Lajmet

A mund të jetë lëkura juaj më e prirë për plakje nëse hani natën vonë?

Published

4 years ago

August 26, 2021

Betim Gashi

Të gjithëve ndonjëherë ju pëlqen të hani diçka natën vonë, qofshin patate të skuqura, senduiç apo çokollatë. Megjithëse e dini që ky nuk është opsioni më i shëndetshëm, ndonjëherë nuk mund t’i rezistoni kësaj dëshire, veçanërisht nëse shikoni një film me një vakt të natës vonë. Por përveç faktit që ngrënia natën vonë ndikon shtimin në peshë, ajo është e dëmshme edhe për lëkurën.

Jason Emer, një dermatolog nga Nju Jorku, thotë se shijimi i vakteve natën vonë ose një vakti më të madh jo vetëm që kontribuon në fryrjen e barkut dhe shtim në peshë, por mund të ndikojë në plakjen dhe dëmtimin e lëkurës, madje duke çuar edhe në kancerin e lëkurës.

Vaktet e rënda para gjumit mund të dobësojnë enzimën që mbron lëkurën nga rrezatimi UV i diellit, ka treguar një hulumtim i kryer nga Universiteti i Teksasit Qendra Mjekësore Jugperëndimore. Shkencëtarët zbuluan se zakonet e papërshtatshme të ngrënies prishin orën biologjike të lëkurës së minjve, duke çuar në një dobësim të një enzime të lëkurës që bllokon rrezatimin e dëmshëm ultraviolet.

Ndërsa është e rëndësishme të mbani në mend se këto teste janë bërë te minjtë, jo te njerëzit, ky prapëseprapë bën një argument shumë bindës kundër ngrënies natën vonë.

“Me faktorin UV, është vërtetuar se ngrënia para gjumit (sidomos ëmbëlsirat) mund të rrisë nivelet e sheqerit në gjak dhe të krijojë inflamacion, i cili përkeqëson gjendje të tilla si puçrrat dhe ekzemat”, thotë Emer. Megjithatë, duhet të dini se kur lejoheni të hani në mbrëmje më së voni.

“Varet nga ajo që hani. Sa më i rëndë të jetë vakti, aq më gjatë duhet të prisni para se të shkoni në shtrat. Unë rekomandoj të paktën dy orë, për aq kohë sa i duhet trupit tuaj për të tretur pjesën më të madhe të ushqimit. Ju kurrë nuk duhet të shkoni në shtrat i fryrë dhe i ngopur”, thotë dermatologu Stewart Kaplan.

Megjithëse dermatologët thonë se është përgjithësisht më së miri të përmbaheni nga ushqimet e lehta, Emer paralajmëron se disa ushqime mund të përkeqësojnë efektet anësore të lëkurës, duke përfshirë skuqjen dhe puçrrat. Fajtorët më të këqij për këtë janë produktet e qumështit, çokollata, ushqimet e skuqura dhe gjithçka me një indeks të lartë glicemik, i cili është treguar se rrit prodhimin e vajit brenda natës dhe kontribuon në shfaqjen e puçrrave.

“Të hash ushqime të kripura natën vonë mund të bëjë që trupi ynë të mbajë ujë ndërsa përpiqet të shtypë kripën e shtuar dhe tonin e ekuilibrit në sistemin tonë”, thotë Renée Rouleau, një estetist i njohur në Nju Jork.

Nëse vërtet keni nevojë të hani në mbrëmje, dermatologët thonë se qëndroni tek ushqimet organike dhe të papërpunuara, të tilla si frutat e pasura me antioksidues.

Pavarësisht se kur ose çfarë hani, sigurohuni që të bëni një rutinë të mirë të kujdesit për lëkurën mëngjesin tjetër, trajtoni fytyrën tuaj dhe vendosni një dozë të rëndë të kremit diellor, shkruan Real Simple.

Lajmet

Rama mbërrin në Pallatin e Kongreseve, pas pak shpall qeverinë e re

Published

2 hours ago

September 11, 2025

UBTnews

Mëngjesi i kësaj të enjteje i gjeti të mbledhur 400 anëtarët e Asamblesë Kombëtare Socialiste në Pallatin e Kongreseve.

Kryesocialisti Edi Rama do të shpalosë me detaje programin qeverisës për katër vitet e ardhshme.

Sikurse do të kujdeset të ulë çdo eufori të mundshme nga fitorja e mandatit të katërt më 11 Maj.

Ky do të jetë edhe momenti shumë pritur në shpalljen e skuadrës së tij me të cilën do të qeverisë e me objektivin madhor të anëtarësimit të Shqipërisë në BE deri në 2030.

Megjithëse dy javët e fundit gjerësisht ka hamendësime emrash për kandidatë potencial për poste ministrore, Edi Rama ia ka dalë të ruaj ekskluzivitetin e kabinetit të tij të katërt.

Këtë mëngjes, teksa ka publikuar një foto nga zyra e Kryeministrisë, Rama shkruan “Mirmëngjes, shihemi në orën 11”.

I pari socialistëve ka zhvilluar takime dhe biseda intensive telefonike me atë të cilët ai beson se do të jenë bashkëpunëtorët më të ngushtë në këshillin e ministrave, për të postin e numrit dy të qeverisë dhe se kujt do t’ia besojë drejtimin e parlamentit dhe grupit parlamentar, shkruan Top Channel.

Një ditë më pas të premten deputetët socialist bashkë me ata të opozitës do ti drejtohen parlamentit për tu betuar.

Megjithëse me moshën më të madhe, doktor Sali Berisha nuk do ta drejtojë seancën konstituive, pas një refuzimi.

Një tjetër mjek do ulet në krye parlamentit për pak orë në të drejtuarin seancën dhe betimit. Ai është mjeku Vasil Lajo një prurje e re në grupit parlamentar socialist./D.B/KP

Lajmet

Aktakuzë për spiunazh ndaj një personi që dyshohet se paguhej 700 euro në muaj për informatat që i jepte BIA-s

Published

3 hours ago

September 11, 2025

UBTnews

Prokuroria Speciale e Kosovës ka bërë të ditur se ka ngritur aktakuzë ndaj një personi të dyshuar për spiunazh. Bëhet fjalë për një person me iniciale H.S i cili akuzohet “se nga nëntori i vitit 2009, e deri në momentin e arrestimit më 06.05.25, ka bashkëpunuar me Agjencinë e Inteligjencës dhe Sigurisë së Serbisë e njohur si BIA”.

Sipas aktakuzës, H.S, më 22 nëntor 2015 kishte udhëtuar në Siri, duke ju bashkuar organizatës terroriste “ISIS”.

“Ekziston dyshimi i bazuar mirë se H.S. kishte dërguar informacione tek zyrtarët e BIA-së, në lidhje me numrin e pjesëmarrjes së shqiptarëve në ‘ISIS’, organizimin e tyre dhe në cilat pjesë të Sirisë operonin ata”, thuhet në njoftimin e Prokurorisë Speciale.

Ndërsa, pas kthimit në Kosovë, dhe vuajtjes së burgut për pjesëmarrje në organizata terroriste, i njëjti kishte vazhduar të takohej në Serbi me zyrtarët e BIA-së, më konkretisht me Drejtorin për Luftimin e Terrorizmit I.B, dhe të përcjell informata tjera të rëndësishme, sipas Prokurorisë.

Sipas aktakuzës, si shpërblim për këto informacione, zyrtarët e BIA-së e paguanin H.S deri në 700 euro në muaj.

Prokuroria Speciale i ka propozuar Gjykatës vazhdimin e masës së paraburgimit, dhe pas shqyrtimit gjyqësor, i pandehuri të shpallet fajtor për veprat penale që i vihen në barrë dhe ndaj tij si dhe të shqiptohet dënim konform ligjeve në fuqi./D.B/KP

Lajmet

Begaj përkujton viktimat e sulmeve të 11 shtatorit në SHBA

Published

4 hours ago

September 11, 2025

UBTnews

Presidenti i Shqipërisë, Bajram Begaj ka përkujtuar viktimat e sulmeve të 11 shtatorit 2001 në Shtetet e Bashkuara.

Ai shkroi në Facebook se “Shqipëria riafirmon qëndrimin e saj të vendosur kundër cdo forme terrorizmi dhe dhune”.

“Sot, me dhimbje të thellë, përkujtojmë viktimat e sulmeve terroriste të 11 shtatorit 2001 mbi qytetin e New Yorkut. Shqipëria riafirmon qëndrimin e saj të vendosur kundër çdo forme terrorizmi dhe dhune, kudo në botë, dhe shpreh solidaritetin e saj të plotë me familjet e viktimave, popullin dhe institucionet e Shteteve të Bashkuara”, shkroi Begaj në Facebook.

SHBA-ja përkujton rreth 3 mijë persona që vdiqën në sulmet terroriste të 11 shtatorit. Më 2001 fillimisht një aeroplan i rrëmbyer ishte përplasur mbi kullën veriore të Qendrës Botërore të Tregtisë në Nju Jork, ndërsa 17 minuta më vonë, një aeroplan tjetër pasagjerësh përplaset mbi kullën jugore.

Ekspertët shprehen se 11 shtatori 2001, ndryshoi shumë gjëra në botë. Këto ngjarje u bënë shkak për nisjen e një fushate të gjerë të udhëhequr nga SHBA-të kundër terrorizmit./D.B/KP

Lajmet

Pejë: Arrestohet një person për sulm dhe armëmbajtje pa leje

Published

4 hours ago

September 11, 2025

UBTnews

Policia e Kosovës ka njoftuar se në Pejë, është arrestuar një i dyshuar mashkull kosovar nën akuzën për sulm.

Sipas raportit, i dyshuari në gjendje të dehur ka sulmuar një tjetër person, po ashtu mashkull kosovar. Gjatë kontrollit në shtëpinë e tij, policia ka gjetur dhe sekuestruar një pistoletë, gjashtë fishekë dhe një gëzhojë, ndërsa me vendim të prokurorit, i dyshuari është dërguar në mbajtje.

“Është arrestuar i dyshuari mashkull kosovar per shkak te dyshimit se në gjendje të dehur ka sulmuar viktimën mashkull kosovar. Gjatë kontrollit në shtëpinë e të dyshuarit kanë gjetur dhe sekuestruar një pistoletë, gjashtë fishekë dhe një gëzhojë. Me vendim të prokurorit, i dyshuari është dërguar në mbajtje.” thuhet në njoftim./D.B/UBTNews/Photo credits: KosovoInfo