vendin e ngjarjes kanë dalë njësit relevante policore si dhe emergjenca ku mjeku kujdestar ka konstatuar vdekjen e viktimës”, thuhet në njoftim.

“Me vendim të prokurorit, trupi i pajetë është dërguar në IML për obduksion”, thuhet në raportin e PK-së.

Continue Reading

Aktualitet

Gucati: Së shpejti do të dalim me emrat e eksponentëve të VV-së që çuan dokumentacione në Hagë

Published

4 hours ago

on

August 29, 2025

By

Kryetari i OVL-UÇK, Hysni Gucati ka deklaruar të enjten se brenda Lëvizjes Vetëvendosje ka dëshmitarë të Gjykatës Speciale.

Në një konferencë për media, ai përmendi emrin e ministres së Jashtme në detyrë, Donika Gërvalla, duke thënë se ajo ka dorëzuar dokumente në këtë gjykatë.

“Ne jemi bazuar gjithmonë në punimin shkencor duke parë Dimal Bashën që e ka bërë në vitin 2012, ku Dimal Basha thotë se në vitet e ’90-ta, Ushtria Çlirimtare e Kosovës është financuar nga dilerë të drogës, ku aty përfshihen të gjithë dëshmorët, ata që kanë rënë. Besoj e dini, që disa eksponentë të VV-së që janë aty sot, në Parlamentin e Kosovës kanë deponuar dokumentacione të Gjykatën Speciale në Hagë. Ministra Gërvalla gjithqysh, por ka edhe të tjerë”, u shpreh Gucati.

Sipas tij, janë disa këshilltarë të ministrave, ku paralajmëron se emrat e tyre do të dalin shumë shpejt.

“Shumë shpejt do të dalim me emra, ne nuk kemi nevojë t’i frikësohemi askujt. Ka ardhur koha ta ndajmë sharpin nga sheqeri, dhe të kuptohet një herë e mirë se kush e do vendin dhe kush nuk e do”, tha tutje kreu i OVL-UÇK-së.

Ai shton se i vjen turp për deputetët e Kosovës që votuan Dimal Bashën për kryetar të Kuvendit.

Continue Reading

Të kërkuara