

Lajmet
65 shtëpi të vërshuara tërësisht në “Lagjen e Boshnjakëve”, dëmi mbi gjysmë milioni euro
Gjendja vlerësohet të jetë alarmante në këtë lagje.
Published
3 years agoon
By
Betim Gashi“Lagjja e boshnjakëve” në veri të Mitrovicës e banuar me popullatë të përzier, është zona më e prekur nga vërshimet në të dyja komunat e këtij qyteti.
Gjendja vlerësohet të jetë alarmante në këtë lagje, ndërsa janë rreth 65 shtëpi të vërshuara tërësisht dhe rreth 100 të tjera pjesërisht.
Shumë banorë nga këtu janë strehuar nëpër hotele në jug të qytetit dhe mbështeten nga komuna e Mitrovicës Jugore. Shumë të tjerë janë sistemuar tek familjarët e tyre gjithandej, ndërsa Kuvendi Komunal i Mitrovicës Veriore po shqyrton mundësinë e mbështetjes së të tjerëve.
Skender Selimi, banor i kësaj lagje, thotë për KosovaPress se uji ka vërshuar shumë shpejt në shtëpinë e tij, duke i zënë në befasi dhe mezi janë shpëtuar anëtarët e familjes. Sipas tij, dëmi i shkaktuar arrin shumën rreth 30 mijë euro
“Uji na ka zënë në befasi, për 10-15 minuta na ka vërshuar. Na u kanë mbushur oborret me ujë deri 1 metër e 20 centimetra. Mezi kemi arritur anëtarët e familjes me i dërgu në katin e tretë. E kam nënën 88 vjeçare të shtrirë. Kemi shkuar lart dhe më s’kemi guxuar me zbrit poshtë sepse u mbush ujë. Të nesërmen kur u qetësua pak, zbritëm dhe pamë se e kishte vërshuar krejt katin e parë… Dëmi material vetëm në shtëpinë time është minimum 15 mijë euro, si dhe tre automjete na u kanë dëmtuar të cilat pa 12 mijë euro nuk rregullohen. Është një Mercedes GL, Passat CC dhe një Volvo. Ato na u kanë bllokuar dhe na kanë mbetur, s’kemi pasur shans me dalë, po ju them për 15 minuta na ka vërshuar uji… Me rëndësi fundja që kanë shpëtuar jetët e njerëzve, dëmi material është boll, lusim institucionet çka kanë mundësi me na ndihmu”, thotë Selimi.
Myrvete Avdiu, poashtu nga kjo lagje, thotë se përveç bashkëshortit dhe fëmijëve të cilët kanë shpëtuar, gjithë çka ka pasur në shtëpi është shkatërruar.
“Brenda gjysmë ore na ka marrë shiu krejt, me kauçë, shporet, krejt i ka marrë. Kanë ardhur zjarrfikësit serbë na kanë marrë dhe na kanë dërguar në atë anë. Kështu që fëmijët dhe burri nuk mu kanë dëmtuar, tjerat krejt. Me pas mundësi dikush me na ndihmu me rregullu shtëpinë… Na kanë vendosur në një hotel në jug prapa shtëpisë së mallrave, sot na kanë sjellë bukë dhe tjetër asgjë”, thotë ajo.
Edhe Bogoljub Mihajlloviq, pronar i një kafeneje të vogël në Lagjen e boshnjakëve në veri të Mitrovicës, bënë të ditur se është pensionist dhe me këtë dyqan ka mbajtur familjen e tij katër anëtarëshe, ndërsa tani i ka humbur të gjitha.
“Për dyzetë minuta gjithçka ka qenë nën ujë… Kam humbur shumë, katër frigoriferë, dy frigo-ngrirës, vitrina, dy shporetë, aparat për saldim… Jemi katër anëtarë të familjes, jam pensionist, vetëm nga kjo kemi jetuar”, thotë Mihajloviq.
Ndërkaq, Avni Peci, duke rrëfyer për dëmtimin e shtëpisë së tij dhe të vëllezërve nga këto vërshime, tha se tani janë detyruar të jetojnë në banesën e motrës së tyre që gjendet në jug të Mitrovicës.
Sipas tij, shtëpitë kanë pësuar dëmtime aq të mëdha sa që tani paraqet rrezik për të qëndruar në to. Ai lavdëron institucionet dhe organizatat e ndryshme, për të cilat tha se kanë reaguar menjëherë për t’u dalë në ndihmë banorëve të këtushëm në këto momente të vështira.
“Jemi tre vëllezër që jetojmë në të njëjtin vend, në tre shtëpi…Jam pesë anëtarë të familjes, vëllai njëjtë pesë anëtarë, dhe vëllai tjetër jeton i vetëm…Dëmtimet janë të mëdha, shembull shtëpia ime ka ‘flejt’, është qarë dhe dëmtuar tërësisht. Nuk e di edhe sa është e rrezikshme kjo, sepse kulmi peshon, dhe në momentin që shtëpia qahet anash atëherë ekziston rreziku me u rrënu krejt… Jemi duke qëndruar në banesën e motrës në jug… Prej institucioneve kemi pasur ndihma si prej organizatave ashtu edhe institucioneve. Jam drejtuar në Shtabin Emergjent në Lagje, Kryqi Kuq presim sot me na u lajmëru për veshmbathje, organizata turke ka sjellë pako ushqimore dhe veshmbathje, pastaj Komuna e Jugut, BIK-u, dhe të tjerat”, thekson Peci.
Në anën tjetër, Nexhat Uglanin, kryesues i Kuvendit Komunal të Mitrovicës Veriore, gjendjen aktuale pas vërshimeve në këtë lagje e ka quajtur alarmante. Ai ka përmendur shifra të shtëpive të dëmtuara tërësisht dhe pjesërisht, duke thënë se janë gjithsej rreth 160 të tilla, ndërsa për vlerën e dëmeve konsideron se tejkalon gjysmë milioni euro.
“Gjendja është alarmante… 65 shtëpi janë të dëmtuara në të cilat uji ka hyrë dhe 93 shtëpi janë dëmtuar pjesërisht, ku uji ka depërtuar nëpër oborre, bodrume etj., ndërsa ne akoma jemi duke punuar dhe vëzhguar situatën në terren… Dua t’i falënderoj organizatat humanitare dhe individuale të cilat e kanë përkrahur Qendrën Emergjente me ndihma konkrete si ushqim e veshmbathje. Kam pasur bisedime edhe me kryetarin e Komunës së Jugut, Bedri Hamza, i cili ka premtuar se do të na mbështesë në këto momente të vështira…Gjysmë milioni sigurisht, ndoshta edhe më shumë… I kemi strehuar disa familje… janë në jug në motel privat, ku komuna (e Jugut) i paguan harxhimet, por janë edhe disa familje të cilat ne do t’i mbështesim financiarisht sepse janë me qira dhe ne si Kuvend Komunal do të vendosim për t’ua paguar qiranë. Janë disa edhe në familjarë të tyre”, thotë Uglani.
Mitrovica është ndër komunat më të prekura si pasojë e vërshimeve.
Rajoni
Vetmia dhe aktiviteti fizik te të rriturit në Kosovë – studim i ri nga ish-studentja dhe dekania e Psikologjisë në UBT
Published
13 minutes agoon
October 6, 2025By
Driton Iseni
Ish-studentja e Psikologjisë në UBT, Kaltrina Rrafshi, së bashku me Prof. Dr. Denis Çelçima, Dekane e Fakultetit të Psikologjisë në UBT, dhe bashkëautore të tjera, kanë publikuar artikullin shkencor me titull: “Analysis of Indicators of Loneliness and Their Relationship with Physical Activity Levels in Kosovo” në revistën prestigjioze KOSALB International Journal of Human Movements Science, e indeksuar ndërkombëtarisht.
Ky studim ka një rëndësi të veçantë pasi trajton fenomenin e vetmisë tek të rriturit në Kosovë, duke analizuar dallimet sipas gjinisë, vendbanimit, statusit martesor dhe stilit të jetesës. Përveç kësaj, studimi hedh dritë mbi lidhjen mes nivelit të aktivitetit fizik dhe përjetimit të vetmisë, duke theksuar ndikimin që aktiviteti fizik mund të ketë në mirëqenien psikologjike dhe sociale të individëve.
Autorët kanë arritur të ndërthurin në mënyrë shkencore perspektivën psikologjike dhe atë të shëndetit publik, duke krijuar një pasqyrë të qartë mbi faktorët që lidhen me ndjenjën e izolimit dhe mënyrat e mundshme të parandalimit të saj. Ky punim përbën një kontribut të rëndësishëm për literaturën shkencore në Kosovë dhe njëkohësisht forcon pozitën e UBT-së si institucion lider në kërkime shkencore me ndikim praktik dhe shoqëror.
Publikimi i këtij artikulli është dëshmi e angazhimit të UBT-së në promovimin e kërkimit shkencor cilësor, duke inkurajuar studentët dhe stafin akademik të kontribuojnë në zhvillimin e dijes dhe zgjidhjen e sfidave që prekin shoqërinë tonë.
Artikullin e plotë mund ta lexoni në linkun zyrtar të revistës: Publikimi
Lajmet
Çmimi Nobel për Mjekësi shkon për Brunkow, Ramsdell dhe Sakaguchi
Published
33 minutes agoon
October 6, 2025By
UBTnews
Çmimi Nobel në Mjekësi për vitin 2025 i është dhënë Mary E. Brunkow, Fred Ramsdell dhe Shimon Sakaguchi për zbulimin e tyre të mekanizmit me anë të të cilit sistemi imunitar i përgjigjet infeksioneve.
Amerikanët Mary E. Brunkow dhe Fred Ramsdell, si dhe japonezi Shimon Sakaguchi, u vlerësuan në veçanti për zbulimin e mekanizmave që rregullojnë tolerancën imunitare periferike, procesin që parandalon dëmtimin e trupit nga sistemi imunitar.
Kështu, ata hapën rrugën për të kuptuar dhe luftuar të ashtuquajturat sëmundje autoimune, në të cilat sistemi imunitar sulmon trupin e vet.
Kontributi i tyre më i madh ishte identifikimi i qelizave T rregullatore, të cilat veprojnë si roje, duke i mbajtur qelizat imune larg, duke i penguar ato të sulmojnë trupin e tyre. “Zbulimet e tyre ishin thelbësore për të kuptuar se si funksionon sistemi imunitar”, tha Presidenti i Komitetit Nonel, Olle Kampe. Zbulimi, shtoi ai, na lejon të kuptojmë “pse jo të gjithë ne zhvillojmë sëmundje të rënda autoimune”.
Java e Çmimit Nobel 2025 fillon sot: emrat e fituesve të Çmimit Nobel në Fizikë priten të martën, më 7 tetor, në orën 11:45 të paradites , dhe fituesit e Çmimit Nobel në Kimi do të shpallen të mërkurën, më 9 tetor, në të njëjtën kohë ./D.B/KP
Rajoni
Mbi 4000 bimë kanabisi asgjësohen në Shkodër
Published
2 hours agoon
October 6, 2025By
UBTnews
Në Qarkun e Shkodrës, Policia e Shtetit, në territoret e gjashtë njësive administrative, gjeti dhe asgjësoi 4291 bimë narkotike të llojit kanabis sativa.
Sipas njoftimit të Policisë, penalisht u proceduan pesë 5 kryetarë fshatrash, për veprën penale “Shpërdorimi i detyrës”.
Derisa ende po vijon puna për identifikimin, kapjen dhe vënien përpara përgjegjësisë penale të autorëve të kultivimit të bimëve narkotike.
Operacioni antikanabis i koduar “Koordinata” vijon në të gjithë territorin e qarkut Shkodër./D:B/EO
Lajmet
Kroacia bllokon një tjetër produkt shqiptar: Pasta e fëstëkëve me toksina të rrezikshme
Published
2 hours agoon
October 6, 2025By
UBTnews
Kroacia ka bllokuar dhe asgjësuar një ngarkesë me pastë fëstëkësh të ardhur nga Shqipëria, pasi zbuluan një nivel të lartë të një toksine të rrezikshme.
Bazuar në njoftimin zyrtar të RASFF, ngarkesa u ndalua në kufi që më 8 shtator, pasi analizat laboratorike konfirmuan tejkalim të ndjeshëm të normave të lejuara të aflatoksinës, sipas standardeve të Bashkimit Evropian.
Për pasojë, e gjithë ngarkesa është asgjësuar, ndërsa shtetet e tjera anëtare të BE-së janë njoftuar për të ndërmarrë masa parandaluese, në rast se produkti është shpërndarë edhe në territoret e tyre.
Ky është rasti i dytë brenda pak javësh që një produkt shqiptar ndalohet në kufijtë e BE-së për shkelje të sigurisë ushqimore, duke ngritur shqetësime serioze mbi efektivitetin e kontrollit cilësor dhe sistemeve të certifikimit në Shqipëri./D.B/EO

Ndërron jetë shkrimtarja e njohur britanike, Dame Jilly Cooper

Vetmia dhe aktiviteti fizik te të rriturit në Kosovë – studim i ri nga ish-studentja dhe dekania e Psikologjisë në UBT

Pija që ju mban të shëndetshëm gjatë stinës së ftohtë

Çmimi Nobel për Mjekësi shkon për Brunkow, Ramsdell dhe Sakaguchi

Ukraina konfirmon sulmet ndaj një uzine eksplozivësh në Rusi

Përplasje e heshtur, Charlize Theron Injoron Johnny Depp në Paris

A mund të përdoret vaj ulliri për skuqje?

Si të aktivizoni rritjen e flokëve me peptide?

Mbi 4000 bimë kanabisi asgjësohen në Shkodër
Të kërkuara
-
Lajmet nga UBT1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni3 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Vendi4 weeks ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën