Lajmet

​Aksion ndaj autobusëve të Podujevës e Lipjanit, paralajmërohen gjoba e sekuestrime

Komuna e Prishtinës nis aksion ndaj autobusëve ndërurban.

Published

on

Linjat e autobusëve të Podujevës dhe Lipjanit nuk janë duke i respektuar rregullat që të kalojnë në linjat e paracaktuara dhe të mos futen në brendësi të Prishtinës. Për këtë Drejtoria e Inspeksionit të komunës së Prishtinës ka nisur një aksion nën asistimin e policisë, që ka për qëllim të parandalimit të futjes së operatorëve ndërurban në brendi të qytetit.

Drejtori i Inspeksionit të komunës së Prishtinës, Florian Dushi tha se ky aksion i inspektoratit komunal është duke vazhduar, ndërkaq janë duke shikuar edhe për linja të tjera, të cilat nuk po zbatojnë rregullat.

“Është një aksion që po vazhdon edhe sot dhe do të vazhdojë edhe më tutje. Vendimi është sepse autobusët ose një pjesë e tyre, e autobusëve që kanë të përcaktuara linjat ndërurbane, futen në brendësi të qytetit duke mos pasur të drejtë, sepse ata i kanë të përcaktuara linjat dhe rrugët në kuadër të cilave duhet të qarkullojnë. E kanë të përcaktuar po ashtu që duhet të hyjnë dhe të kryejnë shërbimet e tyre në kuadër të stacionit të autobusëve në Prishtinë, por të njëjtit nuk respektojnë linjat e përcaktuara, nuk respektojnë detyrimin që të futet në stacionin e autobusëve dhe ndjekin rrugët më të shkurta në kryeqytet, duke shkaktuar në këtë formë edhe “tollovi” në trafikun e kryeqytetit…  Ka disa linja që qarkullojnë nga komunat përreth komunës së Prishtinës, siç janë rasti me Lipjanin, me Podujevën por edhe disa të tjera që ne do t’i propozojmë tash forcës për komunikacion në kuadër të kryeqytetit që t’i rishikojë edhe një herë linjat e tyre”, tha ai.

Dushi shtoi se kalimi i këtyre autobusëve në brendësi po ndikon negativisht në trafikun e qytetit.

“Ka ankesa të shumta t’iu them të vërtetën nga linja që qarkullojnë brenda qytetit. Ka ankesa të shumta dhe pastaj ka vlerësime nga vetë Komuna e Prishtinës, sipas të cilave duke u futur në brendësi të qytetit në zona të cilat ata nuk kanë të drejtë të futen, po krijojnë ose po ndikojnë negativisht në rrjedhën, në mbarëvajtjen e trafikut në kryeqytet. …Unë sot isha personalisht me inspektorët në teren dhe pash që megjithatë deri në një masë është duke u respektuar”, shtoi ai.

Bekimi Ahmeti, ekspert i komunikacionit, tha se ky lajm për të është “fantastik”, duke theksuar se ndërurbani i ka bërë gjithnjë konkurrencë urbanit, për nga ana e udhëtarëve.

“Lajm fantastik, shumë i mirë… Autobusat ndërurban le të shfrytëzojnë rrugën Prishtinë-Mitrovicë, në qoftë se janë nga Podujeva… Po e pranoj si jashtëzakonisht mirë sepse ndërurbani gjithmonë i ka bërë konkurencë urbanit në aspektin e udhëtarëve… Një ditë e fotografova tek xhamia e Llapit, nuk kishte autobusi urban se ku të ndalej që të marrë udhëtarë prej ndërurbanit. Kjo praktikë nuk ndodh askund me përjashtim të vendit tonë. Ndërurbani shkon në stacion të autobusëve, pastaj është linja e rregullt që nga stacioni i autobusëve i shpërndan udhëtarët në qytet”, theksoi ai.

Ahmeti shtoi se qyteti i Prishtinës nuk ka kapacitet hapësinor që t’i pranojë 120 mijë automjete brenda qytetit.

“Autobusët ndërurban shkaktojnë dendësi jashtëzakonisht të madhe brenda qytetit. Qyteti i Prishtinës gjeografikisht është i vogël që të pranojë 120 mijë automjete jashta qyteteve tjera edhe urbani është e papërballueshme”, potencoi ai.

Ndërkaq, qytetari Zeqir Vrapca tha se autobusët ndërurban nuk duhet lejuar në qytet, vetëm atë urban.

“Rregullat e qytetit dihen, nëse është në të mirë të qytetit, mundet edhe t’i lejojnë… Ndërurbanin nuk do e kisha lejuar në qytet, vetëm atë urban”, theksoi ai.

Ndërkaq, Drejtoria e Inspeksionit ka kërkuar nga të gjithë operatorët ndërurban që të respektojnë në mënyrë strikte vijën e qarkullimit të tyre për shkak se në të ardhmen, përveç gjobave ndaj tyre, do të iniciohen edhe procedurat e sekuestrimit të përkohshëm të mjeteve të tyre të transportit.

Kujtojmë se komuna e Prishtinës më 10 mars të këtij viti ka marrë vendim për moskalimin e autobusëve ndërurban në brendësi të Prishtinës.

Bota

Qytetarët bojkotojnë bizneset në Turqi

Published

on

Këtë të mërkurë, Stambolli ishte thuajse bosh. Lokalet, marketet dhe bizneset e tjera ishin të pashkelura, pasi qytetarët iu bashkuan thirrjes së opozitës për një bojkot 24-orësh, duke shprehur pakënaqësinë e tyre ndaj çmimeve të larta dhe gjendjes ekonomike të vështirë. Kjo nismë është përgjigje ndaj inflacionit në rritje dhe humbjes së vlerës së monedhës vendase, Lirës turke.

Një Euro këmbehet tani me rreth 41 Lira, ndërsa një Dollar me rreth 38 Lira, duke shkaktuar pasiguri ekonomike për shumë qytetarë. Pavarësisht mbështetjes për bojkotin nga opozita, mendimet e qytetarëve janë të ndara për këtë nismë. Disa shohin në të një mundësi për të shprehur pakënaqësinë, ndërsa të tjerë mbeten të rezervuar, duke dyshuar për efektivitetin e tij.

Përveç sektorit të biznesit, bojkoti ka prekur edhe median. Opozita ka kërkuar bojkotimin e televizioneve pro-qeveritare, duke rezultuar në një rënie të dukshme të audiencës. Ky reagim qytetar është përshkallëzuar pas arrestimit të kryebashkiakut të Stambollit, Ekrem Imamoglu, dhe një valë protestash që ka përfshirë vendin.

Continue Reading

Lajmet

Tarifat e reja nga SHBA: Kosova dhe Shqipëria 10 për qind, Serbisë 37 për qind

Published

on

Presidenti amerikan Donald Trump ka vendosur tarifa të reja ndaj partnerëve tregtarë të Shteteve të Bashkuara, duke përfshirë Kosovën dhe Shqipërinë, të cilat do të përballen me një tarifë prej 10%. Ndërkohë, Serbisë i është vendosur një tarifë më e lartë prej 37%. Këto tarifa kanë hyrë menjëherë në fuqi, duke shkaktuar një reagim të shpejtë ndërkombëtar dhe duke theksuar politikën proteksioniste të SHBA-së në fushën e tregtisë.

Në një fjalim të mbajtur në Kopshtin e Trëndafilave të Shtëpisë së Bardhë, Trump e quajti këtë ditë “ditë të lirisë”, duke theksuar se ky veprim është një hap drejt rilindjes së industrisë amerikane dhe përmirësimit të balancave tregtare. Ai akuzoi shtetet e tjera për praktika të padrejta tregtare, përfshirë vjedhjen e pronës intelektuale dhe mbështetje të padrejtë për industrinë e makinave, duke theksuar se kjo ka dëmruar ekonominë amerikane.

Trump gjithashtu njoftoi se do të vendoset një tarifë prej 25% për makinat e prodhuara jashtë SHBA-së, duke synuar mbrojtjen e industrisë automobilistike të vendit. Ky vendim ka shkaktuar reagime të ndryshme, veçanërisht në vendet e Ballkanit, që tani do të përballen me rritje të kostove tregtare si pasojë e masave të reja tarifore./UBTNews/

Continue Reading

Lajmet

Vuçiç bisedon me sekretarin e Jashtëm britanik për Kosovën dhe situatën në Bosnje

Published

on

Sekretari i Jashtëm i Mbretërisë së Bashkuar, David Lammy, ka zhvilluar një bisedë të rëndësishme me presidentin e Serbisë, Aleksandar Vučić, në Beograd, ku kanë diskutuar mbi procesin e normalizimit të marrëdhënieve ndërmjet Serbisë dhe Kosovës, si dhe mbi situatën në Bosnje e Hercegovinë, veçanërisht në lidhje me veprimet antikushtetuese të Millorad Dodikut, presidentit të entitetit serb të Bosnje e Hercegovinës, Republika Sërpska.

Pas takimit, Lammy theksoi rëndësinë e një Ballkani Perëndimor të qëndrueshëm dhe të sigurt, duke shtuar se stabiliteti i këtij rajoni është thelbësor për Mbretërinë e Bashkuar. Ai theksoi gjithashtu rolin kyç që Serbia ka në ruajtjen e këtij stabiliteti.

Në lidhje me çështjen e Kosovës, Lammy dhe Vučić u pajtuan se dialogu ndërmjet Kosovës dhe Serbisë është thelbësor për arritjen e një normalizimi të qëndrueshëm dhe paqësor të marrëdhënieve. Lammy po qëndronte në Beograd pas një vizite dyditore në Prishtinë, ku u takua me liderët e Kosovës dhe u bëri thirrje autoriteteve të Kosovës që të angazhohen plotësisht në dialogun me Serbinë, i ndërmjetësuar nga Bashkimi Evropian.

Në lidhje me Bosnje e Hercegovinën, Lammy diskutoi me Vučićin mbi veprimet e presidentit të Republikës Sërpska, Millorad Dodik, të cilat ai i cilësoi si antikushtetuese. Megjithatë, Vučić shprehu mospajtim me këtë vlerësim, duke theksuar se Serbia do të respektojë gjithmonë Marrëveshjen e Dejtonit dhe integritetin territorial të Bosnje e Hercegovinës. Ai shtoi se Serbia nuk dëshiron asnjë konflikt.

Gjykata e Bosnje e Hercegovinës kishte kërkuar më herët fletarrestime ndërkombëtare për Dodikun dhe Nenad Stevandiqin, kryetarin e Kuvendit Popullor të Republikës Sërpska, për shkak të dyshimeve se ata kanë shkelur rendin kushtetues të Bosnjës. Megjithatë, Dodik deklaroi se iu ishte njoftuar nga Vučić se kërkesa për fletarrestime ndërkombëtare nuk ishte pranuar nga INTERPOL-i.

Takimi mes Lammy dhe Vučićit u shoqërua me nënshkrimin e tri memorandumeve mirëkuptimi nga të dyja palët.

 

Continue Reading

Lajmet

Trump njofton tarifat e reja globale, Von der Leyen paralajmëron kundërmasa nga BE

Published

on

By

Presidenti amerikan, Donald Trump ka njoftuar një valë tarifash të reja doganore ndaj shumë shteteve, duke deklaruar një taksë universale “bazë” prej 10% për importet në SHBA, teksa e ka quajtur atë si “Dita e Çlirimit”. Trump konfirmoi një tarifë prej 10% për mallrat e Mbretërisë së Bashkuar dhe 20% për mallrat e BE-së, teksa tha se do të fillojë një “epokë të artë” për Amerikën.

Ursula von der Leyen, presidentja e Komisionit Evropian, i ka quajtur tarifat një goditje të madhe për ekonominë botërore.

“Le të jemi të qartë për pasojat e mëdha: ekonomia globale do të vuajë masivisht, pasiguria do të spiralizohet dhe do të shkaktojë rritjen e proteksionizmit të mëtejshëm. Pasojat do të jenë të tmerrshme për miliona njerëz në mbarë globin.”

Ajo theksoi ndikimin që tarifat e Trump do të kenë tek konsumatorët dhe bizneset, të cilët zakonisht përfundojnë duke paguar koston shtesë për mallrat pas zbatimit të masave të tilla.

“Ajo do të ndihet menjëherë nga konsumatorët, duke dëmtuar veçanërisht qytetarët më të rrezikuar,” tha ajo, duke shtuar se të gjitha bizneset, të mëdha dhe të vogla, do të vuajnë që nga dita e parë.

Von der Leyen u ankua gjithashtu për natyrën e gjerë të tarifave, të cilat do të ndikojnë në mënyrë dramatike marrëdhëniet tregtare me atë që ajo e përshkroi si “aleatin më të vjetër të Evropës”.

“Kostoja e të bërit biznes me Shtetet e Bashkuara do të rritet në mënyrë drastike. Dhe për më tepër duket se nuk ka rregull në çrregullim – asnjë rrugë e qartë në kompleksitetin dhe kaosin që po krijohet, pasi të gjithë partnerët kryesorë tregtarë janë goditur”, tha ajo.

Von der Leyen foli gjithashtu për kundërmasa ndaj tarifave të Trump, duke thënë se Evropa tashmë po finalizon paketën e saj të parë të masave në përgjigje të tarifave të para për çelikun dhe përgatit kundërmasa të mëtejshme nëse negociatat dështojnë.

“Unë e di se shumë prej jush ndihen të zhgënjyer nga aleati ynë më i vjetër. Ne duhet të përgatitemi për ndikimin që do të ketë në mënyrë të pashmangshme”, shtoi presidentja e Komisionit Evropian.

Duke mbyllur deklaratën e saj, Von der Leyen theksoi pozicionin e Evropës si një front i bashkuar.

“Ne, Evropa jemi në këtë së bashku: nëse ju përballeni me njërin prej nesh, ju na merrni të gjithëve. Uniteti ynë është forca jonë,” tha von der Leyen.

Ajo theksoi se Evropa do të qëndronte në anën e atyre që preken drejtpërdrejt, duke vënë në dukje se disa nga vendet më të cenueshme në botë po goditen me tarifat më të larta.

“Evropa qëndron së bashku – për biznesin, për qytetarët dhe për të gjithë evropianët, dhe ne do të vazhdojmë të ndërtojmë ura me të gjithë ata që si ne kujdesen për tregtinë e drejtë dhe të bazuar në rregulla si bazë për prosperitet”, përfundoi Von der Leyen.

Continue Reading

Të kërkuara