Kronikë e zezë

​30 vjet burg për të akuzuarin për vrasjen e rëndë në Lipjan

Ngjarja kishte ndodhur në prill të vitit 2009 në Lipjan.

Published

on

Gjykata Themelore në Prishtinë, e ka shpallur fajtor dhe e ka dënuar me 30 vite burgim të akuzuarin G.R, për akuzën se vrau tani të ndjerin N.H, në prill të vitit 2009 në Lipjan.

I akuzuari G.R në bashkëkryerje me personin N.N më 29 prill 2009 në fshatin Llugagji, Komuna e Lipjanit, me dashje e me qëllim privon nga jeta të ndjerin N.H, për shkak të një borxhi në shumë prej 2000 eurosh, të cilit ia kishte huazuar i ndjeri N.H.

Në aktakuzë thuhet se i akuzuari G.R, e kishte telefonuar tani të ndjerin dhe pasi ishin takuar me të, e kishin goditur në mënyrë dinake me mjete të forta në pjesën e pasme të kokës duke i shkaktuar plagë vdekjeprurëse, e kishin lidhur në këmbë dhe duar me tel, ia kishin vendosur një qese najloni në kokë, e kishin mbështjellë me batanije, pastaj e kishin vendosur në bagazhin e veturës dhe trupin e viktimës e kishin dërguar në një arë në mes të Fshatrave Smallushë dhe Dobratin Komuna e Lipjanit. Viktimën e kishin lyer me benzinë dhe djegur.

Kjo konsiderohet si vrasje e rëndë.

“Prishtinë, 12 tetor 2022 – Gjykata Themelore në Prishtinë – Departamenti për Krime të Rënda ka shpallur aktgjykimin kundër të akuzuarit G.R për shkak të veprës penale Vrasje e rëndë nga neni 147 paragrafi 3 lidhur me nenin 23 të KPK-së. I akuzuari G.R është shpallur fajtor dhe është dënuar me dënim me burgim në kohëzgjatje prej tridhjetë (30) vite, për shkak të veprës penale Vrasje e Rëndë nga neni 147 paragrafi 3 lidhur me nenin 23 të KPK-së, në të cilin dënim do ti llogaritet koha e kaluar nën masën e paraburgimit prej datës 30.04.2009 deri në plotfuqishmërinë e këtij aktgjykimi, të akuzuarit i vazhdohet masa e paraburgimit deri në plotfuqishmëri të këtij aktgjykimi, por jo më shumë se dënimi i shqiptuar. I akuzuari G.R në bashkëkryerje me personin N.N më datë 29.04.2009 në orët e pasdites, në fshatin Llugagji Komuna e Lipjanit, me dashje e me qëllim të privimit nga jeta tani të ndjerin N.H, për shkak të një borxhi në shumë prej 2000 (dymijë euro) të cilën ja kishte huazuar i ndjeri N.H, i akuzuari G.R, e kishte telefonuar tani të ndjerin dhe pasi ishin takuar me të, e kishin goditur në mënyrë dinake me mjete të forta në pjesën e pasme të kokës duke i shkaktuar plagë vdekjeprurëse, e kishin lidhur në këmbë dhe duar me tel, ja kishin vendosur një qese najloni në kokë, e kishin mbështjellë me batanije, pastaj e kishin vendosur në bagazhin e veturës dhe trupin e viktimës e kishin dërguar në një arë në mes të Fshatrave Smallushë dhe Dobratin Komuna e Lipjanit, të cilin e kishin lyer me benzinë dhe djegur, me këtë i akuzuari G.R ka kryer veprën penale Vrasje e rëndë nga neni 147 paragrafi 3 lidhur me nenin 23 të KPK-së . Kundër këtij aktgjykimi, palët kanë të drejtë ankese në Gjykatën e Apelit të Kosovës, përmes Gjykatës Themelore në Prishtinë”, thuhet në njoftimin e gjykatës në Prishtinë.

Kronikë e zezë

Dy raste të posedimit të substancave narkotike, një në Dubravë e një në Gjakovë

Published

on

By

Dy raste  të posedimit të substancave narkotike janë raportuar në Kosovë gjatë 22 dhe 23 prillit, bëjnë të ditur autoritetet.

Rasti i parë është regjistruar në Qendra Korrektuese Dubravë, ku më 22 prill rreth orës 14:00 është gjetur një sasi e dyshuar narkotike prej rreth 7 gramësh, e llojit marihuanë. Rasti është në hetim nga njësitë përkatëse.

Ndërkohë, rasti i dytë ka ndodhur në Gjakovë, në rrugën “Behije Gashi”, më 23 prill rreth orës 18:35. Gjatë kontrollit në trupin e një të dyshuari mashkull kosovar, policia ka gjetur dhe konfiskuar 0.35 gram substancë të dyshuar narkotike të llojit kokainë.

Pas intervistimit, me vendim të prokurorit, i dyshuari në Gjakovë është liruar në procedurë të rregullt.

Autoritetet po vazhdojnë hetimet për të dy rastet.

Continue Reading

Kronikë e zezë

Zbulohen mallra të padeklaruara në Han të Elezit

Published

on

By

Një rast i kontrabandimit me mallra është evidentuar në Hani i Elezit, në Pikën e Kalimit Kufitar.

Sipas njoftimit, më 23 prill rreth orës 10:00, gjatë kontrollit të një autobusi të përzgjedhur për inspektim, janë zbuluar mallra të padeklaruara.

Lidhur me rastin, njësitë policore në bashkëpunim me Doganën e Kosovës kanë ndërmarrë veprimet e nevojshme procedurale, në përputhje me legjislacionin në fuqi.

Rasti është duke u trajtuar nga autoritetet kompetente.

Continue Reading

Kronikë e zezë

Gjashtë raste të dhunës në familje brenda një dite në Kosovë 

Published

on

By

Gjatë 24 orëve të fundit, Policia e Kosovës ka raportuar disa raste të dhunës dhe kanosjes, ku disa persona janë dërguar në mbajtje.

Në Podujevë, rreth orës 11:55, është arrestuar një i dyshuar mashkull kosovar nën dyshimin se ka kanosur një viktimë mashkullore. Me vendim të prokurorit, ai është dërguar në mbajtje.

Ndërkohë, në Fushë Kosovë janë shënuar dy raste. Në njërin rast, një i dyshuar është arrestuar për dhunë ndaj një viktime femër, e cila ka pësuar lëndime trupore dhe ka marrë trajtim mjekësor. Në rastin tjetër, një i dyshuar është arrestuar pasi dyshohet se ka ofenduar, kanosur dhe sulmuar fizikisht një viktimë femër, duke i shkaktuar lëndime. Viktima është trajtuar dhe dërguar në strehimore, ndërsa i dyshuari, pas intervistimit, është liruar në procedurë të rregullt.

Në Pejë, rreth orës 09:00, një i dyshuar është arrestuar për sulm fizik ndaj një mashkulli. Pas intervistimit të palëve, me vendim të prokurorit, ai është liruar në procedurë të rregullt.

Një tjetër rast është raportuar në Rahovec, rreth orës 20:30, ku një i dyshuar në gjendje të dehur dyshohet se ka ushtruar dhunë fizike dhe ofendime ndaj një viktime femër. Policia ka bastisur shtëpinë e tij, por nuk ka gjetur asgjë të dyshuar. Me vendim të prokurorit, i dyshuari është dërguar në mbajtje.

Po ashtu, në Mitrovicë, rreth orës 22:49, një i dyshuar në gjendje të dehur është arrestuar pasi dyshohet se ka dëmtuar gjësende në shtëpi pas një mosmarrëveshjeje me një viktimë femër. Viktima ka refuzuar strehimin dhe masat mbrojtëse, ndërsa i dyshuari është dërguar në mbajtje me urdhër të prokurorit.

Autoritetet po vazhdojnë hetimet lidhur me këto raste.

Continue Reading

Lajmet

Punëtori humb jetën në vendin e punës në Gjakovë

Published

on

By

Një punëtor ka humbur jetën gjatë orarit të punës sot në Gjakovë.

Sipas njoftimit të Policisë, viktima dyshohet se ka rënë nga një objekt i lartë teksa ishte duke punuar në rrugën “Pjetër Bogdani” në këtë komunë.

Në vendin e ngjarjes kanë intervenuar menjëherë njësitë përkatëse policore si dhe ekipi emergjent mjekësor, të cilët kanë konstatuar vdekjen e punëtorit.

Zëdhënësja e Policisë për rajonin, Vlera Krasniqi, ka bërë të ditur se lidhur me rastin një person është duke u intervistuar në cilësinë e të dyshuarit, ndërsa hetimet po vazhdojnë për të sqaruar rrethanat e ngjarjes.

Në vendin e ngjarjes ka dalë edhe prokurori i shtetit.

Raporton Koha.net.

Continue Reading

Të kërkuara