Sport

​Agim Agushi sfidon me sukses rekordin Guinness, zhvesh 23 fanella ndërsa zhonglon topin me kokë

Agushi u shpreh shumë i bindur se gjatë vitit 2023 do të thyejë edhe shumë rekorde të tjera.

Publikuar

Atleti kosovar, Agim Agushi ka sfiduar me sukses rekordin Guinness për zhveshjen e numrit më të madh të fanellave ndërsa zhoglon topin me kokë. Agushi ka zhveshur 23 fanella, duke thyer rekordin e amerikanit Abraham Munoz i cili në vitin 2018 kishte zhveshur 22 sosh.

Për thyerjen e këtij rekordi, Agushi mori mbështetje nga kompania “Al Trade” dhe komuna e Prishtinës.

Menaxheri i Burimeve Njerëzore dhe i Marketingut në “Al Trade”, Artan Ramaj me këtë rast tha se thyerja e këtij rekordi me 23 fanella të zhveshura nga Agushi po bëhet pikërisht në 23-vjetorin e kësaj kompanie.

Ramaj e shtoi se qëllimi i këtij aktiviteti është të ndërtojmë një frymë të re në vend, që së bashku të kontribuojmë në të ardhmen dhe për të ardhmen e vendit.

“Ne jemi mbledhur këtu për sfidimin e rekordit Guinness me Agim Agushin, ku simbolikë e jona është edhe 23-vjetori i kompanisë që festohet sot dhe në të njërën kohë e kemi bërë një lidhje që për 23-vjetorin, 23 fanella për ta thyer rekordin Guinnes”, tha Ramaj.

Drejtori i Drejtorisë së Sportit në komunën e Prishtinës, Granit Rugova deklaroi se me rekordet e njëpasnjëshme që po i thyen Agushi, krenohet jo vetëm Prishtina, por e gjithë Kosova.

“Për Drejtorinë e Sportit në Prishtinë, për të gjithë qytetin, është kënaqësi dhe nder që një sfidim i tillë i z.Agushit ndodh pikërisht në Prishtinë edhe përkrahjen e ka pasur nga Drejtoria e Sportit edhe nga e gjithë Prishtina. Realisht me rekordet e tij krenohet e gjithë Kosova”, theksoi Rugova.

Shumë i lumtur me thyerjen e këtij rekordi u shpreh vetë protagonisti, Agim Agushi tha se kishte pak vështirësi në fillim të sfidës, deri në zhveshjen e katër fanellave të para.

“Rekordi ka qenë 23 fanella duke i zhveshur me top në kokë që këtë rekord e mbante një sportist nga Amerika, Abraham Munoz me 22 fanella të zhveshura të arritur në vitin 2018. Unë sot arrita, vështirësitë zakonisht janë në 3-4 fanellat e para sepse lirohet pastaj trupi. Sa më pak që janë fanellat, zhoglimi i topit është më i lehtë”, tha Agushi.

Për t’u njohur zyrtarisht thyerja e këtij rekordi, Agushi duhet të presë konfirmim nga selia e librit të Guinnesit, por ai është i bindur se kjo do të ndodh për shkak se ka respektuar të gjitha rregullat e kërkuara.

“Po, gjithsesi sepse Ramadan Qarkaj është person i autorizuar zyrtar i cili ka komunikim me Guinnesin. Rregullat i ka marrë prej Guinnesit, gjithçka ka shkuar në rregull për shkak të kritereve… Rekordi do të certifikohet, por nëse paguhet një shumë prej 800 eurove, brenda tre ditësh certifikohet rekordi, nëse nuk paguhet ky këst në selinë e librit të Guinnesit, atëherë prej 6 deri në 12 javë merr certifikimi i këtij rekordi”, theksoi Agushi.

Në fund, Agushi u shpreh shumë i bindur se gjatë vitit 2023 do të thyejë edhe shumë rekorde të tjera.

Sport

Inter fillon spastrimin e skuadrës për edicionin e ardhshëm

Publikuar

nga

Kampionati tanimë ka përfunduar për Interin pesë javë para fundit të sezonit në Serie A. Përveç festës, drejtuesit e klubit zikaltër kanë filluar të mendojnë për sezonin e ardhshëm.

Deri tash, skuadra e Simone Inzaghit ka konfirmuar afrimin e sulmuesit, Mehdi Taremi dhe mesfushorit Piotr Zielinski, të cilët vijnë me parametra zero.

Ndërkaq sipas raportimeve të mediave italiane, bëhet e ditur se përveç afrimeve, Interi ka në listë disa futbollistë të cilët duket se do të largohen në fund të sezonit nga kampioni i Serie A.

Bëhet fjalë për Alexis Sanchez, Juan Cuadrado e Stefano Sensi të cilëve ju skadon kontrata në fund të këtij edicioni dhe si duket zikaltërit nuk kanë ndërmend ta vazhdojnë bashkëpunimin me ta.

Me ardhjen e Taremit te Interi, Sanchez nuk do të ketë minutazh të mjaftueshme dhe largimi i tij është i pashmangshëm.

Cuadrado nuk përmbushi pritshmëritë pas lëndimeve të shpeshta, teksa edhe i është komunikuar vendimi për të mos rinovuar kontratën e cila skadon më 31 maj, shtuar faktin që tashmë në skuadër bën pjesë edhe kanadezi Tajon Buchanan.

Në anën tjetër, Sensi nuk bën pjesë në planet e trajnerit, ndaj nuk do të rinovojë. Në të njëjtën rrugë është edhe Davy Klassen, që ka një kontratë 1+1, me Interin që ka në dorë opsionin e rinovimit, por duket se nuk do ta përdorë, duke qenë se futbollisti bindi Inzaghin.

Ndërkohë në dyshim është edhe portieri Audero, i cili ka qenë zgjedhja e dytë gjatë këtij sezoni. E ardhmja e tij varet nga braziliani Bento, të cilin Interi po provon ta sjellë në Milano. Nëse arrihet marrëveshja me Benton, atëherë Audero do të kthehet te Sampdoria, për t’i lënë vendin brazilianit./UBTNews/

Vazhdo të lexosh

Sport

Tetë vjet nga pranimi i Kosovës në UEFA

Publikuar

nga

Tetë vjet më parë, Kosova u bë anëtarja më e re e familjes së futbollit evropian, UEFA, në Kongresin e 40-të të mbajtur në Budapest të Hungarisë duke i dhënë kështu fund izolimit të futbollit kosovar.

Edhe presidenti i Federatës së Futbollit të Kosovës, Agim Ademi përmes një postimi në Facebook ka uruar Kosovën në tetëvjetorin e pranimit në UEFA.

3 maj, 2016 është data që ka hyrë në analet e historisë së Kosovës, e në veçanti futbollit. Si sot, 8 vjet më parë, Kosova u bë anëtarja më e re e familjes së futbollit evropian, UEFA, në Kongresin e 40-të të mbajtur në kryeqytetin e Hungarisë – Budapest.  Ky ishte vendimi që i dha fund izolimit tonë të padrejtë prej dy dekadash e gjysmë. Kalimi i kësaj sfide nuk ishte i lehtë, mirëpo mes emocioneve përplot tension e ankth gjatë punimeve të këtij kongresi, në fund fitoi e drejta – fitoi Kosova.Nga aty filloi një epokë e re për Federatën e Futbollit të Kosovës. Që nga ajo ditë, zhvillimi e sukseset kanë shënuar rritje të vazhdueshme”, ka thënë i pari i Federatës.

Poashtu Ademi shtoi duke thënë se klubet e futbollit të Kosovës kanë dëshmuar vlerat e tyre në arenën ndërkombëtare, duke na bërë krenarë me përfaqësimin dinjitoz.

Klubet tona kanë demonstruar vlerat e tyre në arenën ndërkombëtare, duke na bërë krenarë me përfaqësimin dinjitoz. Niveli i ligës është rritur dukshëm dhe jemi ndër kampionatet më të vlerësuara në rajonin tonë. Ekipet kombëtare janë konsoliduar, kanë bërë përparime të dukshme dhe janë në ndjekje të ëndrrës së madhe kualifikimit në finalet e kompeticioneve madhore”, shtoi ai./UBTNews/

Vazhdo të lexosh

Sport

Futbollisti i Benfica-s kërcënohet me vdekje nga trafikantët e drogës

Publikuar

nga

Familja e Angel Di Marias, ka marrë kërcënime me vdekje pasi që argjentinasi e pranoi se do të dëshironte ta përfundonte karrierën e tij te Rosario Central, klubi që ai bëri debutimin e tij në vitin 2005.

Di Maria, momentalisht luan për Benfican, mori kërcënimet në shtëpinë e familjes së tij në Rosario. Mesazhi kërcënues thoshte që ta paralajmërojnë Di Marian se nëse rikthehet në Rosario, një pjesëtar i familjes së tij do të vdes nga trafikantët e drogës.

Mediat lokale raportuan se disa persona në një veturë lanë një shenjë pranë Funes Hills Miraflores, vendi ku zakonisht Di Maria qëndron, duke thënë se as kryetari Maximiliano Pullaro nuk mund të garantojë për sigurinë e tij nëse ai rikthehet në qytet.

Thuaji djalit tënd Angel që mos të rikthehet te Rosario sepse ndryshe ne do t’ia vrasim një familjar. As Pullaro nuk mund të të shpëtojë. Ne nuk hedhim letra. Ne hedhim njerëz të vdekur”, ishte mesazhi i lënë për babanë e Di Marias sipas “Infobae”.

Qyteti i Rosarios kohët e fundit ka përjetuar një rritje të dhunës, për të cilën janë përgjegjës grupet e c si “narko-terroristë”./UBTNews/

Vazhdo të lexosh

Sport

FFK publikon skuadrat e licencuara për garat evropiane

Publikuar

nga

Federata e Futbollit të Kosovës (FFK) ka publikuar shtatë skuadrat që ka licencuar për garat evropiane të UEFA-s.

Komisioni i Shkallës së Parë për Licencimin e klubeve për garat e UEFA-s ka licencuar shtatë nga tetë klubet që e kanë nisur procesin e licencimit.

Klubet e licencuara janë: Ballkani, Drita, Llapi, Malisheva, Prishtina, Gjilani dhe klubi i futbollit i femrave Mitrovica.

Ndërkaq skuadra e vetme e cila nuk është licencuar për garat e UEFA-s për edicionin 2024/25 është KF Dukagjini./UBTNews/

Vazhdo të lexosh

Të kërkuara