Lajmet

​Abdixhiku: Kryeministri ende nuk e kupton që është udhëheqës i shtetit

“Të mos presë mbi 100 ditë për të vënë një ministër të shëndetësisë” ka shkruar Abdixhiku.

Published

3 years ago

on

Kryetari i Lidhjes Demokratike të Kosovës, Lumir Abdixhiku, ka thënë se, kryeministri na flet si analist e si opozitar. Ende nuk e kupton që është udhëheqës i shtetit.

“Nëse do shërbime më të mira spitalore – dhe siguri brenda spitaleve tona – të mos presë mbi 100 ditë për të vënë një ministër të shëndetësisë. Të tretin në më pak se dy vite qeveri”, ka shkruar Abdixhiku në Facebook.

Ai ka vlerësuar se, një sistem i tërë drejtësie është në grevë; mbi 500 lëndë në ditë shtyhen si pasojë e kësaj përplasjeje të panevojshme. Nëse do përgjegjësi, le të merret me ministrin e Brendshëm të tij dhe gjithë zinxhirin komandues, të cilin vetë e ka caktuar ai – nga Drejtori i Policisë e poshtë.

“Kryeministri na flet si analist e si opozitar. Ende nuk e kupton që është udhëheqës i shtetit. Nëse do shërbime më të mira spitalore – dhe siguri brenda spitaleve tona – të mos presë mbi 100 ditë për të vënë një ministër të shëndetësisë. Të tretin në më pak se dy vite qeveri.

Po të donte rend e ligj, nuk do ta linte shtetin pa Kryeprokuror tash e një vit e nuk do t’ia zbriste pagat gjithë sistemit të drejtësisë, për të shkaktuar kaos aty. Një sistem i tërë drejtësie është në greve; mbi 500 lëndë në ditë shtyhen si pasojë e kësaj përplasjeje të panevojshme. Nëse do përgjegjësi, le të merret me ministrin e Brendshëm të tij dhe gjithë zinxhirin komandues, të cilin vetë e ka caktuar ai – nga Drejtori i Policisë e poshtë.

Një grua shtatzënë kishte urdhër mbrojtje. Shteti i udhëhequr nga ai, ka rënë në çdo drejtim. Përgjegjësi kërko Kryeministër! Merr masa, vepro. Për atë punë je aty”, ka shkruar Abdixhiku.

Related Topics:
Continue Reading

Lajmet

​Gjermani: Situata ekonomike e qëndrueshme, por eksportet mbeten të dobëta

Published

2 minutes ago

on

December 16, 2025

By

Situata e ekonomisë gjermane ka mbetur e qëndrueshme pavarësisht situatës së tensionuar, pasi vendi u vu nën presione të jashtme për shkak të kërkesës së dobët, rënies së konkurrueshmërisë dhe bllokimeve të izoluara në produktet e ndërmjetme.

Sipas Ministrisë së Çështjeve Ekonomike dhe Energjisë, deklaruan se ekonomia e vendit kohët e fundit ka parë një stabilizim gradual të udhëhequr nga masat e stimulimit fiskal, dhe megjithëse ekonomia globale mbetet relativisht elastike, treguesit kryesorë për tregtinë e jashtme gjermane nuk tregojnë pothuajse asnjë sinjal pozitiv.

Raporti tregoi se sektori i eksportit të Gjermanisë tregoi njëfarë rimëkëmbjeje, në vend të një rimëkëmbjeje gjithëpërfshirëse në të gjithë ekonominë, shkruan Anadollu Agency.

Ai tha se efektet negative të tarifave të SHBA-së mund të ndihen ende ndjeshëm në fillim të vitit 2026, që do të thotë se pritjet e shitjeve të eksportuesve gjermanë do të preken në muajt e ardhshëm.

Ai shtoi se falimentimet e korporatave në Gjermani mbetën në një nivel të lartë, pasi deklaratat u rritën me 11.7% nga viti në vit në rreth 18,125 në janar-shtator./S.K/KP/

Continue Reading

Lajmet

Parashikimi i motit, temperatura deri në – 6

Published

6 minutes ago

on

December 16, 2025

By

Instituti Hidrometeorologjik i Kosovës ka bërë të ditur se sot do të mbajë mot i vranët dhe me intervale të shkurtra me diell.

Temperaturat minimale thuhet se do të lëvizin deri në – 6, ndërkaq maksimalet deri në 8°C.

“Mot i vranët dhe me intervale me diell. Temperaturat minimale: – 6 deri -3C. Temperaturat maksimale: 5-8°C. Era: nga juglindja me shpejtësi 1-3m/s”, thuhet në njoftimin e IHMK-së./S.K/EO/

Continue Reading

Lajmet

Sekretari gjerman i Mbrojtjes vlerëson lart përkushtimin dhe profesionalizmin e ushtarëve të KFOR-it

Published

15 hours ago

on

December 15, 2025

By

Sekretari i Ministrisë së Mbrojtjes së Gjermanisë, Jan Stoss, e ka realizuar një vizitë në Kosovë ku ka takuar ushtarët gjermanë që veprojnë në kuadër të KFOR-it.

Pas pritjes dhe informacioneve të ofruara nga i Ngarkuari me Punë, Christian Böttcher, ai vizitoi Kampin Film City, ku u prit nga Koloneli Müller, Komandanti i kontingjentit gjerman.

Gjatë vizitë aty, sekretari i Ministrisë gjermane të Mbrojtjes, shprehu mirënjohjen e tij për përkushtimin dhe profesionalizmin e burrave dhe grave që shërbejnë në KFOR, duke theksuar rëndësinë e kontributit të tyre për paqen dhe stabilitetin në rajon.

Ai gjithashtu mori njohuri të vlefshme mbi operacionet e përditshme të trupave dhe sfidat me të cilat ata përballen në terren.

Continue Reading

Lajmet

Andrew Gordon zyrtarizohet te Vëllaznimi

Published

17 hours ago

on

December 15, 2025

By

KB Vëllaznimi ka prezantuar përforcimin më të ri në radhët e saj, ku Andrew Gordon, është rikthyer në basketbollin kosovar, kësaj radhe për të veshur fanellën kuqezi të skuadrës gjakovare.

Gordon është emër i njohur për adhuruesit e basketbollit në Kosovë, falë paraqitjeve të shkëlqyera me Trepçën, me të cilën u aktivizua për dy edicione dhe arriti të fitojë trofe në basketbollin vendor.

Përvoja e tij profesionale është e pasur, pasi përveç Kosovës ka luajtur edhe në Bullgari, Uruguai, si dhe së fundmi në Britaninë e Madhe me skuadrën Caledonia Gladiators.

Në karrierën e tij, Gordon ka qenë pjesë e dy universiteteve të njohura amerikane, West Virginia Mountaineers dhe Louisiana Tech Bulldogs, duke ndërtuar një profil të fortë si lojtar i pozitës së qendrës.

Me ardhjen e Gordonit, Vëllaznimi synon të forcojë repartin e brendshëm dhe të rrisë ambiciet për objektivat e sezonit. Klubi i ka uruar mirëseardhje lojtarit amerikan, me shpresën për suksese dhe trofe të përbashkëta./S.K/EO/

Continue Reading

Të kërkuara