Lajmet

Aktivitet simbolik “Burgu” para Zyrës së BE-së për mosliberalizim të vizave

Edhe të premten e kaluar në Prishtinë është mbajtur një marsh – protestë kundër mosliberalizimit të vizave për Kosovën.

Published

4 years ago

July 1, 2022

Betim Gashi

Para Zyrës së Bashkimit Evropian në Prishtinë, organizata Lëvizja për Demokraci sot ka mbajtur një aktivitet simbolik të quajtur “Burg”, me hartën e Kosovës, për ta kundërshtuar mosliberalizimin e vizave.

Mexhid Ramusa, drejtues i kësaj organizate, theksoi se duan t’i tregojnë Bashkimit Evropian se si po e mban të izoluar padrejtësisht Kosovën.

“Në bazë të këtij aktiviteti simbolik, duam t’i tregojmë Bashkimit Evropian se si po na mban të izoluar padrejtësisht. Ne si popull nuk kemi asnjë faj të mbetemi të izoluar në kësi lloj burgu. Ne jemi edhe të vrarë e të masakruar, por edhe të izoluar. Në këtë aktivitet, këtë ‘burg’ siç po e quajmë, do ta dërgojmë edhe para Zyrës së Bashkimit Evropian në Bruksel”, theksoi Ramusa.

Ramusa derisa theksoi se Kosova i ka plotësuar të gjitha kriteret për liberalizim, teksa shtoi se Bashkimi Evropian nëse i promovon vlerat e demokracisë, nuk ka arsye që ta mbajë Kosovën të izoluar.

“Pse BE na mban të izoluar? Ne i kemi plotësuar të gjitha kriteret. Nëse Bashkimi evropian i promovon vlerat e demokracisë, atëherë pse neve po na mban të izoluar, a nuk quhet kjo racizëm?”, theksoi Ramusa.

Edhe të premten e kaluar në Prishtinë është mbajtur një marsh – protestë kundër mosliberalizimit të vizave për Kosovën.

Lajmet

Arrestohet një zyrtar që dyshohet se mori ryshfet nga pronarë biznesesh

Published

39 minutes ago

September 24, 2026

UBT News

Policia e Kosovës ka arrestuar një person në Rahovec, i dyshuar për veprën penale “Marrja e ryshfetit”.

Sipas Policisë, i dyshuari, mashkull kosovar, në periudha dhe lokacione të ndryshme në zonën e Rahovecit, dyshohet se kishte kërkuar dhe pranuar ryshfet nga pronarë të bizneseve, në këmbim të moskryerjes së kontrolleve apo mosndëshkimit për shkeljet e ligjit.

Gjatë hetimeve, të zhvilluara në bashkëpunim me Prokurorinë Themelore në Gjakovë, janë siguruar dëshmi se i dyshuari dyshohet se kishte pranuar në disa raste shuma prej 300 deri në 500 euro nga pronarë të ndryshëm biznesesh.

Me urdhër të Gjykatës Themelore në Gjakovë, më 24 shtator janë kontrolluar ambienti i punës dhe veturat që i dyshuari kishte në shfrytëzim. Gjatë kontrollit është sekuestruar edhe një telefon celular.

Pas intervistimit, me vendim të prokurorit, i dyshuari është ndaluar për 48 orë./A.K/

Lajmet

Ish-kreu i SHISH, Vlora Hyseni del nga GJKKO, iu komunikua masa e sigurisë “arrest në shtëpi”

Published

47 minutes ago

September 24, 2026

UBT News

Ish-kreu i SHISH, Vlora Hyseni sapo ka dalë nga GJKKO pas më shumë se 2 orësh.

Gazetarja e Top Channel, Anila Hoxha raporton se Hysenit i është komunikuar masa e sigurisë “arrest në shtëpi”.

Ajo u pyet nga gazetarët në lidhje me përgjimet e SPAK, por ka refuzuar të flasë.

Ndryshe, para se të hynte në gjykatë gjatë kalimit nga rruga drejt godinës, Hyseni është shprehur shkurtimisht ndaj pyetjes së gazetarëve nëse Agasit i janë kaluar nga ana e saj dokumente të klasifikuara, duke u shprehur: “Si kalon ti në takime me agjentët serb në dhomat e hotelit Rogner”. /Tch/

Lajmet

Djemtë e ish-krerëve të UÇK-së vizitojnë familjen e Afrim Bunjakut

Published

49 minutes ago

September 24, 2026

UBT News

Endrit Thaçi, Klestor Veseli dhe Altin Krasniqi, djemtë e ish-krerëve të UÇK-së, kanë vizituar sot familjen e policit të Kosovës, Afrim Bunjaku, në përvjetorin e rënies së tij.

Vizita është zhvilluar në shenjë respekti dhe solidariteti me familjen Bunjaku, i cili u vra më 24 shtator 2023 gjatë sulmit në Banjskë.

Gjatë vizitës, ata kanë shprehur respekt për figurën dhe sakrificën e Bunjakut, duke qëndruar pranë familjes së tij në këtë ditë përkujtimi.

Afrim Bunjaku humbi jetën në krye të detyrës gjatë sulmit ndaj Policisë së Kosovës në Banjskë./A.K/