Dua Lipa ka ndezur rrjetin me një fotografi të re ku shfaqet duke mbajtur në dorë modelin më të ri të Apple – iPhone 17 Pro në ngjyrën unike “cosmic orange”.

Këngëtarja shqiptare me famë botërore ishte ndër të parat që u pa me Iphone, duke lënë fansat të habitur: “Si e mori kaq shpejt?”.

Në një kohë kur prezantimi i serisë së re iPhone 17 sapo është bërë dhe para-porositë nisin vetëm këtë të premte, më 12 shtator, videoja e artistes shqiptare me edicionin e ri ka pushtuar rrjetet sociale.

Komentet nuk kanë munguar, ku shumë ndjekës shprehën habinë se si këngëtarja arriti të siguronte një nga modelet më të kërkuara para publikimit zyrtar. Ajo në videon në Instagram xhiroi gjithçka me Iphone të ri, që nga koha kur zgjohet, angazhimet tjera e deri te koncertet.

Apple prezantoi katër modele të reja – iPhone 17, 17 Pro, Pro Max dhe versionin ultra të hollë 17 Air.

Gjiganti teknologjik, Apple, të martën ka publikuar versionin e ri të sistemit operativ iOS. Si gjithmonë, sistemi i ri operativ mund të funksionojë në një numër të caktuar të telefonave të kompanisë.

Versioni i ri përmban edhe veçorinë “Liquid Glass”. Kjo është sikur një sipërfaqe e re në telefon, e cila përshtat pamjet me ekranin, si për shembull menuja e të tjera opsione do të marrin formë më të rrumbullakët për t’iu përshtatur formës së re të kornizës.

Pos kësaj, Apple ka thënë se e ka përmirësuar punën e përkthimi dhe ka bërë riorganizim të aplikacioneve të kamerës dhe fotografive.

Ndryshimi i emrit nga iOS 18 në iOS 26 është kalim i madh, që paraqet skemë të re të emrave në Apple dhe jo më thjesht numra.

Ndryshimi te Apple vjen me zhgënjim për përdoruesit e iPhoneve. Çdo version i ri ua “përjashton” një grup më të vjetër të telefonave.

Kjo është lista e iPhoneve që përkrahin sistemin e ri operativ:

•        iPhone SE (gjenerata e dytë)

•        iPhone 11, Pro, and Pro Max

•        iPhone 12, Mini, Pro, and Pro Max

•        iPhone 13, Mini, Pro, and Pro Max

•        iPhone 14, Plus, Pro, and Pro Max

•        iPhone 15, Plus, Pro, and Pro Max

•        iPhone 16, Plus, Pro, and Pro Max

•        iPhone 16e.

Mercedes-Benz ka arritur një sukses të jashtëzakonshëm në fushën e lëvizshmërisë elektrike me një drejtim demonstrues që demonstron potencialin e teknologjisë së baterive të së ardhmes.

Një automjet testimi EQS pak i modifikuar, i pajisur me bateri litium-metali me elektrolit të ngurtë, përshkoi udhëtimin prej 1,205 kilometrash nga Stuttgarti në Malmö në fund të gushtit pa asnjë ndalesë për karikim, transmeton Telegrafi.

Ky sukses theu rekordin e mëparshëm të Vision EQXX me tre kilometra, dhe automjeti mbërriti në Malmö me një rreze mbresëlënëse të mbetur prej 137 kilometrash. Teknologjia funksionon jo vetëm në laborator, por edhe në kushte reale të rrugës, transmeton Telegrafi.

“Bateria me elektrolit të ngurtë përfaqëson një revolucion të vërtetë për lëvizshmërinë elektrike. Me drejtimin e suksesshëm në distanca të gjata të EQS, ne po tregojmë se kjo teknologji funksionon jo vetëm në laborator, por edhe në rrugë. Qëllimi ynë është të sjellim inovacione të tilla në prodhimin serik deri në fund të dekadës”, tha Markus Schäfer, anëtar i bordit të menaxhimit të grupit Mercedes-Benz.

Sistemi i baterisë u zhvillua në bashkëpunim me Mercedes-AMG High Performance Powertrains, ndërsa qelizat litium-metalike vijnë nga prodhuesi amerikan Factorial Energy. Përmbajtja e energjisë së përdorshme të baterisë është rritur me 25%, ndërsa pesha dhe madhësia mbeten të krahasueshme me baterinë standarde EQS.

Itinerari ndoqi autostradat A7/E20 përmes Gjermanisë e Danimarkës deri në Malmö Suedi, itinerari u llogarit duke përdorur sistem inteligjence elektrike që merr parasysh topografinë, trafikun, temperaturën e ambientit dhe nevojat e energjisë për ngrohje dhe ftohje.

Apple hapi segmentin e prezantimit të orëve inteligjente me një montazh emocional, ku njerëz të ndryshëm ndanin histori personale se si ora u kishte shpëtuar jetën në situata emergjente shëndetësore – duke paralajmëruar kështu kapitullin e radhës në misionin e saj për shëndetin.

Apple Watch Series 11 vjen me dizajn të përforcuar: xhami është dyfish më rezistent ndaj gërvishtjeve e ndërtimi prej titani ofrohet edhe në përfundim të ri ngjyrë ari.  Ora mbështet rrjetin 5G për lidhje më të shpejta dhe më efikase në energji, ofron deri 24 orë jetëgjatësi baterie.

Ngjyrat e reja përfshijnë të zezën e errët, argjendin, arin rozë dhe ngjyrën gri.

Në aspektin shëndetësor, ky është modeli më ambicioz i Apple deri tani. Përveç rikthimit të gjurmimit të ciklit dhe shëndetit mendor, risia më e madhe është funksioni i ri për monitorimin e hipertensionit, i cili synon të zbulojë shenjat e presionit të lartë kronik të gjakut.

Apple parashikon që kjo veçori ndihmon në mbi 1 milion diagnoza vetëm në vitin e parë. Funksioni është ende në pritje të aprovimit nga FDA, por kompania planifikon ta lansojë fillimisht në SHBA dhe Evropë.

Përmirësimet përfshijnë gjithashtu një sistem më të detajuar për vlerësimin e gjumit dhe, me ardhjen e watchOS 26, përdoruesit do të kenë në dispozicion edhe pamje të reja të orës.

Apple ruajti emrin e njohur për modelin e saj të nivelit bazë. Apple Watch SE 3 tani vjen me çipin S10 (jo S11, siç pritej), por sjell përmirësime të dukshme: mbështetje për kontrolle me gjeste si prekja e dyfishtë apo lëvizjet e dorës, funksione më të zgjeruara të shëndetit dhe për herë të parë – matjen e temperaturës. Ora mbështet edhe Siri-n direkt në pajisje, duke e bërë përdorimin më të shpejtë e më privat.

Edhe pse autonomia mbetet 18 orë, Apple ka shtuar karikimin e shpejtë, deri dy herë më efikas, një risi e rëndësishme për linjën SE.

Përgatiti: A.Z. /UBT News/