Lajmet

​AAK me propozime për dalje nga kriza energjetike

AAK ka dalë me disa propozime për të përmirësuar gjendjen.

Published

on

Aleanca për Ardhmërinë e Kosovës ka deklaruar se gjendja në sektorin e energjisë është e jashtëzakonshme për çka vlerësojnë se fokusi i politikave të shtetit duhet të jetë në këtë çështje.

AAK ka dalë me disa propozime për të përmirësuar gjendjen duke përmendur investimet në energji me linjit si dhe subvencionimin e energjisë alternative.

Shefi i Grupit Parlamentar të AAK-së, Besnik Tahiri ka thënë se përmirësimi i gjendjes në sektorin e energjisë mund të ndodhë me veprime, sipas tij të guximshme me investime të drejtpërdrejta.

“Përmirësimi i gjendjes në sektorin e energjisë mund të ndodhë vetëm me tri vendime të guximshme, të sakta dhe të drejtpërdrejta në investimet në sektorin e energjisë. E para, dhe ajo më urgjentja lidhet drejtpërdrejt me nisjen e procedurave të shteti të Kosovës në investime në energji me linjit, pra të fillojnë ndërtimet e kapaciteteve të reja, respektivisht ndërtimi i një termocentrali të ri që do të zëvendësojë termocentralet e vjetra që në fakt, përveç që po prodhojnë pak, aq sa e kanë kapacitetin, po ashtu janë kthyer në simbol të ndotjes së ambientit. Është jashtëzakonisht e rëndësishme, duke e parë gjendjen në kontinentin e Evropës, rikthimin e termocentraleve në vende si në Gjermani, Poloni, duhet shteti ynë të reflektojë në këtë temë. Duhet të stimulohet dhe subvencionohet energjia alternative, solare, me erë, dhe hidrocentralet e vogla për të cilat duhet të ketë një analizë të saktë ku nuk dëmtohet natyra”, ka thënë Tahiri.

Ai ka përmendur edhe gazsjellësin amerikan për çka ka thënë se siguron lidhjen e qëndrueshme të Kosovës me rrjetin evropian dhe vendet rajonet që tashmë e kanë bërë këtë lidhje.

“Aleanca për Ardhmërinë e Kosovës nga sot ka nisur edhe procesin e konsultimit publik me ekspertë vendorë dhe ndërkombëtarë, ka nisur procesin e tryezave për të prezantuar vizionin tonë dhe njëkohësisht konsultimin me faktorin ndërkombëtar dhe argumentimin pse Kosova duhet të ketë investime në energji, në pasurinë e vet, në vendin më të pasur me ligjit. Shumë e kuptojnë pasurinë linjitit vetëm si një mundësi që ta venisim ta djegim dhe ta kthejmë në energji, kjo është gabim, ka shumë mënyra se si kjo mund të ndodh dhe këto argumente do t’i bëjmë. Është paradoks i llojit të vet që vendi më i pasur me linjit të mos e shfrytëzojë këtë kapacitet”, ka thënë ai.

Ndërsa deputeti Pal Lekaj ka folur për çështjen e energjisë në veri të vendit për çka ka thënë se kompania Elektrosever ka injoruar shtetin e Kosovës.

“Në pajtim me pikën 8 të udhëzuesit kërkohet një opinion nga BE-ja, gjatë këtyre ditëve kam pasur mjaft pyetje nga gazetarët se a do ta tërheqë licencën Bordi i ZRRE-së sa i përket Elektroseverit, që nuk i ka përmbushur obligimet, nuk ka atë të drejtë, sepse në marrëveshje kërkohet një opinion nga Bashkimi Evropian që deri kur dhe pse ka ngecur dhe ata duhet të japin dritën e gjelbër a mund të tërhiqet sa i përket licencës. Nëse nuk ka veprime, nëse ka injorancë, nëse Elektroseveri ka aplikuar për marrëveshje me KOSTT-in me fusnotë do të thotë ka shkuar aq larg sa që e ka tejkaluar edhe marrëveshjen, por e ka injoruar shtetin e Kosovës. Këtu jemi të ngremë zërin që sa më parë kjo marrëveshje të përfundojë dhe të kemi qasje, edhe KOSTT-i, edhe KEDS-i, edhe KESCO të operojë në veriun e Kosovës”, ka thënë Lekaj.

Lajmet

KESCO: Mungesë e theksuar e prodhimit të energjisë, në rastin më ekstrem e gjithë sasia importohet

Published

on

By

Kompania “KESCO” ka njoftuar se, duke filluar nga nesër dhe në ditët në vijim, pritet një mungesë e theksuar të prodhimit vendor të energjisë elektrike dhe kjo në rastin më ekstrem nënkupton që e gjithë sasia e energjisë elektrike për konsumatorët do të duhet të mbulohet përmes importit.

Pavarësisht sfidave të mëdha logjistike dhe kostos së lartë të energjisë në tregjet ndërkombëtare, KESCO është duke ndërmarrë të gjitha përpjekjet për të siguruar furnizimin e nevojshëm dhe për të garantuar qëndrueshmëri në sistem”, thuhet në komunikatën për media të KESCO-s.

Megjithatë, importimi i një sasie kaq të madhe paraqet vështirësi të konsiderueshme si nga aspekti teknik, ashtu edhe ai financiar. Për të minimizuar ndikimin e kësaj situate, KESCO u bën thirrje të gjithë konsumatorëve që të aplikojnë masa të menjëhershme të kursimit të energjisë elektrike. Çdo kilovat-orë e kursyer ndihmon në ruajtjen e stabilitetit të furnizimit dhe në zvogëlimin e kostos së përgjithshme, që përndryshe do të rëndonte mbi të gjithë ne”, thuhte në këtë njoftim.

Continue Reading

Lajmet

Kryeministri Kurti u takua me ambasadorin Malaj, u diskutua edhe për konstituimin e Kuvendit

Published

on

By

Kryeministri në detyrë i Republikës së Kosovës, Albin Kurti, priti sot në takim Ambasadorin e Shqipërisë në Kosovë, Petrit Malaj.

Gjatë takimit, u diskutua mbi thellimin e bashkëpunimit ndërmjet dy vendeve në fusha të ndryshme, përfshirë ekonominë, infrastrukturën, sigurinë dhe fusha të tjera në kuadër të të cilave tashmë po zbatohen marrëveshjet e nënshkruara ndërmjet Qeverisë së Republikës së Kosovës dhe Qeverisë së Republikës së Shqipërisë.

Të dy palët shprehën përkushtimin për të avancuar marrëdhëniet dypalëshe, duke punuar ngushtë për projekte të përbashkëta që do të sjellin përfitime të drejtpërdrejta për qytetarët e të dy vendeve.

Gjatë këtij takimi u diskutua edhe për zhvillimet e fundit në vend, përfshirë procesin e konstituimit të Kuvendit dhe formimin e institucioneve të legjislaturës së nëntë.

Kryeministri Kurti falënderoi ambasadorin Malaj për angazhimin e tij të vazhdueshëm për shtimin e lidhjeve dhe rritjen e bashkëpunimit ndërmjet Kosovës dhe Shqipërisë’, njoftoi Zyra e kryeministrit.

Continue Reading

Lajmet

​Mbi një mijë fëmijë vrapuan në Prishtinë për Ditën Olimpike

Published

on

By

Mbi një mije fëmije te shkollave fillore të Prishtinës kanë realizuar sot vrapimin olimpik dhe kanë praktikuar disiplina te ndryshme sportive në kuadër të Ditës Olimpike.

Ky aktivitet i organizuar nga Komiteti Olimpik i Kosovës në kuadër të Javës Olimpik, vjen në moton “Le të lëvizim” që ka për qëllim ta tregojë rëndësinë e aktivitetit sportiv në shëndetin e fëmijëve.

Në hapje të DItës Olimpike, Presidenti i Komitetit Olimpik të Kosovës, Ismet Krasniqi, theksoi se lëvizja është shumë e rëndësishme për fëmijët pasi i bënë ata më të shëndetshëm.

“Është dita kur festojmë sportin, dita kur festojmë shëndetin dhe lumturinë tuaj…Ky vit ka qenë mjaftë masovik dhe kemi pasur përkrahje të jashtëzakonshme nga të gjitha komunat e Kosovës, pra nga 26 komuna…Dita olimpike dhe motoja e kësaj dite ‘Let’s move’, apo ‘Të lëvizim’ është shumë e rëndësishme për ju fëmijë të dashur sepse të lëvizim, na bënë të shëndetshëm, të merremi me sport. Besoj që shumica prej jush merreni me sport e disa të tjerë kanë synime që të merren me sport…Komiteti Olimpik do të jetë gjithmonë krahë jush, gjithmonë do ta keni përkrahjen tonë sepse ju jeni e ardhmja e Kosovës”, tha Krasniqi.

Ndërsa, kryetari i Federatës së Atletikës së Kosovës, Halil Sylejmani, deklaroi se përmes këtyre aktiviteteve, Kosova po i tregon botës që e ka prioritet marrjen em sport.

“Falemnderit të gjithë juve që keni ardhur sot bashkarisht që të vrapojmë, të bashkohemi, të tregojmë që jemi të shëndosh, të merremi me sport, e kryesisht me atletikë, sepse atletika është mbretëresha e sporteve…Kemi punuar për një muaj e gjysmë për këtë ditë që ta shënojmë dhe t’i tregojmë Federatës Botërore të Atletikës dhe Komitetit Olimpik Ndërkombëtar që ne kemi fëmijë, vajza dhe djem të cilët sot këtë ditë do ta shënojnë në paqe dhe në liri të gjithë së bashku”, tha Sylejmani.

Përveç Prishtinës, aktivitet të ngjashme janë shënuar gjatë kësaj jave edhe në 26 komuna të Kosovës.

Continue Reading

Lajmet

​Dita e Çlirimit në Istog, “triumf për liri dhe drejtësi”

Published

on

By

Kuvendi Komunal i Istogut me rastin e 26-vjetorit të çlirimit të kësaj komune nga okupatori serb ka mbajt seancë solemne dhe gjatë ditës janë paraparë aktivitete të shumta në këtë qytet. Në këtë seancë u tha se çlirimi i kësaj komune ishte triumf i popullit për liri dhe dinjitet.

Seanca solemne nisi me një minutë heshtje në nderim të të gjithë të rënëve për liri.

Kryetari i Komunës së Istogut, Ilir Ferati teksa uroi të gjithë qytetarët e kësaj komune për këtë ditë, tha se 20 qershor 1999 mbetet pikë me peshë shekullore për lirinë e vendit.

Ferati tha se tashmë për këtë komunë kanë vizion për zhvillim.

“Mbetet pikë referimi e lirisë dhe pikë me peshë shekullore e sakrificës. Ne tashmë kemi vizion të qartë se kemi motiv në piedestalin më të lartë të krenarisë qëndrojnë dëshmorët e rënë për liri…Kuptuan se atë ditë fitoi shpresa mbi frikën, e qëndresa e popullit vlejti, dhe Istogu i lirë kishte nevojën për angazhim e zhvillim e për ta sjell në ditën ku jemi sot. Liria nuk është mungesë e luftës, liria është drejtësi, liria është barazi, liria është arsim, është mundësi dhe thirrje për të dhënë më shumë të mos e privojmë vetën nga ajo që e fituam me plotë mund, sepse sot prej atyre që luftuan me dhe pa uniformë, prej atyre që ranë në derë të shtëpisë e në frontin ushtarak prej të gjallëve që nuk u dorëzuan kurrë ju uroj ditën e çlirimit të Istogut”, tha ai.

Kryesuesi i Kuvendit Komunal të Istogut, Enver Rugova tha se 20 qershori i vitit 1999 shënon fundin e një periudhe të errët dhe të dhimbshme për popullin tonë.

Rugova theksoi se çlirimi i Istogut ishte triumf i vullnetit të popullit për liri e drejtësi.

“Ky është një moment reflektimi, mirënjohje, angazhimi për të ruajtur dhe zhvilluar trashëgiminë e lavdishme që na është lënë nga ata që sakrifikuan gjithçka për lirinë tonë. 20 qershori i vitit 1999 shënon fundin e një periudhe të errët dhe të dhimbshme për popullin tonë, pas shumë vitesh vuajtje dhe persekutimesh Istogu u çliruara, ky çlirim nuk ishte vetëm një ngjarje ushtarake, por një triumf i vullnetit të popullit për liri, dinjitet dhe drejtësi”, tha ai.

Fjalë rasti në këtë seancë solemne për 26-vjetorin e çlirimit të Istogut mbajtën edhe përfaqësuesi i Partisë Demokratike të Kosovës, Lëvizjes Vetëvendosje dhe Aleancës për Ardhmërinë e Kosovës.

Në 26-vjetorin e çlirimit të komunës së Istogut do të bëhen homazhe tek shtatorja e presidentit, Ibrahim Rugova, bëhet përurimi i shtatores së heroit, Selman Kadria, si dhe përurimi i memorialit të dëshmorëve në Vrellë. Më 20 qershor 1999 Istogu u çlirua nga okupatori serb

Continue Reading

Të kërkuara